十和田總本店

營業中

休息中

「十和田總本店」尖沙咀分店開業多年。之前已經幫襯過好幾次，水準維持到之餘，價錢以尖沙咀貴價地段嚟講夠合理，所以好多人話去尖沙咀食日本菜都會諗起「十和田」。點餐非常方便，用手機掃一掃個QR code就得。鍾意幾時加單由自己控制。上菜速度都幾快，同埋冇漏單嘅情況出現👍🏻👍🏻▫️燒明太子雞翼 (HKD46) - 飯前小食😋。一客有兩隻雞翼，外皮燒到卜卜脆，餡料明太子都幾多～味道微辣好味呀。▫️三色丼(HKD188) - 人氣三色丼，啱曬胃口唔大但又想試多款海鮮丼嘅人。三個丼分別係海膽、香蔥吞拿魚腩同埋松葉蟹肉+蟹膏。將三小碗飯放喺一塊木板先上枱，賣相幾靚，打卡真係一流😆所有食材每日由日本🇯🇵新鮮空運到港，鮮味十足。個人推介松葉蟹肉+蟹膏丼，真係超級邪惡又美味。▫️平成卷 (HKD148) - 見到隔離枱食緊，覺得好似幾正喎於是就加單喇！後來先發覺係店內另一款受歡迎食物😊😊海膽、吞拿魚、三文魚籽呢個組合簡直係冇得頂，飯上面鋪滿吞拿魚，再加一層海膽，最後係放上圓碌碌嘅三文魚籽。壽司飯味道跟其他壽司店有啲唔同，製作嘅時候已經加入醬油漬，我覺得唔需要點豉油都夠鹹味😋😋.

今日終於試左尖沙咀其中一間出名既日本料理 😍 菜式精緻 魚生新鮮足料 回頭率極高！超分位係全部飯係啡色既赤醋飯 比起一般白色醋飯 更突出魚生鮮味！-✅ 平成卷 ($148)果然係十和田人氣招牌😍 用料豐富 有齊吞拿魚蓉 海膽同三文魚籽！夾得黎 鮮味十足 層次豐富✅ 招牌三色丼 ($188)打卡一流既三色丼😍 松葉蟹啖啖肉配埋極香濃蟹膏！海膽雖然唔係當造 但都鮮甜肥美！吞拿魚蓉鋪滿成個飯 鮮味十足！✅ 火灸壽司拼盤 ($108)一咬落去成口都係火灸逼出黎既魚油😍 當中最出色係火灸左口魚同三文魚！✅ 香蔥吞拿魚腩丼 ($118)太中意吞拿魚所以叫多個丼飯 同三色丼入面個吞拿魚蓉差唔多～🦁 十和田總本店 (尖沙咀)總本店：尖沙咀金馬倫道42號華懋金馬倫中心地下分店：新蒲崗太子道東638號Mikiki地下G27號舖🦁 人均消費：$309 ｜推介：❣❣️❣️❣️❣️/5

朋友和我慶祝生日，本來挑了幾間選擇，結果朋友覺得這間比較名貴有氣派，好評也多，所以就中了圈套……朋友很舍得用錢，叫了很多不同刺身，鮑魚，當然還有清酒，店員介紹什麼都是直接點的，但食物太令人失望…鮑魚鹵到好似擦子膠，味道好膠好難食，實際大小就是一隻姆指，店員話請我哋食多隻因為今次比較細，其實成件事真係好核突，細到咁誇張，你送多隻都無咩幫助，最重要係好難食，質感係完全無鮑魚彈牙感，似鹵咗7749日黴咗嘅擦子膠。 收嘅價錢完全唔值…之後叫咗個蝦，味道係無甜味，但依d未必師傅問題，食材本身來源可能唔靚，仲有可能係係沖水式解凍，實際我睇唔到，只能推斷，但有樣嘢係睇到，就係蝦尾，我第一次見日本刺身餐廳出碟蝦係無尾，依個就絕對係師傅問題，你去食放題都會有尾跟住，何況高價位日式餐廳？之後叫了個鯛魚刺身，我入㕑20年食齡30年，未見過咁切嘅鯛魚刺身，由於鯛魚本身質感就比較煙韌，一般來說都是薄切，而十和田係厚切，目測是15mm左右，朋友放入口之後忍唔住發火，咬唔開的，跟住我咬一口確實難以接受，同店員反映之後，店員說師傅解釋是：鯛魚十分新鮮所以是這樣，朋友反問若果本來就知道鯛魚會這樣唔應該薄切先出嗎？朋友邀

