半島酒店大堂茶座

營業中

休息中

一直覺得半島一定好貴好高不可攀，唔捨得去食。最近發現有生日優惠，當然要去試！$1501,4個人包送蛋糕會係點呢？環境而言大堂好華麗,又有在閣樓演奏的Live band,已經值回一半票價。 全個套餐有湯，沙拉，主菜和甜品。個湯和主菜高無咩特別，選擇了蘑菇湯和牛扒，好普通。沙拉幾清新，塊煙肉很脆！番茄好鮮甜！全餐最好食係甜品，由味道到碟上的設計都令人眼前一亮，值得稱讚！拿破倫又香又脆，再配但冧酒雪糕，正呀！不過雪糕好快溶，影完相要快d食！<<白朱古力咖啡慕絲，摩卡啫喱及朱古力脆餅，白咖啡雪糕>> 好有口感層次的甜品，好特別！ <<檸檬及青蘋果羅勒餅，雲喱拿忌廉及青檸羅勒雪葩>>好清新，酸酸地可以解好飽的感覺！

👰🏼🤵🏼結婚記念日不能放假，要慶祝只有放工後，四圍搜尋食店，要有氣氛又貴氣嘅，突然想起去酒店，腦海中半島是5星級酒店，而且從沒有去過，參看食評，評分都不錯，便早兩星期訂位。不到6:30已到達，服務員帶我們到窗旁邊位置坐下，酒店將我需求做到，安排較靜坐位，加分The Lobby有set dinner供應，見菜單不錯，同老公選了套餐，各點不同主菜，務求不一樣，嘗試不同菜式及令影相豐富D！半島用的餐具是名牌，所以很有氣派，襯托周圍環境，現場樂隊演奏，有禮的服務員，今次真是沒有選擇錯誤！餐廳上菜亦會待你食完一道菜後，才會上下一度菜，一般餐廳較難做到！晚餐內容&個人評分脆煙肉，生菜，蕃茄沙律：B希臘沙律：B浸煮三文魚：B燒牛柳：B白朱古力咖啡慕絲：Bmocha jelly及白朱古力脆餅，白咖啡雪糕：B甜品是最後送來，上面會加上預先準備的朱古力牌及蠟燭，服務員同時亦會送上有關祝福，服務真的很棒今年慶祝結婚週年晚餐很滿意，真是要多謝半島酒店The Lobby

相信有很多香港人和我一樣對半島酒店有種情意結，小時候已經憧憬走進這家歷史悠久充滿古典風的五星級酒店。半島酒店建於1928年，迄今已有89年歷史，可說是尖沙咀其中一個地標。幾位朋友說要一起慶祝生日，想起酒店的大堂茶座有個常設的生日優惠，就提議一起去朝聖吧（原來朋友們也沒去過，一直都想試呢！）因為訂座時指明有Dress code, 我們也特別打扮一下，心想終於有機會穿上Repretto 的涼鞋了六時四十分左右走入酒店大堂，兩旁是茶座的坐位，有幾組客人仍在吃三層式Tea set。在五星級的酒店吃飯，請讓職員幫你拉開座椅雲石餐桌上放置了一枝枝黃色馬蹄蘭、蠟燭、餐墊，天花板牆壁上都是古雅的歐式雕像和圓柱生日優惠是四人入座，一位當月生辰壽星可以免費享用一份套餐。套餐有3個選擇。昏黃的燈光真的很有情調，很喜歡銀器的觸感麵包首先登場，有點失望麵包是冷的，但牛油味道很香，比一般在超市買的好吃。我們都點了煙三文魚凱撒沙律，原因是溫泉蛋會吃得較狼狽啊！沙律菜和紫洋蔥都很鮮甜，麵包片很香脆！再來一個法式洋蔥湯，個人較喜歡羅宋湯和龍蝦湯。但用麵包沾洋蔥湯卻很好吃朋友怕吃不下之後的餐點，只喝了一點點，於是Wait

