十大碗粥麵專家

營業中

休息中

一早聽聞呢檔雲吞麵好出名，今日收工難得有兄弟揸車來迎聖臨，佢又話想食light lunch，一於去試下水餃雲吞麵：竹昇麵夠爽口彈牙無乜碱水味；金湯好香亦夠味有少少韮黃增香；雲吞大細剛好一口有金魚尾，蝦好新鮮彈牙，整體都好香；水餃同樣蝦夠新鮮外彈牙，木耳同筍都ok多，都幾脆口蝦米炸兩：米皮薄得黎夾起無爛有少量蝦米同葱增香，油炸鬼可能唔係新鮮炸起略嫌唔夠脆口但還可以接受，豉油一般貨仔蜆芥鯪魚球：可能剛炸起就上碟略嫌多左少少油滲出，鯪魚球外有沾啲米粉碎一齊炸相當脆口，內裡煙韌彈牙，食到有陳皮同葱，整體相當好食，甚至比我認為鯪魚球已經好好食嘅灣仔榮興小廚（已結業）仲好食。羅富記？行L開啦同場加映牛腸：米皮煙韌，牛肉膠好足料，有馬碲芫荽，入口好滿足，豉油同樣一般貨仔其實香港要食好食嘅雲吞麵唔一定要去麥字頭嘅

有深水埗刘森记一样的醃萝卜，但更好吃，点了所有招牌，猪润粥：猪润够鲜嫩，粥底绵密，炸两：不用加混酱都有滋有味，牛腩云吞面：牛腩非常软糯入味，云吞就不过不失，炸鲮鱼球大大粒，新鲜即炸，好味😋必须再来。

今日叫咗個雲吞麵同淨水餃，麵質一流有彈性沒有鹼水味，雲吞水餃亦不錯很有廣東的風味，湯底亦是很濃的大地魚湯，餐廳整體上很乾淨，唯一美中不足就是踢有味精，食完很口乾。不過會再來。highly recommended this restaurant for waton soup noodles. I will try congee and other food next time. The only draw back is....it takes long time to wait since many people are waiting outside.

十大碗粥麵專家，就咁睇個名本身以為係粥舖，但係原來佢既雲吞麵先係最出名🤩雲吞麵可以話係香港人既comfort food，又平又抵食又有香港特色，而且基本上茶餐廳間間都有得嗌，但係點樣先叫左一碗好食既雲吞麵呢？今次我就專登去試左呢間近期網民推爆既雲吞麵，睇下係咪真係咁好食🧐  另外呢度除左雲吞麵之外，佢既炸兩好似都好多人推薦，見到好多枱都有嗌，下次我都要試下😙 1⃣️招牌雲吞麵（$33）雲吞麵送上黎既時候啲雲吞係全部係碗底既，匙羹都係攝左係麵既下面，之前睇過人話咁樣係為左晾起個麵，等個麵冇咁容易浸淋。食過好多次雲吞麵但係都係第一次見呢個做法😯  一黎到我即刻飲左啖湯底先，佢呢度既湯係話用作大地魚、蝦子、豬骨、羅漢果等等既材料煮左5個鐘而成既，飲落係幾有魚既鮮味，幾清甜😌最令我驚喜既係佢既麵！食落好爽口，而且冇乜鹼水味！同我平時屋企樓下食開既雲吞麵真係唔同！而雲吞方面，每碗麵有四粒雲吞，雲吞唔算大粒，但係食落皮夠薄而且蝦肉幾厚既彈牙🦐  仲有好特別既係，呢度仲有啲酸蘿蔔係檯面比你夾黎食，可以中和翻麵既鹼水味，食雲吞麵既時候可以唔洗落醋，食呢個就得😚第一次食雲吞麵既時候見到酸蘿蔔。食落酸酸地好開

呢間野係關注組度俾人講到咁神級，放工就黎試下啦。位置唔算方便，地鐵出左都要行一段路。到左餐廳，環境細細都坐得幾逼下。我嗌左碗最出名既雲吞麵試下，四粒雲吞，啲蝦係好爽好彈牙，不過豬肉得勁少，食落去既感覺就似係一粒雲吞包得一隻蝦其他咩都無咁。 雲吞麵都煙韌，份量算少，食完個肚空寥寥。個湯底就相對上比較油同埋濃味咗啲，食完個口唔係太自在舒服。$33一碗.....不過不失啦，網上評價就有啲名過其實。可以一試，但你話再專登走黎食既話，我就唔會啦。以佢既份量，要喺度食到飽應該要嗌好多野。我對面位一對男女，兩碗麵加一碟油菜加一碟鯪魚球同炸兩，聽佢地講食咗190幾蚊佢地覺得貴。要食飽既應該唔會黎呢度，過下口癮都可以既。

