十大碗粥麵專家

營業中

休息中

雲吞麵店「十大碗粥麵專家」受網民熱捧，難得見到唔洗排隊，一於試下最受歡迎既雲吞麵$35雲吞麵上枱被麵蓋住，麵上滿滿蝦籽。先飲一啖湯，係鮮甜既大地魚湯，睇介紹話湯底材料包括大地魚、蝦籽、豬骨、蝦角、羅漢果、果皮、蝦乾等，難怪又鮮又香雲吞皮薄，可以透出餡既顏色，雲吞唔算大粒，有4粒，但蝦好彈牙，冇太多肥豬肉。而麵條蛋香味出，沒有鹼水味。食完一碗好滿足🥳仲試左炸蜆介鯪魚球$22鯪魚球超大粒，外層脆卜卜，內裡彈牙足料，可以食到新鮮鯪魚肉、果皮等材料。蜆介鹹香又有好多蜆肉，yummy 🤤枱面仲有醃酸蘿蔔，作為開胃前菜真係好正，酸味適中，蘿蔔爽，食左兩小碟😍食物好滿意，不過其中一個男店員勁無禮貌，而疫情關係四人卡坐打對坐，中間隔板令枱勁迫，但店員硬要把客人擠在同枱，明明有不止一張吉枱都唔比調枱，令用餐環境變得極不理想。

近期食咗好多間雲吞麵，呢間真係高質👍🏼哥哥淨雲吞，細佬淨魚蛋，我就艇仔粥加豬膶腸。雲吞高質，湯好好味😋粥同腸粉普普通通，正常味道😋魚蛋都係普通，其實推介係炸鯪魚球，不過細佬唔鍾意，佢話怕蔥同陳皮☹️食完唔夠飽，同哥哥分享一碗水餃麵，呢碗麵真高質，水餃仲好食過雲吞，而且麵上面放咗少少蝦子，真係唔比100分都唔得！呢間都有免費提供酸蘿蔔，都好好味。下次再去試吓旺角分店，睇吓係咪一樣咁正先😁😁

電視台節目介紹雲吞麵，其中包括這家。慕名而來，當然要品嘗細蓉。吃麵之前，先喝一口湯底。大地魚湯底名不虛傳，鮮甜美味。其他名家如麥氏一眾後人或何家的湯底也「清甜」，但這裡更突出一個「鮮」字，這樣吃過的細蓉湯底中最喜歡的。四粒雲吞是傳統的細蓉，小巧精緻，一口吞入口腔咀嚼，大小適中，蝦味重。雲吞麵興起於廣州，本為宵夜或下午茶的美點，非正餐飽肚之主食，可以想像細細粒好好味成為正統不是沒有因由。麵無鹼水味，比較煙韌。嗯，還是比較喜歡一眾麥x記爽口的麵多些。幸好枱上有免費的酸蘿蔔，爽口！完全達到開胃和中和功效。蜆蚧炸鯪魚球也是好味道，大大粒，皮薄又炸得香脆，內裡熱辣辣一團魚肉，比港島的羅x記或澳門的粉麵店更勝一籌。劉氏自祖父輩於上世紀七十年代由廣州來港，由街邊檔做起，已傳至第三代。聽老父說，幾十年前深水埗街邊雲吞麵檔很多，每晚多在小巷內開檔，但時代變遷，現在已近絕跡，想不到還可以嚐到昔日的味道。香港的雲吞麵一直以麥氏後人、何家各領風騷，看來今後還要加入劉家才算完滿。

星期四晚在太子附近，想起這家有名的雲吞麵，所以專程去試吓，七點多店舖差唔多滿座，兩人坐一邊，叫了雲吞麵，及笫粥，炸兩、首先，侍應拿了雲吞麵比同座另一邊遲來的客人,又不問客人是誰，炸兩先到，油條不夠脆，十分鐘後，雲吞麵到了，先試湯，很淡，跟住試麵，麵不夠彈性，比較起佐敦另一間的麵，我比較喜歡佐敦的麵及湯，雲吞反而好吃，炸兩及麵都吃完，粥還未到，原來漏咗，不明白為什麼電腦單有，但原來還要另外寫入廚房，最後粥到了，粥底還可以，但豬潤太鞋，不夠脆，豬肚也太硬，總結來說，沒有期望的那麼好吃.

