十和田總本店

營業中

休息中

日本餐廳每星期都要去一次！今日lunch就同同事一齊，享受一下高質嘅日本料理🤞🏻呢間舖頭環境已經俾我印象好好❤️環境明亮而且樓底好高，坐得舒服，見到師傅喺度努力地整每個客人嘅壽司同埋刺身💕💕真係全部都係新鮮製造！呢度有抹茶可以自己調配～咪等嘢食嘅時候就可以飲番半杯，野食好快就到啦！我哋兩個套餐都跟一款日式蒸蛋同埋麵豉湯鰻魚飯配刺身無令人失望！三文魚油脂分佈得好，三塊都好厚身而且好正的口感～吞拿魚都好新鮮，再加上甜蝦完全都冇霉味，午餐黎講呢個價錢真係好抵食！鰻魚汁同飯一齊食真係好襯，甜甜地加上鰻魚嘅香味真係非常吸引💕雜錦魚生丼超級豐富的配搭三文魚、吞拿魚、帶子 、油甘魚 同三文魚籽，仲有蛋～份量比我想像中多好多！一次過有齊晒咁多唔同種類嘅魚生，可以滿足到我胃口，又可以解決難以選擇嘅困難症～因為真係乜都有齊晒！全部厚切大大粒 ！魚生好厚，又新鮮，真係口感十足✨丼飯飯量好夠，真係唔會驚唔飽肚～

本身同朋友都好鐘意食壽司, 係openrice搵到呢間決定一試晚上7點幾去到, 疫情期間, 都要等一等位, 場內座無虛席落單係用QR code, 夠晒方便壽司選擇好多, 有拼盤(感覺類似omakase)壽司亦細分吞拿魚類, 白魚類, 火灸類, 軍盤, 卷物一目了然三文魚控的我們, 先點了個三文魚三味壽司$38好新鮮, 呢個價錢亦都物超所值然後想點人氣的3色丼, 但因為皮膚敏感要介口, 唔可以食蟹所以唯有放棄, 轉點雜錦魚生丼$108抵食! 豐富! 鐘意刺身而又想要多重口感的人推薦一試刺身雖然切粒, 但都好新鮮, 口感豐富而且一D都唔馬虎, 食到好多粒鮑魚飯底並不是一般的米醋壽司飯, 而是有味的壽司飯而且wasabi係即磨而成的山葵, 唔係一般現成的膏狀特顯用心同誠意平成卷$148亦係熱門之選有UNI, 吞拿魚溶, 豐富口感仲有大大粒的魚子吞拿魚三味壽司$108好適合吞拿魚的愛好人士3款壽司, 3種口感, 十分肥味另外我地仲order左廚師推介柚子大根$28清甜爽口燒原條明太子$68呢款都唔係好多日本料理店有得食十分滿足的一餐食材真係真係真係好新鮮啊!

很多人說這間尖沙咀的日本餐廳很有名氣，特別是食壽司方面，所以今次就排隊去食，都幾多人。三文魚三味$38因為有三件三文魚壽司，包括普通三文魚壽司及火炙三文魚壽司，所以價錢都物有所值。平成卷$148鍾意食Cross Over的不能錯過，表面有海膽，拖羅蓉，感覺都幾match，味道和口感都十分豐富。鯛魚$26左口$28深海池魚$32三款不同的白身魚，各有特色，因為沒有經過其他加工，所以吃得出師傅的刀工細緻，以及沒有腥味代表食材也十分新鮮。賣相差不多，口味亦不差太遠，價格相似，豐儉由人。這家店的壽司的確選擇多多，而且質地味道新鮮，值得一試。

日本係好多香港人嘅故鄉，一年裡頭閒閒地都返去三五七次，有排都返唔倒鄉下，香港嘅日本餐廳都好似特別多左人幫趁，十和田就算平日夜晚都坐滿人。十和田主打食壽司，不過除此之外都有小食、卷物、海鮮丼、烏冬同甜品。餐廳冇實體menu，落單可以用手機scan QR code。海鮮丼($198) - 哩個海鮮丼真係好足料，裡面有油甘魚、牡丹蝦、吞拿魚蓉、海膽、三文魚籽、帆立貝同玉，全部都好新鮮厚切。三文魚籽鹹鮮味好突出，正呀～！！海膽雖然係較平價嘅加拿大海膽，但食落都鮮甜。牡丹蝦夠大隻肉質亦好爽彈。吞拿魚蓉好軟滑。下面嘅丼飯加左赤醋，所以食落會有少少醋酸味，飯量亦好多，食完唔會好似食左陣風咁。火灸牛肉湯烏冬($88) - 烏冬唔會太腍，仲有少少彈口，上面嘅火灸牛肉係七成熟唔會太老太鞋，牛肉量都唔少，整體OK。總結，海鮮丼比烏冬出色，刺身新鮮之外，飯量亦足夠，食完一定夠飽。

