十二味 (赫德道)

營業中

休息中

標題：酸菜魚食評：美味又辣味十足今天去了一家餐廳品嚐了他們的招牌菜酸菜魚，還點了炒萵苣和辣子雞。這一餐真是又好吃又辣味十足。首先來說酸菜魚，這道菜真是一絕。魚肉鮮嫩多汁，搭配酸菜的酸味和微辣的湯汁，口感真是讓人回味無窮。湯入邊辣椒和花椒讓整道菜的味道更加香辣，絕對是辣愛者的最愛。炒萵苣也很不錯。萵苣炒得剛好，爽脆，加上味道清爽又開胃。這道菜是一個很好的配菜，平衡了酸菜魚辣味的重口味。最後是辣子雞，這道菜給人留下了深刻的印象。雞肉炸得酥脆，仲有腰果配襯。每一啖都有辣椒香味同脆口感，正。整體來說，酸菜魚鮮、炒萵苣清爽和辣子雞辣味，感覺非常好。如果你喜歡辣味菜品，這家餐廳絕對是一個不容錯過的好去處。

隔咗幾日又食酸菜魚😂十二味食過好多次，不過一直都未有寫食評叫咗一大兜酸菜魚加我最鍾意食嘅寬粉，再加咗一碗白飯同一罐可樂😎今日唔係幾想食辣，所以走咗辣，魚肉好結實，而且我好鍾意食佢啲酸菜，好惹味加埋掛湯嘅寬粉真係令人食到舔舔脷見到佢新出咗桂花冰釀米酒，今日未有機會試，希望下次食飯仲有啦十二味不愧係香港酸菜魚嘅元老之一，雖然今日係平日星期二，現場都非常之多人，如果唔係有訂位，分分鐘要等，所以提提大家下次嚟食之前記得訂位啦😎#十二味

第一次嚟呢度食午餐，午市時間全場爆滿，套餐選擇都幾多，價錢亦都唔算貴，而且唔使加一，仲包一包維他檸檬茶做餐飲，非常好今次叫咗牛肉麻辣乾鍋，要左小辣，小辣對我嚟講啱啱好，但係其實佢嘅麻唔係好重，所以點餐嘅時候如果你鍾意麻啲嘅，係可以加麻嘅份量其實好足，牛肉都有好多塊，唔係肥牛係牛肉片，肉質嚟講係林嘅，只係間中有少少筋，而且有好大量嘅配菜，分別有薯仔條蓮藕片，同埋油麥菜，其中我覺得薯仔條真係好好食，仲好食嗰啲牛肉，超級入味，軟硬適中，會再返嚟試其他嘢

上星期，我去咗間位於尖沙咀嘅十二味。第一眼見到個門面好大，我已經被佢嘅裝修吸引住，成間店裝潢得好有中國風，無論係擺設定係燈飾都令人心情舒暢。而且雖然整體係行暗色系，但都冇因為係黑色就懶唔清潔。店舖乾乾淨淨，大大方方。話說返食物，因為咁岩我個朋友食唔到辣，所以我地就選咗佢哋嘅「秘制醬香鍋」，係一個唔辣嘅鍋。我地加咗午餐肉、金錢肚、嫩牛肉、蓮藕片、鮮腐竹、寬粉同埋娃娃菜。總體嚟講，個鍋味道都唔錯，特別係佢嘅醬汁好香，啲食材都好入味，只不過就嫩牛肉有啲煮得唔夠淋，可能係因為太嫩所以要特別小心煮。但係整體嚟講，對於食唔到辣嘅朋友，我覺得呢個鍋都值得一試。至於飲品，我叫咗佢哋嘅「熱情果蘇打」，真係每次嚟「十二味」都會叫嘅飲品，夠晒大杯，又可以解渴，真係食鍋嘅最佳拍檔。不過提一句，佢哋嘅服務就真係得普通，唔係特別出色，可能係因為員工唔夠，有時多啲客人可能要等啲。總結，「十二味」係間不錯嘅餐廳，食材新鮮，環境舒適，但係希望佢哋可以加強小小嘅服務。

