287
129
27
港鐵尖沙咀/尖東站 E/ L3 出口 繼續閱讀
電話號碼
26966772
開飯介紹
半島酒店大堂茶座被譽為香港最優雅的茶聚地點之一,備受讚賞的半島經典下午茶亦是香港的標誌。 大堂茶座保留經典傳統,每天安排現場弦樂演奏。 自選餐單上提供歐陸及東南亞點心,全日供應。 繼續閱讀
特色
同客食飯
飲o野傾計
附加資料
著裝要求:優雅休閒。敬請避免穿著運動服(包括背心及運動褲)和沙灘服飾(包括人字拖、涼鞋及塑膠鞋)進入餐廳用餐。
營業時間
今日營業
07:00 - 16:30
星期一至日
07:00 - 16:30
付款方式
Visa Master AlipayHK 支付寶 現金 AE 銀聯 JCB 微信支付 Diner
座位數目
210
其他資料
網上訂座
餐廳運作模式 - C類
餐廳運作模式 - D類
Wi-Fi
酒精飲品
自帶酒水 詳細介紹
切餅費 詳細介紹
泊車 詳細介紹
電話訂座
賞訂座積分
加一服務費
Live Music
有關獎賞計劃
食評 (499)
等級4 2022-01-22
45 瀏覽
好味指數😋😋😋😋回頭指數 ⭐️⭐️⭐️⭐️⭐️開心指數🤗🤗🤗🤗半島酒店staycation 本質上有3餐,今次想介紹下 staycation 包嘅The Lobby 早餐!早餐有兩款,分別係早式同西式!早式套餐基本上唔使作出任何選擇,有4款點心,分別係蝦餃、素菜餃、豬肉燒賣、XO 醬蘿蔔糕,一碗冬菇瑤柱雞粥,三絲炒銀針粉,無糖熱豆漿同中式茶(鐵觀音 / 香片 / 綠茶),因為屋企人唔可以飲豆漿同綠茶類,職員都好好咁可以改為鮮果汁同咖啡!成個 set 嘅 presentation 都幾靚,一盤過上!老人家幾鍾意食,好滿意!西式方面,要揀嘅嘢比較多,可以揀果汁(蘋果/甘筍/西柚/橙/菠蘿)或者新鮮生果,果汁係用鮮果即榨,冇加糖嘅。跟住可以揀玉米片、全麥維、果麥或有機麥皮,我揀咗果麥,正常嘢啦之後可以揀煎蛋 / 炒蛋 + 煙肉、雞肉腸、牛肉腸,或者法式多士燴蘋果、雜莓及楓樹糖漿,蛋同腸都係正常嘢,冇乜特別,反而個法式多士幾唔錯,多士夠厚都幾鬆軟,尤其加埋燴蘋果同糖漿一啖入口,真係幾好味,不過燴蘋果嘅份量就唔係好夠啖啖都有!另外有精選麵包,佢個 list 上面寫咗5款,包括牛角包、朱古力丹麥、鬆餅、蘋果丹麥包同提子軟包,麵包嚟到時完全見唔到有朱古力丹麥,因為我哋有3個人食西式,佢分別用咗一個籃上一個人嘅份量(入面有4款包),另一籃係上兩個人嘅份量,不過發現佢唔係放8個,只係得6個,牛角包同蘋果丹麥包只有1個!呢個都幾唔開心嘅,點解兩個人會俾少D?點解咁唔一致🤷‍♀️ 牛角包、鬆餅同蘋果丹麥包係好食嘅,提子軟包就好一般!還我牛角包同蘋果丹麥包呀😭飲品方面,我揀咗至愛嘅伯爵茶,半島嘅伯爵茶真係冇得輸,佢嘅紅茶 / 錫蘭紅茶底好順滑,柑橘味(香檸檬)夠出,呢個茶真係爆分!早餐最晏可以10:30am 落去食,我哋9:30am 左右落到去,可能疫情又再嚴重咗嘅關係,人都唔算好多,只需要開其中一邊就已經夠坐!既然酒店內所有設施都唔開,連泳池唔落水都冇得入去影下相,惟有慢慢食下早餐,舒舒服服嘆下茶傾下偈,enjoy 下個環境(咁就一朝要 check out 啦)!基本上食物質素算係中上,而環境質素係個重點!揀西式嘅法式多士早餐會特別飽,因為係會精製澱粉質爆標嘅 繼續閱讀
(以上食評乃用戶個人意見 , 並不代表OpenRice之觀點。)
等級4 2022-01-07
412 瀏覽
