半島酒店大堂茶座

營業中

休息中

最喜歡是staycation 的早餐，想打個靚卡，記得7:00就好起身，做最早的一枱去食早餐。飲品又可以叫咖啡又可以叫果汁，飲晒兩樣都得。先來一碟生果拼盤，很refreshing 。包的款式都有很多選擇，而且10分精緻。蛋又有很多選擇， 10分滿足。果醬又可以試晒全部。

之前旅客絡繹不絕時已想試呢間，但成日都大排長龍今就疫情之故，終於有機會一試。 *。 *。 *。 *。 雖然餐廳位於酒店大堂但座位算寬敞，加上樓底夠高，唔算太嘈！個塔看起來得很豐富，有馬克龍、三文治、蛋糕、鬆餅同果凍等，但質素普通，無咩覺得邊樣特別好味。朋友就覺得，英式鬆餅最正，可沾奶油忌廉或草莓果醬食。半島早餐茶👍🏻 - 入口甘香，能中和甜品的膩胃感可能之前網上好評如潮以致期望太大反而食完有種落空嘅感覺。不過餐廳嘅好處係服務好就算食完曬啲嘢仲可以慢慢嘆下茶，傾下偈！

講起半島酒店大家一定以為好高級，其實佢地Lobby 既生日套餐一直都好超值。我差唔多年年都會請唔同朋友食🤣今年終於有朋友同我去食生日飯啦🤣 🥗前菜南瓜湯，黑毛豬凍盤同沙律不過不失。🥘頭盤煎三文魚同烤鱈魚質量好好，魚味鮮甜，煎得岩岩好，推薦✨油封牛面頰肉保持質量，食左好多年都好味，牛面頰肉質鮮嫩。🍮甜品半島酒店甜品一向好受歡迎，每次最期待都係呢個環節😍忌廉芝士慕絲有驚喜，唔太甜而且芝士味香濃又creamy。朱古力撻用上dark chocolate配上海鹽焦糖榛子，味道好出色。🎂生日蛋糕今年酒店送既係檸檬蛋糕🍋，好清新，食完都唔覺得heavy。每位唔使HK$500,可以係酒店食生日飯，無論環境，服務同餐飲都好唔錯，絕對係超值價錢，五星級享受✨半島酒店大堂茶座 (尖沙咀)尖沙咀梳士巴利道22號香港半島酒店大堂

同事好介紹，正日生日到Lounge吃Birthday dinner，有4送1優惠，仲有蛋糕送一籃麵包這個不可以不提，因為個脆豬實在太好吃 還可以添加西班牙黑毛豬凍批、香橙調味料及開心果感覺似食潮州豬腳凍，是一個不錯的冷盤鮮蝦沙律、牛油果醬及鮮脆蔬菜正常沙律一個，冇咩特別驚喜，不過份量其 實都偏少烤焗鱈魚配香草包糠、煙燻茄子🍆泡沫及雜 菌這個shape很少見，上面好似舖左一層青苔 啖啖肉，好好味油封牛面頰肉、忌廉玉米蓉、時令蔬菜牛面頰肉軟諗，但份量就比較少紅絲絨、忌廉芝士慕絲、白朱古力脆脆及乳 酪雪葩最欣賞個雪葩，蛋糕都不太甜朱古力撻、海鹽焦糖榛子配輕盈忌廉及可可 脆片很靚的視覺效果，朱古力🍫味濃，但我嫌太 甜Birthday Cake大家一致認為這個cake是最好吃，吃落有陣 陣的檸檬🍋味，夠清新👩🏻‍🍳以這個價錢吃到這樣的套餐，簡直是性價比高 高。雖然食物不會令我一試難忘，但加埋環境 及服務一定冇得輸

事關媽媽話未high過tea要見識下🤣咁就帶佢黎半島酒店體驗下經典Tea set啦——————————————————🔻Tea Set for 2 $782食Tea = 食環境都係志在有個relax既環境同朋友吹下水食物都係睇佢賣相精緻為主半島酒店亦一樣有現場鋼琴演奏食物正常發揮 最好食就係個scone 微暖鬆化 淡淡牛油香建議配返花茶 香氣撲鼻 又可以解膩❤️——————————————————by C (7/10)

