十八座狗仔粉

營業中

休息中

小編當日接近六點到達,人唔多。   環境一般  鋪頭好細, 位逼到唔知想點 要側身過 背點背 而且枱好高 建議由入面坐起好過一路食野後面一路有人走尼走去小編點左火鴨翅同大雜繪  火鴨翅 唔咸 好重火鴨味 但除左火鴨味就乜味 木耳好爽 但好足料P.S 菜圃好辣 小心唔好加太多大雜繪 小編叫左$12/3餸 咖哩汁甜甜地 都唔差 豬皮好大塊 好腍  豬肚冇SO味 重幾爽口

同女朋友掃街，想食D飽肚少少既野，十八座就幫到手。之前只係食過佐敦本店，今次試下分店又點。狗仔粉 - 湯頭味道幾好，狗仔粉都算有咬口，加埋D爽口菜普層次感更好。街頭小食黎講味道真係唔錯，而且又真係好飽肚火鴨翅 - 同出面既碗仔翅有好大分別，用料唔多，主要係火鴨絲同木耳絲。一入口已經有濃濃既火鴨味，又唔會太漿口，真係幾好食。

十 八 座 狗 仔 粉 一 直 好 評 如 潮 , 今 日 有 機 會 當 然 要 試 下 啦 因 為 時 間 關 係 , 只 能 外 賣 狗 仔 粉沒 有 太 多 的 湯 似 糊 仔 , 有 少 許 冬 菇 粒 + 肉 粒 狗 仔 粉 軟 硬 適 中 吾 會 過 淋  味 道 幾 鮮 ~~~~~~配 料 亦 好 足 辣 菜 脯 + 蔥 令 到 狗 仔 粉 更 加 滋 味 更 加 醒 胃 不 過 個 人 認 為 配 料 過 多 , 有 點 兒 搶 了 狗 仔 粉 既 味 道 原 味 大 腸大 腸 好 淋 , 一 D 都 吾 韌 配 上 秘 製 千 味 醬 , 好 味 千 味 醬 似 甜  醬 + 沙 嗲 醬 + 少 許 麻 醬 Mix 埋味 道 好 創 新 再 加 少 少 辣 味 , 吾 會 膩 魚 蓉 燒 賣 and 鮮 味 魚 皮 餃同 樣 配 上 千 味 醬 ,魚 蓉 燒 賣 跟 外 面 吃 的 不 同 , 沒 有 太 粉 ( 生 粉 ) 的 味 道 食 起 來 真 的 像 用 魚 蓉 造 的 翅 滾 火 鴨 脾火 鴨 脾 只 是 一 般 , 太 多 肉 了 本 身 堂 食 的

18座經過龍津見到對面呢間排唒長龍好奇心既我於是膽粗粗試下叫左碗招牌狗仔粉同碗仔翅狗仔粉又唔係話好特別同我出面食既差唔多碗仔翅好多料！味道都濃 比較意想不到整體還可以 不過未必會再排隊食

同友人行下行下,,行到唔知時日過...但2人又唔覺得好餓,,但成9pm,點都要食d野掛,,,,於是就行左入友人介紹ge十八座狗仔粉啦~火鴨翅~~呢個我係幾欣賞架wo,真係啖啖鴨味wo~~唔會好鹽~~平時我唔食翅類野架,今次呢個食完我認為下次可以再食呀~~~狗仔粉,好似比較油...如果同火鴨翅相比,好似味道就爭d...好似好淡甘..記得食狗仔粉係好細個ge野.今日可以再次食狗仔粉,係開心ge!係幾好,between,佢d配料好好味所以我自己再加左d配料之後就perfect返啦~~~下次會帶娘親去試下!!!!