半島酒店有生日優惠，買4送1, 仲送生日蛋糕，剛好朋友生日而我地又係4個人，就book 黎試下啦打電話book 枱時，個staff 都好禮貌咁問係唔係用呢個生日優惠，蛋糕的生日牌亦都可以寫上朋友名同祝福說話。當日係閒日，人客唔會太多。我地幾個主菜2個食魚，2個食牛扒甜品都係叫唔同款麵包係凍既，hit 住真係咁難咩蘑菇湯味濃好味前菜正正常常啦。主菜正常，不過冇咩驚喜。甜品反而唔錯，唔會太甜而且幾有特式開頭仲驚唔夠飽，點知食完甜品已經食唔落佢個生日蛋糕個cake 係朱古力橙mousse cake, 唔錯幾好。不過食唔曬，打包👍🏼

早前老公生日，想搵間氣氛好D寧靜D既餐廳慢慢享受下。吾想用腦既我醒起早前朋友推介過半島入面有一間餐廳算幾抵食而食物質素又吾錯。大鄉里既我由於吾知係半島酒店入面既邊間餐廳，問左朋友後知道係指呢間。之後先打電話去BK位啦 當晚我地6:30前已到餐廳啦，可能時間早同星期四的關係，餐廳吾多人，環境幾優雅，樓底好高位置都好寬鬆。可惜忘記影相待應帶我地坐低後就點餐啦，睇過set dinner比較抵食，於是揀左兩個set，分別係燒牛柳同煎三文魚，我地每人加$63配餐酒一杯。  有兩款酒比我地試飲，我地揀左隻甜D既紅酒麵面籃  份量算幾多同包仲暖，同埋d牛油好香  沙律--味道正正常常 ，我比較喜歡第二款  燒牛柳 肉質幾嫩有牛味，係細塊左d  三文魚  味道正正常常, 塊魚都好juicy, 一D都吾乾    甜品都吾錯，呢款青蘋果雪芭味道好清新 個樣都幾靚 因覺吾太夠飽，我地額外order多份意粉，味道正常，但價錢就偏貴啦...$2xx...諗番因為係6星酒店所以甘既價錢都正常既 總括來講，環境氣氛同服務算好好，食物質素都吾錯，對於未食過既我地來講都值得一試既。

喺 facebook 見到半島有 birthday promotion買四送一仲送生日蛋糕平均每人四百蚊都唔駛以半島嘅名氣，可以話係好平四個 course 連埋飲品，平過好些西餐廳餐前麵包份量慷慨，但味道唔突出【煎封三文魚薯仔沙律】賣相核突到尤如食 buffet 自己「不」咁【摩洛哥鮮果麥粒沙律】呢碟賣相更差，個 couscous 完全唔好食調味亦太過酸【雞肉清湯意大利蘑菇雲吞】不過不失，清得濟無乜味【香草烤海鱸魚柳】正常味道，唔係嫩滑嗰隻但未至於好嚡嘅【燒牛柳燉薯仔】最好味係呢道㗎喇！牛已經係最基本嘅嘢【焗蕃茄芝士撻】呢個都係 main course 之一份量少到甜品咁，味道又一般個撻完全唔鬆脆，仲衰過 pie & tart【蘭姆酒巴巴蛋糕】rum baba 無酒香，得個濕字mixed berries 勁酸估唔到蛋糕都整到咁！【朱古力慕絲】難得賣相靚些少，但又係口感好濕好怪送嘅生日蛋糕可免費整字牌個樣影相係靚嘅，不過朱古力味過苦又係難食呢度環境同服務都好好，無諗過啲嘢食差得咁緊要成餐飯得碟牛好少少，真係連「ok」都比唔落

我！好！感！動！重新一次，foodieyanyan真的太感動了，終於能到半島酒店吃英式下午茶呢。半島酒店，細細個便聽過的名子，很久便Bookmark要吃的餐廳。今日是慶祝我廿四歳生日的日子，大哥特意帶我來吃半島英式下午茶，真的令我期待萬分。下午茶由二時至六時，不限時間。想不到我三點半到來到，那長長的人龍，那坐虛席的餐桌，那一刻，我感到半島的超x人氣。半島英式下午茶$638/2位三層架的傳統英式下午茶，以鐵架，白碟呈上，高貴優雅，甚有傳統英國貴族氣派。提提大家，下午茶雖不用穿華氣服裝，不需穿燕尾服，不需穿長裙，但都不可太馬虎哦。最底層是英式鬆餠下午茶中最出名的，大慨是半島自家製 英式鬆餠。鬆餠一共四大件，我的小胖胖大哥吃兩個已經飽了。鬆餠是較面包乾一點，較面包紮實一點，軟乾餅軟一點的食物半島鬆餠微暖，紮實且軟熟，乾身但不需飲水進食，輕輕的牛油香慢慢溢岀，果然不錯可配上奶油和果醬，同樣好吃哦。中層是咸食類，包括:青瓜三文治，三文魚面包，鴨肉卷，菠菜撻。青瓜三文治，聽名子覺得略伏，但其實是傳統的英式風味阿。入口清新無比，青瓜軟爽，青瓜雖非我喜愛食物，但清新得令人留下印象。三文魚面包配上三文魚

