十二味 (赫德道)

營業中

休息中

同朋友仔相約左係尖沙咀食飯，朋友推薦呢間十二味咩功夫熊貓餐廳，聽講裏面裝修同環境好好，好適合朋友聚會一去到門口見到好大隻功夫熊貓嘅，招牌暗黑型格嘅裝修，上到樓餐廳真係幾大，空間感極大，唔錯睇吓啲嘢食又真係唔貴晏晝六、七十蚊一館午市套餐左右免加一<酸菜魚$78>近排腸胃唔係好好，叫咗一個酸菜魚套餐走辣，午市套餐份量一啲都唔欺場魚肉好新鮮好滑，份量都幾多起碼都食到超過十塊魚，湯底酸酸地唔辣都可以好鮮味<川香回鍋肉$68>另外叫咗個川香回鍋肉，比起酸菜魚重口味少少，醬汁甜甜地，回鍋肉口感似打邊爐嘅豬肉片，連埋個醬汁炒起嚟都幾香口<蒜拍青瓜$38>兩個人加咗個小食蒜拍青瓜，蒜味唔算好重，不過份量都幾多Overall ，餐廳坐得好舒服，食物質素都唔錯，仲有音樂聽，值得推介

 人在尖沙咀搵食易找到十二味主打川辣菜落單簡單,用電話掃QR碼直接下單有辣也有不辣食材配料多由原產地直送廚房手藝也不錯環境算OK,服務也OK我們不是狂辣粉,但小辣是接受到的 埋位低下,服務員會先送上特式小吃涼拌小吃一小碟,當作開胃菜,不另收費小辣,菜脆開胃今天不飲酒,來杯可樂,加了一片檸檬點綴  川式口水雞冷盤,滿滿的麻辣醬汁最底層放滿了青瓜粒,不是拍青瓜明顯是做精緻菜式,擺盤也好看也見到心思,不會雞肉直接浸在醬汁內吸太多醬汁搶去雞肉味,蓋過原味食得出有雞味,麻辣醬少辣都係好辣辣勁慢慢滲,一樣食到滿面汗但小辣係食得到既程度!也是個人的極限~  黯然銷魂炒飯  多種食材切成碎粒再炒飯走辣,一樣好滋味有蔥,蝦米粒,食落香口,味道夠惹味,也夠乾爽夠獲氣 雞肉夠滑,麻辣醬夠滋味 尖沙咀赫德道1-3A號利威商業大廈地下6號舖及1樓

环境很好，交通便利，进门有熊猫很可爱，看起来卫生不错。价格合理，口味不错。点了酸菜鱼和四季豆，还有糍粑。酸菜鱼的鱼很新鲜，入口就化，酸菜鱼以草鱼为主，配以泡菜等食材煮制而成，口味酸辣可口；鱼含丰富优质蛋白，能提供人丰富的蛋白质、矿物质等营养；酸菜中的乳酸可以促进人体对铁元素的吸收，还可以增加人的食欲。超级推荐！菜品是家常菜的味道，不像一些饭店味精过多。 糍粑也是香甜的，不会腻，总体来说，很推荐这家店。

本身係鍾意食川菜，來開尖沙嘴食野，知道附近有間川菜都想去試下。呢間叫十二味的川菜餐館係有連鎖分店的，而尖沙嘴呢間環境十分大十分闊落，中間仲有個live band stage,原來夜晚呢度會有live band, 咁就真係正爆啦。我和朋友點了三個餐分享，一個酸菜魚，一個雞翅麻辣香鍋，一個乾煸四季豆。每個餐都配飯和酸梅湯還有前菜，而且三個菜味道都非常到位，份量也十足。我個人最鍾意酸菜魚，簡直必點，個湯可以用來撈飯勁正，而且在尖沙嘴午餐價錢來講十分廉宜，買單都係$200，三個人吃飽飽，唔怪到下午茶時間都有人來食。