踏入黃昏時分, 突然好想食日本嘢做晚餐所以就嚟到呢一間日本餐廳諗住試下新嘢 因為好早嚟到 所以餐廳未算好多人不過坐到尾聲已經差不多坐滿.。 侍應好好招呼，好熱情咁話我知佢哋落單係用手機掃描cose去落嘅, 感覺上減少咗人同人接觸機會, 喺宜家疫情時間感覺好安全。掃咗code之後，望一望佢 將所有嘢食都分咗類好方便搜尋。 睇完menu我最後揀咗一個鯛魚湯，一個海膽蒸蛋，同一個海鮮丼，感覺好豐富。食物好快到， 佢嘅刺身後生鮮，壽司飯亦都整得好好味 ，有啲店舖嘅壽司飯味道，不大理想不過呢一間日本餐廳嘅壽司飯好傳統，好正宗，好有日本嘅味道。至於佢嘅海膽蒸蛋 我覺得好好食 佢嘅海膽一啲都唔腥配埋下面嘅蒸蛋，簡直 prefect, 最 重要係佢啲蛋蒸得好滑，下面啲料亦都好足。最後佢嘅鯛魚湯好鮮甜好好飲一餐飯，畫上完美嘅句號。

◆Summary◇『丼飯超足料真心好抵食』QR Code 落單選擇頗多，不過坐得都幾逼，嘢食未必擺得落👯‍♀️用左醬油漬醋飯，酸度適中應該係大眾會接受嘅水平。丼飯價格合理又超足料，幾有驚喜！推介 🥢北海道帆立貝松葉蟹丼 (見到好多人嗌🥢三色丼 下次可以試下)————————————————————1️⃣◆北海道帆立貝松葉蟹丼 ◇HKD148勁多蟹肉‼️每一啖都係蟹肉好幸福帆立貝超鮮甜成碗丼飯食完好滿足👅如果醋飯再酸d就仲正2️⃣◆吞拿魚三味 ◇HKD108比起單點大拖中拖，三味明顯抵好多赤身柔軟魚味都幾濃大中拖羅口感非常肥厚，不過油香就較為清淡

無啦啦戚起條筋想食壽司，原本諗住去壽司郞食，點知去到門口先知佢唔再接walk in客😂既然係咁就去另一間食，諗起呢間十和田總本店好似好出名，一於由佐敦行去尖沙咀食啦😍可能我地早去，竟然唔使排隊，所以就衝動咁入左佢食😂入到去佢安排左吧枱位比我地😂佢係用手機落單，打開餐牌先發現喇野了😳估唔到價錢咁貴，以佢咁既裝修格局同服務真係唔似收呢個價錢既餐廳黎。唔同真系因為名牌效應？一於就叫佢地既壽司食睇下係咪真係值。首先黎左個壽司拼盤，係包埋湯同蒸蛋。茶碗蒸好奇怪，口感唔係平時食到滑溜溜咁，甚至有少少鞋口，可能係蒸過左火？不過茶碗蒸夠滑應該係好基本既要求黎，所以呢個茶碗蒸就真係唔可以接受了😣不過幸好啲壽司都唔失望，每件都唔錯，感覺上用料都幾新鮮。特別欣賞佢個飯，我地估計係撈左豉油，所以變左啡色，不過食落反而食唔到咩豉油味，淨係覺得佢幾香，唔錯😋跟著叫左個火炙壽司五點盛，個人覺得比起岩岩個壽司拼盤仲好食，特別係佢個吞拿魚，稍微燒過之後啲油香出曬黎，仲有啲入口融化既感覺😍其他壽司都唔錯，絕對推薦呢個😋最後叫左三色丼，我見餐廳好多人都有叫，所以都叫黎試試。呢個三色丼都冇令我失望，尤其係個海膽丼，真係一啲都

雖然屋企附近都有一間，但係有時都會去尖沙咀分店再食🤣 貪呢間日本菜性價比夠高去到日本餐廳點都會叫幾件壽司，揀番我最鍾意嘅壽司，蔥吞拿魚腩($22/1pc)中吞拿魚腩($42/1pc)同火炙三文魚($15/1pc) 壽司食落好新鮮，中呑拿入口半溶好高質☺️之後叫咗一個明太子沙律($48) 同我想像中有啲出入，呢個明太子沙律切到一粒粒，比較爽口，份量都夠哂多。 蒸蛋都係不得不叫($28) 好滑嘅蒸蛋，加上配料食落更加鮮甜。因為太肚餓所以揀咗兩個主菜吉列炸蝦烏冬($88)同海鮮丼($198) 呢度嘅主菜價錢唔貴亦都好抵食，有四隻炸蝦，而且蝦大大隻又夠新鮮彈牙🤓 另外海鮮丼都好豐富，有牡丹蝦，油甘魚，玉子，魚子，海膽，帶子，仲有碎吞拿魚腩，食下食下好快就食晒成個飯🥰