慕名已久嘅十大碗雲吞麵，成日喺網上關注組見到人分享食評，今日終於有時間去品嘗一下。原來除左最馳名既雲吞麵外，粥品同腸粉都極受歡迎，特別係炸兩腸。但係是日得一個人食唔到咁多，只好留待下次，今次先點一碗雲吞麵試試。如果有食過劉森記就會知酸蘿蔔係額外醃製送俾食客，呢間都唔例外，食落十分開胃，甜酸得宜，真係會食唔停口。卒之到主角上場，雲吞麵係正宗果種比較細碗，雲吞壓底，麵係上面，仲有畫龍點睛嘅蝦籽。麵條毫無梘水味，唔會太硬，配埋鮮甜嘅大地魚湯底非常匹配。雲吞有四粒，有散尾，食落蝦同肉嘅比例剛好，而咬落都有陣大地魚嘅味道，可能係加左魚鬆？唔講仲覺得呢間係歷史悠久嘅老店，幾樣技巧都掌握得相當好。

由太子店多年前開張便常常幫襯，直到近兩年疫情少出門，沒去一段時間。今日再去，食物依然保持質素，鯪魚球彈牙、蝦米和陳皮巧妙點綴魚肉，相當鮮甜。大地魚湯底令人想喝光。但是束馬尾那位女侍應服務態度甚差，例子：入座先幫3人客登記，即使1人或2人的客人較早到達等候登記；幾檯1-2位的客人要求添補醃羅白，女侍應表示沒貨，數分鐘後，3-4人檯的客人要求添補醃羅白，她便馬上安排。食物的確仍然好吃，令人想回頭；但過程受氣，要不要再來又要想想… 可惜可惜。

星期日下晝唸住五點幾去唔會多人，點知都要排隊。環境比較狹窄，門口收銀果個哥哥仔比較cool估計係老闆，其它員工服務態度唔錯。食物水準好！價錢合理！有機會會試埋個鯪魚球（想點2粒可惜賣晒）

第一次見食呢間，食之前都睇過食評，評價都幾高，估唔到呢間野真係咁跨張，老闆竟然七點幾就大聲同自已啲同事講，唔好再入客喇，無食材啦，然後又走到門口，對外面等緊位既人講：「大家可以離開，今日所有野賣晒，唔好意思各位，明天請早。」講返野食先，因為今晚只想食粥，所以無試招牌麵。味道很好食，價錢又唔貴，不論粥、油條、腸粉或其他都係即叫即做，我地都好鍾意，大家可以一試。本來想試埋個「炸鯪魚球」，但可惜買哂，無得食。如果大家有興趣的話，建議大家盡量早啲到。或者改食下午茶，咁應該會容易入坐。

琴日夜晚經過見到難得有位就諗住入去試, 估嗰到會撞到一位大台前演員顏國梁, 咁我坐低咗就睇Menu, 有唔少嘢食, 我就叫咗個招牌雲吞麵, 如果叫得招牌都唔掂, 咁其他嘢食應該都唔使食啦🤨, 所以我就叫咗碗招牌雲吞麵加一杯凍檸茶少甜。咁呢個舖頭特別在有提供免費用嚟開胃嘅酸蘿蔔, 我覺得食2-3粒就好夠, 貪心嘅我食咗5粒, 開胃開個櫳啦, 麵口感上唔會太韌唔會太腍, 算係啱啱好, 雲吞皮薄, 餡料嘅蝦肉都有咬口, 一啖一個啱啱好, 但係量唔多, 所以唔係幾夠飽, 招牌確實招牌水準。凍檸茶紅茶底係靚嘅, 紅茶茶香幾夠比平時喺茶餐廳飲嘅好飲, 唔會有苦澀味, 我覺得幾難得。