今年生日男朋友預備左生日驚喜俾我，偷偷地帶咗我去尖沙咀嘅半島酒店食晚餐。🌸一入到大堂已經比富麗堂皇嘅裝修吸引🌺現場仲有live band，浪漫高雅氛圍感十足。侍應貼心有禮，上菜及時又幫手影相。食物上到嚟影出嚟都十分高級，配合大堂整體燈光偏暗富情調。🍸🥂原來生日有set dinner menu😍整體而言食物質素，就連水都係貼心嘅熱水。前菜我叫咗凍黑毛豬批，10分香糯易入口，男友叫嘅係南瓜湯。我主菜叫咗烤焗鱈魚，魚肉滑嫩新鮮，10分推薦。甜品我地叫咗朱古力撻，係香濃嘅黑朱古力，鍾意食朱古力㗎你千祈唔好錯過。紅絲絨蛋糕味道都幾特好味😋另外酒店仲送咗個生日蛋糕俾我哋影相之後拎走🍰🍰非常窩心。最後飲品叫咗熱奶茶，係經典嘅英式奶茶，慢慢斟住飲，別有情調💕最後埋單兩個人晚市都係$1000左右，整體體驗很好，推薦給想為另一半慶祝生日嘅你。💗💗💗(ps：酒店方面完全冇檢查過身分證嘅出身日期，官網寫住要生日正日惠顧先會有生日蛋糕送贈）

自從疫情之後，由於個疫情反反覆覆，都好難有機會約班朋友出嚟食飯，特別係夜晚。咁呢一排個疫情叫好啲，咁就少少哋約咗兩個friend出嚟見吓面，講真對上一次見都已經係2019年嘅事！由於大家太耐冇見，咁就想坐得耐啲又坐得舒服啲，所以就決定去咗半島酒店個大堂茶座度食啦！其實半島酒店個大堂茶座都好鬼難book位，我哋為咗要食呢度，都順延左個日子，咁最終大家都出到嚟嘅！當日我6:30去到餐廳，咁其實都仲見到有啲人仲食緊afternoon tea嘅，都冇所謂啦反正啲朋友都未到，侍應都好好，佢俾咗杯暖水我，我就坐咗喺度等我的朋友，大概7:15左右啦，大家就到齊啦！嗰時個live Band都已經開始咗（live band係由7:00-9:00），隊live Band其實係喺閣樓嘅位置，而家都好少有餐廳有live Band 㗎啦，雖然佢就比較嘈啲，都可能會阻到人傾計。咁頭盤方面我就order左個鮮蝦沙律，咁其實個portion都好細，但勝在啲菜好新鮮，啲蝦都好彈牙，佢個牛油果醬超好食！由於個前菜個portion實在太細，咁就唯有食多少少包喇，佢啲麵包都好好食，特別係個牛油，超香！到主菜啦，我就叫咗個鱈魚

心念念咗好耐既半島afternoon tea 終於有機會可以食到啦！😆😆食Afternoon tea 嘅位置就響lobby 附近，佢嘅環境裝修真係好華麗，好古典，再加上現場既奏樂，真係好似置身係維多利亞時代咁！🍹凍檸茶👉🏻杯凍檸茶好飲，佢好有茶香味，不過不失。🍰三層high tea 👉🏻 上層：佢有4款甜品，每款都好味，不過我就最鐘意個朱古力味，好濃朱古力，不過我哋3個人係食唔晒㗎😂中層：有3款三文治加一杯杯嘅鹹點。三文治好味，不過都係普普通通啦😂但係我覺得一杯杯嘅鹹點最好味，好creamy 😋😋下層：到咗我最期待嘅英式鬆餅，好好味，唔會好乾，加埋jam同cream，好好味👍🏻👍🏻