今次黎到尖沙咀呢間十二味 平時我都好中意呢間連鎖川菜 差唔多每個禮拜都食 當左係Canteen咁😂但今次食 劣左好多 並且確定係呢間分店先係質素咁唔穩定🙁-乾煸四季豆(4/10)唔夠乾身，裡面仲好濕潤零獲氣 為左上菜快無比心機炒多陣利申我最中意食呢味餸 Top1既程度（Top2係佢地香鍋 Top3回鍋肉）但今日完全唔掂☹️我就係中意食佢乾煸陣獲氣味依家同普通炒菜無咩分別 唔難食既 但對唔起個菜名而且肉碎偏少（其他分店多好多）-全素麻辣香鍋(5/10)同樣問題 唔夠乾身所以炒起上黎無咁入味😕蓮藕尚算爽脆 土豆片有啲冧一開頭一上枱其實嚇親 比咁多油麥菜我 第一次見土豆同蓮藕相比之下夾好多 因為無咁索油仲有嗌左多麻都唔夠麻味-環境(8/10)：要行一層樓梯 兩點九左右去相對少人 坐卡位非常闊落舒服衛生(10/10)：無咩問題服務(8/10)：正常 不過不失性價比(6/10)：價錢唔貴 午市仲免加一 不過品質唔穩定唯有扣分-總括而言就算位置就腳都好 以後都唔會再食呢間分店我唔會話佢難食 比劣評係因為越整越差 同其他分店水準差太遠比我感覺整得好急 好多餸根本未炒香未入味😕當然十二味會繼續係我既飯堂

lolll又食川菜 中學嗰陣已經成日食十二味 呢間分店竟然有個迷你酒吧🍹-•飄香毛血旺• $158 (+$28粉條) [👅7.8/10]份量超級大 入面除咗鴨血之外 仲有章魚, 牛柏葉, 金錢肚, 豬皮, 午餐肉🥘鴨血好好食 超級鮮嫩 唔會好似橡膠咁👍🏻啲寬粉都彈牙 索晒啲湯夠晒入味🍜不過油真係好多😂但食呢啲就係咁🤪食完即刻落seven對咗支解茶🙏🏻-•燒椒皮蛋• $53 [👅8.2/10]用咗黃金皮蛋💛無腥臭味 醬汁唔會過鹹 加入燒完再剁碎咗青椒辣椒 香味撲鼻🫑🌶️-•紅糖糍粑• $48 [👅8.5/10]川菜必食！外脆內軟 新鮮炸起熱辣辣❤️‍🔥一定要趁熱食灑上黃豆粉 蘸埋濃郁嘅紅糖漿 超級滿足🤤-📍 #十二味尖沙咀分店: 赫德道1-3A號利威商業大廈地下6號舖及1樓

十二味應該係第2次，今次係尖沙咀做完野就試下尖東分店。門口都幾大，要行樓梯上，上到去好有中式麻辣菜feel, 紅色主調嘅中式燈，最神奇係可以唱K，一眼就見到個stage🤣上次食過酸菜魚，今次得2個人就揀左經典香辣鍋，宜家好多餐廳都用QR code 落單可以慢慢睇慢慢揀，麻辣香鍋要揀最少5款配料(每款配料加$28-$48），當然離不開要有肉： 雞翼、肥牛，肉類分量都幾多下，炒起上嚟好大鍋，雞翼有炸過，口感香脆不過我自己最鍾意係面頭一粒粒炸過嘅黃豆，食落脆卜卜，令個香辣鍋食起上添加咗層次，食香辣鍋一定要有白飯唔係會超級重口味～ 最好係可以order 既時候request 少鹽少油，感覺上健康左

尖沙咀十二味，地點非常方便，二樓雅座又大又舒服，裝修新派✨尖沙咀依間分店有兩大特色：1️⃣有KTV，可以辣到唱歌🤣2️⃣有好多酒精飲品既選擇，由生啤到茅台都有👏🏻天氣咁熱飲返杯生啤，藍妹生啤，都好鮮，依個環境飲返杯就係爽😍武隆尖椒雞，好大盤，超香超吸引，雞肉走過油好有風味，尖椒都幾辣但好味，一次過食尖椒、葛粒同雞粒，好爽😄愈食愈辣再飲多杯，三得利生啤，正✨🍢炸串時間🍡，唔係間間都有所以見到就想食，羊小腸、魷魚等好幾款，香口阿牛(5串)🐂好香，外脆內嫩，好惹味，愈食愈想食🥳Q彈魷魚須(10串)，超香脆Q彈，好好味👍🏻香噴噴月牙骨(10串)，軟骨加啲嫩肉，送酒一流，好正🫶🏻十二味真係一間好正既川菜餐廳🏮尖沙咀仲有好多酒既選擇，享受升級😙

