南島

營業中

休息中

古有紅豆壽司，現有米線喇沙話說今日去呢度食個晚飯，咁就order咗個喇沙嚟食，佢一嚟到嘅時候我見到佢係米線，我係接近討厭呢個食材，但我又點會諗到一個喇沙裏面，會係得米線出現，並唔係油麵或者米粉！跟住我就問個侍應，因為我唔食米線，餐牌又冇寫個喇沙係米線，我可唔可以退咗佢，佢個回覆，令我覺得我係一個未食過喇沙嘅人😑😑😑侍應嘅回覆：正統喇沙裏面喺米線嚟㗎喎，如果你唔食米線要出聲，我哋會幫你轉其他麵我直程感覺到係一個食神，同緊一個凡人講緊嘢咁🫠（佢爭在未叫我咬咗煙頭，企喺側邊，講好好味，講到滿意為止）係香港呢個社會，小市民係冇乜伸張正義嘅權利，最尾都係俾啲強權欺壓，嘢冇得你食，錢要照俾😥😥員工對自己嘅自信心非常龐大，佢哋唔會錯，錯嘅只會係客人你自己無知⋯⋯

午市12前入座 只係兩個人店員安排入座窗邊四人卡位作為香港人覺得勁震驚以為間餐廳無乜人食所以要擺曬啲客近窗邊🤣🤣🤣其實晏多少少十二點半都坐爆全場唔知點解店員會比我地坐窗邊咁好間餐廳好應聲 又好多家長接完幼稚園小朋友過嚟食成餐飯都幾嘈下 有小小辛苦😿野食方面炒金邊粉非常麻麻雖然份量好足 味道真係搞唔掂非常淡味 只係得茄汁嘅酸甜 啲配菜亦少 唔推薦另一個午餐老鼠粉超好食惹味 香口 又熱辣辣超級開口 食東南亞食物就係想食呢啲味推薦大家可以試下！野飲叫咗即磨咖啡冷熱各一杯係普通餐廳水準以上！ 不過凍飲個杯正常甜度超甜叫佢少甜會仲好啲👍🏻

約左朋友過嚟西灣河搵食，本身諗住去太安樓，因為久仰大名，但行左一個圈之後我接受唔到呢度嘅環境，太熱了。。。。。決定去附近搵野食。。。南島離遠已經見到個大招牌，加上食物吸引，價錢又相宜，環境仲要坐得好舒服，一於就食佢啦🤤午餐勁多選擇，真係揀唔落手，樣樣都好想試下。海南雞喇沙米線海南雞份量勁多！真係同幅相賣相係一樣㗎。啲雞真係大讚！食入口一啲都唔柴，好滑，雞皮唔油，個醬汁啲薑蓉好好食，加埋個辣汁，食到停唔到口㗎。。喇沙湯勁香濃椰漿味，就咁飲都覺得正！入面仲有芽菜，魚片，豆卜添，啲米線索哂啲湯汁，唔覺意就食哂成碗㗎啦。香茅豬扒撈板麵其實板麵我覺得類似伊麵咁，但食入口好煙un好特別嘅口感，大家可以試下。撈麵配埋蟹柳絲，青瓜絲同粟米。豬扒好大塊！食入口好香夠入味唔係超薄㗎。咖吔多士配溫泉蛋呢個大家嚟到可以試下，餐廳個多士好特別，並不是一般係麵包店買嘅多士。口感有小小實，粗糙，但好香麵包味，入面咖吔煉奶牛油，真係perfect match!!!!!不是一般啲咖吔多士。溫泉蛋滑漏，但其實係咪夾住食呢？我都唔知😆馬來烤酥餅配咖哩一份有4件酥餅，酥脆好味，沾上咖哩汁，正😄啲咖哩汁份量好多，可以食多碗飯🤣

餐廳環境幾靚，座位闊落，坐得舒服，擺盤都幾靚，食物選擇都好多元化，晚餐時間都幾多人食🐟泰式明爐烏頭烏頭處理得好乾淨，無咩鱗片，湯汁酸得黎好惹味，同烏頭好夾，重點係食完並唔口渴，唔錯，輕鬆補P🦐大蝦米紙卷包左多種菜，口感豐富有層次，加埋個芒果汁好搭，清爽開胃，唔錯

同朋友嚟食dinner 叫咗一份海南雞飯同埋肉骨茶 海南雞無骨食落好滑 雞嘅份量都幾多 雞油飯亦都好香 好夠味👍🏻肉骨茶好香送飯唔錯 成碗俾我飲唒 飲完唔覺得頸渴 真材實料

