十二味 (赫德道)

營業中

休息中

朋友想食酸菜魚，所以就去十二味買外賣返嚟一齊食。十二味嘅裝修係行工業風，好有特色行上一層就係餐廳，座位都好闊落。我哋叫咗一盤酸菜魚加個蔥油撈麵。由於酸菜魚好大盤所以分咗兩個碗裝。酸菜魚非常非常之香。佢嘅麻辣同埋香料就係呢度菜嘅靈魂。佢嘅酸菜魚塊非常嫩滑，啖啖肉同埋份量好多。酸菜亦都煮得好清爽好中，唔會話死鹹或者好酸，另外加嘅薯粉係闊身透明嗰款薯粉，好煙韌。酸菜魚連個湯都好好飲所以我哋就真係清曬碗。因為好鍾意食蔥油拌麵，去到邊都會試一試，所以就搭單叫埋。佢有炸咗嘅蔥絲鋪喺面。佢嘅面粗幼度係類似幼身嘅烏冬但係就煙韌好多。連埋個醬汁撈埋好好食。