千江雪 (已結業)

見開飯呢間食評唔錯, 而我o地多人, 又想book房, 所以揀佐呢間!! 訂佐6:30, 準時到達, 佢預備佐一間又長又窄o既房比我o地, 根本坐唔落廿幾人, 迫到死!! 仲話我d人數同訂時有出入, 所以安排唔到比我!! 但其實就算我同訂時人數一樣入座, 跟本坐落都迫到好似沙甸魚咁!! service我o地o既應該係其中一個老闆, 佢態度同服務算ok! 但差在食物質素方面真係唔係咁掂, 食放題最著重刺身, 佢係有坊間放題少有o既劍魚腩, 帶子同油甘魚!! 但係我o地咁多人, 份量少, 刀功又唔得!! d刺身又薄又碎濕濕咁! 完全無刺身o既厚度同豐腴, 食唔到佢o既鮮味不得止, 連正常一塊四四正正o既刺身都無!! 我只可以話佢o地孤寒同無品質!! 其餘燒物同炸天掃羅都勉強ok!但款式唔算多!! 拉麵同湯烏冬都有火慶住上枱, 呢個係一讚o既!! 飲品都係每人一罐!! 真係珍貴!! 當然佢未夠鐘已預提早叫你last order!!! 不過食物質素真係好一般, 我都無乜興趣再添加!! 呢間我試一次便算!! 唔會再幫襯!! 我都係去返金田, 有番d質素同坐得舒服好多!!!

屋企人同我食飯訂7-9pm時段，家人7:10入場，我7：30到，侍應話入座起計2小時，電話訂座每人送一隻焗蠔，味道都鮮甜。再黎刺身有帶子，無雪味，幾新鮮。可惜份量太少，每樣都切到細細件，加上等候時間超過20分鐘。最特別有個叫荊軻刺秦王菜式，芝士年糕則咬落好似仲有D粉。火鍋用個鼎載，細細鍋再用火爐煮，都幾特別，D烏冬好彈牙，地獄火鍋最好味，唔太辣。不過配料不多，而且唔似廣告D相，冇分開配料比你自己煮。所有侍應都有禮貌，唯一有個年紀大D既侍應，自己倒瀉野仲要發皮氣。另外，廣告話生日有1同7字可以減10蚊，但冇寫明點用，個侍應話要9pm先用得。食左一個鐘，尼過時候已經last order,我問個侍應，原來45分鐘前已last order,唯有快快再落order。order完後，個侍應連本order單都即時收走，真係第一次見。8點45分提你就黎夠鐘，9點03話有下一輪客人等，唯有立即走人。尼個價錢既放題唔算平，可惜服務同質素一般

很喜歡在 H8 食野，可能是過去幾次在不同的餐廳也食得愉快，不過今次在千江雪中伏了。我是因為看過 openrice 其他食家的推介，一心來食日本火鍋，原來已經沒有提供了，但我們坐下來了所以只好食放題﹗ 由於是次晚餐是我訂來為朋友慶祝生日的，可惜完全失望﹗ 他們的服務倒是好的，只衰在食物的質素。刺身ok不過種類不夠，所有燒的串燒也十分一般，我覺得連最基本的雞翼也失敗了。串燒牛舌第一轉吃的水準好好，但第二轉已經不是簿切而是.. ( 不知點形容，可能是切左d 頭頭尾尾吧) 牛肉粒第一轉吃的水準好好，但第二轉來的時候已經凍了，脂肪"鯨"左....汽水也只限一人一罐，再叫要加$10... 是次我們消費500 多元，即人均$250，我覺得不值得.... 好肯定有更多更好的選擇... 非常失望 

