千両 (美麗華廣場1期)

營業中

休息中

今日星期六見美麗華商場都有好多餐廳，又去揾下有乜好食。朋友本來話食Burger,但前幾天我先食完，所以再睇下其他有乜好食，見到間拉麵店門口好多人等位，諗住試下啦，但又好肚餓......怕等得耐...見隔離間千両唔洗等位不如今次試下呢間，平時都係去開九龍酒店那邊的千両，水準都幾好。今次第一次試美麗華商場呢間，果然都無失望我地叫咗個set ，有成十件壽司，再散叫咗啲腐皮、油甘魚、海膽同呑拿魚壽司，兩個人已經好飽非常滿足，但勝在食材新鮮，品質有保證。我最怕食到啲好腥嘅魚生，所以平時都唔敢亂去食壽司，千両啲品質比較有保證，所以間中都會幫襯。

友人剛剛病好復原，迫我同佢食清啲😢我就揀左佢office樓下間千両。睇哂餐牌築地直送海之幸刺身拼盤，可惜友人唔肯食生野😢 海膽手卷鮮味軟殼蟹手卷入口鬆軟不油膩牛肉鍋半熟牛肉好味，燒汁好味，底部仲有粉絲燒汁三文魚鮫入味魚鮫啖啖肉，燒汁大菇同蘿蔔好好味炙燒三文魚壽司+卷物

今次千両個9点刺身platter 真係要比滿分！話說星期五晚約左老婆尖沙咀食反，周圍都係人，連拉麵店都企左十幾廿人係度等開反。老婆話想食日本野，咁不如去美麗華両。喺門口已經見到個poster流晒口水，盤刺身賣相簡直係不得了！非常誠意推薦！

This is my favourite sushi shop apart from genki where I always go when I want to treat myself a little bit better. They have a new sashimi platter including 10 different sashimi which is less than 400 that makes it a must try. The presentation is good and very fresh. There is no way that u can get it anywhere else for that money. Worth it 100%. I also order pearl oyster which is not as good as I thought though.

講到香港連鎖壽司店，相信大家都試過食千兩，雖然價錢相對比其他連鎖壽司店貴，但質素的確高一班。今晚同一班難得約齊既朋友食晚飯，一於食好食d既千兩！環境：我地5個人竟然係要坐4人既卡位，迫迫地叫勉強坐到，但坐得唔係咁舒服。服務：侍應不時主動為我地加水，值得加許。但另一位侍應幫我地落錯單，而上菜既另一位侍應又完全唔理我地話上錯菜，無奈之下照要左錯既野食，但印象即刻差晒。衛生：衛生情況都還可以，但地方比較暗，都唔係好睇得清楚。味道：壽司拼盤不過不失，其中帶子好厚身，三文魚好肥美。炙燒三文魚卷，好細件。玉子燒好好味！牛肉鍋偏鹹，鹹到唔敢飲湯。甜蝦蟹膏軍艦幾好，蟹膏少左d，味道唔出。炒菇好入味，忍唔住食左好多！抵食：我地5個女仔食左一人百六蚊，價錢上算ok！但因為份量偏少，男仔黎食就唔係呢個價位喇。

千兩總算分店多，總有一間在左右，想食就食。價錢比起元氣貴，但係食材方面完全兩樣野，起碼新鮮好多。雖然價錢較貴，但係有時信用卡優惠刺身拼盤幾抵食。最喜歡就係海膽壽司，有軍艦正常size，仲有大size冇紫菜圍邊，按個人喜好。

今日心血來潮食個High Tea 好了由於在下是個日本食物謎所以今次選擇了Sen-Ryo下午茶時間客人都走得七七八八剛好可讓在下慢慢享受這寧靜的時間不過今日身子不適服用中藥中沒中酒精沒有生冷食物幸好這裡的熟食也一樣美味

點了牛舌，沙律，牛肉煱，冷烏冬。食物是中上級數，價錢亦一樣。日本酒選擇了一瓶 じょっぱり 華想い 純米大吟醸。雖然酒標寫是甘口酒，但口感偏辛口，並帶點辛辣味，旨味極重。中段細心品嚐在旨味中會穩約出現一點甜味。Aftertaste頗長，旨味過後出現一下苦味作結尾。じょっぱり 華想い 純米大吟醸六花酒造產地 青森県弘前市使用米 青森県產華想い 精米歩合 40%酵母 まほろば吟酵母Alc 16%日本酒度 -1.0酸度 1.5飲用時温度 冷飲

