十和田總本店

營業中

休息中

依間係尖沙咀好出名😍 見佢哋嘅丼飯好正😚 另外仲有壽司拼盤、反卷、手捲、小食等! 係尖沙咀性價比非常之高😍 不愧晚市keep住有人排隊😇 下次再試時令海鮮👍🏼.🌟火灸魚生丼 $138: 依款係秋天限定，火灸後逼出魚油😚 什錦刺身新鮮😍 特別推介虎蝦同穴子，蝦頭充滿蟹膏，油脂豐盛，配赤醋飯一流❤️ .⭐️火灸左口魚丼 $138: 左口魚火灸後魚油香非常濃郁🤪 份量好慷慨，入口即溶😋 原來仲有海膽😻 鮮味十足，完全唔腥!!

入到去呢間日本🇯🇵料理，裝潢都簡潔乾淨，有充足既燈光，入面既環境一覽無遺。落單係用QR code手機落單，都幾方便快捷。入面清晰分類有刺身、壽司、小食、丼飯、烏冬等...選擇種類都吾少。我地叫左以下食物：💟超特選壽司拼盤🍣（配湯、蛋）$298壽司拼盤包括：吞拿魚、鯛魚、牡丹蝦、生松葉蟹腳、蟹棒、穴子、粒貝、三文魚子、帆立貝及花吞拿魚腩壽司🍣整體個拼盤壽司味道都吾錯，各食物質素都好新鮮。最有驚喜既係穴子、粒貝、帆立貝，個人最鐘意貝類壽司，既鮮甜又爽口。而呢度個壽司飯都做得幾出色，拎起吾會散開，醋味都剛好，值得一讚👍🏻💟蒸蛋+麵豉湯呢個蒸蛋係套餐包埋既，啲蛋食落口超滑，入面亦有其入海鮮配料等，好似帆立貝，蟹柳等。鮮味十足。麵豉湯🥣夠哂熱，味道都不過不失。💟超級吞拿魚腩卷 $118吞拿魚腩份量都吾少,啲吞魚蓉去哂筋，食落口好軟綿的，味道又夠哂鮮味呢，值得推介。整體壽司🍣質素都吾錯，價格都非常合理，會再回頭黎試試佢既丼飯、烏冬先🥳📍十和田總本店 (尖沙咀)尖沙咀金馬倫道42號華懋金馬倫中心地下

聽朋友介紹先黎呢間試下，但是我對這間的整體很不滿意。我同朋友排隊等候入座，正當排到我們我因為電話冇電掃唔到QR code, 朋友又冇裝apps就選擇填紙仔，點知帶位的經理竟然叫我地要「等多陣」比掃到code既入先。如果我後面有10個掃code既我諗我可以唔洗入去了。因為冇人排我地後面， 所以就選擇等待，終於入到座， 之後就叫咗火炙三文魚壽司、納豆手卷、吞拿魚小卷、三文魚刺身…其實因為味道太普通，普通到冇一件野食落口有好味同深刻印象，感覺同某大集團壽司餐廳有得比。朋友話上次黎唔係咁普通的，可能師傅放假啦…總結黎講，食物太普通，店內負責送餐的服務員還好，非常不滿意帶位的安排，希望餐廳可以學下其他餐廳一樣去安排排隊既客人。

尖沙咀咁多餐廳想平平地專食壽司可以一試壽司用赤醋飯 飯唔會過酸飯團唔會過鬆或者硬魚生有不同款式可以滿足貪心嘅心食咗咁多件冇一件需要投訴但小食類別唔多假如希望一餐飯中可以食到壽司以外的野咁就要再考慮一下啦蒸蛋係失望位 蛋開始老味道又唔足夠 個海膽又唔夾個蛋 唔洗叫

尖沙咀金馬倫道嘅呢一間十和田總店， 一直係我好想去食嘅餐廳之一。 餐廳寬敞明亮， 有吧檯亦都有餐桌可選擇， 我最後揀咗餐桌， 座位都十分寬敞，枱與枱之間亦有一定距離， 衛生情況亦十分良好。 坐低冇幾耐，侍應已經安排咗熱水壺同杯畀我哋沖綠茶， 佢嘅綠茶係用綠茶粉沖，濃淡度可以自己調教。 點餐亦都係自助形式，餐廳會提供QR code, 然後電子睇menu 落單。分別叫咗三文魚親子丼同火炙左口魚邊丼。三文魚親子丼，味道唔錯，有切角三文魚同三文魚籽，兩樣都十分新鮮, 而且份量亦都好多， 滿一滿的舖係面。火炙左口魚邊丼， 左口魚邊爽脆鮮嫩， 火炙過後油甘味更香濃， 配埋海膽一流， 海膽亦十分新鮮。 兩個丼飯嘅飯都係精心調配過， 係醬油飯，所以基本上唔需要再另外加醬油。呢間餐廳絕對值得推薦。