It’s a Saturday so there’s no lunch sets available. It wasn’t as packed as I expected, the seats were pretty spacious. There’s no printed menu and we had to scan the code to virtually access the menu. There are a vast variety of choices to choose from! One reminder, place the order using the same phone! My friends and I ordered with our own phones and my orders were overwritten. I had to ask the waitress to confirm with my orders!We were attracted by the Snow Crab+scallop don! And I ordered anot

作為一間咁多好評嘅餐廳，我同男朋友當然會抱住好大期望，以為食物質素好好，可以好好享受。我地午餐嚟食，唔駛排隊。首先壽司飯唔係食開果一款，唔算好好味，但唔難食，但係都食唔晒。整體食物感覺唔算好新鮮，唔知係咪夏天嘅關係。我自己個人認為，刺身壽司新鮮超級重要。性價比低，相對食物又貴又唔算特別好食。如果大家食開高汁壽司，這不是一個好的選擇。唔明點解咁多like。不過，三丼算係不過不失，最好味係蟹膏蟹肉果款，其他一點也不特別。我估只係綽頭

間唔中自私食下都唔錯，其實係朋友臨時唔得閒，搞到要自己食飯，所以就對自己好少少，食好d，十和田之前路過好多次都想食，今日既然咁岩有時間就試試佢由於唔算太肚餓，所以只係叫左幾款，首先就講吓鮮松葉蟹腳，晶瑩剔透嘅蟹腳啖啖肉，仲帶有海水嘅鹹香味跟住就到海膽壽司，大愛丫！海膽既比例都幾多，包住嘅紫菜都好脆，的確係即叫即做，海膽非常鮮味最後就係吞拿魚三味，拖羅有點入口即溶既感覺，令人好懷念日本既味道順帶一提十和田既壽司飯係赤醋飯，唔係太多舖頭有得食！整體黎講質素係唔錯既

My wife suggested to have Japanese cuisine for dinner tonight, thus i decided to bring her to Towada Sushi. It was a popular Japanese restaurant located at Chinachem Cameron Centre, few minutes walk from Tsim Sha Tsui MTR. Their menu was comprehensive, offering a wide range of sashimi, sushi, udon and don etc. Snapper sashimi - It was fresh and chewy, sweet as well. Mentaiko chicken wing - Chicken wing was juicy and smooth, and mentaiko was very flavourful and slightly spicy, complimenting well

突然間又好想食壽司🍣，記憶中好多朋友都有幫襯過呢間尖沙咀嘅日式料理餐廳🍴，所以見平日應該容易搵到位，點知去到雖然唔洗等，但係真係坐得好密，枱與枱之間實在太近，或許太密集之下，實在太過嘈，未能好好與友人享用晚餐🤷🏿‍♂️.🍣超特選壽司拼盤💬壽司款式都有十款，有蝦🦐、海膽、海鰻、蟹腳等，都自應有盡有，但係感覺上在水準之上，唯質素只屬一般般🤔.🍣秋季限定火炙魚生丼💬一碗刺身飯，都有好多種唔同嘅火炙魚生混在一起，厚切三文魚、吞拿魚、海鰻、大蝦、帶子、左口魚等，大大碗都算是滿足，若服務與環境更好更舒適或者會覺得更美味

餐廳一入去就量體溫，之後就可以入座。晚市餐廳都幾多人，9成滿。坐低椅下面可以放袋，幾方便。開左檯就自己scan QR code睇餐牌落單。檯上帶綠茶粉，自己調配。同普通壽司店差唔多。睇左一輪，叫左海貝壽司拼盤$248， 佢嘅配搭係會隨季節更改。拼盤有8件， 有赤貝、活鮑魚、帶子、平貝、鳥貝、榮螺等等。壽司飯係醋飯，醋飯幾深色，但食落就淡味，唔會濃。另外再叫咗個火炙拼盤$108，有火炙三文魚、火炙吞拿魚、火炙魷魚、火炙蝦及火炙左口魚。

呢間壽司店想試好耐，平時成日經過都冇入去。今日終於有機會去食。坐低用QR code落單，餐牌選擇有好多。有套餐、有散叫。由於太多選擇，諗唔到叫咩，所以我都係揀咗套餐。揀咗超特選壽司拼盤$298，跟餐配麵豉湯及茶碗蒸。麵豉湯夠濃郁，幾足料，味道唔錯。茶碗蒸我鍾意食，入邊有日式魚蛋、蟹柳等等，味道唔錯。壽司拼盤有10件壽司加一個薑蔥吞拿魚卷。有長海饅，真係超長。有海膽、拖羅、三文魚、玉子、赤海蝦、蟹肉棒、吞拿魚鳥貝、獅魚。