千両 (國際金融中心商場)

營業中

休息中

前日我們買了電影票看<童夢奇緣>，之前便來了這裏食午飯。來到時已看到有幾個人在等位，但內裏明明是有位的，只是還未收拾好，等了差不多20分鐘，才收拾好可以入坐，人做真係好慢。坐下後先拿了幾碟食物，但不久就發現，食物的出品很慢，差不多三分一的食物已沒有(迴轉軌上)，其它食物的品種也不多。等了很久才有新的品種，但上游的人已差不多全拿了，好在還有點溜到我們這裏(中游)。我們拿了油甘魚刺身(2碟)、炙燒三文魚壽司、帆立貝壽司(3碟)、魚壽司、尤魚壽司、油甘魚壽司等...這裏的食物都算唔錯，也很新鮮，只有炙燒三文魚壽司比較，唔多好食；也可惜人做速度實在很慢，食物品種又出得慢；相信要很有時間才好來食，如不是，相信只可食到很少種類。(就像我們一樣。)這裏價錢都唔算平，但都唔知算唔算有服務。如不是食物唔錯，相信一定不會再考慮再來！好在晚上去我們至愛的<私房菜>食，雖然價錢貴點，但我可以給它滿分的食店。

大家都講到咁好, 睇完戲去試下啦, 唔比訂位, 一定要walk in 攞紙, 咁算啦!7:30 攞紙, 9:15 先有得食-.-...... 已經好無奈. 入到去total 食左10 碟, 除左叫既三文魚係凍既之外, 無論魚生, 炸蝦卷同其他都係半冷不熱, 個人覺得壽司係凍既先好食, 所以我覺得佢一的都唔好食. 埋單$256, 比較起我會去峰, 起碼唔使齋企咁無奈.

噚晚honey同我慶祝搵到新工, 所以去呢度食. 講真, 我覺得價錢都ok woh, 唔算真係好貴loh, 因為我覺得d食物都幾有水準.首先就要左一碟蕃薯片, 雖然去壽司店食蕃薯片好奇怪, 但見到不停0係回轉帶上"行來行去", 點會忍得住ar! 講真, 都幾好味woh! 可能我地都好肚餓la!之後我地叫左好多碟, 有三文魚, 左口魚裙邊, 牛油果松葉蟹..... 好多都好正, 好新鮮. 如果一定要我揀最唔好食0既一定係松葉蟹, 因為無咩特別, 感覺真係好似平時食0既蟹柳, 唔鍾意!!另外一讚係d waitress, 佢地好有禮貌, 所以我地食得好開心ar!

My second time at this restaurant. I went just after 2pm to miss the crowd. There weren't many choices and the sushi was OK but nothing special. I am surprised that the other people have rated this restaurant a 4 here. I think 3 is more appropriate .

31/08/2005同幾位朋友試0左呢間, 雖然話係同元氣同集團, 不過又真係幾好, 好過亦貴過元氣(預0左)! 帶子壽司好鮮甜, 蟹柳壽司亦好正. 其他0既, 個樣好靚食落都有水準, 真係唔錯.座位方面, 個舖真係細囉, 五個人去食最盡架啦.

20/7 (wed) 去IFC睇戲, 套戲20:00先開, 梗係去醫肚先啦!我地倆口子就去o左千兩食, 由18:20等到19:10至有位(坐卡位)。千兩會順住號碼安排入座(未齊人都可以), 唔同和花庭一定要齊人至俾位你, 加上個場又比較細, 所以會等得耐d, 仲有4人卡位係會有搭檯情況, 呢樣就唔係咁好o勒!雪場蟹壽司: ok…海膽壽司: 好味道…大金艙魚腩壽司: ok, 不過有筋lor…小肌壽司: 唔係我倆杯茶…三文魚壽司: 正, 新鮮…鰻魚壽司: 唔夠肥美…火炙三文魚壽司: 都ok la…炸軟殼蟹: 好正, 一定要食…三文魚頭湯: 味道淡o左d la…埋單$350, 好似貴o左d lor…以千兩、板前、和花亭同峰四間迴轉壽司比較, 我同Honey都覺得峰壽司最正, 尤其係佢地o既蟹柳壽司, 無得頂呀…