-十和田總本店🇯🇵近排同朋友食多左居酒屋後發現我地好似一直都冇食啲有蟹膏既野🤔令我諗起舊年有食過十和田平令正既蟹膏所以今次黎個二刷十和田~🍣火炙中吞拿魚腩 （$42）脂肪比例較高 加上火炙後迫埋啲魚油出黎 好有魚香味 滿口甘香✨ 呢個正！🍣赤蝦 （$38）口感鮮嫰 爽口彈牙 回口甘甜~🍣季節墨魚（$25）墨魚透澈晶瑩口感有彈性 甜甜地~🍣火炙帆立貝（$28）帆立貝超厚身 火炙後仍然有鮮甜味！🍚火炙魚生飯- 秋季限定 （$138）刺身種類非常多 全部都好新鮮！有三文魚籽 穴子 帶子 牡丹蝦 三文魚 吞拿魚 魷魚每一啖飯都會食到唔同魚生 口感豐富當中帶子 穴子 吞拿魚特別出色💕🍚鰻魚飯（$108）鰻魚肉質肥美 最中意配埋山椒粉一齊食更加提鮮 同有獨特既清香🍃配埋鰻魚醬汁 好快就食晒啲飯了~🥗蟹膏沙律（$88）真係冇幾多地方係可以咁任性地去食蟹膏蟹肉雖然賣相有點那個 但係味道真係好好蟹膏濃郁+蟹肉清甜=✨ 中意食蟹膏既必點💕🥚蒸蛋（$28）三個字： 香。滑。濃蛋香味真係好香濃 當中既海鮮配料都唔少~整體黎講 呢間CP值真係幾高魚生新鮮 份量多 價錢唔貴 特別係個壽司飯真係好味🤤

見網上近1000 likes, 所以滿懷希望試試究竟有幾好食。提前幾天已訂座，電話已說明只留枱5分鐘，OK 沒問題，明白的。2人枱係非常細張，仲要擺個熱水壺係枱，只見每張枱總有一人是俾水壺頂住食嘢，為乜先，所以就我個人而言我是不能接受。我見張枱咁細，所以點2，3樣食完再點，但其他枱只見服務員每次放下食物都好似玩雜技，左搬右搬先可以放低食物，慘 另外，我 7:30入座，平成卷，三色丼已經售罄，唔明最出名的2款名菜點解唔備多D。8:00 想加櫻花蝦牛油果卷，亦都話沒有牛油果了所以未能提供。其他食物唔算差，但覺得冇乜特色，除咗個壽司飯係啡色，魚有幾款唔算太新鮮，所以先唔明白點解咁多人讚，可能係我唔識食。帶子，竹筴魚唔錯，海老都可以。其間，仲俾我見到有個女侍應生沒有帶手套在執枱，突然有嘢要上，佢二話不說去幫手上菜，途中見碗內雞蛋放得不好，就用手指篤番落去，好似唔係好衛生啩！最後，要讚我離開時遺漏了麵包在坐位下的籃內，有服務員追出來俾番我

今日同朋友再次黎到我地好喜歡既一間店食dinner， 七點鐘黎到既時候餐廳已經差不多滿座呢度係自助網上點餐的，掃一掃個QR code就開始揀嘢食啦我地叫左兩個丼飯，兩款三味壽司同埋蒸蛋個人覺得呢間既魚生飯十分抵食，大大份，魚生又夠新鮮，同價位又要有咁好質素既真係唔多選擇火炙左口魚邊丼（$138）個人十分中意食左口魚，佢油脂味香濃，送飯食一流左口魚份量多，冇記錯好似有成十塊㗎最正既係佢每塊都係厚切，燒完之後都仲好有口感呢個丼飯除左有大量左口魚之外，仲有唔少魚子！鹹鹹甜甜的新鮮魚子可以解左口魚既膩，係個唔錯既配搭啊我地叫多左幾件壽司，排列得整整齊齊一次過上三文魚三味壽司（$38）三文魚壽司們都十分厚身，炙燒過既三文魚魚油味十分濃郁吞拿魚三味壽司（$128）呢個價錢食到三款吞拿魚都算幾抵，尤其是當大拖真係靚到入口即溶既時候！！蒸蛋（$28）蒸蛋口感滑滑的，相對其他鋪頭黎講雞蛋味會較濃，高湯味冇咁濃～