努力寫了100篇食評，第101篇獻給<千江雪>。大半年沒到這日式放題店，無論食物款式、食物質素、上菜速度等，也比以前更優勝。    在現今香港，食店要天天進步，否則不進則退。一坐下，服務員已詳細解釋，放題時間和枱號，並附上醬油、沙律醬和剩骨碟子，比從前更貼心，讚！先來點刺身，刺身類仍然保持身鮮，三文魚、赤身、油甘魚、帶子等刺身都很新鮮和鮮甜，石螺鮮甜又爽。  原來還多了我喜歡的赤背和劍魚腩等刺身，  而且刺身船多了點小擺設，加上冰底下有不同顏色的閃燈，非常吸引，味覺與視覺一同滿足。   壽司類，不得不讚讚師父，飯團仍能保持水準，並沒有方間出現的情況，用筷子一夾即散，心明手握壽司到處是，要達標準就真的買小見小，在放題店，壽司還能保持水準，實在更加小。    蟹籽沙律大大碗，爽口、新鮮，很足料。   清酒煮蜆，份量不大，蜆肉細小。   天婦羅的水準不變，炸粉不厚，炸得香脆，蝦又大隻。   美味的芝士年糕，芝士很香，而且不太油膩，熱騰騰的非常吸引。  串燒類上枱也是熱騰騰，雞串雞肉嫩滑， 雞軟骨很脆口，雞翼很香脆，串燒是一讚的食物!   職員推介冷麵，一少碗份量不多，連碗也是

刺身類，三文魚和油甘魚肥美、北寄貝和螺肉都爽口、帶子略細粒...總括内說，刺身類合格，新鮮之餘無急凍的雪藏味。燒三文魚頭，魚頭燒得香口之餘，皮又脆，魚頭內的啫喱狀仍很juice。炸蠔好味，外脆内juice，愈食愈想食。火鍋用了靚靚的鼎，很吸引，估不到小火也另湯底煲滾。火鍋配料選擇也很多，牛肉、豚肉尚算新鮮，沒雪藏味。 丸類彈牙、爽口；餃子款式多，皮薄涵適中，煮後入口也有小許肉汁流出，值得一試。至於菜的種類繁多，一人份量已很多了。少有日式放題會連火鍋，這店應是唯一的一間吧！

尖沙咀區的放題大部份都品嚐過, 有些質素較好的都會再次光顧。今次選擇了從未幫襯過的千江雪。位於厚福街的千江雪，地方寬敞舒適，但是食物的質素可以用劣來形容。我們二人被安排坐在四人的卡位，然後有駐場財神派＄10現金利是，都幾驚喜。食放題通常都會主要叫刺身同壽司，但係我今次食咗一碟後都唔敢再叫。甜蝦剌身有股怪味，三文魚刺身是暖的。 最OK的是帶子刺身。壽司賣相正常，但味道非常一般。心諗鍋物應該很難出錯，誰知道豚肉雜菜煲不夠熱，雜菜只有一種菜。 天婦羅的質素還可以，起碼是熱和脆的。燒物可以接受，只是燒牛舌的中間有點不熟。雖然食物很令人失望，但友善的服務態度值得一讚。

上星期五同朋友慶祝生日，第一次試到一間咁特別，又有服務嘅放題電梯門一開已經見到有兩個兵馬俑，再望入去完全唔似日式餐廳，因為我地有7個人，侍應就帶我地落一層，因為下層全為房間，而留比我地嘅仲係塌塌米房食物方面款式都幾多，仲有個創作料理尋秦記，侍應好耐心咁講解係乜，雖然有漏單，但係d侍應都好有禮貌咁幫我地追返，又不時問我地仲有冇其他嘢漏，又問我地食物質素同意見刺身：三文魚，油甘魚新鮮馬刀貝爽口石螺鮮甜壽司：我就無試，怕飽咗食唔到其他嘢朋友試過就話ok，d飯唔會一夾就散，又唔會太硬串燒就係我最愛：和牛好juicy牛舌同羊架啱啱好另外要讚嘅就係吉列蠔同芝士年糕其他都算ok，不過不失甜品：雪糕同兩款和果子總結：食物質素ok，環境好又有服務，係我會再去嘅原因

午餐超難食滑蛋豬扒飯半隻蛋都無，豬扒薄過薯片，全部都係粉韓風泡菜完全無味，係水滾白菜！照燒雞扒無照燒汁，得咸味飲品尚算有特色，柑橘蜜荔枝蜜龍眼蜜都唔洗加錢午市絕對不推薦！！

