千歲擔擔麪

營業中

休息中

周末下午茶叫咗擔擔面,小籠包,窩貼食物味道水準,覺得okay既簡單食物,我可以打8分既問題係一坐低就見張枱布好有歷史感未食野,張枱布已經目測污漕,就算當我食完野攪到張枱有湯汁,正常都唔會見張枱布有灰黑色.見隔离客人走,阿嬸就好努力咁抹枱布唔通塊枱布,開店抹到E家其實我都唔算有要求,甚至十年都唔寫食評但呢間衛生,真係有点嚇人

簇新的大型商場，令觀塘呈現一個新的面貌，裕民坊煥然一新，在室內商店井然有序，吃喝玩樂更舒適。 在商場游走，左睇睇右睇睇，好奇過後已到晚餐時間⏳。 沿著商場扶手電梯上三樓，空中花園內有一列的小噴泉，倍覺環境清新，揀選吃上海菜的位置亦於此。 遠眺食店明亮整潔，進店後感覺亦非常舒服，不錯不錯! 砂鍋雲吞雞(半隻~$148)一大鍋熱騰騰的奉上，服務員再將鍋內雞放在碟上切開，讓我們方便進食，有娃娃菜及白菜，六粒雲吞 。有湯，有肉及菜， 一鍋就有我愛的口味🤩!楊家小籠包(4隻~$48)皮薄餡靚，湯汁豐富， 小籠包必點之一。詠黎園擔擔麵($39)初嚐不覺🌶，再吃兩口，辣味慢慢渗出，整體辣度不算高，而麵條有質感， 有種手拉麵條的感覺 ，別具風味！

觀塘新商場裕民坊YM²開左好多餐廳，仲要有不同菜色選擇，今次我選了詠藜園集團的千歲擔擔麵，以前我已好喜歡食佢的擔擔麵，估唔到開響呢度咁方便。先來一碟冷盤，雞絲粉皮，粉皮彈牙，掛上花生醬，好香濃。叫了碗改良版擔擔麵，即面層加了肉碎，再加埋香濃花生同花生醬，真係好惹味，叫了不辣，真係好味，而且麵質幼滑。另一特色菜係酸辣湯$96一窩，好大窩，超多料，有木耳，荀，粗條肉絲，甚有睇頭再來招牌的小籠包，湯包多汁，肉味鮮甜。見餐牌有套餐，下次同家人來再試下先。

媽媽很喜歡吃擔擔麵，今次帶她來這家在新裕民坊新開的餐廳吃。它是屬於另一間很有名的老店”藜詠園”。‖ 詠藜園擔擔麵 ($39) ‖非常香花生味！😍 湯底濃厚順滑，擔擔麵軟硬適中，掛上湯汁，好好味☺️。喜歡擔擔麵的媽媽，都說讚，做得好😂👍🏽。‖ 紅油抄手 ($48) ‖抄手粒粒飽滿，麵皮十分細滑，餡料鹹香惹味。它的辣油醬汁做得非常讚！😍 甜辣有致，香濃富有層次。粒粒抄手蘸均吃，美味幾倍升華🤤🤤。這個認真好吃❤️。‖ 楊家小籠包 ($48) ‖這個同樣出色，只是少了紅油抄手那個辣油醬汁的澎湃惹味。‖ 瑤柱黑松露炒飯 ($128) ‖飯粒，粒粒分明，口感爽彈。瑤柱好多，好香黑松露味，好味😋。總結，食物、服務，都非常讓人滿意😊，讚讚👍🏽。

