十八座狗仔粉

營業中

休息中

話說呢間十八座狗仔粉都已經食左成兩年，今日比翻d食評先當時係比佢門口果d明星相吸引左入去當然第一時間係試佢地最出名既狗仔粉啦，一試愛上因為有我最鍾意食既菜圃，菜圃有辣有唔辣，仲可以自己任加D粉熱辣辣，好彈牙，加埋d菜圃一齊食真係絕配我個朋友就嗌左個火鴨翅，佢都話好好食，值得一試另外仲嗌左個四色炸丸，呢個炸丸原來有四隻丸架有牛丸，豬肉丸，貢丸，墨魚丸，即叫即炸，新鮮滾熱辣，外脆內軟，中意食辣既仲可以加辣椒粉，正！

很多雜誌都介紹過哩間舖，所以我同朋友決定來試一試啦。間舖細細間，都幾多人排隊下，等左差唔多二十分鐘終於坐低啦，D位都幾迫噶喔。我地嗌左幾款來試下味道，狗仔粉D湯傑傑地，有D冬菇粒同埋蝦米粒，仲有D蔥係上面，就咁食味道很平淡，台上有兩樽菜脯，有辣有唔辣，我兩種都加左，辣辣地即時狗仔粉味道up！火鴨翅都係招牌，所以我地都點左來試下，成隻鴨脾都係碗翅入邊，啖啖肉，仲好嫩滑添！燒賣夠彈牙，有咬口，仲有辣魚蛋好辣喔，唔食得辣既要三思啦，個蘿蔔十分普通。下次黎一定會再點狗仔粉！原因係咩？梗係因為個辣菜脯啦

放工出旺角， 有少少肚餓， 就去左十八座食少少野。因為得一個人， 都係速食解決啦。餐牌都係個張， 冇新野加。叫左個上脾，味道幾好，都幾多肉， 好淋。 食完都半飽。不過，食得好麻煩。然後一路食又有啲烏蠅仔一路飛。啲枱又好迫， 個袋要放係大脾咁食好唔方便。另外仲叫左呢個馳名狗仔粉， 好香，啲粉仔好入味， 個湯有啲蝦米味， 有啲冬菇味，幾好。啲菜鋪好香好辣。基本上最多人叫都係狗仔粉另一個特點係， 好多一個人自己黎食，叫一個狗仔粉一個小食。

相信大家對十八座狗仔粉一d都唔會陌生，而我食左無數次都仲係咁鐘意食，對於一個好鐘意食菜甫既人黎講，一碗狗仔粉可以無限地自己添加菜甫真係好極！每次我都會另外再叫魚皮餃同大雜燴，佢個醬汁係自家制真係好好味！

今日先發覺佢裝修過嚟 終於唔係坐bar台面壁思過但都係咁熱 食到出哂大汗嗌咗三樣嘢狗仔粉（大）$29火鴨翅（細）$22大雜燴 $38其實成三十蚊一碗都幾唔抵食都真係冇乜料 係靠辣菜脯頂住 唔食得辣表示真係好辣 但好味唔落不如唔好食😂個湯係同粉就冇乜特別 大雜燴 好似有四嚿蘿蔔 幾舊豬腸豬肚豬皮咁豬腸肥到不得了 頂唔住扯走咗啲油 蘿蔔一啲都唔甜 太林身 好一般個汁叫做加少少分 未必會再嗌火鴨翅冇單獨影但係我最鍾意食的一個唔識講但其實唔似碗仔翅 服務就冇乜㗎啦 有位就自己入去坐啦 都快上碟見都係遊客嚟食多 收銀都會主動轉普通話tone lol 耐唔耐嚟食一次都ok ge

好日唔嗌肚餓，一嗌肚餓就要立即有野食俾佢既偽太又出現喇!話說偽太尋晚接我接工，猛咁嗌肚餓，呢個時候我就立即車左偽太去鴨翅。偽太呢次勁喇!唔使20秒就已經嗌野食喇!今次見到佢裝修過，唔使好似以前咁，要坐行邊食野，感覺安全左，舒服左。服務方面，啲姐姐禮貌好好。餐廳衛生乾淨。鴨翅足料，食落去淡淡肉，淡淡翅。魚皮餃，唔會拾過龍，好彈牙!但唔知係唔係嗌左小辣，所以個汁一啲都唔辣。偽太唔係咁開心。。。總算不過不失。。。。依然保持到水準。。。

