十大碗粥麵專家

營業中

休息中

見社交平台關注組D人 基本上係頭三甲 就去試吓 叫左雲吞水餃撈麵 本來好祈待大地魚味 我覺得湯底胡椒味大過大地魚味 不過飲完冇口渴 雲吞同水餃一般 無特別 個麵最唔掂食到有D苦味 我起初以為自己自己味覺 但再食都有苦味 唔知係咪粯水味 真係覺得一般 何解被裙組捧到吟高🥲

突然想食雲吞麵，上 openrice查查， 就搵到呢間十大碗。還好今日唔駛排隊就入到。點了雲吞麵及蜆介鯪魚球。雲吞麵幼麵底十分彈牙爽口，麵上有蝦籽，湯底濃濃的大地魚湯味，配有韮黃，用料及味道拍得住出名嘅麵店。雲吞大小適中，餡料蝦及豬肉均勻，味道亦很好。蜆芥鯪魚球夠熱大大粒，外面包著米粉碎再炸，香口彈牙，蜆芥醬亦夠味，十分推介。想讚讚店家提供嘅酸蘿蔔，甜酸味道剛剛好，又夠爽口，食完炸嘢立刻解油膩。總括來說是滿足的一餐。另外店家使用refill的醬料，而非獨立包裝調味料，走塑十分愛地球，值得一讚👍🏻❤️🌍

突然想吃兒時雲吞面味道，見這裡評分高，決定一試。賣相👍🏻，雲吞系鮮蝦，4粒雲吞大部份系爽蝦，有大地魚香，湯無味精，面爽。呀妹初開時原來已帶我試過，即有記憶，比第一次來減分，但仍然算好味，值得一嘗，價錢平，下午茶抵! 但奶茶麻麻🥹酸蘿蔔加分❤️

夠曬涼爽，好最鍾意啲舖頭有吊扇空氣流通朋友叫的王牌粥，我覺得好大路，原來菜頭只是新鮮菜心。 但係十分足料嘅👍瘦肉絲都醃得好入味，拆得夠幼，粥底都綿嘅，食完唔會口渴見到冇師兄師姐食牛腩我，梗係要做個勇者幫大家試下喇 不得了❤️份量十分之足，亦都好入味簡直到唔夠喉河粉都唔會好淋，夠爽口 係幼河粉出面好少見識食，梗係食蝦米腸炸兩喇入面嘅油炸鬼都仲脆嘅蔥花同蝦米🦐都充足唔會孤__寒close up茶走，大__樂貨色，大家可以唔使嗌喇皇牌炸3寶水餃唔錯，係我啱我嘅口味炸雲吞就曳囉，個皮又大，個餡料又少我食淨雲吞好過炸片頭還好

廣東人當然鐘意食雲吞麵同粥。但今次食十大宛真係有啲不以為然...之前嚟食係正嘅但今次真係唔係咁掂.…好澧味但好重味精~食完好口亁要飲好多水去唔去食自己決定,但味道上差咗係個人不爭嘅感覺!只能講有啲失望……Anyway, let me share some food fotos.

聽聞這間的雲吞面挺好吃，這天晚餐就來了試，這裡地方不大，坐位比較迫，而且要搭枱，所以不會坐得好舒適。點了這裡的招牌：蝦籽雲吞面 $38價格便宜，湯都比較鮮甜，而面質有咬勁、爽滑，雲吞是藏在面底，屬於較小粒，較正宗的餛飩，味道不錯，而桌上有店內自家醃制的白蘿蔔，配合一起吃更開胃。招牌炸兩 $35這個也是好味的，因為腸粉皮夠薄，油炸鬼不會炸到好硬，而且每一舊炸兩的size屬於一口size，所以不會吃得好狼狽，質素是出乎意料之外的。總括而言，排除地點不太方便及店內環境擠迫的情況外，這裡食物的CP值是高的。

最近重新寫回食評，小弟文筆一般，多謝大家閱覽和包容。10年前年輕的我喜歡食日本拉麵，時光飛逝，小弟已變成中年大叔，連口味也隨著年紀而改變。現在的我喜歡港式的懷舊味道，其中一樣就是廣東雲吞麵，今天要推介的就是十大碗。這家店開了大約2，3年時間，係FB雲吞麵關注組的大紅人。當天光顧的是太子分店，點了雲吞麵一碗和叉燒腸粉。這裡的麵質素不錯，湯底由大地魚，羅漢果精心𤉶製，水準拍得住鄰區的米芝蓮麵店劉×記腸粉水準也不過不失。綜合openrice用戶食客的好評，社交平台雲吞麵關注組熱門推薦，此店有機會在不久將來能入圍米芝蓮指南推介吧😄