觀塘裕民坊商場新裝修，更新後變得好靚，以為食肆餐廳都會改行高檔路線，上到3樓空中庭園，環境超靚又有燈飾，咁靚嘅環境，餐廳仍然好親民！價錢大眾化！七點左右，唔需要排隊已經即時入座！▪️楊家小籠包$48即叫即蒸，片薄肉厚，成粒圓滾滾就知道啖啖肉！一咬落去好多湯汁，這個價錢確實抵食▪️紅油抄手$48望落去成碗紅噹噹，差啲驚辣到食唔到，好彩他們的秘製辣油味很香但又不是死辣。吃兩顆已經很有飽腹感▪️永藜園擔擔麵$39 / 改良擔擔面$48見到擔擔麵有兩款，初時以為係唔同湯底。原來前者是傳統擔擔麵，加多$9就可以upgrade 加料- 辣豬肉碎 成改良擔擔面！湯汁濃厚，油香麻辣，散發着芝麻醬和花生香味，加了肉末的油脂口感更正！▪️蔥爆牛肉$88比較少見在上海菜館出現，大火爆炒的牛肉焦香郁濃，若然太過濃味，不妨伴着蔥段吃，淡淡的葱香味，消除菜餚中的油膩！

天氣凍除咗去打邊爐🍲之外，我覺得去食小籠包🥟都唔錯。皮薄湯多，一口一個，湯汁充滿口腔之間，入肚暖笠笠😍除咗小籠包之外，千歲嘅鍋貼都好好食😋，比起平時嘅鍋貼size比較迷你，啱晒女士一口一個，唔會將啲汁噴晒出嚟👍🏻識食一定要點生煎包🫓，軟身嘅蒸包皮，包住多汁嘅肉餡，包底煎得香脆，咬落仲有芝麻香😋個舖頭名都叫得千歲擔擔麵，當然要整返碗，揀咗傳統詠藜園擔擔麪，花生醬香味充滿着全間鋪，麵條幼滑🍜個人覺得麵條略少，食完一碗仲想再食😂配埋糖醋魚塊🍅，估唔到又幾大碟，分量充足，魚肉鮮嫩滑溜👍🏻，非常開胃。

鍾意食上海野嘅朋友一定聽過*詠藜園*。原來觀塘裕民坊YM2商場入面。開咗副線*千山歲擔擔麵*🤩。餐廳有套餐/散叫。套餐1100-1400供應。時間1355。精打細算嘅為食妹👧🏻點咗午市二人餐。$238真係幾抵食❤️‍🔥。午市二人餐包括涼菜。湯。肉類。蝦球。菜。全部4選1或者2選1。自由度甚高👍🏻。份量大大碟。唔會將價就貨。岩曬❤️多多嘅為食妹👧🏻樣樣都想試🥰。🥢雞絲粉皮勁多麻醬。拌勻啖啖滋味😋。🥣酸辣湯酸酸辣辣好開胃😛。🐮蔥爆牛肉牛肉軟腍熱辣辣上枱夠惹味。🦐黃金蝦球邪惡之選😍🥬魚湯翡翠苗魚湯鮮甜。菜苗翠嫩。

在裕民坊新開的商場，第一次來還未有太多餐廳，再來時發現開了不少餐廳，有很多選擇。在平台公園行下，見到有間上海菜。環境充滿了自然光，比起詠藜園黃大仙店乾淨。詠藜園擔擔面 | $39點了少辣，麵條放湯耐會更腍身。麻醬湯聞起來幾香。楊家小籠包四隻 | $48小籠包熱辣辣，上菜的侍應亦都幾醒目，會問客人是否需要打開蒸籠蓋，因為凍了真的影響味道。小籠包皮薄，湯汁份量多，不算太容易穿。紅油抄手六粒 | $48醬汁加入了很多生蒜茸，很適合喜歡吃蒜蓉的客人。辣油味道可以再香點，肉粒較鬆化。雞絲粉皮 | $68粉皮彈牙，份量多。麻醬比較稠身及味道濃厚，要花點力撈勻。酸辣土豆絲 | $63酸味夠，可以再辣少少。加入了青紅椒絲，加添了一些顏色，味道清甜。茶位$5/位，餐牌上有寫餐前小食$6，但暫時未有收取。