我同老公最鍾意食日本野!去開尖沙咀行街，諗起成日都經過見到呢間日本野，就一於去試下一入到去，裝修都好日式，簡單舒服見到隔離枱食嗰個三色丼，好吸引諗都唔諗啦，跟隊三色丼顧名思義，係有三碗仔唔同既丼飯三色丼($188)　　　9/10一次過滿足晒三個願望嘅迷你丼😍有吞拿魚蓉、海膽同蟹膏蟹肉😂😆望落以為細碗，其實個碗好深，都好有份量我地由淡至濃味咁食１）吞拿魚好足料，配合埋啲蔥花同埋芝麻食，好夾！食食下中間係啲脆口既紫菜，口感好好！２）海膽好新鮮！夾埋塊紫蘇葉一齊食，正！３）蟹膏蟹肉ＷＯＷ　一聲呀真係！　蟹膏好有份量撈埋啲蟹肉一齊食，超級正！海鮮丼 $208 8.5/10足料！新鮮！而且啲飯已經調左味，恰到好處海膽新鮮甜美仲有肥美甘香既油甘魚 帶子好厚肉 甜蝦都幾大隻，都幾鮮甜🦐 樣樣都幾唔錯！食食下見到隔離枱食嗰啲都好正，下次要再試！

之前係網上見到呢間個三色丼好吸引，所以就約朋友去尖沙咀行街，順便食個午餐。.三色丼 $188賣相非常之吸引，最適合打卡，有三種口味，分別是香蔥吞拿魚腩蓉，海膽，蟹肉蟹膏，最適合有選擇困難症的我。吞拿魚腩蓉份量多，基本上每食一啖飯都有很多的吞拿魚腩蓉在面，好滿足；海膽都很鮮甜，食落口感好creamy；蟹膏的鮮味很濃郁，再配合埋蟹肉，撈勻米飯一起食，忍不住一口接一口。.火焰牛肉湯烏冬 $88火炙的兩大塊安格斯牛肉，牛味濃郁，食落口時都好林，肉質嫩滑，而安格斯的油脂滲落湯底，令到湯底更加出色，再加上烏冬吸晒d湯汁，好入味，口感煙韌彈牙。

尖沙咀收工搵野食，發現依間平時唔顯眼但又坐滿曬人嘅日本菜，所以決定一試。火炙左口魚邊丼 ($138)竟然有多過10件左口魚裙邊，鋪到滿一滿💯 平時好多地方都好孤寒得幾件，左口魚邊愛好者表示大滿足啊！😍😍😍 炙燒完嘅左口魚邊油脂香味真係好令人上癮😋 配上鮮甜嘅海膽，呢個價錢真係好抵食！🤩火炙魚生飯 - 秋季限定 ($138)限定食品一定要試！份量真係無得輸，差唔多有10舊魚生 - 三文魚、吞拿魚、油甘魚、鰻魚、牡丹蝦等等，每舊刺身表面都會炙燒過，食落鮮甜肥美又帶點焦香，咁多款啱曬選擇困難症患者😂 丼飯跟赤醋飯，調味剛剛好～ 👍🏻炸雞球 ($38)一份有5件，大大舊，肉質尚算嫩滑，正常發揮啦～價錢唔可以話超平，但份量同質素真係好有誠意，見座無虛席就知人氣爆登啦🍵