又到左無得去旅行，周圍搵異國菜既時侯喇，真係太耐冇去旅行， 尤其係我至爰既日本呀，身為港女既我今日就搵返間高質D既日本壽司店懷緬過去上面兩款係火灸三文魚($15件)，輕輕俾火槍燒過，所以會有D燒焦既痕跡，壽司燒過後，漁油會迫哂出黎，食落會更加香口下面就係深海池魚$32，果然同平時食開既魚生截然不同我都有叫返D平時食開既壽司既蟹肉係一絲絲架，鮮味無窮呢兩款卷物係咪好似呢，分別就係加洲卷（$78）中間係蟹柳、蛋、青瓜而挪威卷（$88）中間就係三文魚同蟹肉估唔到呢度都有烏冬食塊牛肉仲要有成個碗咁大塊，認真足料最後仲有漲卜卜既丼飯，餸就有帶子、蟹籽、蟹肉蟹肉拆哂殼，無一啖飯都食到蟹肉，口感好豐富滿足

🤮🤮🤮🤮🤮🤮🤮🤮大家唔洗再去尖沙咀十和田之前佢真係好好味既岩岩過江龍到港個陣,雖然佢唔係平, 我都食過3-4次,諗住好耐無食經過去食下..誰知真係伏哂!-首先已經好多人等位,一入去佢地都好似已經好趕要你快快食完快快走,好彩我唔算等左好耐位,入到去好似無冷氣甘, 又焗又盛,搞到我鼻敏感發作打黑癡,好多人, 然後張張檯都好埋,大家食飯聽住隔離講D乜!-叫完野食D SUSHI唔FRESH,D飯既味好奇怪,D魚生既溫度直頭係暖真係未食過甘樣既壽司好似D虫就快要係壽司吽出來了!-叫左個鯛魚,成舊都係筋咬唔開既,個蝦睇落一D光澤都無 又乾個蟹腳軟皮蛇咁 都唔知食左D咩個吞拿魚紫菜卷紫菜林哂硬哂 咬唔開:’(茶碗蒸D蛋又老又實-唯一海膽係鮮甜同埋麵豉湯係夠熱,個大拖羅油花都正,其他食物一律不了,好耐無食過一餐飯, 食到唔開心,仲要覺得難食到, 一舊都唔想再放入口,呢間野真係NO NEXT TIME.再見, 再也不見。

深海池魚壽司都算厚切，雖然冇入口即溶嘅感覺但魚肉都幾鮮美。加州卷入面嘅青瓜好爽口，作為開胃壽司我覺得唔錯。挪威卷入面有三文魚，碎蟹肉，口感就比加州卷較為軟稔。火灸牛肉湯烏冬燒過嘅牛肉油脂迫左出黎，好香，而稻庭烏冬煙韌彈牙，不過湯底就比較普通較為失色。凡立貝松葉蟹丼丼飯上面有三粒大大隻凡立貝，而松葉蟹肉已經拆好晒肉，食蟹我最怕就係要慢慢拆，呢個丼飯嘅好處就係可以省卻左自己拆蟹肉嘅步驟，非常方便，而另外嘅三文魚籽就豐富左呢個丼飯嘅口感，令食嘅時候更有層次。

十和田❤️卡娜仔經過成日見到全場爆滿既一間人氣日本餐廳，終於黎朝聖了，裝修好有日本風格，如果唔想等太耐的話，建議黎之前最好先訂座hehe~💡設有加一服務費📲 手機Scan QR code點餐三文魚三味壽司 $38"抵食之選 壽司下面既飯都係經過調味 而三文魚肉都算厚身北海道帆立貝松葉蟹丼 $148"份量超多 松葉蟹肉佈滿成碗飯 而飯都係經過調味既醋飯 超有心機之作""帆立貝超大粒 再加埋大大粒既魚子食味道超搭"火炙牛肉湯烏冬 $88"火炙牛肉超香焦味 烏冬質地好好咬口 份量都ok 絕對夠飽～"