呢日係太子街頭想食啲輕食，上網見到呢間粥麵店嘅評價唔錯，一於試試呢到食物種類大致有5個選擇：湯麵、撈麵、生滾粥、腸粉 同 小食揀咗2個小食：淨雲吞 同 炸蜆芥鯪魚球等緊order期間，食住枱頭嘅醃製白蘿蔔先，個味道較得唔錯，食落幾開胃🔸淨雲吞雲吞皮薄滑，餡料調味啱啱好食到原隻蝦蝦個湯好味到一滴都無得留低 見到店內嘅poster話個湯底係正宗大地魚湯底，用咗大地魚、蝦籽、豬骨、蝦角、羅漢果、果皮同蝦乾，用細火熬製咗5小時，唔怪之得啦！～😋🔸炸蜆芥鯪魚球即叫即炸，熱辣辣加咗米粉喺鯪魚球嘅表層一齊炸，脆卜卜，口感豐富點埋蜆芥食更加惹味另外，想讚一讚鯪魚球嘅份量選擇👍🏻可以揀小(2粒)、中(4粒)、大(6粒)特別喜歡有’小’嘅選擇，一個人嚟食，order 2 粒都得，好細心🫶🏻呢日試嘅2款小食都唔錯，有機會再訪試吓佢嘅粥麵

係太子旺角區如果想食一碗麵加一碗粥必定諗起呢到雖然未至於最出色但係呢區黎講算係唔錯唔駛等位直接有得食叫左一碗雲吞麵麵夠彈牙 無梘水味鍾意呢隻雲吞size咬開雲吞一半都見餡料夠哂飽滿要挑剔就係湯底略油但絕對係一碗稱心的雲吞麵粥品都唔少人叫及弟粥算做得唔錯豬肚 豬腸 豬潤等等都處理乾淨但自己比較喜歡粥感杰d略嫌太稀食粥點可以無炸兩今次再食反而覺得一般反而同區妹記的炸兩仲好食不過下次諗起又想食麵食粥時太子旺角區都係會諗起呢到

基本上每次想食嘢都諗起你（不論春夏秋冬）今日仲要係母親節～雖然落大雨～去到都好多人排隊～我哋起碼等咗15分鐘左右有位，最鍾意食「十大碗」就係佢真材實料，一分錢一分貨今次都係食（及第粥）= 超好食「佢嘅豬肉豬膶全部都大大件嘅夠口感」（蜆解鯪魚球）唔少得 =唔輸得 「夠大粒同埋夠熱」今次要多個牛肉腸粉😙=下次可以唔使叫冇特別完全係冇服務呀！態度㗎可能忙啦啲姐姐😂好食就得㗎啦最緊要環境都叫做OK乾淨酸蘿蔔係必食嘅一直支持

.之前睇米紙介紹，覺得好吸引，加上我地都鍾意食粉麵，所以就去十大碗試下係咪咁好食(˶‾᷄ ⁻̫ ‾᷅˵)我地六點幾到，唔駛等位真係好！枱面有一大甖醃蘿蔔免費任食，坦白我好鍾意食蘿蔔架，其實我要食真係可以食好多⁄(⁄ ⁄ ⁄ω⁄ ⁄ ⁄)⁄揀左兩款小食炸蜆芥鯪魚球（4粒）$42好大粒鯪魚球，食落好熱，外面脆卜卜，入面啖啖魚肉，蜆芥好咸，不用點太多平均10.5一粒，但炸得幾好又大粒算抵食招牌炸兩 $35入面油炸鬼好脆味道正常嗯～～35蚊黎講我會期待多少少，加d蔥花都好呀( ´▽｀)主食招牌雲吞麵 $38先試一啖湯底，淡淡地帶點蝦子油香，好飲麵條好彈牙爽口，好食喎！！雲吞都好食 蝦好彈牙雲吞麵推！價格都合理狀元及第粥 $45粥底綿綿，平時多食潮州粥，食下生滾粥都吸引配料多豬膶、豬粉腸、豬肚都有兩大塊，另外有豬肉等呢碗粥好岩胃口，好食呀～整體食得好滿足🫶🏻#唯有食是最治癒的

