十八座狗仔粉

營業中

休息中

兩點幾睇完跌打，又未食lunch，但陣間5點半要食放題，所以去18座食小小嘢醫下肚算。嗌咗細狗仔粉，啲粉似煮到好腍嘅切條烏冬，湯底有蝦米，菜圃吊味，不過哩碗粉嘅靈魂其實係另外自己加嘅辣菜圃，加幾粒已經好辣，但又好惹味!而魚皮餃都算鮮味，點埋千味醬更好味，啲千味醬甜甜哋，有啲似甜醬。

早前鋪天蓋地的電視及雜誌宣傳方式, 早己久仰大名了。今日在附近辦點事, 順道一試。每檯附二樽菜脯, 有辣有唔辣, 任君選擇。招牌狗仔粉 ($20/細)十八座狗仔粉由李媽媽親自調較, 以小毛蝦、豬骨、豬油及乾葱炒至焦香作湯料, 湯底很濃杰, 有蝦米香, 卻不死鹹, 配料也非常簡單; 油渣及菜脯, 油渣香口, 菜脯則脆口, 粉條夠彈牙, 配料雖然簡單, 卻油香惹味 想再惹味些, 可加點辣菜脯撈來吃, 加少許己辣得噴火, 小心份量, 不要一次過落太多。招牌十八座火鴨翅 ($20/細)以火鴨穀精煉而成的湯底, 再放上大量火鴨絲、木耳絲、冬菇絲及素翅, 湯底也杰杰的, 十分足料, 也愛吃那些配料, 反而那個火鴨穀精煉湯底認真麻麻, 有強烈的燒焦鴨皮味道, 帶點焦苦, 個人不喜歡, 幸好湯底不是網友所說般非常鹹, 可以接受。 雖則叫了細碗, 份量卻一點也不細, 食一碗己經非常飽了…..以女士黎講, $20食個lunch真係超抵。

返左成日工，食個宵夜慰勞下自己都唔過份。地點就腳又要方便返屋企，旺角就係個好選擇。唔想食太多，所以淨係叫左三樣食物。分別係大狗仔粉 ($27)丶魚皮餃 ($10)同埋鴨上脾 ($22)。十八座最出名當然係狗仔粉啦，再加埋啲秘制菜甫真係冇得彈。不過好可惜小妹唔食得辣，試唔到個辣菜甫，但唔辣菜甫都唔錯。菜甫帶住一著蒜蓉味，又唔會過咸。魚皮餃: 有五粒，有辣有唔辣揀，最後揀左辣。但其實個秘制醬汁唔覺得辣反而帶啲甜味。個汁好正，我仲將食淨啲汁黎撈狗仔粉。鴨上脾: 雖然下脾出名，但我覺得其實上脾同下脾差唔多，啲肉都係有啲嚡，加上下脾又貴過上脾，所以叫個上脾頂頂癮就夠。

今次第二次食 第一次堂食 今次外賣嘢食就冇乜特別 性價比低 如果住開將軍澳區的吃貨 一定知寶琳有一個單車份仔叔叔 雖然近呢年幾搬咗入舖 但人地keep住一碗低於20 論狗仔粉兩間不相伯仲地普通 但勝在人地抵食呢到一確索價28 其他小食更加㩒住嚟搶 自己到時睇但重點我係想講 平時外賣加一蚊 但呢到竟然係一份一蚊 咁換言之我買10碗咪要額外比多成10蚊？

唔知食咩好，咁岩經過呢度，終於見到呢間狗仔粉，就食呢間啦，叫左份外賣火鴨翅同葱燒賣。 雖然不是太大碗，不過都幾足料，有木耳絲，粉絲，鴨絲，一陣陣鴨蘇味，夠濃郁，熱辣辣食最好，唔會太蘇味，口感不希身，夠飽肚。 呢個就係葱燒賣啦，葱加上佢地既辣汁不錯，帶點少少辣，少少甜加上葱香令呢個平平無奇既魚肉燒賣更加香口。今天晚餐就是這樣搞點了。