有同事介紹尖沙咀有好食的放題,前兩日已經Book 左位, 所以去到ng洗等, 即刻已經有位坐一坐低已經有人問, 要唔要飲野先, 叫完之後已經急不及待點野食唔洗幾分鐘, 刺身已經到,好好味, 所以都有再叫帶子- 雖然唔係大大粒果種, 但好鮮甜三文魚- 新鮮螺- 好鮮甜八爪魚- 有小小UN墨魚- 好爽, okay海膽-okay赤貝-好鮮甜食緊刺身的時候炸物同串燒已經黎, 而且有人羅漿汁黎炸蠔- 咬開已經有汁流出黎, 好好味, 叫左幾次, 真心好食吉列蝦- 粉唔厚, 岩岩好炸菇, 炸南瓜, 炸蕃薯- Okay, 無油腻感炸芝士年糕 - 外脆內軟串燒牛舌 , 和牛- Okay,幾juicy燒得雞翼 - 無食, 但同事話ng錯雞軟骨 - 唔錯燒魚類 - Okay,唔腥壽司叫既得唔多, 驚飽左食唔到第二D但不過不失唔會話一夾就散小食温泉蛋- 好滑好濃蛋味同事仲叫左個烏冬,我見到都幾多料, 幾full下甜品有啫喱同雪糕總括之前話黎果陣, 上openrice睇過, 見到呢排有唔少劣評, 都有d驚去到要等食等好耐但事實係菜黎得幾有效率, 食物質素果個價位算唔錯,服務亦友善, 所以係值得再黎P.S 呢間店

朋友想食日本野 佢以前黎食過話唔錯 加上佢認識個老板 所以推介左我們黎依度8點坐底 任食時間2個鐘 環境算可以 人客不多 連星期六晚飯時間也不滿客唔知係咪上一台客岩岩走左 枱面上餐枱紙 食具 餐牌 茶水等等一概欠奉 等左一陣冇人主動黎serve我地 搞到要自己出聲叫人黎 最後個waiter好唔順氣咁樣攞左d食具同食物單黎比我地填 但係連筆都冇支! 叫佢攞筆就黑口黑面行開 以為佢攞筆啦 點知佢冇返過黎! 好在我朋友自己有筆...食物填左刺身 壽司 炸物依d基本野 但係我地坐低左成20分鐘 連水都冇杯 我朋友先話依度冇茶既 因為有任飲汽水我當時真係O哂嘴 食日本野竟然冇茶飲?! 係咪迫我飲氣水想我快d飽? 我建議佢地不如連汽水都冇 只係得貴價紅酒/天價茅台 一來可以創新 二來可以賺到盡! 果然...第一樣上黎既真係汽水 其他野等左好耐都冇黎 連我朋友都忍唔住搵老板傾下計 (其實個經理就係老板)大佬呀 已經8點35分 咩食物都冇黎過 真係好想走人 其他客人亦都有嘈但係既然係朋友既推介 唯有俾下面 唔發作 結果又等左一陣 終於黎左一盤刺身 但係份量少得驚人 完全唔跟單上寫既分量三文魚叫20

樓下侍應派傅單, 不斷強調佢地本來係高級日本料理, 剛剛轉做放題, $188/位 加10% , 食火煱加$38/位, 食其他刺身再加唔知几錢, 咁我地冇加其他野, 諗住$188/位加10% 有高級野食, 一心以為有筍野, 點知............一入門口, 地方清潔, 侍應好有禮貌, 落單快手, 唔會扮睇唔到你... 同埋D枱同櫈唔會逼逼夾, 好鬆動, 個場冇噪音., 環境几舒服... 一開始, 梗係食刺身啦, 但一d都唔新鮮, 同埋好細舊, 一塊北寄貝切開三件, 一粒當一件咁上, 帶子係一毫子咁細粒果D, 三文魚唔新鮮, 甜蝦唔係之前D人食評連埋蝦頭果隻, 係冇殼冇頭果種, 我地2個人食左2轉細份量既魚生已經冇食... 炸物, 唯有係蠔几好食, 其他都麻麻串燒唔係好多野揀, 唔夠味, 要自己加鹽, 牛舌好難咬... 燒物 ok 啦, 食左三文魚骨, 同埋 鯖魚天婦羅, 海老OK, 其他炸物個炸粉好厚, 食落有D 硬... 甜品係阿波羅蓮花杯, 四方啫喱仔, 高級食府用呢D做甜品, 我寧願食牛奶公司...... 總括: $188加10% 唔值咁既價錢, 唔會再去嚕!

