千両 (美麗華廣場1期)

營業中

休息中

平時都比較喜歡去IFC吃千両，因為一直覺得IFC的廚師或許是最好的。今天有點懶得過海但又想吃，於是就近近地去了美麗華的分店。7:30的時候竟然很輕鬆的入座，完全不需候位，這在IFC是不可能的。可能尖因為尖沙咀有好幾家分店的緣故，而且閒日的美麗華商場人流也不多。直接就點了大盛壽司拼盤（一般都必點）、2份甜蝦壽司（一份通常都是兩舊）、兩件手卷和一個清酒煮蜆。壽司全都很新鮮美味，跟IFC的質素差不多，很是令人高興。可惜的是，清酒煮蜆完全沒有酒香味，因此帶不出蜆的鮮甜。拜託，幾滴米酒都不捨得放嗎？下次如果再點這道菜，一定會提醒服務生。剛好吃了7-8成飽，兩人一共消費了$440。價格雖然比較高，但食材確實新鮮可口，下次也會再去試試尖沙咀的其他間分店。

朋友知我喜歡吃日本餐，今帶我食元氣升級版的千両食晚餐！可能平日一至四，人少少不用等位。餐廳氣氛寧靜，適合喜歡寧靜閒聊的朋友去。我們點了千両特盛壽司、燒蠔、燒魷魚及清酒千両特盛壽司比起元氣用料確是高級，但味道不算驚喜，各款壽司味道不錯，帆立貝鮮甜滑口，三文魚子鮮脆帶咸，不足是三文魚雖鮮但不夠厚切肥美，甜蛋壽司略乾。由於份量十足，吃過其他東西已飽飽，吃不完，放棄甜蛋壽司。燒蠔及燒魷魚香口惹味，尤其燒蠔也帶鮮味， 比壽司更出色好味總結，價錢略貴，食物質素OK惜沒大驚喜，不過不失。

出左糧帶媽媽食餐好D, 平時佢都鍾意食壽司, 雖然去元氣較多, 今次就食貴少少既千両, 俾佢試下新野~元氣選擇就越黎越少, 千両既選擇就多到困難症發作。諗唔掂, 就叫個壽司盛食住諗, 呢個真係性價比高。$350有多款貴價材料, 中拖羅非常好食, 肥美而且入口即溶。左口魚都唔錯, 有點酸蘿蔔同蔥花令人覺得肥美既左口好清新。相對最差係魚子, 得個咸味, 又唔鮮又無脆卜卜, 不過其他都好食, 係抵既!再來叫左媽媽最愛既饅魚, 佢好鍾意食。話真係好食過元氣個D, 哈哈。每次我都會叫我最愛的牛油果軟殼蟹卷, 今次既軟殼蟹少左, 似食牛油果壽司多D 可能因為呢度上菜速度較慢加個日無食LUNCH關係, 以為好餓咁再叫左腐皮壽司, 山葵馬刀貝壽司, 牛油焗什菌同埋和風炸雞, 飽到食唔哂。腐皮壽司係無出面食到既咁甜同咸, 正常, 無特別, 元氣食平D未食過馬刀貝覺得幾得意就想試下, 成為全晚最唔好食既壽司, 因為食唔到馬刀貝既味只食到山葵味, 可以話浪費左胃既位置牛油焗什菌, 其實好難唔好食, 落得夠牛油已經好香, 不過自己有菇情意結次次都要食過先安樂和風炸雞,南蛮醬做得不算太好, 還好雞肉炸得好食食過

朋友仔想食壽司，我想不如去千両，因為我也有一段時間沒有光顧了，今次我們坐了 order 枱，因為會比較靜容易吹水😉坐底立即 order 了壽司，送餐的速度很快不用等太久，而且十分新鮮這是食壽司一定要有的要求😋壽司放久了👀到也不想食，新鮮的時候每一見看起來都會閃閃發亮的，放入口內會完全感受到何謂新鮮，腐皮卷壽司豆味濃帶有甜味加上了飯真的十分配合，赤海蝦壽司赤海蝦大隻十分膠口，海膽鮮甜…鹽燒三文魚鮫十分嫩滑鹹度適中，吉列廣島𧐢𧐢味濃郁炸得十分脆口，一段時間沒來水準還保持得十分好，值得一讚