由細到大都係觀塘搵食，喜見觀塘變天的美好變化，近期好出名的豪宅，跟朋友去見識一下，再食返碗千歲詠藜園擔擔麵懷緬一下中學的生活。店內裝修企理，光猛乾淨，富有中國特色，價錢經濟，服務殷勤。點心小食楊家小籠包 （4 隻)$48吃上海菜又怎少得小籠包呢？尤其是這裏的招牌菜，楊家小籠包外皮透薄，肉餡鮮甜又多汁，熱辣辣香噴噴，小心燙口啦！椒鹽排骨 $88椒鹽排骨是一道很討人喜歡的菜，排骨炸得外酥內嫩，味道濃郁，肉質飽滿，椒鹽味惹味，微微的辣，非常好的配搭。詠藜園擔擔麵（辣）$39擔擔麵是中國四川的特產，當然要吃辣的啦！擔擔麵麵條細滑，伴上辣椒油、芝麻醬、肉碎、碎花生、蒜末和蔥花等，口味油香麻辣，很可口。擔擔麵有辣有唔辣，朋友唔食得辣，叫了一碗原味的擔擔麵，一樣濃郁鮮香。豆沙鍋餅 $48最後吃了個上海菜的甜品，豆沙鍋餅，甜度適中，食落脆卜卜。

詠藜園是一間頗為有名食擔擔麵的上海店，今晚發現他們在觀塘裕民坊新商場新開了一間新品牌「千歲擔擔麵」，立即入內回味一下。兩頁紙的餐牌有齊麵類，點心，水餃，涼菜，炒粉麵飯，小炒等。擔擔麵是必食的，有詠藜園擔擔麵，改良版擔擔麵及麻辣擔擔麵。點了一碗少辣的改良版擔擔麵($48)，改良版便是多了肉碎和榨菜粒，令賣相口感都豐富了，更加鮮香爽口。麵質爽滑而有蛋香。湯底充滿麻醬香，香濃而不膩。楊家小籠包($48)，小籠包做得皮薄而能承托內邊爆滿的湯汁跟肉汁，湯汁不油膩而又帶有肉的鮮味。花雕醉雞($88)，陣陣酒香浸著嫩滑的雞肉。上湯浸有機菜($68)，有脆綠爽口的菜苗跟芽菜。

上星期放工同同事去左裕民坊既千歲擔擔麵食dinner。改良擔擔麵：改良過既擔擔麵即系加左肉碎系上面，肉碎份量幾多，食起黎令擔擔麵吾會太單調。依度既花生醬味吾太濃，所以感覺吾會漏。麵口感較出面所食到既，更幼身更軟身啊！擔擔麵有得揀辣同吾辣，如果辣的話，味道吾會太辣。楊家小籠包：一共四隻既小籠包，外皮吾會太厚，可能包住當中既肉汁。咬開外皮，肉汁刀吾少，入面既豬肉幾鮮，整體也不錯。一口鍋貼：一共五隻，鍋貼細細隻幾得意，果然系一口一隻。外皮幾脆口，吾算好油。同樣豬肉味幾香口。豆沙鍋餅：我地覺得幾好食，因為豆沙刀幾足下。而家吾會太油，口感仲幾脆口，甜度吾會太過甜啊！豆漿：豆腐系一枝過的，好衛生又方便飲用，豆香帶甜。

在觀塘放工就相約好朋友到附近來食晚飯 ~ 千歲擔擔麵。.餐廳裝潢具中國色彩,地方乾淨舒適。...【楊家小籠包】$48新鮮熱辣的小籠包皮薄靚豬肉餡,外皮口感是薄身,而包入面有肉汁,味道不錯。..【韭黃炒鱔楜】 $168這菜炒得不錯,咸淡剛剛好,黃鱔肉爽脆有份量,滿口鱔香,配上韭黃同炒,香氣濃郁,滋味鮮美。..【酸辣麵】 $39這酸辣麵的湯底是紅紅的而麵都幾彈牙爽滑能掛湯底,酸辣過瘾香味十足。..【詠藜園擔擔麵】(走辣) $39朋友叫招牌食品詠藜園擔擔麵,因吃不了辣,叫了走辣。這款走辣有香口惹味,配花生等多種材料用心熬製的濃湯,所以濃湯有濃濃花生香,還有肉些碎,而幼麵都彈牙。..【豆沙鍋餅】 $ 48豆沙鍋餅熱熱的,餅皮夠脆口,內餡有紅豆沙蓉,甜而不膩,酥脆可口。