我承認我是懷舊的人，即使曾經歷一場大病，身體記憶已大不如前，還是想尋回一些童年記憶。狗仔粉是我童年時的集體回憶之一，今日就嘗試找回我的感覺。旺角是人多車多的地點，我並不喜歡這些地方，不過看在美食的份上，暫且不投訴好了。此店門面不算太大，食客聚集時特別覺得擠迫，小時吃的名字我其實已經記不清楚是什麼名字，是狗仔粉還是狗仔粥我都搞不懂，但回憶中的狗仔粉/粥是比較濃稠，但現在吃的感覺反而是偏向稀淺。 用作調味用的菜脯我選了比較深色的，出乎意料的辣味啊！辣得要我急急喝了一口水解渴，吃完感覺和我吃過的相差有段距離，可能有些感覺可能回憶一次就夠……

之前雜誌電視台都採訪過這間十八座狗仔粉，好似好出名，每次行過都見好多人食，所以今晚獨個兒去試，間店是適合一個人搵唔到食又要快時可以走入去，很迫食得不是很舒服。叫左碗狗仔粉，感覺是畏雞湯面，只不過轉左做面粉，狗仔面食落就似一堆煮爛了面粉團....又唔太夠熱，也許不是我個人喜歡的，所以不會想再光顧。

想試好耐既狗仔粉，今日途徑花園街買寵物用品就順便食。其實會吸引我入去既原因係因為辣菜脯它家有兩款，一款唔辣另一款大辣口味，細個食白粥，媽媽都會加少少菜脯碎比我地配粥，所以大個了也很喜歡，但畢竟唔多店會有辣菜脯。我叫了一碗大狗仔粉，見店員於煲內盛起已製作完成既狗仔粉。狗仔粉帶濃濃鴨香同鴨肉，味道不錯，但略厭狗仔粉軟硬度不一，而且大碗同小碗價錢相差$7，卻分別不太，建議可點小碗（眼見來到的客人也大都點小的，我是不是蠢了）總結之言：味道不錯，但粉質卻雖改善

其實之前一直都想試嫁喇! 但一直都唔經開太子呢一頭。今日幸好經過, 又諗唔到食咩好, 就諗住食下d輕食食品.舖仔細細, 坐位唔多,不過小食店客人唔會坐太耐, 多數人流都會流得好快唔係咁肚餓只係想食少少野, 就叫左招牌 - 馳名狗仔粉(細) $20配料有冬菇, 蔥, 菜甫同蝦米, 狗仔粉外形有d似斷開左一節節既烏冬咁湯汁比較傑身, 食落口感偏林身, 真係有d似煮得比較林既烏冬, 撈埋蔥同菜甫等配料一齊食會比較有口感,枱上有辣菜甫比客人自行添加, 食落唔會過份地辣, 落左d更加吊到味。整體感覺唔算太大驚喜, 但有機會再行開會再試佢地其他既野食!

宵夜時份冇咩店開,咁岩見到原來呢度有間十八座狗仔粉就想入去試下一入去...哇勁迫,佢係左面一排櫈右面一排櫈如果兩邊都坐左人既話會背隻貼背隻........我就嗌左個大狗仔粉($27)食大狗仔粉食評：個湯底幾清甜,d粉係勁淋勁軟QQ,d料其實都唔少,食宵夜一碗就岩岩好飽,因為佢個size本身又唔係話大既,鐘意食淋麵既會覺得幾好味,不過鐘意食口感個d就會覺得太淋冇乜咬口,值得一題係佢個辣菜,撈埋個碗粉一齊食一流!!

