十八座狗仔粉

營業中

休息中

行完金魚街後,十分肚餓, 就來到附近覓食, 見到店名好得意叫十八座狗仔粉,就來一餐晚餐。這店好細, 只有兩邊牆供有坐位。 這店賣食物以街頭小食為主。我當然點這店招牌食物(十八座狗仔粉 細 $20)狗仔粉是五、六十年代出現於公共屋邨的小販檔中賣的食物之一。狗仔粉是由粘米粉等材料搓成條狀而成,約兩至三吋長。狗仔粉口感軟腍滑嘟嘟夠彈牙,而湯偏稠身,並伴上豬油渣、菜脯、冬菇、葱花等, 可添加不辣及辣菜脯,可增添爽脆口感外更惹味!(翅滾火鴨脾   $30)燒鴨脾用多料火鴨碗仔翅浸十多分鐘來煮,咬上鴨鴨啖啖肉,鴨皮仲有豐富油脂,而肉仲嫩滑,出奇特別好味。

好耐之前試過佐敦分店，冇諗過要返尋味。不過朋友仔前排試過呢間覺得OK ,咁啱喺附近做完嘢，就試埋先返屋企啦。狗仔粉（細$22）狗仔粉口感好似煮到發左脹既烏冬，只可以話係香港既懷舊小食，但唔會係香港嘅好味小食。原來豬油渣要額外加$3先有㗎魚皮餃+辣（$10）醬汁ok，魚皮餃一般貨識，唔記得5粒定6粒喇。不過好似前面轉左花園街個檔低食d。

經過總是想試一下，今日終於有機會與朋友吃一下這些由街邊小吃做到上舖的地道食物！ 進去空位都多，吃到差不多尾升就有很多人進來了！到這種店，也不用期望會坐得很高級和舒服，但這也就是香港的味道。 這次叫了火鴨翅和狗仔粉~~狗仔粉的料感覺少左D=.="，我在路邊吃過的都是很足料....這一點有少少失望。味道是特別的，粉有口感似手製魚麵，味道不算很濃，但勝在可以任加菜莆！！ 火鴨翅我反而推介，雖然找不到一條翅~HAHAHA！但明顯用手撕的功夫都在。 火鴨翅味道比狗仔粉突出！好味~~但好"傑"~~ 香港作為美食之都，世界各地的食品也有，但論街邊食品，這算是地道，其實真心是推介要吃一下，因為...我相信如果推介香港食品，這個是可以令對方留下深刻印象。 

收工出旺角買埋野都九點幾，行到金魚街聞到成陣碗仔翅味好香，見未食飯，決定買碗火鴨翅試下，睇見門口招牌，見到加埋燒鴨脾好似好正，又飽肚啲，就加多30蚊加隻鴨脾下庄。由於佢話係即滾嘅關係，都要等一陣，唔係即「筆」即有。等等下見有幾個人叫狗仔粉，好似又幾好食，咁好啦，買埋同家人一齊試下，兩碗野加鴨脾盛惠$86。返到屋企，兩碗野仲係熱嘅。個火鴨翅同般碗仔翅都幾唔同，好杰身同埋味度偏濃同咸左少少。成隻鴨脾點晒落個翅到食，個食法都幾新奇，啖啖肉，唔錯！至於個狗仔粉，佢又係唔似一般酒樓湯底，佢係好杰身，好似打左個獻咁，料唔係好多，不過加左辣菜甫幾野味，可惜可能因為浸得太耐，舖糊狀同太淋。總括黎講，火鴨翅比狗仔粉較佳，狗仔粉同樣價錢，我會揀去第二度食油渣麵。

尤記得第一次食十八座狗仔粉時果種驚喜: 平民價，懷舊美食，我甚至食完之後，仲介紹我媽媽去食。。。但一切俱往矣，我在此要對十八座正式寫上句號。店紅了，加價無可厚非，但也不能太過份， 質素也不能太求其，服務也不能太無禮，畢竟香港太多美食，試過一次不好經歷，誰會願意付錢買氣受？現在的十八座，兩個人點了一翅一粉一爆丸，像吃了陣風，完全沒有飽的感覺。量少，質素也差了。粉散，味淡，翅淡，多木耳，少火鴨，失望。很例牌也得說句，以前不是這樣的。不過最叫我決定不再光顧的，是那位站在收銀機前的阿姐都態度。我叫了句唔該，唔應我，再叫多聲，態度極其惡劣地喝我: 講野啦！吓？咩事？得罪你？我唻食野，唔係食氣。然後把食物丟到枱上，黑口黑面。老實說，這樣的態度，美食也食唔落，更何況，質素已下降。我再望望四周，幾張枱，都坐唔滿，比起以前要等位的情境，經過剛才的經歷，明哂。一間餐廳多人去，自然有原因。一間餐廳冇人去，或者要開始反省吓，畢竟，唔係一定要去食你的餐廳的。

果店員態度極差！多年來第一次打食評 原因從未遇過今天旺角狗仔粉店員態度極差 從點餐到離開 全程態度冷淡 語氣仲帶呼喝成份（比錢還要受她氣） 然後回來打開外賣的魚肉湯 發現份量比之前買開的少了很多 完全不值$30 不會再幫襯!!!!