近期開始走紅的一間港式粥麵店，聽說它的雲吞麵和其他粥麵都相當不錯，雖然我之前曾經幫襯過它一次，印象不深，既然它的口碑愈來愈好，那便再去幫襯，吃真些好了。這天我還未到中午十二時便已來到，想不到已要在門外拿號碼籌等候。幸好我只得一個人，吃粥麵的人通常又不會慢慢嘆，吃完便走，所以等了不到十分鐘，便可入內就座。本想吃網上得到不少人推介的「招牌雲吞麵」，但這兒平日一至五有多款午餐供應，雖然沒有雲吞麵揀，但當中的一款「皇牌套餐」（$53），有「雲吞水餃撈麵」可揀，而且包熱飲或汽水，也好，就選擇這「皇牌套餐」吧！與名店「劉森記」一樣，這店子也有一瓶「醃蘿蔔」放在桌上，可供客人夾來吃。這裡的「醃蘿蔔」味道挺好，夠爽脆，夠開胃，但又不會過酸，挺好吃。「雲吞水餃撈麵」有兩隻水餃，三隻雲吞，兩者都有水準，雲吞小巧，水餃修長。雲吞是散尾的，內有原隻蝦仁，混以豬肉餡，餡料比例適中，一口一隻，剛好。水餃餡料正宗，內有木耳、筍絲等，與雲吞相比，以爽口取勝。這撈麵的另一靈魂----湯底，看店中的介紹，原來用上了大地魚、蝦乾、蝦籽、羅漢果、豬骨等熬等熬製，喝過後，果然不錯，喝得出大地魚的甜味。至於麵條，因為用上了全鴨蛋

第二次黎食，第一次個陣未算出名，而家出左名lunch好多人等位，好彩一轉食飯好快，所以多人都唔等好耐！狀元及第粥足料，豬潤超爽唔騷，粉腸洗得好乾淨，豬肉片滑身，豬肚爽，粥底好食！係偏稀身，不過唔影響，整體好食！招牌雲吞麵湯底冇得輸，超重大地魚味道，雲吞係新鮮蝦加皮超薄，麵爽冇視水味！必叫之選如果大食人士最好加底！炸兩油炸鬼加腸粉，皮薄油炸鬼脆身！超好食，必叫!平民價錢，係座位偏細，不過野食好味，小店冇得計！

☕️ 食物：👍🏻👍🏻👍🏻👍🏻 /5💰 價錢：👍🏻👍🏻👍🏻👍🏻 /5🤵🏻 服務：👍🏻👍🏻👍🏻👍🏻 /5🛋 環境：👍🏻👍🏻👍🏻 /5近期大熱嘅傳統中式粉麵店，由爺爺一代祖傳配方流傳到現時第三代，主打雲吞麵，湯底用大量大地魚乾、蝦乾等長時間熬製而成，另有粥品、炸両、酥炸鯪魚球、酥炸雲吞等同樣被客人激讚。我因時間關係暫時只係試咗雲吞麵，酥炸鯪魚球、豬膶粥就外賣～ 🍜P.S. 平日去會相對比較少人，記得開門問姨姨攞飛排隊至係醒！☝🏻💋 雲吞麵 ($33)又係慣例細細碗嘅雲吞麵，鹼水麵加4粒雲吞🍜。我喜歡先飲啖湯 🍵，唔... 無味精，飲得出係自家精心泡製嘅香甜湯底，再嚟係粒皮薄雲吞，裡面蝦、肉嘅比例大概係8:2左右，原隻蝦好彈牙，大滿足！😋 至於個鹼水麵都要一讚，係非常之爽口但只有輕微鹼水味，唔需要好似其他麵店咁加好多醋去中和鹼水味 👍🏻 整體進食嘅時候更加令客人可以品嚐到湯底嘅精髓💋 酥炸鯪魚球 ($54)魚肉好新鮮，外層嘅炸米粉脆卜卜，沾上惹味蜆芥汁，真係好好味喎！💋 豬膶粥 ($36)淨係食個粥底已經覺得好鮮甜，豬膶好滑，好厚身，好爽口，大啖咬落去真係大滿足呀！😋

無意中睇到雜誌介紹呢間食店，決定帶媽咪一齊去試，星期日大約十二點到，門外已經好多食客等緊，我哋攞咗號碼喺門外一邊等一邊睇定食咩門外海報，介紹大地魚湯底製作同全鴨蛋麵等咗大約半個鐘可以入座畫得好靚雲吞麵～先試吓嗒湯先，真係好清甜，麵爽口冇梘水味枱上放咗樽酸蘿蔔，問店員攞個碟仔夾嚟食媽咪最愛，夾咗兩轉🤫🤫炸兩～腸粉皮薄，條油炸鬼仲脆卜卜㗎豉油分開上，甜醬、辣椒醬自己加蜆介鯪魚球即炸熱辣辣好大粒，好足料唔鯹，好好味