以前剛剛開這間分店時發覺狗仔粉同細時食嘅一樣好味味道無變，好食，但事隔幾個月間中都有嚟食，發覺D味越來越淡越來越怪😨，而且仲越來越稀好似水咁，已經完全變咗質可以唔洗再嚟，唔怪得越來越小人🙁

去行旺角又諗唔到食咩，行行下就行到十八座狗仔粉前，嗅到咸香的冬菇蝦米味，已被吸引左入去。8點幾到，舖外已有三幾個人等外賣，亦有兩三個等堂食，但舖頭面積小，只有一張靠牆、面牆食的高枱，坐得7、8個人，比較擠擁，所以我地都等左15分鐘先入到去。馳名狗仔粉湯底以冬菇蝦米淆製，較杰身，咸香鮮味，狗仔粉質地較淋身粉質，糊糊爛爛，但其實整個狗仔粉的重點係湯料，滿滿冬菇、蝦米、菜甫、蔥花，味道可口美味！枱上有原味和辣味菜甫可再自行添加，加上辣味菜甫後，辣味令狗仔粉更上一層樓！火鴨翅鴨翅用料份量十足，好多火鴨絲、木耳絲、冬菇絲，湯底杰度適中，煮得入味，大愛其實仲有試左個蘿蔔魚蛋（但沒有影到相.......）蘿蔔十分普通，可惜無「合益泰」的那個入味，清甜無渣。魚蛋爽口彈牙，大大粒，加埋咖哩汁黎食，好味！仲有秘製汁魚皮餃和火翅脾未試，所以食完今次後還想再試

今日朋友介紹，朋友食過元朗戈間，話系幾好食的，今日出到來旺角諗住試下啦，諗住同一間公司唔會差得去邊..系門口等左陣，其實見店員既態度都唔系話好好，終於有位，入到去座位重逼點，但椅子就真的不好坐，坐底左叫左個大粉仔，大雜會，翅滾火鴨上脾，個上脾朋友食第一口已經搖頭，粉仔唔夠熱，還好..仲有個燒賣，無味..唯一系個大雜燴既蘿蔔同d汁系接受到既，食完之後其實都唔知自食左d咩🌚bad不過值得一試，唔試唔知點差

店內環境十分細小，沒有豪華裝修 只有一排吧檯不太舒適！狗仔粉：不過不失 跟我以前試有別不同 偏向杰身淋 好糊仔 自已吾太中意 枱上有菜粒 有辣有吾辣 辣味辣度十足 自已中意食辣 好正 細雜繪：不夠熱 但醬汁(千島汁) 偏甜小小辣好味道 蘿蔔好夠入味 好味道

第一站明記麵食吞左碗大腸豬紅蘿蔔幼麵，份量太少只得半飽，行去搭巴士有緣路過十八座，記得坊間傳聞狗仔粉食得下，好評如潮，擇日不如撞日就試試啦，仲要幸運地有一個位係舖最入既面呢。又會全場美女既？得我一條仔。似乎狗仔粉特別受女仕歡迎，莫非有養顏美肌功效，走既時候先有個阿叔幫襯乍。舖位好細程長方形，兩邊全部臉壁位，約有十二個位左右，兩邊坐滿食客，我要側身及腳尖屹高先免強過得到呢。全場職員操不流利廣東話，用廣通話語言。其實依十年黎大多食肆都有同一情況，係咪包左全香港黎做呀啫？細翅滾火鴨下髀，都講左好多次係髀，唔係脾呀，骨字邊呀！原來有得揀上髀下髀、大碗細碗喎，首次到訪完全唔識 order 呢。火鴨髀外暖內凍，純鴨肉味道，鴨皮略有燒過微香微爽。碗仔翅帶燒鴨味道，微暖味道麻麻。細狗仔粉走蔥，我成日以為係銀針粉囉。狗仔粉？此名何來呢？只不過係勁腍勁粉溶溶地既油渣麵切到好短之麻，有咩咁好食呢？微暖又唔熱，我真係唔識欣賞，銀針粉湯底味道跟狗仔粉味道差不多，有過之而無不及。湯底略厭寡寡地，好采有咸菜甫辣菜甫吊吊味。勁辣菜甫？小辣乍喎，大圍金城茶餐廳辣十倍啦！黑色星期日等左 40 分鐘的士到屋企接我，浪費三舊