十大碗由一間寂寂無聞的轉角小店，經過網上平台的吹捧，最終成為街知巷聞的麵食店舖，最近聽聞更開設旺角新店。飢腸轆轆又身處太子總店，滿懷期待想再嘗嘗它的鯪魚球和雲吞麵，結果卻令人失望。招牌雲吞麵 ❤️❤️❤️🖤🖤炸蜆介鯪魚球❤️❤️🖤🖤🖤薄皮蝦米炸兩❤️🖤🖤🖤🖤最失望是炸兩，上枱已經是凍的，為免麻煩只好硬食，鯪魚球比較乾硬，分量都少了。店舖味道高峰的時候沒有為它寫食評，第一篇為它寫的食評卻是一篇「差評」。是希望店家在擴張大展鴻圖的時候都保持食品的水準，愛之深責之切也。

老實說，我不喜歡吃鹼水麵，也不喜歡吃蝦，所以一般雲吞麵不是我杯茶。我吃過幾間老字號如麥x 記，但都不及這間。最近有 youtube channel 介紹這間，所以我就來一試，而今次是我這個月第2 次到訪這間食店，每件出品都是出色製作。招牌蝦子雲吞麵，蝦子味很少，麵卻是一絕！麵質彈牙、爽口、一咬即斷，這就是煮到剛好的結果。我不吃蝦，但雲吞也很好，皮薄，蝦肉新鮮實肉。湯應該是魚湯，感覺清新，亦有豐富的白胡椒味道。 如果不喜歡白胡椒的人要注意一下。吃了傳統炸醬撈麵，是好吃的，但個人認為味道太濃， 一定要喝湯或吃酸蘿蔔來解膩。此外炸兩也不錯，皮薄油炸鬼也脆的，腸粉皮不油膩。總體而言，我認為這間傳統食店能將簡單食物做到極致，是我在香港吃過最好吃的雲吞麵。

看完米紙的報導，一直很想試試十大碗的雲吞麵🤤趁著清明假，便出發試試看！早上大約11:30到達太子總店的我們，幸運地不用等位便就座(✌︎˙˘˙✌︎)🌟淨雲吞雲吞體積偏細粒，與即食的東東雲吞差不多大😆雲吞皮薄又滑溜，有條細長的燕子尾！每粒都有原隻鮮甜彈牙的蝦肉，肥豬肉比例相對少，是我喜歡的7:3少肉比例💕再試一口大地魚湯，清徹且清甜無比，帶淡淡的韮黃和胡椒香，飲左好多都唔口渴(*´ч`*)🌟雲吞麵試了一口老公的雲吞麵，麵質非常爽彈，冇鹼水味，老公大讚💯加上蝦籽令魚湯更鮮甜，果然名不虛傳❣️🌟蔥花蝦米炸兩腸炸兩呢啲咁肥既油炸澱粉平時真係好少食，但呢度既炸兩腸卻可以讓我拋開卡路里的伽鎖‼️首先，佢既腸粉又滑又薄，加上蔥花蝦米鮮香倍增，內裡的炸兩香噴噴又脆卜卜，加埋甜豉油真係無懈可擊ჱ̒⸝⸝•̀֊•́⸝⸝)誠意推介🫶🏻🌟炸鯪魚球炸鯪魚球皮脆又薄，加了少許米通增添口感；內裡的鯪魚肉鮮香，質感軟彈，味道不錯😋美中不足蜆蚧醬的芥末味太嗆，蜆肉偏腥，不太合我口味👉🏻👈🏻🌟淨水餃、雲吞一碗雲吞麵又怎能填飽大食老公的胃口，所以我們再追加了雙併水餃雲吞，鳳城水餃十分飽滿，同樣有原粒蝦仁，加入了爽脆雲耳和荀絲，又另一番風味(

太子“十大碗”炸兩炸鯪魚球炸醬撈麵炸兩（腸粉皮薄彈而不韌不淋/配上鬆脆油炸鬼絕配）炸鯪魚球（外面加上米粉炸，有小小脆吾油，而鯪魚肉加入果皮，層次提升完全吾腥，再配小小蜆介醬又另一風味）炸醬撈麵（正常炸醬味道但麵質爽口無鹼水味）