味道：⭐️⭐️⭐️⭐️尖沙咀超人氣壽司店 食料由日本空運抵港🛬CP值高 連鎖壽司店以外嘅好選擇🙊❶三色丼🟠🔴🟤$188三色分別係指吞拿魚魚蓉、蟹肉蟹膏、海膽呢個丼飯正好一次過滿足我3個願望🧞唔好睇佢細細碗 🥣加埋一齊可能都同普通size 不相伯仲😆⭐️吞拿魚魚蓉丼 🐟軟綿綿嘅口感 帶帶濃濃既魚油香⭐️蟹肉蟹膏丼 🦀甘香豐腴既蟹膏同鮮甜既蟹肉 每一口都份量滿滿 ⭐️海膽丼 💥色澤亮麗 口感細膩滑溜完全唔腥❷超特選壽司拼盤🍱 （配麵豉湯、茶碗蒸）$298拼盤一共有12件壽司 😱都係比較普遍既刺身款式🤔鰻魚、玉子、拖羅、三文魚籽、松葉蟹腳、牡丹蝦、海膽、間八、赤貝、吞拿魚、吞拿魚蓉卷物🍣勝在新鮮又大件😆仲有一個比較特別既地方🌟壽司飯係用咗赤醋飯 顏色偏向褐色🍚酸度比平時嘅壽司飯相對柔和 味道更有層次🍶唯一美中不足嘅地方係包壽司既紫菜唔夠脆Ps:尖沙咀、新蒲崗都有分店👍🏻

我哋嗌咗三色丼同廚師特選壽司拼盤，都要幾百蚊，所以都有啲期待值，點知................所有嘢都好淡！!!!!! 呢個價俾d咁嘅嘢我！有啲過分所以要上嚟講兩句。個蝦頭係臭，食個啖蟹腳好似飲咗一啖水咁It really impressed me......吞拿魚蓉係淡而無味,what?個蛋捲都淡而無味，砂糖都慳返咁連抹茶粉都無味係咩玩法？唔明點解咁多好評仲攞獎.........香港人係咪食開垃圾？！！！！

平時最鍾意就係食日本嘢 放假特登去尖沙咀食正宗日本菜❤️十和田由日籍壽司師傅主理 夠晒正宗👍🏻餐廳外面裝修走日式簡約風格 入面座位都好大 坐落舒服 唔會太壓迫😌叫咗2款丼飯😍三文魚親子丼同火炙左口魚邊丼火炙左口魚邊丼有驚喜！必食😋左口魚火炙後 油脂豐富好香口🥰魚油充滿口腔 好滋味啊 有入口即化嘅感覺仲有海膽啊🧡🧡新鮮冇腥味而且丼飯選用日本米 米粒飽滿 預先加入醬油 特別有咬口 配魚生丼飯一流！三文魚親子丼都好好味😚 三文魚切角 份量好多 唔會食到筋部位 好好味👍🏻啖啖都有三文魚籽 口感豐富 充滿魚油香味💕

📍  十和田總本店一個禮拜做野咁辛苦，星期日當然要岀下街食好西喇！十和田一直都係bucklet list想試的餐廳。今次好好彩book左位先去，當日晚市滿座，睇黎質素都有返咁上下，先會咁受歡迎。➖➖📌  北海道帆立貝松葉蟹丼 $148松葉蟹唔洗自己起肉，份量有成大半碗，可以撈哂成碗飯食，食落啖啖都有蟹肉，略嫌有少少殼，咁先代表係新鮮蟹拆出黎。北海道帆立貝真係又大又鮮，好鮮甜好滑。碗飯大大碗，兩個女仔share都夠食。➖➖📌 廚師發辨壽司拼盤 $378C先生超愛食壽司，一於今次食豪d，嗌個廚師發辨，一共14件壽司，有吞拿魚、海膽、魷魚、蟹腳、三文魚籽等，好豐富。牡丹蝦鮮甜彈牙，蝦頭都有蝦膏。海膽好鮮甜；吞拿魚好新鮮，魚味好濃。三文魚籽晶凝通透，鰻魚壽司好大條，仲有埋湯同茶碗蒸，茶碗蒸既蛋超滑。食材真係幾新鮮得黎又無雪味➖➖地址:  尖沙咀金馬倫道42號華懋金馬倫中心地下