「南島」喺西灣河比較四正嘅星馬菜餐廳，假日晏晝多數都要排隊，而且價錢公道，味道都非常之唔錯。🥢星洲肉骨茶（一字骨）配油飯+油條：試一口肉骨茶，藥材味超濃；蒜頭吸晒所有嘅湯汁，入味又入口即溶，好正；湯料好豐富，排骨、冬菇、腐竹…；油飯有雞油味，配骨茶好正宗、和味👍🏻🥢無骨海南雞喇沙米線：海南雞肉好嫩，有雞味；喇沙湯底花生味好香；配料又多有豐富，很能滿足口福😋🥢香茅豬扒喇沙米線：豬扒好香香茅味，又燒得燶燶哋好惹味😋☕️熱文冬薑茶(左)：薑薑地，幾好飲☕️熱桔仔話梅水(右)：酸酸甜甜好好飲，正👍🏻☕️南洋海南咖啡：正宗嘅海南咖啡應該係似香港嘅鴛鴦，不過呢個唔似，唔可以話唔好飲，不過唔係我想要嘅嘢。

海南雞飯喺呢度嘅招牌菜，啲雞好嫩口，同埋肉質係比較滑㗎。飯係用咗雞油嚟撈飯嘅，但係啲飯一啲都唔會話好油膩，啲飯係會有雞油嘅香味，幾好食㗎，醬汁都有齊三款醬汁，個人覺得左邊嗰個豉油汁甜甜地，係最好味。新加坡肉骨茶，肉骨大約有四舊左右啦，肉骨嗰啲肉會同埋筋嗰啲部位一齊嘅，變咗咬落去會比較爽口啲。飯可以揀雞油撈飯或者係白飯都可以，另外兩條油炸鬼系包埋。呢間餐廳係新裝修嘅，所以個環境都係比較乾淨同埋整潔㗎。餐廳位置，喺西灣河地鐵站行過嚟，大約兩分鐘就到喇。

星期日早上8am已經熱到出汁，做完運動想好好嘆個早餐。路過南島多次都無入去食，今日見人唔多，一於入去食啦。價錢：大眾化，早餐平均$40左右服務：員工全部都友善，有朝氣環境：光線充足，坐近水吧廚房沒有太大油煙食物：完全超出我想像，同一樣早餐在那些打咭cafe，要賣$70-80，但呢度$38/另凍飲加$3，就有呢個視覺享受。味道：沙律菜新鮮。炒蛋唔會太老太熟，口感好滑。咖吔多士香脆。白咖啡濃郁的烘焙味，口感絲滑。

喺西灣河老香港風大街穿梭，被 <南島> 光猛鮮明嘅門面吸引，就決定喺度解決晚餐🤗職員帶我哋坐餐廳底層雅座，餐廳環境好新淨光猛，有圓枱、有卡位，配合自然風嘅裝飾，令人坐得好舒服😙😙 入鋪頭冇耐就隱約聽見廚房通往堂食區小窗傳嚟師傅炒嘢嘅聲，聽都聽得出鑊氣十足，但餐廳嘅空氣質素出奇地管理得非常好，堂食區完全冇油煙味，值得一讚👍🏻 一行二人唔算肚餓，共 order 主食海南雞飯、泰式肉碎生菜包同泰式炸蝦餅(四件)🍽️  海南雞飯($72)海南雞飯賣相好精美🤩 一碟擺放得整齊嘅海南雞、裝得滿滿嘅雞油香飯，仲有醬汁3款😇 非常欣賞海南雞肉質鮮嫩，有肉味兼多肉汁😋😋 配上3 款醬汁，變奏3 種不同滋味💞 配薑油食好清新，配酸甜汁食好惹味，配甜醬油食就齒頰留香❣️ 更令人驚喜嘅係望落實而不華嘅油飯😮 <南島> 個雞油香飯經過秘製，散發獨特嘅米香😍泰式肉碎生菜包 ($68)肉碎生菜包肉碎份量十足🤗🤗 肉碎帶有濃烈泰式風味，配料繁多，好滋味😆😆 食得出大廚嘅心思同功架👨🏻‍🍳🫶🏻泰式炸蝦餅(四件) ($68)蝦餅亦係今餐另一亮點🌟 蝦餅好有內涵，充滿真正蝦肉好飽滿🥰🥰 仲炸到熱

今日約左朋友食飯 想試下新野朋友就揀左呢間「南島」新開既餐廳 見到裝修都幾靚 又企理 又乾淨位置闊落 坐得唔會好迫 啱哂係度傾偈！先黎一個椰香咖央多士配半熟蛋 $38個多士裏面有啲牛油 椰香咖央醬又唔會好甜 感覺又唔會好肥 又好食另，加隻蛋落去又啱啱好感覺如果下午茶食呢個再加杯野飲都夠另 再黎一個 串燒 $68我地叫左牛同雞 加埋D醬好有味 都覺得好好食 香茅豬扒星洲喇沙 $72湯底有少少辣，但又唔會食唔到個隻唔知點解會有上癮既感覺 會想飲左佢豬扒有好多舊好食 唔會好硬 mix埋一齊其實頗正 中意食喇沙可試試 $72好值！龍眼冰 $28唔會好甜 好飲！總括黎講，坐得舒服又好食！物有所值！