來到2022年,新的一年,特別來到半島酒店大堂<The Lobby>呢度食個lunch, 慶祝一下。先送上法式麵包,種類有好幾款,不過除了黑糖麥包較為鬆軟,其它款式都幾硬,而且冇番熱,可以形容為入口又凍又硬,以星級酒店來講,係有點兒失望嘅…<海南雞飯>朋友叫了海南雞飯,海南雞好軟腍,而且有好多肉,亦已經去骨,水準不錯。<燒西班牙黑毛豬,配薯蓉及菜包>黑毛豬鞍扒非常驚喜,豬鞍的肉質亦好有質素,入口肥瘦均勻,而且仲有好多肉汁,非常juicy,而且仲煎烤得好香,亦帶粉嫰,屬高水準之作。配菜有一個菜包,菜包入面有一些肉碎和香菇,製作非常精緻,而且都非常美味。旁邊嘅洋蔥都煎得好香甜,入口帶有濃濃嘅洋蔥香甜味道。薯蓉的賣相非常可愛,有點兒像巨形版的灌湯小籠包,而且入口非常細滑。咖啡水準正常,未算特別驚喜,不過以星級酒店來講,佢哋用上嘅餐具都非常之美輪美奐,而且帶有古典美的感覺。整體來講,餐廳嘅感覺都係以華麗嘅形式作為賣點,服務亦都係高水準嘅,至於食物方面,就像是正常一般的西餐,未算非常有特色,水準和質素未算太有驚喜,不過還是不錯的,未嘗過的都可以一試。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-12-04
1662 瀏覽
🌹好朋友生日,她想去半島酒店,我選了《半島酒店大堂茶座》食午餐為她慶祝。半島酒店去過兩次,感覺不錯,始終是五星酒店,無論環境、食物、服務有保證,值得再去。🌹星期六,客人不多,座位可以選合心意,雖是大堂,環境格局都甚有氣派,當天陽光普照,自然光滲入餐廳,配上優質服務,美味佳餚,大家都很滿意。午餐有數個可供選擇🥗前菜⭐️⭐️⭐️⭐️⭐️大蝦咯爹汁,茴香,車厘茄,白蘿蔔開胃健康,特色配搭🍴主菜⭐️⭐️⭐️⭐️⭐️香煎鱸魚柳,燴蕃茄甜椒,油封馬玲薯,羽衣金藍脆片 魚香口不腥不鞋,配菜提升食慾⭐️⭐️⭐️⭐️⭐️烤羊架,香草免治羊肉餅,芹菜根蓉,甘荀,羊肉汁羊架熟度剛好,羊餅味道突出,配菜提升味蕾甜品🍮⭐️⭐️⭐️⭐️紅莓撻,雲尼拿輕忌廉,雜莓汁,古仁脆脆酸酸甜甜,飯後甜品合適⭐️⭐️⭐️⭐️⭐️榛子忌廉泡芙,果仁脆脆,榛子雪糕榛子香口,泡芙及雪糕完美咖啡⭐️⭐️⭐️⭐️鮮榨橙汁⭐️⭐️⭐️⭐️叫了一杯檸檬+橙汁,後來發覺酸味太濃,服務員免收費給我更換,值得一讚👍鮮榨石榴汁⭐️⭐️⭐️⭐️個人評分食物味道飲品服務環境衛生抵吃回頭率 繼續閱讀
(以上食評乃用戶個人意見 , 並不代表OpenRice之觀點。)
等級4 2021-11-11
2295 瀏覽
今天把Lobby 的下午茶帶回家享用,兩大盒加上半島的茶包。整體而言,餅食從造型到味道是我吃過味道最好,不論鹹點或甜點,味道十分讚。巴黎泡芙配榛子脆脆這一口泡芙包住軟滑的榛子忌廉,味道香甜,是牛奶榛果風味,當中還有脆口榛子粒,好吃。歌劇院朱古力蛋糕這歌劇院朱古力蛋糕一層一層的,有著濃濃的朱古力味道,是黑朱古力味,口感香滑,朱古力迷大愛!玫瑰鮮紅莓馬卡龍這馬卡龍沒有一般馬卡龍的弊病,完全不會過於甜膩,馬卡龍外脆內軟,夾著酸酸甜甜的玫瑰紅莓醬,味道不錯。檸檬撻、杏仁餅、蛋白脆餅檸檬撻檸檬味十足,口感香滑,酸爽清新,配合上香甜的撻底,好吃。以下鹹點和鬆餅按提示翻熱:傳統青瓜三文治: 這三文治用料簡單,但味道也不錯。微暖的麵包夾著清爽的靑瓜和醬料,份量如手指大小,卻十分滋味。蘑菇洋蔥撻:這蘑菇洋蔥撻哄熱後,撻身酥化,蘑菇洋蔥餡熱呼呼,滿有洋蔥的甜香,加上蘑茹味十足,味道紥實。鴨肝慕絲:這個真好吃!鴨肝慕絲味道甘香豐腴,十分creamy稠厚,加上面層酸香的啫喱解膩,認真滋味!龍蝦凍批:這龍蝦凍批的龍蝦是厚片慕絲,但依舊充滿龍蝦風味,味道不過也不失。鬆餅有四大件,焗過的提子鬆餅外脆內鬆,加上滑滑的clotted cream 和士多啤梨果占,雖然沒有文華酒店的好,但味道可算是我吃過的頭三位,味道相當不錯了。呷一口半島breakfast tea, 口感順滑,充滿茶香,配下午茶的茶點,相當合拍。吃過這下午茶,晚飯都不用吃了,超級飽足。 繼續閱讀
(以上食評乃用戶個人意見 , 並不代表OpenRice之觀點。)
