十二味 (赫德道)

營業中

休息中

午市套餐真心抵，$50-80不等，仲要唔洗加一🤩唔食得辣既都可以試下，因為可以揀唔辣架😉#雞翼麻辣香鍋 🐤❣️每次都會叫佢既香鍋🤤因為真係好惹味，送飯一流🤗今次揀左唔辣，都一樣好濃味既醬香味，有好多配料，蓮藕/土豆絲/雲耳/油麥菜/金豆😍重口味朋友必點😙HKD66 套餐#酸菜魚 🐟因為戒口中，酸菜魚都係揀左唔辣🤭魚片好滑唔腥，大部份都冇骨，不過食魚都係要小心😉酸酸地加有啲蒜香味，仲有萵荀同雞脾菇～食得辣既都係揀返辣既好啲😜HKD78 套餐#黯然銷魂炒飯 🍚❣️見隔離枱食好似好正，忍唔住叫左🤤個名好似好勁🤣炒得有鑊氣又乾身，配料好有心機切得好細粒😋小小辣又係好惹味，令人一啖接一啖停唔到口HKD78 單點#熱情果梳打 🍹套餐包盒裝檸檬茶，都有其他飲品選擇但要加錢，梳打正常發揮～～+HKD8#紅糖滋粑 🍬一定要"叫起" 既甜品，趁佢新鮮炸起，真係外脆內軟糯😍HKD48單點要加一服務費十二味尖沙咀#fafafoodie_尖沙咀

今日和朋友去了尖沙咀行街，順道去吃晚餐。朋友說想吃中菜，所以便選了這間餐廳。裝修都比較中式。黯然銷魂飯（$78）：炒飯炒得粒粒分明，唔會太濕又唔會太油，炒得幾香口。另外炒飯都好足料，有炒蛋，菜，蝦肉，紅蘿蔔，幾好食。另外調味都好好，不錯。而且飯的份量都好夠多，都夠飽，抵食, 不錯.川式口水雞（$73）小辣：這間中菜館的辣度比出面普通餐廳的更辣，所以選辣度時記得選得保守一點。他的小辣跟出面其他餐廳的中辣差不多。另外口水雞肉質都幾鮮嫩，幾好食。極品麻婆豆腐（$73）小辣：豆腐好滑幾好食，又幾香辣，好惹味，不錯。熱柚子茶（$28）：柚子甜甜地幾好飲，不錯。凍柚子茶（$28）：另外還叫了一杯凍的柚子茶，都好飲。

夜晚即興walk in入嚟就有位！完全唔洗等 環境闊落 坐得舒服裝修都非常有中國風 以紅黑為主題兩個人叫左兩碟 其實都已經好飽好夠食因為真係好大碟 真係好抵食經典香辣鍋 ($242)午餐肉 雞軟骨 牛百葉 豬頸肉 四季豆乾鍋系列必須選擇至少5款食物選擇都比想像中多 而且份量都多好入味好香口 不過比較油同埋四季豆食咗幾條都有”依”🫠霸王辣子雞 ($138)炸得香脆 有肉食 唔會太瘦太細粒有大量雞肉同腰果 會令人停唔到口調味都唔錯 又唔會太油 讚啊

十二味出名食酸菜魚，係四川菜嘅龍頭，其他馳名嘅菜式有水煮魚、香辣乾鍋、小龍蝦🦞，全部都好吸引！餐廳更加有一人份嘅set lunch，想自私食份酸菜魚絕對冇問題，仲包飲品添😋我哋平日6點幾過嚟，已經有幾張大枱坐滿咗！試咗餐廳招牌酸菜魚，分量夠三至四個人食，魚片新鮮啖啖肉，湯底有辣椒仔、花椒同胡椒粒，香辣得嚟又惹味，魚肉吸收晒酸辣嘅湯底味，好開胃！推薦經典香辣乾鍋，餸菜任你自由配搭，而且大大份，夠唒飽肚，我哋揀咗花菜、豬肚、魷魚、土豆同牛丸，醃得好入味，越食越滋味。魷魚爽口有嚼勁，土豆條好腍，吸收晒乾鍋嘅精華。十二味 📍尖沙咀赫德道1-3A號利威商業大廈地下6號舖及1樓

尖沙咀K11 Art Mall附近，赫德道有間四川菜。weekday晚上七點已經全滿，遲多10分鐘已經開始等位。餐牌有招牌香鍋，酸菜魚，水煮牛肉，小龍蝦，串燒，紅糖糍粑等。當然要order酸菜魚，一盤份量足夠三至四人，色香味都齊全。魚片無骨，仲可以加最愛嘅寬粉，吸晒湯底味，或者送白飯都好夾。叫咗小辣都只係輕輕嘅麻辣，如果食得辣，可以試佢嘅大辣。夫妻肺片份量都好足，有牛肚牛腱十幾塊。食咗肉同魚要配下個花菜，即係椰菜花，大大碟。見到餐牌仲有set lunch，水煮牛肉，回鍋肉，酸菜魚價錢都好相宜。