弟弟知道我未食飯,於是買咗一份大的狗仔粉外賣比我 他說經過門口見到海報的賣相所以認為應該幾好食,承惠$30 買左返去之後,我都認為賣相幾靚 但我食左幾啖之後先發現原來狗仔粉即係硬的烏冬,不好食 今次我吔明白到食物不可靠賣相,要試過先知好唔好食

We visited the shop 4 times within a period of 2 days because we really like their food. I only ate the 狗仔粉 every time I went. The sole reason I visit this store was because of their 狗仔粉. The noodle's texture was very chewy and soft and the soup empowered the dish. Lastly, topping it off with spring onions made it the best.However, during the 5th visit, we felt nothing but pure disappointment. We approached the staff when there was nobody queuing and was about to order but all we were told was t

經過旺角又想食啲小食，所以就入咗嚟18座狗仔粉，細粉＄22，大粉＄29。呢度嘅菜譜不得了，啲辣菜譜加少少已經好辣，好惹味。另外我都好鍾意食佢個辣味魚皮餃，＄10有四粒，正！作為宵夜一流！

我一向愛吃生菜魚肉湯，這次就到十八座狗仔粉試一下這裡的生菜魚肉湯有何出色。首先，整碗魚肉湯無論從份量、味道、質素均不值30元。魚肉湯上有小量的翅，增加口感。魚肉亦為大件，尚算彈牙，但欠缺魚鮮味，只有外觀看上去像魚肉，味道卻毫不出色。生菜較老，從菜葉看起來不夠新鮮，吃下口亦感受不到生菜清脆的口感，味道亦不鮮甜。至於魚肉湯更令人失望，喝下去沒有特別味道，既沒有魚肉鮮味、更沒有蔬菜的清甜味道，著實不值30元，叫我失望而回。而且店內衛生不佳，由員工使用盛載菜鋪、香蔥的盒子沒有蓋上蓋子，更沒有任何遮蓋物，真的十分失望。

朋友快將離港嫁到遠方，離開前當然要聚聚，順便讓她好好記住香港地道美食，於是選了這間聽說好出名，我想試好耐但一直未試過的十八座狗仔粉。聞名不如見面的狗仔粉，其實就是粉仔，味道比較淡口的，粉仔的麵條也很鬆散，有食過屯門置樂粉仔的人，一定覺得十八座狗仔粉無得比，所以有點失望。去到邊都一定會試魚肉湯的，這碗生菜魚肉湯不過不失，放在上面的「翅」沒味道，純粹是gimmick。燒賣也是地道小食中我的最愛，這裡的燒賣夠彈牙有咬口，不錯啊！燒鵝脾有分上脾及下脾，兩個部位不同價錢，任君選擇。鵝脾很入味，啖啖肉，正!碗仔翅，味道不夠地道，有點失望! 總括來說，覺得這間店有點名過於實，兩人吃了130元，以掃街食物來說，價錢不算掃街價呢！還是有點掛念置樂粉仔呢！

次次去旺角都等一時間諗起要食狗仔粉！依加邊會仲有$20食到一碗粉？仲要咁好食12點後通常都好多人，太夜去要預咗排隊。所以我通常下午去食火鴨翅又係好值得一試！大大隻脾喺碗翅，不得了！每個朋友來港我都一定帶佢去食！

每次都係嗌個幾味，真係食極唔厭。皆因佢地維持到一貫嘅水準，效率又快，肚餓個陣，真係乜都求快求速度。不過最重要嘅係佢地個菜甫令人一食難忘，食上癮。雖然小妹唔食辣，但原味菜甫都有佢嘅魅力，蒜香味十足。

一早知道狗仔粉係5-60年代好出名, 我地呢堆90聽就聽過, 今日終於一試, 買返碗返屋企慢慢嘆狗仔粉有d似烏冬,每條都一隻手指長, 口感較淋, 上網得知係用麵粉同粘米製成, 湯杰杰地有d 冬菇粒同蝦米, 如果就咁食會比較淡口, 所以一定要落菜甫, 混埋原味, 辣味菜甫同蔥花一齊食, 辣辣地菜甫即時令狗仔粉味道提升, 好滋味

我對十八座嘅感覺有如教徒返教堂咁。一個星期冇食就開始囉囉攣所以每星期都搵一日去食。必食首選係個翅，以前對碗仔翅嘅感覺係冇期望又冇失望，自從食過火鴨翅，直頭係驚喜。滿滿火鴨味，肉絲粉絲同木耳絲好足料，同外街嘅生粉芡水完全唔同層次。黑白炸丸即叫即炸，等十幾分鐘先上枱。粒粒都炸到脆面，超香口，少少粉感冇大影響，辣粉叫小辣都好勁，姐姐重手了。旺角舖比其他地區窄，個個坐bar枱高櫈，面壁食嘢，埋邊仲有背貼背情況。