上到去等位個陣聽到有食客話d野好耐都未黎，以為漏一張半張單，咁我冇理到一入去坐低無熱茶比你飲幾奇怪下，迫唔飲汽水既人簡汽水都算~好在我係飲汽水咁肚餓簡野食先先比一張刺身order紙侍應，之後再將簡好壽司/炸物/串燒等幾款order紙比侍應等左好耐先黎...一黎就係炸物但又無汁比你點~食完炸物等左好耐先出串燒，個時都同朋友講呢間野都幾怪喎，最簡單既刺身同壽司等左成個鐘都未黎！無錯係足足一個鐘！要同侍應投訴佢地先跟進，之後無耐就黎左壽司，但啲一口壽司/加洲卷d飯係硬到好似飯焦咁好難食，其他壽司同出面3蚊件既差唔多質素。係食緊既時候身後既一對白髮夫妻就向侍應反映佢地日式火鍋d生菜等好耐都未黎，連生菜都可以出得咁慢...我地見入座計個半鐘後都未見刺身(前後出左order紙2次)無奈地又要同侍應講下，好快終於黎，刺身雖然薄帶子又細到好似指甲咁款但叫做除左串燒類之外最好架啦同一時間右手邊個家人都投訴order烏冬好耐都未有，三文魚骨又未見~唔等要埋單而我地等黎埋既三文魚炒飯就拿拿聲食完走人,當然個粉飯又係硬到飯焦咁樣！未試過食放題係2個鐘飲2罐汽水食埋雪糕炒飯都可以唔飽咁離開總結~炒飯同加洲卷類既

真係未試過一間咁差的日本放題!!!我們晚上大約七時正入坐有預約而早到都唔使等位其實他們的服務態度都唔算差但漏單問題太嚴重我們除了第一次入既單係有出之外其後既單都沒有再見到了除了一些前菜的小食，例如:枝豆(出得最快果樣)我們不斷追單，侍應將問題交給經理經理又不斷推卸責任他們之前強調只有兩小時但等待食物的時間多過有食物在桌上的時間之後仲不斷催我們last order 每次問食物幾時到都話跟緊但最後竟然同我地講，所有你們的單都已經cut 哂因為已過了時段，你地唔會再有食物黎!!!佢既解釋係:由於之前我地係做開好貴既高級日本料理而最近先開始轉型，所以廚房未適應而咁岩有一部燒烤機又壞左，所以廚房混亂中但又見到隔離枱有食物可以上桌!!!真的太過份了!!!

睇完d食評之後去食點知.......Book左7點半鐘7點去到 好彩有得坐係到等不過點解有位唔比我入入到去水都無杯要叫左4 5字終於黎杯茶野食選擇就好多不過質素就見人見志串燒 730開始叫850分黎第一碟黎d野係黎錯或者食唔到既墨魚嘴 硬到唔可以離開支竹雞軟骨 唔知去左邊和牛 同上牛舌 都算okps.係經過10次催單之後都黎到刺身 第1次幾好架由其是甜蝦 劍魚腩 油甘魚第3次開始 甜蝦仲keep到其他就......炸物 天婦羅方面叫左5 6次Total 黎左2次 炸蝦 ok炸蠔 幾好食冬菇 好貴咁 得指甲咁細西椒 同上南瓜 蕃薯 都幾甜鍋物有4種分別係牛肉 豚肉 三文魚骨 餃子食左頭兩個分別係4條菜 2片肉最好食就係前菜既溫泉蛋同有汽水任飲

聽朋友推介試左呢間中價放題，今晚冇訂位都可以5分鐘內入座。相比其他放題，座位闊落，都幾舒服同適合傾偈。menu既選擇同一般放題冇咩分別，我都叫左d大路野刺身正常，但係甜蝦同石螺唔錯，夠新鮮同甜，追加左兩輪本來唔太鍾意芝士年糕，因為好易會好重油味，不過朋友叫呢個都ok，仲好夠脆。值得一提係上菜速度快，唔會出現個d2、3輪之後就漏單既情況，食得過癮d!