想食香辣嘢，第一時間諗起十二味！尖沙咀呢間地點方便，而且環境不錯，卡位幾舒適。每款都想試下，今次點了3個餸，大盆花菜，經典香辣鍋及酸菜菜魚。先上大盆花菜，其實是干炒椰菜花，有少量肉片，乾炒同平時廣東酒樓食到的味道好唔同！乾身香口d, 而且小辣好夠味！經典香辣鍋，呢款真係必點！自選5餸以上，我味點了蓮藕，田雞，美國肥牛，木耳同肥腸。一上枱真係嚇一跳，好大盆。好耐好耐無食田雞，在家好難煮，呢度的煮法係先炸過再乾拌，好香口，田雞肉亦易咬開，正！蓮藕同木耳用干拌後，鮮甜味更突出。美國肥牛同肥腸，絕對是重口味之選，干拌的好處食落唔會油淋淋。酸菜魚是招牌菜之一，湯底都見到用幾款辣椒製成，酸辣度夠平衡，魚片份量十足！呢餐食到好滿足，建議香辣鍋要有菜有肉去配搭，食落就更清爽！

晚市都唔少人等位！嚟到呢到一定要食酸菜魚😍 大大碗勁多鱸魚 🐟魚肉大大塊又爽彈嫩滑💕 湯底濃濃魚湯味又勁多酸菜真係味道十足✨ 另外再叫左幾款小菜/小食一齊Share😋酸辣土豆絲超好食🤤 大大碟又夠惹味💕 可以揀辣或唔辣👍🏻 燒椒皮蛋涼菜勁多芝麻椒絲蔥，隻蛋勁滑有小小辣勁好食！叫埋炸串勁豐富好飽肚😍呢間真心唔錯，座位坐得舒服👍🏻

最近成日食酸菜魚，有好多新口味都好好食，但係不知不覺令我懷念最原本既味道。呢間餐廳，就係我最早接觸酸菜魚既地方。黎到點菜嘅時候，出於突然嘅覺悟，感覺應該要點未食過既野，我就點左水煮牛肉同埋武隆尖椒雞。 🍖水煮牛肉用左辣椒同辣油帶出陣陣嘅香辣味，好多餐廳其實好多時都係用辣味蓋過唔新鮮既食材。好嘅餐廳相反會識得用辣味帶出食材嘅新鮮。用辣油煮過嘅牛肉特別鮮嫩，而且咬落去嘅時候，會將味道留喺牙逢間，飲啤酒可以沖走辣味，但係就唔會沖走個陣齒夾留香嘅味道。講開啤酒，藍妹既生啤真係好飲過樽裝嘅好多，更加有氣而且泡沫充足。 🍖武隆，我唔知喺邊度，但因為新年應下景，就武隆咁舞。入邊有尖椒同泡椒，唔知佢地係點處理，呢兩種平時都好辣既野，變成左帶辣既香椒。雞肉切成細粒，用油炸過之後，外皮香脆，呢種雞肉唔可以話係嫩滑，但係好好味，尤其係佢近骨既位，炸左既骨令人食到香酥既感覺。而全碟我最中意係切粒蓮藕，佢既爽昇華左全碟既口感，變化無窮。 ✨️鄭和同哥倫布發現左新大陸而且將自己野帶到當地改良同發揚光大，但冇因為咁大家會覺得原產地唔好。孔子同耶蘇都講過，初戀無限美，而且再細心體會，初戀仲有好多可愛野你會miss左。所

朋友想食酸菜魚，所以就去十二味買外賣返嚟一齊食。十二味嘅裝修係行工業風，好有特色行上一層就係餐廳，座位都好闊落。我哋叫咗一盤酸菜魚加個蔥油撈麵。由於酸菜魚好大盤所以分咗兩個碗裝。酸菜魚非常非常之香。佢嘅麻辣同埋香料就係呢度菜嘅靈魂。佢嘅酸菜魚塊非常嫩滑，啖啖肉同埋份量好多。酸菜亦都煮得好清爽好中，唔會話死鹹或者好酸，另外加嘅薯粉係闊身透明嗰款薯粉，好煙韌。酸菜魚連個湯都好好飲所以我哋就真係清曬碗。因為好鍾意食蔥油拌麵，去到邊都會試一試，所以就搭單叫埋。佢有炸咗嘅蔥絲鋪喺面。佢嘅面粗幼度係類似幼身嘅烏冬但係就煙韌好多。連埋個醬汁撈埋好好食。

