南小館 (已結業)

這間南小館新開張，就過去幫襯吓， 試下水準如何， 唔試都算，試完就嚇親，以為這一間不是南小館， 蝦餃穿窿，生煎包黑底，炒年糕濕立立只得幾片年糕，三個人食咗四百幾蚊，埋單時已覺口渴，味精上腦，仲唔飽添🤢 真是替小南國集團擔心， 每間小南國或者南小館食物質素這麼不均， 那麼如何可以再擴張業務

康怡南小館開張，身為街坊一定要黎試下。。結果，真係可以用失望2隻字黎形容。。我地點左擔擔麵，尚算正常。。但道水煮龍脷魚，就得個咸字。。招牌小籠包同埋金生煎窩貼既皮就有d厚。。而最最誇張係碟酸辣土豆絲，可以話係食油呀，食到最後，隻碟d油多到好似湯底咁（絕對唔係水，更加唔會係有咩汁）總括而言，真係有待改善。。我就應該唔會再幫襯勒。。不過，值得一讚既係，我同我個fd 坐左唔夠1粒鐘，唔同既侍應已經主動幫我地加左4次茶。。可惜，唔講我以為自己得罪左佢地，笑都唔笑。。做左成日，可能佢地都太攰勒.....P.S 成餐飯大約4舊水左右，小菜and茶錢要收費ga，唔怪之得加茶加得咁落力🤔。。

見新開就去試下啦!茶位9元ㄧ位,但係服務員幫你潻飲的,不是自己在酒楼点的自斟自飲,小籠包皮厚,菜式很鹹,還要加ㄧ呢!服務員都很年輕,服務ㄧ般,价錢也不平,不會再有下次

最愛上海菜，不過自從翔龍執左， 要食上海菜就已經要去跑馬地、銅鑼灣、灣仔， 我地最愛去希慎南小館食上海菜， 竟然係翔龍舊址開返一間上海菜---南小館，咁當然立即去解上海菜之苦啦！內部裝修、擺設同銅鑼灣差不多，不過地方大好多侍應生都是後生仔女，活力無限，非常值得讚：就是一見杯無水/飲左d水， 他們就會立即替食客加水，茶每位 收$9另外，當我問個四方印代表什麼？他們雖然新，不過也很樂意攞著菜單簿周圍找同事問來解答我的疑問菜單簿設計精美，圖文並茂，更有公司推介每枱都有一碟前菜（$15）， 我地最後點左無錫小籠包 （5件）： 肉汁多， 肉味濃，皮薄鮮肉帶子 小籠包 （5件）： 帶子可能蒸得太耐，口感很嚡， 肉汁較少鳳尾蝦卷 （5件）：外脆，不過內部似是有一層薯蓉加洋蔥再加一截蝦尾，口感腍patpat ，一點都唔彈牙蔥油開洋拌麵 ：失望之選， 蔥油味唔濃，麵團黏埋一舊酥炸龍俐魚 ：粉漿太厚，魚肉量很少超下飯回鍋肉 ：真的餸如其名，非常好下飯，椰菜炒得爽脆， 肉片大塊，味道調得剛好， 配鹹肉菜炒飯，簡直停唔到口鹹肉菜炒飯 ：飯粒炒得粒粒分明，菜粒菜葉多，有咬感，鹹肉味道剛好上海炸豬排：剛熟，部份肉

點了招牌雪菜黄魚麵、咸到好像吃海水麵、勉強吃了兩口、終於太咸不能下嚥😥😥😥侍應替我們取消了！另外一味風沙小黄魚、我們感到條魚咸到入魚骨、實在不想再投訴、勉強吃下、連喝兩大杯水！😭😭😭我第一次寫食評、實在這些食物真的太咸、真係怕食壞腎！

新店開業，但舊址也是吃上海菜，客人難免會在食物質素和價錢上跟以往的「翔X」作比較!首先，我是在開業的第二天中午時段光顧，等候時間差不多15分鐘。 坐下馬上落單，點了上海粗炒、炸豬排和手抓餠， 服務生送上茶和一碟花生拼青瓜小食。 未幾，上海粗炒到了，份量少得可憐，還有一個相當巨型的椰菜頭和幼到機乎睇唔見嘅肉絲，最慘係唔夠熱而且仲淡而冇味道!失望! 手抓餅就正常少少，味道似走咗葱嘅葱油餠(當然冇以前葱油餠咁好味)。埋單好彩有張$20現金卷，扣減咗大約$150。 茶位加小食連加一差不多$$$……還是以前嗰間好食好多!