位於尖沙咀（赫德道）既十二味超爆場😨，完全估唔到尼間咁多分店既川菜係咁多人捧場的😳，我地一路食keep 住好多人等位🤣好彩我地7:00就到左，如果想食記得要訂位呀！門口燈籠裝飾超吸睛🏮，卡位地方闊落，枱位就比較迫近，但坐位都比較多，如果真係walk in 都可以的✨🐟人見人愛酸菜魚 $248一上枱超大一盤😨完全霸哂一張枱既位，份量就咁多真係超多的！面層鋪滿四川辣椒麻椒就咁睇以為好辣，但味道剛好岩哂唔食得辣既我🤤微微既麻香辣味同酸菜既酸味極為夾，香味濃郁😋魚肉無骨 啖啖肉食得好爽🤣搭配大量萵荀好健康🤭果然係超人氣酸菜魚，基本上每枱都會嗌✨川式口水雞 🐣$73口水雞份量對比酸菜魚就有點少，口水雞醬汁整體偏鹹，但雞肉部位多骨位少肉位，係扣左唔少分，但我見其他人評價係不錯的，可能我比較黑仔咁岩尼份有點差✨杏仁青檸蝦球 🦐 $158我地另外嗌左款川菜比較少見既菜式試下，蝦球炸到脆卜卜熱辣辣好好食，上面仲带有杏仁香脆口感，青檸牆酸酸甜甜超開胃🤤份量仲要唔少，總共有 12隻左右，整體感覺完全喜出望外😍✨美滋滋芒果蘇打 $28芒果🥭酸甜非常解渴解辣🤤岩哂夏天飲

今日去左朋友推介既十二味食飯，味道真係好唔錯!一定要叫招牌既酸菜魚!! 食酸菜魚就鐘意配埋粉條，要吸曬汁咁食。仲可以簡少油同辣度，我地叫左小辣，都接受到。個湯汁，酸酸辣辣，好開胃。魚肉好大塊，食落爽脆，而且係冇骨架! 入面仲有萵荀，菇等等既配料，好豐富! 同埋都真係幾大兜下!!清炒萵荀絲比想像中份量多好多!! 萵荀絲好脆! 調味岩岩好! 唔覺唔覺食左好多!川香回鍋肉好香!! 而且可以簡唔辣，肉片比例係肥瘦都有，全部都吸曬汁。一齊炒既蓮藕都好入味。野飲就叫左熱情果soda同埋芒果soda，同樣好大杯，而且好fresh，可以減少油膩既感覺。紅糖糍巴係每次都一定要叫的!!!!呢款係紅糖分上，糍巴上面仲有好多黃豆粉，有多重口感，好好食!

平時間中都會同ｄ同事嚟十二味食lunch 晚市真係第一次食第一次嚟尖沙咀嘅分店 餐廳好大好闊落 環境偏昏暗 感覺幾chill平時lunch都有叫開酸菜魚 但估唔到配粉條嘅份量係大兜咁多 直情係成盤咁上枱平時唔食得辣嘅我都叫咗少辣 因為之前食過唔辣覺得有d失色果然有少少辣係惹味好多 d魚就同平時一樣無骨又滑身而其他嘅配菜好似酸菜，萵苣，雞髀菇, 同埋粉條就索哂湯底嘅精華 超級入味除咗酸菜魚份量驚人之外 無諗過佢地嘅小菜都咁大碟清炒萵荀絲食落好夠鑊氣 切做一絲絲令個口感更加爽脆 同朋友食極都好似唔見底咁另外川香回鍋肉除咗有切片嘅豬肉仲有蓮藕同蔥嘅點綴 食落唔會好寡飲品方面就叫咗美滋滋芒果蘇打同百香果蘇打 解辣一流食到最後緊係要叫返個甜品紅糖糍粑炸到外脆內軟 灑上滿滿嘅黃豆粉再點埋附送嘅紅糖真係大滿足

