千歲擔擔麪

營業中

休息中

平時行過YM SQUARE都係食燒肉，今次見有好多新餐廳開業，試左呢隻由老牌上海菜館詠黎園既新店。黎得詠黎園緊係要食擔擔麵，改良擔擔麵為傳統擔擔麵再加肉碎，擔擔湯底夠濃，充滿花生醬香，香濃帶微辣既湯底加上啖啖肉碎，配上幼麵食，忍唔住一啖接一啖食。黑松露瑤柱炒飯，為瑤柱蛋白炒飯再上加黑松露醬炒，食到淡淡既黑松露味以及一絲絲既瑤柱，調味略嫌淡左小小，加多小小松露醬更加惹味紅油抄手，用上菜肉雲吞，隻隻都啖啖肉，皮夠薄，紅油汁偏咸辣，撈上生蒜令粒粒雲吞都十分惹味。最後唔夠喉叫多左個炸饅頭，炸饅頭雖然看似普通，但炸得好都唔容易，坊間有多炸到個芯都油淋淋外皮又唔脆，呢碟就炸得好，外脆內軟，配埋煉奶食，一流！總結黎講餐廳食品味道幾好，環境似傳統上海菜館，如果想食上海菜又唔想食連鎖果幾間可以試下佢。