講到正宗日本菜，次次朋友都推薦呢間由日本師傅主理既十和田總本家。十和田嘅壽司飯係啡色既，不過唔洗大驚小怪。飯加入左赤醋調味，係江戶前壽司既特色。飯食落更有咬口，同時飯香更濃郁。火灸魚生飯呢個魚生飯係秋季限定，魚生種類十分之多，有三文魚、左口魚、帶子、穴子等等。件件魚生都係厚切。價錢都只係$138，真係抵到爆炸。穴子值得點名一讚，夠嫩有入口即溶感，又燒到充滿焦香油香。火灸左口魚邊丼呢個火灸左口魚邊丼都係$138，不過就得左口魚一種魚。左口魚油香十足，入口即融。對比火灸魚生飯，呢個飯既油香係勁D。三文魚三味三味即是火炙三文魚，三文魚配薑蓉同三文魚配山葵。三文魚好厚身，真係幾抵食。各款三文魚已經調好味，輕輕沾上醬油已經可以入口。吞拿魚三味三味即是赤身、中拖羅及大拖羅。建議由味道較淡的赤身開始食起，最後食油脂感最濃既大拖羅。呢間店既大拖羅係好出色，師傅刀功心思都反映係係白白既油花上面。入口時油脂感大爆發，同時唔會有筋有渣，仿似跌入左舊軟諗諗既吞食魚腩入面咁。赤身都唔差，瘦身得黎夠魚味，師傅都切得冇筋冇渣。茶碗蒸呢個茶碗蒸好多料下，鳴門卷、蟹柳、冬菇。蒸蛋火候把握得幾好，食落唔會老。味道上食得出

太耐冇去日本喇！好掛住日本的美食......經開尖沙咀，便找找日本食店。這間我之前都想食，今天不用等位，於是便入內晚餐。雖然沒有日本傳統的裝潢，但設計光猛舒適 很多食店已採用 QR CODE 掃瞄落單，這店也不例外。我與友人都愛吃「鰻魚飯」，毫不考慮便點了 ^_<我們還點了「吉列炸蝦烏冬」、「燒明太子雞翼」，亦點了最愛的壽司......「火炙三文魚壽司」，友人再點了「三文魚手卷」。 鰻魚飯，鰻魚豐腴肥美，散發鰻魚的甘香。加上香濃的醬汁，配飯一流 見鄰座點了，被炸蝦吸引，於是便點了。吉列炸蝦烏冬，吉列外皮炸得好香脆，啖啖蝦肉、烏冬煙韌，份量適中，好味！燒明太子雞翼，香脆、惹味 我最愛的火炙三文魚壽司，當然好好味啦 在香港，我已不敢食全生的三文魚了.......所以用火輕輕炙過的三文魚，表面微熟，入口時更吃到三文魚的油份，比起全生的三文魚壽司更好！友人再食埋三文魚手卷，好滿足呢！見有「海鹽雪糕」咁特別，便點了......原來海鹽雪糕是藍色的！海鹽雪糕配椰果，甜中帶鹹，味道不錯！

放咗工之後，同朋友去咗尖沙咀嗰邊食飯，金馬倫道有好多壽司舖，最終我哋入咗依間去試吓，大約7:30左右店舖已經滿咗😮今次我哋就叫咗明太子沙律，平成卷，火焰左口魚邊丼同北海道帆立貝松葉蟹丼平成卷有吞拿魚容，仲有海膽同三文魚籽係過卷嘅上面，真係一次過滿足三個願望🤤另外，最令我驚訝嘅係火焰左口魚邊丼，竟然都有少少海膽配襯，平時小編都好鍾意食火焰左口魚邊壽司，今次而家成碗飯都充滿咗火炙左口魚邊，仲有海膽BB🤪，真係好滿足😙至於北海道帆立貝松葉蟹丼有三大舊凡立貝同埋蟹肉，蟹肉好鮮甜，帶子好新鮮😎最後佢哋嘅壽司飯都係赤醋飯，同啲海鮮都好match😝

岩岩開既時候食過一次覺得幾好味，之後一直未有機會再黎食，今日朋友揀左呢間終於可以再食多次，睇下水準有冇變！呢度用App自己落單，有好多唔同既井飯同壽司拼盤，最後朋友叫左個雜錦井飯同壽司拼盤，仲有櫻花蝦牛油果三文魚卷佢地既飯係用左赤醋飯！朋友表示好高汁呀！不過其實食落冇想像中咁酸，唔係好特別。但係魚生就好新鮮，啲料舖滿晒好足料，唔會勁多青瓜搞到冇乜魚生，呢個雜錦井一次過食到幾種野，最岩選擇困難既人叫，仲好抵食！今次冇叫平成卷，試下其他，又幾好味喎！下面呢個明太子沙律脆卜卜，好正食到停唔到