屋企人生日, 想搵個地方舒舒服服食餐飯, 朋友介紹到半島的The Lobby, 一直以為The Lobby只有Afternoon Tea供應, 原來係全日都有餐飲提供打去訂位時得知有生日優惠, Birthday Rewards Set Dinner(HKD455)買4送1優惠...另外再送蛋糕一個在百年悠久歷史的酒店大堂用餐, 可以欣賞傳統英式建築之餘, 再配合現場弦樂演奏, 呢個價錢實屬化算麵包籃 - 三款餐前麵包, 每款都好食, 服務員有問要唔要加多一份麵包, 不過如果再食多一份就應該會太飽喇! 前菜 - 日式鮮蝦海藻沙律.芝麻汁, 蝦唔算大隻, 但就好新鮮, 彈牙....配上海藻沙律 & 芝麻汁, 感覺好似比較日式, 但唔緊要, 好食最重要湯 - 香蔥蘑菇忌廉湯, 放心...呢個唔係hea湯, 飲得出真係用淡忌廉煮,同時食得出新鮮蘑菇的菌香味主菜 - 三選一 (有魚 or 牛柳 or 糙米飯), 我當然係食牛柳啦! 燒牛柳、燉薯仔、時蔬燒牛柳(Medium), 火候控制得好好, 牛柳幼嫩多汁燉薯仔已經煮至非常入味*好鍾意伴碟的橄欖形的薯仔 & 紅蘿蔔, 好多餐廳都唔會咁樣處理喇!

今日一同6人慶祝生日，生日月份光顧，四人同行一人免費。仲有一個生日蛋糕送同訂製名牌添。晚餐餐牌有四款，每兩星期換一款。因為我地有六個人我地可以試哂今期餐牌上所有菜色🖖🏾🖖🏾🙊前菜有雜莓沙律，同三文魚沙律，餐包有三款，無限任添。意大利雲吞湯，好清但係雲吞唔太好食。主菜有芝士達好特別，芝士達放上不同色的小茄，不錯，但是對於男士應該份量太小了。我最期待嘅甜品，黃梅達一份有兩片，有水準，朱古力mouses 外型吸引但係cherry 有藥水味，我覺得麻麻地。

半島嘅tea好出名就係人都知，今次終於可以一試，我哋提早咗半個鐘去等位已經大排長龍，等左好耐先有得食。我哋一行四人叫咗兩個層架，層架有甜點、包類同鬆餅，而鬆餅有三隻醬配埋，包括檸檬、草莓同奶油。先講層架外型好精美，金色嘅框，配埋上面食物真係色彩繽紛，令人食指大動。因為等左一段時間，大家都食咗最容易飽肚嘅鬆餅先，而鬆餅暖呼呼的，配埋三隻唔同嘅醬可以試到不同嘅配搭，好特別，而包類有三文治法包，甜品係顏色好豐富嘅Macaroon。現場環境好舒服，因為酒店樓底好高，整個感覺好悠閑，係一個relax嘅好地方！

Afternoon Tea At The Peninsula上等人嘅下午茶初體驗~試過了~原來也不外如是罷了~呢set普普通通，分三層嘅下午茶點，有精選三文治、鹹脆酥餅、法式雜餅同英式鬆餅。味道與賣相接近，都係普普通通，不過也不失之作。可取之處係佢承傳了傳統嘅製作特色及味道，鬆餅新鮮製造出爐，仲係暖笠笠，配上輕盈冰涼嘅奶油忌廉一同食用，算係極致嘅味美配搭，另一款所謂嘅有機草莓果醬則不外如是，味道太平凡，沒特別可言，應該都係屬即開即用罐裝果醬罷了。三文治味道還可以，但鄙視那個鹹脆酥餅⋯真係唔識欣賞，味道超奇怪，口感亦不討好，相當敗筆。法式雜餅略嫌太傳統，味道偏甜，容易覺膩，而且相當普通，不值再試。餐飲只提供名茶，就選了甘菊橙花茶，摩洛哥薄荷茶~ 甘菊橙花味道上偏淡，茶色唔錯，但甘菊味超淡，橙味？飲唔出！亦聞唔到。摩洛哥薄荷茶則超強薄荷味，邊飲邊似刷牙⋯極似薄荷牙膏，超影響環境同氣氛。酒店大堂環境及服務的確一流，感覺令人放鬆，但音樂時有時無很奇怪，因為都幾大聲，想當聽唔到都唔得。總括嚟講，特登去試一次便足夠，因為茶點味道真係好普通，但價錢就一啲都唔普通，$7xx兩人用，價錢同味道不成正比，