我曾經多次吃過銅鑼灣和葵芳南小館，都被南小館精緻的食物吸引。這間真的太令我失望（中伏）劣評如下：環境：很嘈吵亂糟糟的薺菜炒年糕：像漿糊黏在一起，過火了擔擔麵：如煲爛了的公仔麵，湯底像水溝湯粉鮮肉小籠包：皮厚，餡有嚴重豬騷永不光顧！

對上一次食南小館已經係兩年前既時候趁住係太古康怡到開咗近近到就黎食吓啦以前食南小館我覺得好重味精味今次食我覺得味精味已經好似少咗好多可能改良咗啦 因為我都真係好耐冇食過啦 因為今次我哋6個人食所以叫個食物都多d但因為我唔係樣樣野都有食所以以下我寫既只係寫d我有食到既呢度既小籠包係5隻為一籠既我覺得佢個皮就好似相比起以前就厚就dd不過d湯就冇咁重味精所以呢度就加翻分如果個皮可以薄少少咁個小籠包就prefect 生煎包我覺得水準keep到同樣地湯底都已經冇咁重味重但係我覺得個size相比起以前就細咗唔知係個pan大個咗顯得佢細定係真係細咗因為我搵唔翻以前既相做對比蔥油乾撈拌麵每次我黎南小館都要食呢一個真係好好食因為佢夠哂味我之前係外國都試過整當然同佢相比當然爭10倍啦好值得推薦另外仲要咗個松子魚食咗一半先記得要影lol因為我唔鐘意食魚既但係呢個一食就好有驚喜酸酸甜甜既汁令到個魚好好食同埋冇骨就最好lol整體黎講我覺得佢比以前好食咗既上手個間上海鋪同南小館相比起南小館贏哂所以住係附近鐘意食上海菜既人有福啦

見此店新開將，身為街坊，點都要黎幫襯吓，以示支持，點知原來係伏...😡，下次都唔好咁衝動，睇定d先...😓點了 :招牌生煎包$48四件，個底煎得好脆，個包都好鬆軟，但湯汁同嚿肉都冇乜鮮味。小籠包$48五件，皮較厚，同樣都係湯汁同嚿肉冇乜鮮味，相信係同一堆肉。炸銀絲卷$22一條，跟煉奶，水準正常。黑松露炒河蝦仁$148 水準正常，但crossover後，覺得似西式，還是喜歡清炒，可惜佢呢度冇。頭抽菜心$52，又少又老又有渣又唔熱，頭抽又冇味冇道。阿娘雪菜黃魚麵$68，個湯又咸又辣麵又淋，魚又冇味兼有骨。甜品拼盤 - 有多款可選擇，杏仁奶凍唔錯，芒果奶凍唔得，其他2款糕點類也ok的 !!但不知怎的，這裡的東西，該熱的唔熱，該凍的又唔凍，溫溫吞吞，令人十分不是味兒 !相比抵下，王家沙好食好多了，難怪咁多年在太古仍屹立不倒。埋單扣減$50 coupon 後，仍要接近$500，我就覺得好快在原址會有新食店可以幫襯了 !😁

好難食!價錢又不便宜，嗰個四眼恤衫哥哥係什麼職位，服務態度好差(黑口黑面、問話九唔搭八)本人問：貴公司廚房食物係即叫即製作，嗰個服務員好快回答!貴公司全部食物材料來自中央廚房提供⋯⋯不會再光顧