第二次黎食，依然好多人。因為鋪頭細，位又窄，好少人會選擇坐係度食，就算係，都好快食完就走。食物賣相一般，但鄉村味、街坊味濃。講人情味係好抽象既，講食物質素，的確好岩我同男朋友胃口。我地叫左一個大狗仔粉、細狗仔粉加碗仔翅、同必食鴨脾！！！狗仔粉口感好稔，中間就正常軟度，加上菜圃，充滿特別風味！好食！反而加左翅個碗有啲怪，個人麻！麻地，所以俾識得欣賞個個食。最後上枱既係鴨脾，單睇外表已經好正，男朋友當初都係俾佢吸引過黎。咬落去，油香味慢慢滲出黎，肉質軟硬適中，好香既鴨味，齋食佢都值回票價。佢有分上脾同下脾，但次次下脾都冇哂，所以仲未知下脾有幾正住。另外，我諗呢個地方更襯"佬"一群黎食，因為大大碗粉，加大大隻鴨脾，可以滿足哂佢地快靚正既要求，亦即我男朋友。

今日同友人喺旺角花園街附近一帶覓食，見唔太肚餓就搵啲輕食醫肚，十八座狗仔粉就係一個幾理想的選擇唔會食得太飽，又唔會份量少到轉頭就肚餓不過由於場內位置少，我地都等左成20分鐘先可以入座好在狗仔粉味道好好，彌補返我地等左咁耐嘅唔耐煩首先我地兩個人叫咗一個大size的《十八座狗仔粉》，狗仔粉湯底非常觧味，可以見到湯底係加左大大粒東菇熬製而成，食落甜甜地好開胃。而其他配料亦同狗仔粉味道好夾，落埋馳名辣菜脯就更滋味我地仲有order咗一個《大雜燴》（HKD$30），包超多食材，有五香豬肚、原味大腸、豬皮、蘿蔔，更令人食過返尋味嘅係個秘製千味醬，同樣都係甜甜地，甜得嚟唔會太膩，配落大腸同豬皮就特別吸味、零舍好味不過今日食嘅白蘿蔔就比較遜色咗少少，有少少苦Ⓢ❥總括來說，呢間十八座狗仔粉的確唔錯，友人仲表示好有童年回憶的味道呢！雖然堂食等位需時都幾耐下，但係除左我地之外都仲有唔少人願意等，就知道呢度有幾好食啦！

之前去開佐敦食開，行過旺角見開左分店去幫襯下可惜狗仔粉唔夠入味，湯底水稀稀，比較淡而無粉糊唔似總店食開的糊狀！份量感覺縮少左用外賣發泡膠碗裝感覺不太好，要改進狗仔粉原有風味先得

久聞十八座狗仔粉好好味,但甚少經佐敦無機會試,最近旺角開了分店,咁就腳,梗係試下!同Yan8:00去到,已經好多人係門口,不過外賣多過堂食,我地2人係堂食,好快有位了。小小的店子,狹窄的環境,但多多人幫襯,證明了有幾好食。出名之一的菜脯及辣菜脯。必食狗仔粉之外,仲叫左火鴨翅。還有大雜燴。狗仔粉(大),$26,配料有豬油渣、蝦米、菜脯、冬菇及蔥花, 湯底似糊狀,狗仔粉軟滑,加上豬油渣香脆,菜脯爽甜,香口又惹味。火鴨翅(大),$26,賣相同口感都似碗仔翅,但味道上就大不同,火鴨味濃郁,好多鴨肉絲,木耳爽口,好味呀。大雜燴,$30,有原味大腸、五香豬肚、豬皮及蘿蔔,個秘製的千味醬甜甜地好好味, 大腸同豬肚特別正呀。充滿懷舊香港風味的一餐,平民錢食到好野,太滿足了。

沒有想像中的好食。期望太高了。可能煮粉的時間不夠，太倉促，粉偏硬，湯太多，水汪汪的。味道帶點苦澀，可能是菇的味道，怪怪的。新春加收30%，很貴，不值得食。如果可以糊一點，口感再彈口一點就好。