咁出名既半島酒店下午茶，當然想試啦但似乎有啲名過於實唔知係咪員工訓練麻麻地，態度未算差，但有待改善。比起新既瑰麗酒店，兩間都係差唔多價錢，但服務黎講，瑰麗真係做得好好多首先，打去接線生問多唔多人，接線生係女仔嚟，態度麻麻地咁答 但語氣真係麻麻，絕對唔係5星酒店既態度第二，企大堂既登記個位女職員，又係，唔知同接線生係咪同一個人，我唔認得，但有啲似酒樓出面d職員，有啲唔耐煩 （其實你唔想做呢份工，可以試吓去3星d酒店做，岩你多d）第三，叫左兩杯凍飲，一杯比飲管，另一杯無比。都算，問個男侍應攞支飲管，佢無講任何野，好又唔講，無問題又唔講，一句唔好意思又無。我都唔知你聽唔聽到 佢之後去攞飲管，我先知原來你聽到㗎，只係唔比反應姐食物方面唔錯既，但未算好出色。環境還可以，但有少許舊同昏暗，餐具都有d舊。同樣價錢，會揀瑰麗酒店。

2021年6月24日 (星期四) 7:30am 23°C 自半島酒店於 1928 開業以來，高聳的柱子和鍍金的石膏模型一直都是大堂茶座的主要特點。 每晚安排現場弦樂演奏。 我喜歡純銀餐具、茶壺，銀光閃閃，充滿貴族氣派，加上瓷杯、瓷碟均印有彩色花卉圖案，秀麗典雅，散發一種淑女氣質 ❤_❤ 熱英國早餐茶以銀壺盛載，茶味香濃，用過濾網慢慢地濾過茶葉，藝術又寫意。旁邊的一壺熱水，可以無限次加入添飲 ❤❤ 環境光亮整潔，餐具乾淨。 座位需要之前預訂 因為新冠狀肺炎疫情影響，提供口罩信封放置口罩。 人數：2人  ( 酒店早餐費用全免，否則早餐金額是 HK$395 ) 不用等位 【 經 典 半 島 早 餐 】( 新鮮時果 + 粟米片 + 2 隻炒滑蛋 + 配香草牛仔腸 + 牛角包、丹麥包、牛油軟包、鬆餅 + 熱半島精選名茶 )  新鮮時果 - 西瓜和菠蘿甜美，士多啤梨和藍莓少酸，蜜瓜和哈密瓜清甜。【推介之選】❤❤❤ 粟米片 - 味道正常，卜卜脆，只是份量太少了 ~ 2 隻炒滑蛋 + 配香草牛仔腸 - 炒蛋嫩滑，帶有奶味，頂瓜瓜，香腸不硬，亦不會太鹹！【推介之選】❤❤❤ 牛角包、丹麥包、牛油軟包、鬆

今天和即將結婚的朋友來參觀婚宴塲地，順便來半島酒店的大堂來個英式的下午茶。半島酒店的經典下午茶被譽為香港最優雅的茶聚地點之一，大堂茶座仍保留經典傳統，每天安排現場弦樂演奏。剛坐下不久，我們還沒有點東西，侍應已端上兩杯西班牙凍湯，𥚃面有香瓜、番茄珍珠及啫喱，甜甜酸酸的番茄和有一股淡淡香味的香瓜，很有清新感。當然，我們和大部份的客人一樣，點了這𥚃的主角····經典下午茶(Tea Set)：下午茶的食物分了三層擺快。最底層的是『英式烘葡萄乾鬆餅』，鬆餅暖暖的，搽上奶油忌廉和草莓果醬，味道不錯！朋友很喜歡，而我自己則比較喜歡原味鬆餅。如果喜歡吃原味鬆餅的朋友，點餐的時候，記得通知侍應給原味的啊！中間的一層是『餅師精製法式雜餅』包括有朱古力榛子蛋糕，椰子泡芙，班蘭蛋糕及芒果醬。朱古力榛子蛋糕很有朱古力和榛子味味，不太甜蛋糕很軟熟😋。椰子泡芙也很香椰子味。斑蘭蛋糕及芒果醬于我而言相信是最甜的一件了。最頂一層是『精選多款手指三文治』，經典青瓜三文治仍然是我最愛的，有青瓜的爽和清新，夾了軟芝士在其中，味道淸而不膩👍🏻，三文魚籽配三文魚醬不過不失，火腿芝士脆筒吃起來脆筒脆脆的，火腿芝士有丁點兒鹹，鴨肝慕