今日去太子拎野比朋友，朋友就話請我食飯，問我有無idea，我就諗吾到，行下行下見到尼間餐廳，朋友問尼間o吾ok🤔我覺得可以就入左去坐，我地岩岩坐低，再入多1個客，間餐廳就滿座，好彩快人一步入左去坐🤣入到去佢有個細碟比你食小食，睇餐牌有好多食物揀，最後我揀左牛腩河，不過吾記得左走青，唯有自己慢慢夾番出尼，牛腩好淋，完全唔會痴牙，湯都有牛腩汁，所以食河粉都吾會有重食清湯河粉既感覺，食既速度快過河粉吸湯既速度，所以唔會覺得食極都咁大碗🤣

夏天嚟喇～超級熱啊！32度～興致勃勃好想食粥梗係食呢間啦😜一入去就有個卡位時間係晚上7:30😙乾淨環境一直冇變加上疫情上冷氣充足坐定定梗係食少少酸蘿蔔啦正到呢❤️（最緊要係保持乾淨衛生）佢嘅酸蘿蔔真係粒粒容易入口又唔會太酸味道剛剛好😋😋😋😋我立即叫咗個 《及底粥》《炸鯪魚球四粒》兩樣嘢都唔使講超好食冇變過～保持水準💯朋友就叫 《皮蛋瘦肉粥》最後見到隔離枱叫咗支汽水好可愛我都叫支雪碧先超冰凍🥶爽爆😝

下午茶時段行過太子搵間茶記食個TEA，開個OPENRICE 睇下，睇最多好評既係間雲吞麵舖就入去試睇到餐牌雲吞麵加凍O茶 43蚊都算可以見個雲吞面幾多人好評雲吞有4粒，蝦同豬肉新鮮彈牙，皮薄滑麵爽口湯底好味清甜比一般雲吞麵舖好食好多囉好平好抵

污糟！碟油菜裏面送你隻烏蠅🪰🤢，並加送發泡膠粒🖕門口擺咗用嚟墊湯底嘅柴魚，引咗好多烏蠅過嚟奶奶供，雖然佢話係米豬連，我就一啲都唔覺得喇，淨係覺得佢越嚟越污糟，碗筷用外判公司洗，載住乾淨碗筷嘅膠箱望落去好污糟！要立即black list佢✍️

之前聽朋友講，呢間嘢好出名，咁啱經過所以就試吓，叫咗雲吞麵炸兩艇仔粥同埋炸雲吞雲吞麵係正常發揮，鹼水味唔算濃，雲吞餡料都算爽口彈牙炸雲吞同我想像中有少少唔同，比較似錦鹵雲吞，我都係鍾意食炸廣東雲吞炸兩係比較令人失望嘅一樣，佢哋嘅油炸鬼唔夠脆，腸粉皮都有少少撻口艇仔粥都係正常，粥底夠綿同埋料都夠多佢哋亦都有醃蘿蔔提供整體上來講，質素只係普通，唔值得專登排隊嚟試值得一讚係佢比同類型嘅餐廳算係乾淨企理。

因為以前大姐住在太子，有一次去探親行過入左去食，這店當時仍未出名，食過覺得正正常常，味道都算可以，後來出左名之後我又專登去過2次，但都因為太多人排隊而冇食，今日下午去九龍塘打疫苗第3針，突想起又走去食，叫左雲吞撈麵加腩汁，40元撈麵算平，但麵份量比較少，雲吞5粒正常，麵ok,雲吞細粒，虾多猪肉少，調味頗為傳統，麵湯比較淡，食唔到大地魚味，唔合格，整體這個麵價錢算合理，味道唔可以話出色，如果經過附近都會再食，要搭車去就唔會，香港比他好的有不少，另外腩汁就非常出色，好好味，牛腩相信會好好食，下次會牛腩，酸羅白夾左6粒，食左2粒都係苦苦地，酸味亦不足，另外4粒就放棄冇辰