從同事口中得知食擔擔麵好出名嘅詠藜園，在觀塘裕民坊新商場開咗間叫千歲擔擔麵，亦都係主打上海菜式。急不可待和朋友一起嚟試吓。餐廳裝潢設計好時尚，風格高雅。座位寬敞舒適。詠藜園擔擔麵，揀咗不辣，湯底非常濃郁，花生味濃郁，麵條幼身爽口，掛汁後非常惹味！改良擔擔麵，揀咗小辣，改良就係多咗肉碎，少少辣，味道好有層次！上海粗炒，好有鑊氣，配料有冬菇、肉絲、白菜椰菜等，醬料調得唔錯，夠濃郁，醬汁沾滿每條麵好惹味！原湯水餃，餃子皮厚薄適中，餡料主要係鮮豬肉，肉汁味濃，口感一流！一口鍋貼，餃子底部煎到脆皮，有酥脆口感及焦香味道，餡料配搭上等豬肉，肉質香甜，點少許鎮江醋一口一隻好美味！

老字號“詠藜園”嚟左觀塘市集開，簡直一大喜訊，坐位闊落，坐得舒服裝修得好光猛企理餐牌一目了然酸辣麵$42好欣賞個麵好爽口，唔會太林，最鍾意呢種質感，湯底仲有榨菜粒，辣辣哋，啱晒凍凍地嘅天氣詠藜園擔擔麵（小辣）$39扺食又好味，少辣、花生醬、花生碎、蒽粒⋯⋯再加上彈牙嘅麵，超好味蒜香脆皮雞半隻$138侍應話蒜香雞星期六日好難食到，今晚我就叫半隻試吓，果然唔錯，尤其個皮好脆，肉質嫩口，一啲都唔鞋，咸度適中，侍應冇介紹錯紅油抄手六粒$48我叫咗小辣，我成日好驚飽得滯食唔晒，點知抄手個汁真係好掂，有蒜蓉、醋、辣椒油⋯⋯食完一粒好快食第二粒仲好快完成滿足的

土生土長的上一輩香港人 一定會聽聞過在鑽石山大磡村的詠藜園擔擔麵 當年很多在華達片場的明星都來光顧 時移世易 大磡村清拆了很多年了 而詠藜園亦交由第二第三代的子孫打理 雖然分拆了很多間由不同子侄經營 但都會打上詠藜園這個品牌 這間在觀塘凱滙新開的店鋪 名為千歲擔擔麵 但細看之下仍然會見到紅色的詠藜園三個字 外牆裝修採用落地大玻璃窗 光猛明亮 桌子間的距離 和服務員的態度也可接受 餐牌祇有前後兩版 目測大多客人 枱上都是吃招牌菜 - 擔擔麵 我梗系要試下喇 可能為了迎合不吃辣的顧客 有不辣的擔擔麵 另也分為詠藜園擔擔麵和改良擔擔麵 普通的我之前吃過 便要了改良擔擔麵 生煎包和原湯水餃個人認為改良擔擔麵 重點是肉碎多了 口感較豐富 不辣的擔擔麵沒有紅彤彤的顏色 外觀不漂亮 沒有那種熟悉的感覺 有點失真呢 其實正常的擔擔麵 也不算很辣 麵條應該是機製 不是手工做 但也頗彈牙 湯汁的花生醬很濃郁 味道也很好 不愧是鎮店之寶生煎包 皮厚 煎得不夠香 內裏沒有肉汁 很一般原湯水餃 湯有點渾濁 味道普通 餡料有點實 菜上得很快 整個用餐時間衹是30分鐘 收茶錢及加一 似乎有點小貴