6年前與6年後的下午茶食品對比，不論賣相、質素、質量都嚴重倒退！三明治比茶餐廳的還沒心思，還單薄！不論鹹點、甜點也細件卻不精緻，款式大同小異！以甜點為例，4款甜點，3款都是慕絲，分別只是橙味、椰子味,還是檸檬味！6年前與6年後都是以同一款餐碟放置食物，相比下更覺現在的點心細得可憐！隊愈排愈長、價繼續加。以$658+10%的二人下午茶，用如此大倒退的質素款待食客，實在令人超級失望！以五星級酒店有這樣的質素，實在無下次！

一直都喜歡半島酒店大堂餐廳既環境，在這𥚃寫意地享受一個早年餐是多麼幸福。今次就試brunch ，雖然不似其他酒店既brunch buffet 多食物選擇。但論質素及服務，就一定半島食質量是比份量好今次我們選擇升級海鮮盤主菜加一個餐牌主菜和牛漢堡。自問食過其他五星級酒店brunch 既海鮮也不及半島這個，蟹肉超爽及鮮舌甘，堅有鮮味。龍蝦也是非常鮮甜其他有black mussels, sea whelk, oyster 都非常鮮味。甜品原本是lemon cheese cake，但我不喜歡cheesecake，酒店為我轉了其他，服務態度好又細心要補充是，homemade 麵包是可以點多士、牛角包及我認為非常好味既香草包。記得下次可以試試

今年選了來到高貴既半島酒店，同朋友一同來慶祝生日......生日月份來，可有4人同行1人免費既生日優惠，仲送生日蛋糕，真的超吸引！餐牌有3款，每2星期會轉一次！晚餐有4個course，有頭盤、湯、主菜及甜品！頭盤選了。''封煎三文魚。薯仔沙律。蟹子。芥末汁''，三文魚不太覺封煎了，反而薯仔沙律幾好味，而芥末汁不會嗆口....而朋友要了''摩洛哥鮮果麥粒沙律。香橙蜜糖汁''，朋友話好多生果，味道不錯！麵包。有三款，農夫包有點硬，其餘2款較軟熟；但全部都是凍的！侍者見我們食晒，問我們要不要麵包，知道我們想要熱麵包，亦幫忙加熱，她解釋：由於麵包是師傅在六點鐘已焗好，所以只有唔熱既麵包.......我相信，如果麵包是熱辣辣，一定超美味！湯。''雞肉清湯。意大利磨菇雲吞''，雖然湯好清，但雞湯味超濃，最重要是超熱，飲得好舒服！我的主菜。''燒牛柳。燉薯仔。時菜''，喜歡吃牛的我，當然第一時間要了牛牛，叫了五成熟，見到樣子已對板，肉質軟腍，又有牛味，真的不錯，而伴碟的蔬菜也美味，yummy！朋友的是''香草烤海鱸魚柳。法國邊豆。甘荀蓉''，鱸魚是外脆內軟，味道較清，朋友反而超喜歡旁邊的邊豆！甜品。

通常遊客都選上址享受High Tea，因家人生日就來試他們推出生日者免費的晚餐（附送Birthday cake）。服務當然誠懇有禮，加上現場伴奏的Jazz，晚上見大部份都是港人和西人，沒有大聲暄鬧，小童你追我逐的情況，在這用餐真是一種享受！本來餐內不包OrangeJuice，也特意幫我們預備Style： 英式優雅Quality： 牛扒超鬆軟／甜品display精緻Other： 生日者一個月內可享用這其間限定優惠，生日者要出示身份証