今晚去一間知名度唔算好高但去過都評價比較好嘅日式料理餐廳，都係朋友帶我去先知，餐廳唔算好大，主要係做刺身同壽司，去到要排隊，睇嚟呢間千両做得人所唔錯，希望等陣唔會失望。呢度嘅芥末唔係其他店甘係醬，係芥末粉，茶包都系綠茶粉，一沖自動散開，比較有特色，壽司系旋轉形式，睇自己鐘意分咩就去攞咩，睇見咁多種壽司，好有食欲，壽司同刺身都有點，先食壽司填一下肚，甜蝦同三文魚壽司覺得特別清甜，總體感覺壽司都好新鮮，三文魚長長嘅拖尾，覺得特別有滿足感。三文魚刺身同魚腩刺身每份有三件，但厚切同埋比較長身，所以一件分量都幾大下，好新鮮，回味甘甜。今晚呢餐飯感覺唔錯。

今天與同事午餐，又要計劃食哪家餐廳了!公司午餐只有1小時！所以盡量避免遇上 : 要等位，上菜慢的餐廳。座位是否寬闊已經是其次了。現鎖定上菜快，包有位的餐廳。今天就來到這家餐廳試一試。果然可以馬上入座呢！座位寬闊，客人不多，環境比高少少分。先看看午市套餐，共有6款。自己選了最便宜的<百兩定食>，同事則選了<千兩刺身飯定食>。我的<百兩定食>套餐來了!有烏冬，沙律，薯餅及壽司。先吃沙律再到壽司了。先由淺色的蝦壽司開始，再到三文魚及吞拿魚。各款壽司上的魚生表面較啞色，沒有魚生應有的光澤，亦較乾身， 。但聊勝於無。軍艦三文魚肉碎混有其他醬汁，口感上没有那麼乾。芝麻卷卷這款中間有青瓜。口感較清新。再到吉列牛肉薯餅外層脆脆但又油膩，中間軟棉棉的薯肉不太鹹，有一點甜，中間薯蓉很CREAMY，很滑溜。不用沾沙律醬也很好味。可是～真的找不到牛肉的蹤影。來到一小碗的烏冬了。份量雖不太，但對女生來講是剛剛好的。湯面放有木魚絲來吊味，烏冬不太腍，軟硬適中，沒有浸至發脹。整體清清地，作為結尾!朋友的<千兩刺身飯定食>今天能夠舒舒服服享用午餐，又可以

炙燒左口魚裙邊有D餐廳會燒得唔夠 有D餐廳會會燒得太耐今次燒得唔够耐-外熱内冷香草海鮮沙律Salad was okwith fantastic sauce!!!only ok fresh vegatables酸酸地with肥美新鮮魚生葱呑拿魚腩軍艦紫菜唔夠脆吞拿魚無咩味睇嚟真係要搵過第二間唔好旨意千両會進步以前排長龍的場面已經唔再見到

由於天天都是情人節的關係（欠打），二月十四情人節正日並無刻意訂台去食搵笨情侶餐。其實唔食fine dining，晚餐都依然可以又撲實又浪漫，跟我黎喇！ 登登，到左！今日就黎到美麗華既千兩食壽司！ 見唔見到昏暗既環境， 而且我地6點到達，時間尚早，餐廳很少客人，又暗又靜，好岩同男友俏俏話呀。 很認同千兩對米的執著，很多壽司店都主推食材新鮮肥美，而忽略米飯的質素，但最後往往敗在米飯的口感。而千兩就選用日本青森縣的精品米，粒粒圓潤有韌性，而且有米香！值得一讚。按照點菜慣例，全部我話事🙈 千兩特製厚燒甜蛋 $14甜蛋啖啖蛋香，而且出奇地濕潤。口感不夠軟身及滑，屬於一枚厚實多汁的甜蛋。 海膽軍艦 $55海膽口感好creamy，無苦澀味，而且是一整塊大海膽，新鮮好味！但殘念紫菜不夠脆呀。😭 炙燒三文魚壽司 $22每次食壽司必點。 最喜愛三文魚炙燒過後的油香及入口即化的口感。但千兩的燒三文魚壽司用了蘿蔔茸幫三文魚去油膩感，與我的喜好背道而馳呀，強烈建議大家吃時丟低蘿蔔呀！ 很重要，需要我說3次嗎？ 炙燒壽司拼盤 $160最喜歡吃這個拼盤，每件都係我心水。😋除了甜蛋、鰻魚和