第一次黎係自己一個人行IFC..諗起有間迴轉新開走黎試下...第二次就同佳佳黎食生日飯...喜愛呢到既鰻魚..好香好肥美海膽都唔錯...清甜..雪場蟹一般...其實都幾清甜..不過可能自己一向唔太好..覺得一般...炸蝦卷..一般..冇乜特別..軟殼蟹都幾好...要叫剩軟殼蟹...唔好叫手卷..剩叫多好多...同呢到比..板前果d軟殼蟹好似營養不良...次次食呢到既鰻魚都忍唔住追加.....第一次隻秋左3碟...我第一次黎食果陣見到有d日本小朋友食到d碟堆到成坐山甘...真係後生可畏...個人覺得呢到比板前,和花都好...不過呢到冇玉子=(..下次要試埋峄先得..

看雜誌稱有日本水準的壽司已經來到IFC,就冒名而來!雖然平時靜鶯鶯的中環商場，比依間小店帶旺起來，因為出現小人龍! 本人嚐試下午六時，排了差不多廿五分鐘，入座亦試過晚8:30pm 排足一句鐘入座!說真價錢仍很大眾化，至於質數其實都只一般，Otoro壽司，中金艙魚腩，比想像中少了那份肥美，不過用如此低價便可以嚐一口，對普羅大眾亦不失為一個喜訊!對安排入座的女待客，值得一贊! 就算面對一些不禮貌之顧客，仍然以禮相待，真係敢o既服務態度真係不錯.謝謝.

今晚去Town hall 聽音樂會. 散場出黎已經成9:45pm. 突然間想起呢度. well.都咁夜囉. 唔洗排隊喇呱..去到坐卡位. 推介火炙鰻魚. 呢味幾得~ 可惜壽司款式較少. 係幾好坐咁囉.

我昨天(6月3日)到千食,門口已有很多人等位, 由19:30等到21:30先有位, 但等得o甘耐認該冇咩人等啦, 但仲有好多人等, 所以我想認該會好好食. 終於有位啦! 我立刻攞o左碟toro同海膽壽士, 其實我平時唔鍾意食ka, 點知我食o左之後仲要攞多幾碟, 真係好好食ka, 仲有d軟殼蟿手卷好大件呀!!不過等位就真係好耐, 但物超所值ka, 我地3個人食o左$600, 都ok.

一向都覺得元氣壽司很麻麻，但又唔明點解會有那麼多人喜歡而且肯排隊!而它在IFC新開的店舖，水準比一般元氣的高，食物很新鮮且鮮甜。而且以它的價錢，在這位置，十分十分超值:1. Otoro sushi ($45 /2件) 雖不是超肥美或入口即溶，但以這價錢，已很好OK。2. 松葉蟹sushi ($38/2件)即叫即"搽"，兩整條蟹肉非常鮮美。3. 左口魚裙邊($18/2件)算很大件，爽口之餘油份亦充足，雖不及加藤壽司的那麼好，但以平幾倍的價錢，無得彈!4. Hamachi sushi ($38/2件)和牡丹蝦($28/件)都不錯。整體上，雖然魚生很不錯，但sushi飯通常一夾便散，在這方面仍需努力!另外，服務方面亦十分不錯。

上週五到過ifc原本是打算到(禮)食個lunch,但原來已滿了於是另找地點,沿扶手電梯上兩層看到一間店舖名叫千兩後來發現是元氣的高級版. 我會以峰及板前作比較, 可以發現魚料比他們新鮮,但種類不會比他們多但主要都是合時的. 我先要了一客冷豆腐.豆味不大夠但加上麻醬後很是清新,赤貝sushi兩種吃法,如是order 的那塊紫菜還是爽脆的. 某單蝦sushi大大隻,uni 肥潤. 但toro 如果可以厚一些更好.但記緊早些找人排隊啊. 店面不大.....之故