又係星期三食好西叉電既日子，浦開尖沙咀，上次食完泰國菜，今次食川菜既十二味🤪又係排哂長龍，門關既燈籠都頗有四川特色🏮入面環境就唔算闊落，由於無哂卡位坐既關係，二人同行都難免要同旁邊枱相距甚近😭雖然地方大但整層都坐滿客人，氣氛幾好👍🏻🐟人見人愛酸菜魚 $248一上碟超大一盤🤩四川酸菜魚。味道酸辣鮮明，帶有四川辣椒既辛辣口味同酸莱既酸爽口感，香味濃郁😋仲有藤椒既酥麻感覺，整體層次豐富。酸，辣，麻都恰到好處，魚肉都幾新鮮，而旦份量多，萵荀同魚食極都仲有🤣就算無薯粉都夠哂飽(個人唔太好薯粉所以好岩我🤙🏻)🐥川式口水雞 $73作為口水雞爱好者，不得不說有點失望🤔主要係雞既份量偏少而且多骨，一班人 SHARE 食一定唔夠喉，味道上係不差🥱有口水汁既濃厚味道，只係質感就失色，肉質較孩口，無嫩滑既感覺🥲🦐杏仁青檸蝦球 $158非常出色，整體感覺完全喜出望外😍蝦球炸到脆卜卜，蝦殼都可以食埋，上面仲带有杏仁香脆口感，青檸牆酸酸甜甜，非常開胃🤤同原先口感細膩既蝦球互相配搭真係一流😈份量仲要唔少，總共有 12件，兩條友每人6件好满足！💯🍺藍妹生啤 $58好大杯，杯身勁高，成日驚撞跌佢，😂因為枱都比較細，放完3

今日要加班，差點連吃晚飯的時候都沒有，為有買外賣返屋企食，見到「十二味」呢間川菜館好多人，所以都想試吓。餐廳位於尖沙咀德道1-3A號地 下（6號舖）及1字樓，座位都好多，空間都好大，我相信堂食也不錯。❤️酸辣無骨鳳爪 $53 味道酸酸辣辣，還附有很多青瓜🥒，最正係無 骨🦴，唔使慢慢論骨。🧡川式口水雞 $73 川式，顧名思義一定辣啦，口水雞嫩滑，配以花生🥜、芝麻、葱花，令到味道層次更豐富，還付有很多青瓜。💛夫妻肺片。 $68 食川菜，必定諗到夫妻肺片，牛腱和牛肚，加上辣椒油，花椒粉，蒜泥等調味料，灑上蔥花、香菜，令到味道很豐富，而且牛腱牛肚非常爽口。💚黯然銷魂炒飯 $78 炒飯本身吵得很乾身，而且配了很多，有蝦、蛋、蔥粒等等………味道還帶點微辣。💙紅糖糍粑 $48 糍粑用糯米粉製成，口感煙煙韌韌，表面加上糖粉，令到甜味非常濃郁。

尖沙咀呢間分店喺晚餐時間吸引咗好多食客，座無虛席。不過聽到唔少都係遊客～裏面嘅座位夠寬敞，冷氣充足，食辣嘢都覺得享受🤣🤣水煮牛肉 $158水煮牛肉同出邊食開嘅味道又有少少唔同，叫咗小辣但係唔係好夠，可能係因為個湯唔夠熱，所以啲辣椒冇特別出味。不過啲牛肉都夠滑身同埋易咬，仲有啲寬粉係底。美中不足嘅係如果佢有啲芽菜或者多少少蔬菜配料可以加配會更好。Q彈魷魚須(10串 $28呢度都係少少咁樣一串，但佢又唔會少得好過分。魷魚鬚都夠彈牙，唔會燒得硬嘉士伯 $20抵👍🏻熱情果蘇打 $28好大既一杯，食辣嘢叫呢一杯就夠晒飲啦👍🏻 味道都唔錯

之前已經食過十二味著名嘅酸菜魚。今次就帶埋朋友嚟試吓其他菜式有冇酸菜魚咁正！水煮牛肉🐮份量幾多，牛肉唔韌又大片，非常滿足。口味亦都適合香港人，小辣只係微微既辣幾香口～ 上面都有啲菜，不過會擔心浸得耐會吸到啲辣味唔易入口，若果換上青瓜芽菜呢一類會更好小份小龍蝦 🦐呢隻小龍蝦嘅湯底有少少唔同，係難以形容嘅味道😂。龍蝦夠彈牙👍🏻清炒綠時蔬 🥬超級大份😱😱，雖然叫清炒但都炒得好香好夠味👍🏻最後埋單人均都係200幾，坐得咁舒服嚟講係幾抵食