Sometimes Hong long local shop is a good place at tea time !It’s a special shop that I like to bring my Taiwan friend to try.Skin fish dumplings is my favourite in this shop ! The spicy sauce on top are super yummy! I can find as good as this sauce in other restaurant. Mostly hk ppl only eat fish skin dumplings during hot pot . So it’s spicy to eat it as a snack. Siu mai - it’s just soso, nothing special Ordering a coke for sure in this super hot weather )

開到好多分店既十八座狗仔粉宜家連我屋企附近都開左間了, 不過一向都比較少食呢D做正餐既我今日同男朋友黎到旺角, 因為已經食左少少野, 要填滿內心既空虛就來到呢度填補一下喇!這是香港特色小食嗎? 唔知點解都幾多內地人黎呢度食bo, 唔通旅遊書有介紹十八座狗仔嗎?男朋友未食過, 大家又要咩都試下, 叫左一碗小狗仔粉 & 一個大既火鴨翅2人share, 一如以往既味道, 狗仔粉就好似短身既烏冬咁, 而火鴨翅真係好多火鴨絲係入面喇! 一絲絲既火鴨翅已經好入味, 如果大家中意多d層次既不防加上佢地既招牌菜圃, 爽口得黎又入味! 不過大家真係要小心佢地既菜圃, 菜圃有分2瓶 - 菜圃 & 辣菜圃, 口感方面2者都係帶爽脆, 不過橙紅色既辣菜圃係會越食越辣嫁!! 唔好睇小佢地, 最後忍唔住叫左瓶加多寶解一解辣, 整體味道都唔錯既, 不過一向比較少食呢d地道美食, 間唔中一次都唔錯

十八座狗仔粉成日聽人話好食，仲話系米芝連推介，但今天第一次食真的是大跌眼鏡有人講因為造型似唐狗尾巴才叫作「狗仔粉」。都有一種說法是抗日戰爭時期，救濟機構派發這種湯粉給民眾充飢，於是以「救濟粉」諧音「狗仔粉」稱呼佢。店面貼左好多明星曾經來捧場留低既合影，店內9成9系游客，店員對游客態度好好，對我地就麻麻。設有每人最低消費20，我地同游客搭枱，佢地兩大一小點左七八樣野，我地兩個點左一份狗仔粉（大），一份火鴨上脾。實在不能明白呢碗平平冇奇的狗仔粉點解大家話好味，粉本身冇咩味，冧巴巴咁，唔知貪佢咩！湯底又晤好味，加左d勁辣菜脯，真系完全唔明賣點系咩！大碗29，如果打包就30。真系試一次就好！太不值！翅滾火鴨比（上比）22蚊，鴨比溫溫地既！嚇💩寶寶了！翅都不夠熱！兩啖翅，似汁咁，上圖系一上到枱即影，冇食過！咬左一啖，仲神奇！又老又鞋！勁恐怖！難以下嚥！簡直不知所謂！太難食了！

狗仔粉感覺上味精重，比較鹹，吃完後需要喝水感覺口渴， 不喜歡這裏的豬油渣， 不太好吃，但是又不能分隔出來， 吃完很口渴不太值得推薦，湯底比較濃， 辣菜脯真的很辣不建議加太多。 本人要求多菜甫。

食過佐敦分店覺得一般，今次路過俾多次機會啦。鴨對我黎講從來都唔係賣點，事實上食到濃郁鴨味會令我感到不快，但呢碗火鴨翅($29) 我食到一滴都冇剩。 帶奶白色既外貌絕對唔係落多左芡，而係火鴨殼熬出既精華，鐘意鴨既朋友唔洗流口水，因為佢係近乎豬骨既肉香，成碗都好鮮甜。除左常見既木耳，我幾鐘意佢落左素翅，火鴨絲多得黎搣得好幼、幾香，又係食唔到鴨味，好滿意。 唔明白點解個個都話係碗仔翅，其實個肉鮮味同生抽老抽溝出黎係兩件事。翅滾火鴨脾 ($30)下脾啖啖肉好嫩滑，鴨皮到燒過既香味得黎唔會韌到好似樹皮咁，恰到好處。黑白炸丸 ($16)幾有驚喜，全部即炸有少少脆皮，亦唔係凍肉鋪貨色。 黑椒牛丸、墨魚丸同豬肉丸都彈牙多汁， Again，我唔鐘意貢丸，但呢度唔會有肉臭味，每粒食完都講左句「嗯~好味~」街頭小食其實好少有堂食，食完亦都冇口渴，順路可以再食~