十二味係全港都很多分店，今次都係第一次食，嗌左外賣，就算返屋企食都好正，好惹味。點左份川式口水雞，杏仁青檸蝦球，夫妻肺片。即叫即整，等一陣就有得食了，口水雞很嫩滑，辣得入味，佢會問你食吾食辣，之後可以有不同辣度選擇的，很好。先講口水雞，雞肉質嫩滑，辣味夠辣又香，好好食，又抵食。夫妻肺片份量都好多，啖啖肉，醬料是分開的，所以吾食辣都可食。最後青檸蝦球是最正的，因為每個蝦球都好像有兩粒或再多的蝦，啖啖蝦又爽口鮮甜，好好味，全部都很不錯。難怪咁出名又多人食。

想試呢間酸菜魚店好耐 今日終於黎試啦！估唔到佢咁迎口香港人口味 可以揀小辣少油QR code落完單 上菜速度極快人見人愛酸菜魚 小辣少油$248味道恰如其分！ 平時其他店既酸菜魚叫小辣都辣到嘖火 今次小辣真係岩香港人既小辣 有d過癮但又辣到噴火！平時唔食飯既我都忍唔住因為呢盆魚食左成碗飯 超下飯！魚肉嫩滑不會鞋！見到乾煸四季豆都好多人推薦 好似好正 仲可以揀小辣 走肉碎！d豆炒到好淋好惹味 份量仲要好多 兩個人都食唔灑！老公就想食佢既串燒 呢個叫香口阿牛（小辣）既串燒有驚喜 好滑同真係好香口！最後叫埋甜品幺妹兒冰粉 清一清喉嚨就perfect啦！

菜式評價：- **酸菜魚**：我品嚐了酸菜魚，這道菜份量十分驚人，雖然價格較高，但絕對物超所值。魚肉鮮嫩無刺，配料豐富，湯頭酸爽清新，酸菜酸味十足，不單只是咸味，而是帶著酸甜的滋味。整體來說，這道酸菜魚鮮美可口，給人留下了深刻的印象。- **乾煸大腸**：我同時品嚐了他們的乾煸大腸，這道菜同樣份量十足，雖然價格稍高，但每一口都令人滿足。大腸炸過後外酥內嫩，咬下去時，油脂滿溢而出，口感極為香脆，讓人欲罷不能。儘管這道菜較為油膩，但絕對值得一試。其他推薦：除了酸菜魚和乾煸大腸外，Craps Table還有許多其他精彩美味的川菜選擇。他們的麻婆豆腐和口水雞都是絕佳的選擇，辣味十足，鮮香可口。此外，他們的麻辣火鍋也十分有名，是辣愛者的不二之選。

今晚冇咩胃口，去左食十二味刺激一下，增加一下食慾，係尖沙咀食店林立嘅赫德道，有間紅燈十二味的就是了，上樓梯，裝修別樹一格，仲見到有位置是band show,吾通特別日子仲有band show助慶？上到去人客都多，點了三樣回家食，乾焗肥腸，武漢尖椒雞和卤水拼盤。先講肥腸，真的很乾身，脆口啊，非常多辣椒，辣得很惹味，另外是武漢尖椒雞，雞件切細件，加配菜粒粒炒得香口，喜歡加了蓮藕，增加咬口，好食。至於卤水拼盤，都是很出色，有牛展，牛肚等，份量都多，卤得很入味。佢嘅辣真的很出色，價錢合理，服務都很好，推介比大家。

酸菜魚的口感結合了鮮嫩的魚肉、爽脆的酸菜、辣椒和花椒的刺激感以及酸辣的湯汁，帶來了豐富多樣的口感體驗，每次去必點的菜品，魚肉嫩滑，絕對好吃，酸菜是酸菜魚的核心調味料，它帶有酸味和鹹味，為整道菜餚提供了鮮明的風味。酸菜的質地通常較脆，口感酸爽，加入辣椒，給菜餚增添了辣味的刺激感。辣椒會在口腔產生辣熱的感覺，與酸菜和魚肉的鮮美味道相互融合幹鍋的食材的鮮嫩、恰到好處香辣的味道，讓口感更豐富，色香味俱全，味道不錯，值得一試

我同同事都好鐘意食辣，時不時都會去食我最愛的酸菜魚。今晚放工後唔想煮餸，又想食辣，於是去外賣餸菜返屋企，再煮個靚飯，同屋企人食餐勁☺️。經典香辣鍋小辣 $38.- (跟最少5款配料共$252.-) 嘩！份最勁多☺️，差不多一盒滿，材料非常多，有肉質彈牙的鮮蝦，爽口柔韌的牛百葉，有陣陣油香的豬腸，肉質軟腍帶牛香味的金錢肚及牛舌。香辣鍋用上大量切碎嘅青椒、辣椒、薑、蒜、蔥及芫茜，再加上調味料一齊炒，味道非常惹味香辣，全部食材都勁吸味，非常香辣惹味🥰。川式口水雞 $73.-醬汁鮮香麻辣，鹹度適中，配上肉味濃郁，肉質嫩滑的雞件，越食越好味，餸飯一流😍。食物質素好，價錢合理，好食又份量多，店員服務勤快，值得再次幫襯。屋企人都食得好開心又滿意，下次要試下外賣其他菜式，再食過😊。