難得放假，過咗尖沙咀搞少少野，一個人食飯都唔知食咩好，朋友就叫我去食千兩！千兩我淨係夜晚食過，知道消費都幾高，但係原來午餐又ok 因為佢有lunch set 揀！可能因為我太晏去食lunch，去到美麗華嗰間嘅時候都已經冇咩人，但佢都安排左坐吧枱,叫咗一個午餐set 有五件壽司一碗烏冬同埋一個炸蔬菜餅,壽司質素唔錯, 烏冬正常貨色，反而蔬菜餅幾好，因為新鮮炸熱辣辣，又幾好食！總括嚟講，大財團都係冇咩驚喜，之不過就通常唔會難食，穩穩陣陣咁囉，埋單85 連加一，尖沙咀嚟講算係咁！

極失望⋯⋯晚上到美麗華千兩點了極上吞拿魚鮫及特選壽司拼盤：先上呢碟超多筋既吞拿魚鮫，食到成口筋，味道及口感完全沒有應有水準。再叫兩件試試，並同侍應講聲之前兩件太多筋，結果：都係失望，看到“師傅”求其既刀功，就更失望。呢幾件極品除左價錢，絕不配“極上”兩字。味道、囗感及刀功亦遠不如之前係又一城分店既水準，以下呢碟就係之前係又一城食到既極上呑拿魚鮫，相比之下，美麗華呢間真係可以唔使再去：之後上既特選拼盤亦屬水凖以下，除左蟹榚，其他壽司竟然完全沒有任何鮮味，連佢地集團旗下既元気都比唔上：埋單4百幾，早知咁伏，去附近食放題好過。

平時帶媽咪食，都幾好味，不過有d貴，weekend lunch 2個人要$400weekday lunch set $120 今次LUNCH 無SET,朋友食得比較多,佢話試過放題一個人食80件壽司,勁叫左個2人壽司SET,都多,有20件中規中距無驚喜沙律好好味,沙律醋酸酸地好開胃魚生都多,有帶子,蝦同三文魚,好好味幾好味新鮮菠蘿味雪葩,夏日消暑WAHAHA,正

實不相瞞，今次好似係我第一次食千兩😝 一直既感覺千兩都係好高級好貴，今次一試，竟然有另一番體會。價錢比我想像中大眾化，但食物嘅質素好高。三文魚壽司、火炙三文魚壽司、鰻魚壽司、軟殼蟹手卷都係我每一次食壽司必食嘅😍食材新鮮，刺身肥美，軟殼蟹新鮮炸出來，加埋紫菜成個口感好脆，好豐富！另外叫咗個海鮮蒸蛋，蛋唔會蒸得太老，配埋海鮮好match好鮮味☺ 另外個清酒煮蜆水準都好高，隻隻蜆都好大隻好新鮮，個清酒湯都好好飲😂

Dinner: (1) uni sushi - decent...not as rich in flavour as the other ones I've had (maybe because this is the Canadian kind?); (2) prawn sushi - super fresh; (3) spicy tuna roll - could do with a bit more spice...; (4) soft shell crab roll - the crab was fried too much and made it really hard to chew; (5) salmon skin roll - not what I was expecting...they needed to be crispier with more seasoning; (6) egg - I usually don't get this...it was okay I guess; (7) scallop sushi - also fairly fresh and

今次係尖沙咀美麗華行街，行到二樓食市，夠鐘食晚飯，見到千両，又係印象中未食過，因為記得它分店不算太多，所以就決定試下。日本裝修格調，感覺挺高尚的感覺。座位分別有Order枱同迴轉壽司枱。今次選擇左Order枱，座位寬敞舒適。Means 好特別，有分類一本魚生壽司類，一本熟食類，一本飲品類感覺有心思，高級，專門。食物種類繁多，十分多選擇。今次選擇左意個千両特盛壽司盛。二人前。岩哂我地意d怕選擇，晤知食咩好既人^_^賣相不錯，款式多，已有淡味濃味壽司加軍艦。配搭份量剛好，十款種類，二十件壽司。價錢上$358，十分合理。當中最欣賞中拖羅，肥美十足，入口感覺即溶。帶子鮮甜可口。連鎖店壽司中不錯的選擇。^_^

小弟打滾左尖沙咀一段時間，有時也會因為貪快而食連鎖店求飽。今次揾左間日本野試下，裝潢沒有什麼氣派，是乾淨、企理為本試左兩個午餐，價格中規中矩，兩個人2百零蚊，角切鱼生飯，材料很多~新鮮既。壽司定食~比較出色D。但連鎖店的問題始終有點缺失~欠靈魂……好深~好高深……