媽媽生日，多謝酒店暖心之舉 ～～還多送一件朱古力餅 😊熱騰騰的南瓜湯😋配🍟的茄汁 ……大鄉里的我 ……驚喜它以玻璃小瓶盛著英國製無化學成份的 ～～😆香港名牌，名不虛傳服務態度良好！只略嫌熱食涼得太快😅

今天朋友一時興起想去吃下午茶套餐🫖，想起半島應該可以walk in去吃，就去了果然等半小時左右就有座位了🌸餐前的西班牙冷湯估計是用蕃茄、蘆薈、蘋果、青瓜打碎做成，口味清爽餐茶選擇了半島名茶及氣泡茶，名茶茶味香濃，氣泡茶甜而濃厚🌸輪到三層下午茶🥢的試食鹹點尚可但甜品🍮真的完全不能接受Scone鹹水味很重，沒有牛油🧈味味道中下，賣相普通完全難以想像是半島酒店的出品🌸服務很好，Scone可以免費添加，有Plain Scone選擇，但未有向客人詳細介紹下午茶配置🌸環境金碧輝煌，無可挑剔還能看到一樓的現場弦樂拉奏拍照打卡之選🌸人均500

難得一來半島享受下午茶。主要都係嘆下。不過服務次乎並唔係想像中咁好（或要我要求高🤔🤔）一進入大門，先見登記位置並唔係近門口位，眼見有個叔叔服務員疑似嘅帶位，我望下望，問佢係咪果度登記，佢就似係唔係咁答我，於是我就再問佢第二次，證實後就同佢講兩個，佢問：有無訂位。我答佢：無。正當佢同我confirm無booking時，我朋友就話之前有打過話無得訂，然後個叔叔就一句斬釘截鐵咁shop左我朋友：你聽我講埋先。老實講：我唔明，點解客人講野時要截住人講話？到我地繼續聽完佢講野，問佢有無位，佢就話未知住。結果等左一輪，有個帶位姐姐就帶左我地去坐，點知就俾門口第一張枱我地，帶位姐姐同我講得返門口枱，其他無晒位。但我眼見根本入邊係仲有好多吉枱，所以再問另一職員可唔可以轉枱，答案係：可以。果個職員仲話呢度有幾張問我地想坐邊張。咁我心諗之前個帶位姐姐又話得返門口枱？🤔🤔（其實除左個門口叔叔，其他職員都有禮貌）食物方面叫左個兩人set對於食物無要求嘅人無乜評論，不過慢食都好夠飽，淨返四件鬆餅都要打包走。環境：食半島，主要食佢個環境，應該都無異議，樓底高多人傾偈都唔覺嘈。

半島既afternoon tea相信已經出哂名，的確名不虛傳🤩環境富麗堂皇，非常舒適，可以好relax 咁享受下午茶❤️侍應服務態度都好好，會主動幫你添茶。食物方面當然都好出色！佢地既scone 真係超級好味，係好鬆軟而唔乾，係好容易用手分開到一半而唔會碎哂，出面好多scone 都做唔到咁既水準，配上clotted cream同strawberry jam，clotted cream 好creamy 同好香奶味，大讚😍cream 同jam 仲可以refill 的。咸點同甜點都做得非常精緻，味道都唔錯。飲品點左兩款茶，一款叫花香，一款叫異國香料。花香個款加左熱情果，有淡淡花香之餘仲帶點甜甜果香，比異國香料個款易入口，異國香料加入左肉桂、丁香、焦糖、雲尼拿同橙花，飲落好特別，好濃香料味，有種唔似飲緊茶既味道，值得一試！（$748 for 2 +10% Service Charge)