千両食ge野其實又吾係話勁好味,但吾知點解我就係鐘意入衣間"睇落高檔d"ge日本餐廳食.因為我曾經以為佢好貴,但睇完餐牌又覺得佢其實價錢一般,而且d野都岩食,不過講真日本餐廳食壽司黎黎去去都係個d,只係睇佢會吾會有甜品或者特別ge小食咁啦.環境就一定比元氣級壽司店好嫁啦,黑媽媽個種日式餐廳裝潢係會令人覺得高檔d ge.我好care間店ge衛生程度,不過對我黎講只要地下冇積水,吾會有食物掉左係到又冇人執,d碟杯冇肉眼睇到ge污垢其實我就接受.冇訂位要坐迴旋壽司位,不過張台其實都夠位放野食ge,只係如果有得大張d感覺就鬆動d啦~我吾係咁鐘意迴轉壽司,因為感覺好吾新鮮同好cheap,尤其是吾知試過係元氣定邊到食,親眼見到師傅係點樣生產d壽司之後我就覺得望住個師傅食佢整ge壽司會令我不安,而迴轉壽司通常都有師傅係中間...食物方面,拎左:5隻$22 綠色碟=$1103隻$18 米色碟=$541隻$14 黃色碟=$14三文魚壽司係米色碟,都幾抵食.我地食完個時7點幾差不多八點,就開始有淨刺身係到轉轉轉,勁吾開心囉!!除左係迴旋到拎d正路壽司之外,都有叫其他野:清湯海苔豆腐(熱)$38 我好鐘意食

炸鮟鱇魚冇咩特別Fish nugget一塊厚粉咗北海道海膽肥美新鮮Love it最正係upgraded 版朝捕晚嘗試到不同味道可惜我最鍾意嘅肥美豐盈厚切白魚唔記得咩名燒魔鬼魚咸咗啲乾咗啲

金光閃閃以招牌字做封面, 再用木板襯底, 未食都感到日本氣派洋溢!!!如果食開日本野嘅朋友, 見到生磨芥末, 配食壽司剌身, 都會新鮮D!!~不過, 略嫌佢樽口無清潔好, 仲見到豉油漬徘徊邊緣位置...三文魚壽司, 中規中矩啦!火灸左口魚邊壽司, 燒得未透....不能逹致入口即溶感覺, 缺乏香味!!!!!!!~點解我要特意為餐牌留倩影呢??!!因為我望住六款午餐, 都嗌唔落手, 佢全無明確說明當中包含什麼樣壽司....個人怕佢係要嚟去掉冷門餘貨!油甘魚壽司, 以大眾化價錢食得到, 而質素亦不俗, 值得ORDER!!!鰹魚壽司, 應該係時令食品新鮮!! 魚質較為爽口, 魚味重, 刺身上擺放薑蓉葱花與腥味平衡噃食到魚味重既朋友, 呢款值得一試哦!!!

今年5月旅行去了日本～當然十分想念日本大和壽司，到生日了也會想吃有質素的壽司看到facebxxk千両的專頁前一陣子答問題最有創意的留言者有料理送，笨肥比當然有參與其中，可惜，是我未夠創意沒法獲得「你」 ！沒有免費料理送但也無阻我去千両和男友慶生的意欲！ 肥比未去前下載千両apps，而且已想定了吃什麼肥比怕人多6點多已到不用等位，但只有吧枱，坐得不夠舒服，還有2個梳化卡位，但也不給我們坐，可能人開始多，想留給其他4人的食賣客，刺身沙律：很美，沙律菜，帶子，三文魚，小蝦，蕃茄也新鮮好吃，沙律汁是我倆喜愛的，清新酸甜好吃！相信以後也會是我們必點的前菜！海膽壽司：不能說好吃，以55元一件價錢，有少少失望，不夠鮮甜，口感層次不分明，香味夠。有點腥～最上的是特選大吞拿魚腩：脂味夠濃，只是有少少根，不錯不錯中間是油甘魚：新鮮沒有泥味下面的是中吞拿魚：比起特選失色，我個人比較愛油脂重的魚筋子：極之好吃，不腥，粒粒的三文魚子極新鮮！一咬爆汁！必吃帶子：鮮甜可口，不腥大愛！蝦刺身：55元，十分值得比的價錢，刺身肉質不梅而且甜甜的很香蝦味麵豉湯：和其他地方的不一樣～下次一樣再喝！燒花魚一夜干：咸咸的，燒