今日去完尖沙咀博物館同朋友食個下午茶，原來藝術館今日都開！行行下去到金馬倫道，條街好多嘢食。今日我哋就試咗「十和田」呢間日本餐廳。迷你三色丼 $188見到隔離枱嗌呢個，賣相一流搞到我都好想試！第一個係新鮮嘅海膽，食落好廿甜冇乜腥味。第二個係吞拿魚用加上一啲蔥，超級足料勁厚！第三個係從業蟹肉蟹膏，蟹肉同蟹膏撈埋一齊味道好夾，份量都唔少㗎！佢哋個飯加咗少少醋，口感特別！吉列炸蝦卷 $78炸香卷有六件，感覺都幾抵食。啲蝦食落好脆！加埋青瓜食口感好豐富㗎。呢度仲有好多食物嘅選擇，下次午餐/ 晚餐嚟可以食多啲嘢！

女朋友好鍾意食日本野,經過尖沙咀見到有間門面都唔錯,就行左入去食。食野既環境都算唔錯,幾整潔。好快我就叫左個北海道凡立貝松葉蟹丼,個丼飯真係幾令人驚喜,完全冇偷工減料,一黎到成碗鋪滿晒松葉蟹肉,本身睇圖都令人食指大動,一黎到即刻忍唔住開始食。蟹肉有口感有彈性,最緊要係唔會好似其他日本鋪咁,有雪味,感覺好新鮮。另外3隻凡立貝都令人意外,好甜又大大隻,好少可食丼飯會比到咁足料。而飯底方面依間鋪所有飯都係用黑醋飯,同一般白米食落唔同,幾有特色,大家可以試下。食飯食到一半,女朋友話想試埋個炸雞,炸雞係即叫即炸,所以炸出黎香噴噴又juicy,食完真係勁飽。每樣野都好足料,食完一定夠飽,食飽配埋佢提供既綠茶清清腸胃真係一流享受。

今日和友人來到位於尖沙咀的十和田食午餐。我們點了帆立貝松葉蟹丼飯和雜錦魚生飯。說一說食物方面：是套餐形式，餐前有茶碗蒸，外形小巧，內來豐富，而且蛋香味濃。之後會有麵豉湯，都是很正宗的日本味道。帆立貝松葉蟹丼飯，有帆立貝三塊，都是很大塊的，而且鮮味十足。松葉蟹的份量也是很多，飯是經過調味的，不會淡味。雜錦魚生飯，是有三文魚，吞拿魚等等組成，都是十分新魚，而且一小塊方便入口。侍應們都好主動收走食完的碗碟，服務態度好

思鄉嘅時候當然要搵個地方舒緩一下，而這裡當然就係一個唔錯嘅選擇！這裡食物選擇多同質素都十分之高！落單利用QR code 系統，掃一下就可以登錄到選單網頁，內裡有很多選擇並有照片可供參考，但自己已經好快搵到心水，小食點了最愛嘅炸雞件，件件都炸得外面香脆，裡面肉質嫩滑之餘還充滿肉汁，加埋個沙律醬入口，真係十分滿足！另外這裡嘅即製壽司亦十分出色，醬油吞拿魚，在軟滑嘅吞拿魚上油上了一層薄薄嘅醬油上去，再加上少少嘅芝麻，入口感覺到醬油香味之餘，亦帶出吞拿魚肉嘅鮮味！火炙芝士蝦上有塊軟淋嘅火炙後嘅芝士，配埋隻彈牙爽口嘅大蝦入口味道互相配合！還有呢件火炙左口魚邊，火炙完後油脂更豐富，入口軟滑肥美，極之推介！還有個燒明太子雞翼都十分出色！師傅先將雞翼去骨再將雞肉同明太子放在裡面再燒，皮脆之餘內裡肉質嫩滑啖啖肉之間還充滿明太子，用料十足！主食就係令人今回味嘅鰻魚飯，一大塊燒鰻魚，燒得皮脆肉香，加上燒鰻魚汁，入口感覺十分肥美滿足，而飯身上亦充滿燒鰻魚汁，入口飯身彈牙煙韌！加埋自助沖嘅濃郁綠茶，真係可以讓人暫停一下回鄉之愁！下次可以點個三色丼，食完見到鄰枱賣相都十分吸引！