係康怡睇完戲之後 沿途一直行過去西灣河 睇吓有啲乜嘢食最後我地揀左南島食晚飯🥰餐廳有兩層 當日上層滿左 我哋就去樓下果層😆好彩只有兩三枱 比上層較為安靜😙食物方面就不過不失啦😯不過份量都算多- 軟殼蟹星洲喇沙個喇沙湯底都算濃郁 聞落去都幾香軟殼蟹方面 仲會幫你分開幾件- 泰式炒金邊粉因為每次食金邊粉都幾多芽菜所以我今次有走到芽菜金邊粉嘅側邊有三種調味料個辣粉撈咗少少都已經幾辣😆- 椰香咖央多上配半熟蛋咖央多士入面舊牛油都幾大嚿反而啲咖央醬就比較少 如果多啲會好啲😆

今晚去左位於西灣河嘅南島食晚餐。餐廳都幾大，地下一層同一樓都係。裝修新派而且好簡潔，我就叫左一個海南雞配油飯，一個小食叫左泰式蓮藕餅，飲品就叫左原個椰青。位置坐得好舒服，大大隻玻璃窗，一路食飯一路望住街景好舍意~海南雞配油飯，連一碗雞湯+3種醬雞湯清而香濃油飯望落色水較暗，但食落有油香又保持到乾爽，唔錯我仲撈埋薑蓉一齊食，食落好香，更有層次。海南雞去哂骨，份量都幾多，肉質都嫰滑，醬嘅份量都好夠。整體質素都幾高！小食 泰式蓮藕餅，蓮藕中間夾左蝦膠，食落好夾蓮藕爽脆，帶少少藕絲。蝦膠就幾彈牙。份量有三大件，每件切半，都幾抵食。外面都比較少見到蓮藕餅，值得一試。飲品就叫左原個椰青，大大個，椰青水好鮮甜，仲比埋隻勺，想食埋果肉都冇難度。南島選擇多，坐得舒服，適合慢慢食個飯~

朋友住附近一直都推介呢間性價比極高嘅東南亞菜-南島，今次終於輪到我試吓😍餐廳環境好闊落同光猛，坐得好舒服😌我哋叫咗三樣嘢食椰香咖央多士配半熟蛋 $38多士表面酥脆得嚟夾埋椰香咖央醬汁同微溶牛油，口感香濃😍夾埋半熟蛋一齊食口感豐富多樣～覺得咁樣食更加昇華左牛油嘅香味！砂煲老鼠粉 $72老鼠粉煮得好入味，配埋煲入邊嘅櫻花蝦、菜圃、肉碎、魚乾，食落口感除咗更加豐富之外又提升咗呢道菜嘅風味😋檳城炒貴刁 $72貴刁炒得有鑊氣，但食落一啲都唔油膩👍🏻中間夾雜着啲芽菜令到口感更加有層次😋份量又多，推介！整體覺得價錢大眾化，嘢食高質，重點係服務態度好又唔收加一😘朋友真係冇介紹錯，抵食推介👍🏻

同媽咪覆完診都已經過左11點， 但見南島仲有早餐食，就入去試下。開左咁耐，我地都係第1次去食，因為要上落樓梯不太方便，地方闊落坐得幾舒服。早餐種類頗多， 有三文治、粉麵及西式早餐等，我同媽咪一人叫左一份西式早餐香煎雞扒配炒滑蛋.直布羅陀腸.丹麥多士 $48香煎豬扒配炒滑蛋.直布羅陀腸.丹麥多士 $48早餐份量十足， 雞扒及豬扒厚度適中，煎得好香口，滑蛋炒得嫩滑，食完飽到唔駛再食lunch/tea。最後加左$3要杯凍飲。

之前睇Youtube介紹西灣河「南島」的星馬泰美食做得出色，趁住放假就過海帶埋媽咪去潮聖一下落地玻璃窗加上東南亞風情裝修，感覺典雅舒適；餐廳分上下兩層，座位充足又寬敞==========🔹無骨海南雞喇沙米線 $72 (精選午餐配飲品)雞皮滑溜，雞肉軟嫩帶淡淡雞香，脂肪比例不高喇沙配料豐富，芽菜、通菜、豆卜、魚片、雞蛋及紫洋蔥等蔬菜新鮮爽嫩，豆卜吸湯後非常滋味米線煮得偏軟腍；喇沙湯底鮮甜味佳，蝦醬及椰漿味道尤其明顯，酸辣比例平衡，層次感豐富，非常出色飲品熱薏米水含大量薏米及一件糖冬瓜，飲落清甜順喉，消暑去濕又解膩推介指數：8.5/10==========🔹星洲肉骨茶 (一字骨) 配白飯/油飯+油條 $72 (精選午餐配飲品)肉骨茶非常足料，4大件一字骨配以一整個蒜頭、冬菇、枝竹及杞子一字排肉質細嫩腍滑而肉香出眾，連豬骨都肉味十足；冬菇爽滑；枝竹入味肉骨茶味道濃郁，飲到較重的當歸及黨參味，味道甚佳，補身一流油飯粒粒分明，調味及油份恰好飲品檳城白咖啡醇厚香滑，奶啡比例平衡，喜歡！推介指數：9.5/10==========🔹甘香XO醬炒通菜 $58通菜翠綠爽嫩，鹹度得宜，配以甘香XO醬令美味感