呢間食店近日大熱 日日夜夜都大排長龍而我最憎排隊 所以三番四次經過就算今日夜晚9點又系附近 試下駁一駁啦9點依舊都系滿座 亦都仲有人排隊 好彩既系我行快兩步 直接入座🤟🏻兩個人叫左一碗雲吞麵 一碗水餃麵細心地用雲吞墊底等d麵吾洗浸淋之餘又可以幫雲吞keep住個溫度用左鴨蛋麵 除左麵質爽彈 仲好香 湯底用左蝦殼同大地魚 點會仲有得輸🥰雲吞吾算大粒 但系蝦比例多過豬肉 淡淡肉之餘 好鮮甜好有口感水餃都吾錯 加左雲耳增加口感除左份量比較細 男士一碗應該吾夠飽 其他都好好

是日中午黎到太子出名既十大碗粥麵專家，平日黎食好處係唔使排隊，假日次次都等好耐😂位置唔多，座位偏窄。有一大甖酸蘿蔔，任大家食用。其實偏甜，本人喜歡酸少少既哈哈😄鮮豬潤粥，好足料啊，有好多塊厚切豬潤，係我食過咁多豬潤粥中最高質，一啲都唔腥，多蔥花，粥好綿，味道鮮甜。😋牛腩飯，份量適中，牛腩有咬口，味道正！配免費汽水🥤，係傳統既玻璃樽可樂。牛肉腸粉，諗唔到係超多餡喺裏面，有三大條，食完超飽🙈

店名：十大碗粥麵專家Ten Noodle Shop地點：太子汝州街45號樂勝大廈地下G/F, RoxanMansion, 45 Yu Chau Street, Prince Edward，電話: 23865025(1)     雲吞麵兩碗；(2) 狀元及第粥；(3)鮮炸鯪魚球；共二人享用本餐，合共壹佰四十二元正。食物的色香味如何：E 雲吞麵兩碗：蝦仁夠大，肉質新鮮，用大地魚湯為湯底，放上韭黃，所以烹調十分地道；麵食彈牙爽口。然而，唯一可挑剔之處是韭黃數量較少，不夠香味。E 狀元及第粥：粥底綿滑，而且及第大件，豬肝軟、大塊且爽口；粉腸和豬肚夠爽滑。E 蜆蚧鯪魚球(炸)：惹味。炸得很香魚味，外面酥脆而內軟，比一般炸魚片、炸魚蛋更彈牙，加上鹹味十足，很適合我的口味。賣相得體。環境：地方較淺窄，但清潔整齊。服 務：良好。衛生：良好。抵食：價錢合理。

😳自從加入左雲吞關注組，見唔少人推十大碗，就決定夜晚黎試試佢！😇唔洗等好耐，店員都有禮貌，🛋比我地轉舒服啲既卡位度食招牌雲吞麵 $33四粒雲呑size唔算大粒，🍤但蝦肉彈牙🍜麵夠爽，湯完全無梘水味，（但其實我食慣有啲梘水味既），不過無味精味，幾清唔會咸，😛所以我都飲左幾啖湯🤗細蓉，份量唔算多，所以可以再叫下啲小食招牌炸兩 $30🔺炸兩必食，比出面既脆好多，🤩皮好薄夠滑，🤔不過自己反而略嫌皮太薄，無左個口感.自己落左好多麻醬甜醬😂😂炸雲吞 七粒 $45呢度既炸雲吞好大份😂😂，有成七粒，内裡蝦肉夠彈牙，但係食得多略嫌幾熱氣同口乾💦，最好再多啲人share👍要再讚既係，每枱都提供一大樽酸蘿蔔，❤️好鐘意，食完炸嘢岩曬，感覺fresh翻，啪左好多粒😂😂

今日出開去太子，就去左十大碗試下，見到雜誌話好食，叫左個雲吞牛腩麵、义燒腸粉、四粒炸鯪魚球、熱奶茶，埋單要$120偏貴，講真雲吞一般又吾係特別版好食偏細粒，牛腩偏瘦好痴牙扣分😔，麵就夠爽冇梘水味（但係吾係有梘水味先係正常咩），义燒腸粉皮拉得夠薄好味😋，個鯪魚球就覺得差d，食落好似未熟甘，d魚肉散開冇彈性😖，總括然而冇咩驚喜，冇下次！

已經不是第一次來十大碗吃飯了，這裏的食物出品保持一貫的水準，雲吞麵的湯底用大地魚熬出來的，豬手、牛腩、炸兩都做得非常出色，地方又乾淨，服務殷勤，午市的套餐更是出乎意料的便宜，絕對值得大力推薦。