行過狗仔粉 🤔心思思 👉🏻👈🏻成日都感到好有新鮮感 成日想入去試試😋👄早兩日真係衝咗入去食 👀味道未如預期😞首先 整碗粉味道好淡 😑但味精味又好明顯 🤪食咗一啖 已經有感口乾🤤另外 佢加咗一些炸菜普的東東 味道非常不良好😵又乾又咸但有熱氣嘅感覺 🤢味道好一般狗仔粉口感不太良好👿 好粉狀 🤮入口好怪 一咬落去既無彈力 ☠️又有些媒媒地😑 而湯又好唔配合 一pad 一 pad, 😑夾雜狗仔粉 認真唔得 😵🙈

每次宵夜時間經過旺角，就會忍唔住行去十八座坐低嗌碗招牌狗仔粉！第一次食就一試難忘，之後一有時間都會去食舖位細，地方可謂相當淺窄，難免同人搭枱，但充滿地道特色。如想醫肚，大狗仔先夠喉。我每次都會再加啲辣豬油渣，粒粒都辣到嗆喉，但落咗會香口好多！每次例牌叫多個大雜燴，佢嘅辣其實啊辣，只會更香更有風味，所以記得加辣連我呢個唔太食內臟嘅人都會嗌呢間最好嘅地方就係開24，幾夜嚟到都開，人就越夜越多哈哈 香港多夜貓嘛

今天出去逛街，突然覺得肚子空空的。於是去一家小店吃街頭小食。來這裡吃東西的人很多，位置都差不多坐滿了。我沒有點這裡最出名的狗仔粉，反而對用燒鴨煲六小時而成的火鴨翅更感興趣。最特別的是還有翅滾原隻火鴨脾，決定試一試。我點了ㄧ碗火鴨翅、一隻火鴨脾和一份大雜燴。濃濃的火鴨翅率先送上桌。火鴨翅的材料很足，有粉絲、黑木耳等。而火鴨絲被撕得很碎，所以口感很滑很滑。而且每一囗都充滿又香又濃的火鴨香味。和我們平常吃的碗仔翅有很大的區別，果然够特別。原隻翅滾火鴨脾和平常的燒鴨脾的賣相差不多，只是顏色偏淺。試咬一口，鴨肉出奇地爽脆，一點又不覺得韌。被翅滾過的火鴨脾完全沒有油膩感，但火鴨脾的肉香味卻沒有减少。味道很好呀!最後上桌的是由豬皮、蘿蔔、豬肚和豬腸組合而成的大雜燴。除了蘿蔔很清甜外，其他食材的味道普通，不過不失。但值得ㄧ讚的是他們的秘製醬汁，味道很獨特，令平平無奇的四款食材的味道突然變得很香濃，很好吃。這是其他小店所沒有的。雖然是街頭小食，但我仍是飽得捧着肚子離開。

呢間都一直有食開，剛新開時，粉同翅都好足料好好食。但近呢一年，懷疑頂左手，以前員工唔同曬，連粉同翅既水準都每況愈下，粉比以前既長，湯就愈來稀，愈來愈淡。翅既料愈來愈少，應該只有鴨肉絲既翅連骨都撈埋入去，味道愈來愈淡，愈來愈稀。外賣，以前可以另上辣菜甫，而家就迫妳加埋入碗粉，食雲吞麵加辣油都另上俾你啦，邊有撈曬入去。🙄以前，服務水準同食物水準都一流。而家，服務更加垃圾。去到叫一粉一翅，個著便服既女人，塊面西到以為我欠左佢幾十萬🙄以為佢覺得浪費紙而唔另上辣菜甫，我帶埋碗過去裝，仲態度惡劣咁話無得咁裝🙄真係以為人地貪你啲辣菜甫咩，撈曬落去點食啊？呢間九仔粉真心可一不可再，另願去遠少少，去番深水埗同佐敦食好過。真心垃圾🙄🙄🙄🙄