今天是禁晚市堂食前的最後一夜, 碰巧今天放假,馬上相約志同道合朋友下午食個Tea再直落晚餐。哈哈!😄朋友提議晚上到Rosewood的Butterfly Patisserie晚餐,因為之前她在這裏staycation的時候享用過這裏的晚餐,所以大力推薦我必定要試一下。我們大約6:00pm就已經到達,餐廳內仍然有很多客人在品嚐High Tea啊!我們詢問餐廳接待員是否可以Walk in享用晚餐,餐廳接待員說是可以,但是要等到8:00pm左右,若訂枱客人沒有出席就可以讓我們入座 。(OMG!😨6:00pm問,8:00pm先知有沒有位,咁咪即係趕客? 不如直接話冇得Walk in啦,要個客等兩個鐘都唔肯定有位,開玩笑?全尖沙咀冇好嘢食咩?我當然知道事實係酒店會預留座位給酒店住客優先享用!絕對合理!) 講真,我冇話呢間餐廳唔好,但一直冇響我嘅wish list 之內,但我唔排除有一日我有興趣試下既。Wakaka! 哈哈,其實我一早心裡有數,果度冇位就會過來半島酒店大堂的The Lobby (但是我當然首先專重朋友的選擇)。於是我提議不如到半島看看The Lobby有沒有位,到達半島酒店大約6:35pm, 詢問大堂餐廳接待員Walk in 是否有座位? 回覆説若果7:00pm前的訂位客人沒有出席就可以安排我們入座,而且還強調每天都有已訂位的客人沒有出席的,所以基本上7:00pm應該有位,但怕訂位客人遲到,所以我們需要等到7:00pm,這個我們絕對理解也覺得非常合理。其實我想過早一天訂位,只是我懶得打電話,又不肯定在那一間餐廳吃晚餐。我和朋友在酒店大堂沙發坐到約7:00pm,再詢問大堂餐廳接待員,就被馬上安排入座了。👏👍半島大堂地方闊大,The Lobby 分開左右兩邊均可以進餐,我個人比較喜歡在有現場弦樂隊演奏的那一邊進餐,因為弦樂隊的演奏非常悅耳悠揚,還可一邊用餐一邊欣賞氣派豪華的大堂。而且疫情下在此空氣流通的開放式大堂,特別有安全感。半島酒店大堂內高聳的支柱,根據半島官方資料,大堂內每條支柱飾以精心塑造的歐陸式浮雕,天花上佈滿了古代西方神話中天神和天使的雕像,餐桌以法國雲石鋪面,大堂茶座的瓷器是由蒂芙尼為香港半島酒店獨家設計。設計以深藍色和金色邊框搭配白色底,貫徹大堂的整體色調。金色邊框與大堂的地板及天花互相呼應。能在如此華麗優雅之餐廳進餐,真令人大快朵頤!這才是真正的懂得享受人生!因此,半島大堂餐廳一直是我最喜愛的餐廳之一。入座後餐廳服務員遞給我們一張卡片,卡片上有QR code用手機下單,哈哈, 半島的餐牌由傳統餐牌到平板電腦,到現在的QR code,真是與時並進。當然如果客人喜歡選擇傳統餐牌,酒店餐廳也絕對可以提供的。我們選擇的是晚餐套餐,每位$458 / $518 包括餐酒、果汁、汽水或啤酒一杯有頭盤*、主菜*、甜品及咖啡或茶 (* 部份菜式需要加錢)我們選擇了$518 包紅酒一杯~ 麵包籃有四款共六件。頭盤~ 大蝦咯爹汁、茴香、車厘茄、蘿白~ 亞洲豬頸肉沙律、海鮮醬 主菜~ 香煎鱸魚柳、 燴蕃茄甜椒、油封馬鈴薯、羽衣甘藍脆片 甜品~ 紅莓撻、雲呢拿輕忌廉、雜莓汁、杏仁脆脆~ 榛子忌廉泡芙、果仁脆脆、榛子雪糕最後當然是喝我最喜愛的洋甘菊茶(強調不是茶包)作為晚餐的結尾。這道晚餐不論頭盤、主菜或甜品,都精心制作,味道不用説,擺盆更是令人有賞心悅目之感,特別是甜品!餐紅酒份量和質素也屬中上, 而只需加$60就能享受到酒店級的紅酒, 相當超值!一些較為高級的餐廳食一個晚餐都不止這個價錢,半島金卡還有15%off,我朋友吃完這個晚餐讚口不絕,她説特別喜歡這裏的環境,以後要和她多來一些了,哈哈! 希望疫情快點過去,我可以再和她去吃晚餐, 期待。願所有病毒🦠立即遠離地球,疫情消失,讓地球人重過正常生活!🙏 繼續閱讀
(以上食評乃用戶個人意見 , 並不代表OpenRice之觀點。)