之前經過旺角見到這間十八座狗仔粉，一直都想試試，前幾天趁平日晚上人不太多就去試一下，等候了大約１０分鐘才被安排入座，只見人手不夠座位不多，店內空間狹窄。狗仔粉是必試的，點了一個大的兩個人share（＄26），粉仔口感特別，感覺像是短短的上海粗麵，湯底很濃，有冬菇粒、豬油渣，加上甜甜的菜甫，每一口的味道都十分豐富，感覺好滿足。店舖的另一個招牌是這個火鴨翅（大：＄２６），看上去以為是普通的碗仔翅，一試卻有驚喜，入口有濃濃的、很香的火鴨味，跟平時吃的碗仔翅截然不同，好味！這個大雜燴（＄３０）有原味大腸，五香豬肚，清湯豬皮和鮮甜蘿蔔，我認為這個小食的精粹在於名為千味醬的汁上面，入口甜甜的惹味，加上小小的辣味（點了小辣），不錯呢。今次試了十八座狗仔粉的三樣小食，都很好吃，只是入面環境較差，如果想慢慢吃飯聊天就不太適合，不過以食物來說確是值得一讚的。

成日經過依間十八座狗仔粉，日前終於入去一試。叫了一份大的狗仔粉和小的火鴨翅。狗仔粉的湯底非常夠味，個粉亦有口感。不得不提係個菜脯，冇個菜脯碗粉的美味道起碼減三成。個火鴨翅夠濃，食落幾足料。結論係值得推介。

本來都冇諗住食，因為聽d friend講環境真係好差，座位又超迫，但d friend話幾好食又幾特別，咪即管去試下囉！去既時間又咁岩有2個位，結果就入左去鋪頭最入既位置坐，但真係吾係講笑，我同後面個位客人其實係背對背坐，我完全係痴住佢書包黎坐之後我同個fd叫左個大碗狗仔粉,大雜燴同火鴨翅，老實講個狗仔粉就真係幾好食，會愈食愈上癮，大家不妨一試個大雜燴都吾錯，不過等左段時間，around15分鐘左右，但個豬皮勁爽口，一咬即係彈返上黎，但個蘿蔔真係吾夠入味，望落好似好多汁咁，但咬落去個心真係無咩味個火鴨翅其實吾錯，食頭2啖都覺得吾錯，味道幾特別，不過食食下，就開始厭啦，鴨既味道可能真係同翅吾係幾夾，好似怪怪地咁😕😕😕不過又未至於難食，大家都可以試下既！總括而言，喱間野就吾係食環境既，我覺得情人節喱d大時大節就唔好係度食啦，平日想求其揾野食下，喱間就真係吾錯既選擇，不過建議你地外賣好d！☺☺☺

每次去魚街都會經過呢間鋪頭但係我唔習慣自己一個人食飯所以都未有機會去試今次同我老婆經開呢頭一於就入去試試！但係由於鋪頭太細間，等位起碼等左15分鐘我地一人叫一個呢度既招牌食物第一樣當然就係狗仔粉啦即係以前叫既"粉仔"個湯既味道好濃郁好濃既豬骨湯味我飲第一啖就已經愛上了粉既彈性我覺得岩岩好唔會太un，又唔會煮得太淋配埋個菜甫真係一絕但係個辣菜甫味道雖然唔辣但係真係太爆辣我食左少少已經頂唔順唔食辣既朋友我勸你可以唔駛試至於呢個火鴨翅更加同平時食開既碗仔翅截然不同絕對足料，唔會水汪汪咁溝好多水就算呢碗野真係好味道既但係食多左會有d 漏漏地既感覺建議同人Share會更好不過我都大力推~ 以街邊小食黎講絕對超班雖然其實價錢都唔算平但係絕對值得一試！

當日我同朋友入左呢間旺角分店食嘢， 叫左魚肉燒賣， 鴨脾， 碗仔翅。魚肉燒賣無乜味，只係有好"痴牙"嘅感覺。鴨脾幾好味，我地叫左"上脾"(因為下脾賣晒), 肉香唔鞋口，下次會再試。鴨肉碗仔翅面嘅肉絲係鴨肉， 好香， 但我個人黎講覺得太"杰", 生粉落多左咁，整體黎講都係ok嘅， 店內有菜脯可以免費加， 加左更好味。呢間店地方比較細， 只係食完即走bar檯位，但對於一間小食店黎講no problem la!