前陣子，收到千兩春の盛筵朝捕晚嚐海之幸暨全新餐目的電郵宣傳，當期的主打是鰹魚及北寄貝，雖然我跟E先生都不好吃鰹魚，但仍對北寄貝及其他全新菜式有興趣，於是就決定找天去嚐嚐。星期六下午來到尖沙咀美麗華商場閒逛，逛至17:00左右，大家都有點累而且有點餓了，反正朝捕晚嚐海之幸暨全新餐目只得4間特選分店有供應，而美麗華商場分店就是其中一間，於是沒有轉到最喜歡到的九龍酒店千兩，反而來到美麗華商場千兩試試這間分店的質素又如何？餐廳呈長型，空間感沒九龍酒店般大，但比其他較舊分店已經寬敞得多，由於還未到晚市時段，一整列迴轉帶吧檯位置都沒有客人。店內以一貫深木色的裝潢，配上米色座椅，還有沙發座位及卡座，座位寬敞，感覺舒適。座位旁邊的牆上還掛有店舖是日精選的新鮮魚生刺身，讓客人一目了然。為了貫徹此行的目的，我們首先點選了朝捕晚嚐海之幸刺身，而另外的食物亦主要在全新餐目裡選擇。跟上次一樣沒看到清酒領航員，於是向店員詢問有關清酒的選配，她只打開餐牌清酒的那一頁著我自行選擇，我唯有從清酒是屬於薰酒、爽酒、熟酒及醇酒來挑選合口味的清酒。黑松白鹿豪華千年壽 純米大吟釀 $165 / 300ml上檯已經入好了冰壺，跟

平時多是去太陽廣場的千両，而最麻煩的是，那間千両經常要輪候良久才能入座。有天途經美麗華商場，發現了這間剛開張不算久的千兩，便一直很想來試。這天，和母親共晉午餐。各自點了一客午市定食。沙律：蔬菜非常爽脆、鮮甜，配合酸甜的柚子醋，十分開胃。五件壽司：炸蝦、辣味三文魚、三文魚、甜蝦皆𣎴錯，唯獨有一件不知是乾魚還是什麼的，難以下嚥。蝦天婦羅及烏冬：天婦羅脆身，略嫌油膩；烏冬還可以。由於本人實在大愛三文魚，情不自禁亦單點了2客三文魚壽司及一客辣味三文魚壽司。千両一向是品質保證之選，雖然三文魚不厚，但味道非常鮮甜，真是令人「愛不釋手」！辣味三文魚亦很新鮮，辣度剛好，魚子點綴更顯精緻。不忙點了炸蝦卷，唯飯偏軟，令炸物失去鬆脆的口感。此件鮮帶子壽司著實一流！帶子大大塊，真的非常新鮮、非常甜美！可謂「一分錢一分貨」吧！😌總體而言，此間千両的水準略較高，或許是因為其人流不多所致吧，服務亦更為殷勤。想吃千両又不想大排長籠的食客絕對該一試！

聽說千兩的壽司很出色， 因為沒有訂位服務， 所以一直無緣一試。 今天在美麗華開完會， 經過千兩，中午的店面顯得比較清淨。 決定一試。 打開菜單， 食物的種類很豐富， 看得人眼花繚亂。難得來一次， 當然要試試不同的菜式。 叫了60元一件的極上吞拿魚腩， 樣子很美，入口也有即溶的感覺， 但溶剩下很多筋， 不值得試。 反而普通的壽司沒有令人失望， 味道比同集團的元氣要好些， 主要是選材更好。 煮的銀鱈魚味道沒有煎得好， 無法發揮它的鮮味。 就像人無法盡其才一樣可惜。胡麻沙律和炸蠔不錯， 有千兩應有的水平。 餐牌內推薦的兩款創意壽司很不錯。 味道很有層次， 鮮味在口中蔓延。既然同屬元氣，就想試試它的燉蛋。 材料好像貴些，但味道我反而感到元氣比較好。 千兩現在分店重多， 美麗華這家不能算出色。 埋單每人300多來說， 會有很多更令人滿足的選擇。 希望千兩其他分店會有令人不同的感覺。