話說我好鍾意食辣，但係又唔係幾食得辣，好矛盾既。所以揀食辣野嘅餐廳一定要有得俾我揀辣度。今日男朋友話帶我去食嘢，話應該有得聽下歌食下辣野，即刻應承啦當然！原來係一間有得食川味乾煱既餐廳，我至愛🥰 平時食開另一間，每次都覺得個地方好逼 ，但係又好想食喎⋯⋯呢間就唔同啦地方好闊落，仲好先進地用到電話落單服務（唔怕落錯單啦），另外餐廳仲有live Band舞台，只可惜當日冇人唱歌。二話不說就攞起電話落單啦，梗係叫翻盤煱先啦！首先佢可以揀辣度更貼心係佢可以幫我走我唔鍾意嘅配料例如芝麻👍🏾配菜我揀咗：午餐肉，大腸，魚腐，五花腩同埋萵筍。每個菜佢嘅份量都好多，特別鍾意佢嘅肥腸，肥得黎又好軟身，好正😋另外我哋仲叫咗大盆花菜同酸辣土豆絲。大盤花菜真係超級無敵好食，唯一要提提既就係要快啲食如果唔係啲油就比較多黐住係啲菜度啦。總括嚟講十二味一定會變成我個飯堂。

香港終於搵到一間岩我口味既酸菜魚，就係十二味，十二味有數間分店，後來先知原來尖沙咀係旗艦店，所以裝修上亦特別用心，成間餐廳都好有中國風!另外一直播住五月天既歌，邊唱邊食，別有一番風味當日午餐時間黎到，叫左2個set lunch, 套餐包括左飲品 x1,前菜x1, 白飯x1，再加一款自選菜式! 餐飲選擇左酸梅湯，口味清爽唔會過甜，如果唔岩飲，亦都可以選擇加錢轉其他飲品! 前菜就係蒿筍，係用蒜蓉涼拌，蒿筍夠新鮮，唔會有渣，好清新人見人愛酸菜魚~酸菜魚份量都幾多，幾條辣椒拌上酸菜，就成為酸酸辣辣既湯底，可以就咁直接飲，或者撈飯食都一流!口水雞~口水雞應該約有半隻份量，仲有雞脾位，拌有青瓜，辣度可以自行選擇 ，雞夠滑身，襯上辣油就更加惹味!甜品選擇左紅糖磁粑~呢個絕對係必食，外脆內軟，磁粑本身就無咩特別味道，但當外層沾滿黃豆粉+黑糖醬，就成為左一款出色又傳統美食~必食~

尖沙咀-十二味：自選麻辣香鍋尖沙咀的十二味，入門位置有公仔機夾熊貓公仔， 亦有大型熊貓公仔、竹椅及電結他作裝飾， 以紅色黑色作為主調， 沿樓梯上去， 沿路有百子櫃飾牆及不少以星座運程作為主題的紙條，頗為有趣。餐廳面積不少， 有搶眼又有特色的天花，設有開放式水吧，最特別的是餐廳一邊有個小舞台，放著卡拉ok裝置及投射螢幕，頗有懷舊味道。甫坐下，店員便送上一碟免費的前菜，這天是麻辣蓮藕， 非常開胃。這裏是用掃碼下單的，只需用手機掃一下檯面的Q R code， 便可以自助點餐。 點了朋友大推薦的麻辣香鍋， 點菜形式像車仔麵，選了鍋底後便可自由選擇不同的配料。 下單不久，菜便送上來了，非常快速！ 香鍋大大一盤，熱氣騰騰，材料豐富,香氣四溢，賣相相當吸引。我選了薯粉作為配料， 煙韌又入味， 其他如魷魚、四季豆、蓮藕等， 份量質素都令人滿意， 尤其當中附有的一隻脆豆，非常好吃，口感佳！

十二味前菜，酸辣萵筍萵筍又鮮甜，又爽口，好味。飄香水煮魚$238鍋裏已有配菜，例如芽葉，青瓜，芹菜同粉條。麻香味濃，鮮魚片冇魚骨，魚片肉爽滑，魚肉帶魚片，口感一流。辣度可選大中小辣，不過辣度經過改良後，我覺得中辣即是內地的小辣啊。人見人愛酸菜魚配粉條$246酸菜魚湯底，又帶酸又帶甜又帶辣，口感特別，味道會出現幾種層次。鮮魚就不用再多說了，非常鮮甜同香滑。經典香辣鍋$38另加自選配菜(最少5種）萵筍$28豆皮$28寬粉$28金針菇$28嫩牛肉$52乾鍋比起濕鍋更加香，炒完辣度會更大！特別係寛粉，香辣味同肉味全都吸收了，非常之香辣。川式口水雞$68雞味重，雞骨帶香濃雞味，餸飯一流。日本Suntory啤酒$58日本啤酒，酒花味濃，可以係香港飮到，真係有幸福感覺！推介指數：9/10

午餐食川菜，見到呢間夠抵食，$68免加一都食到，裝修好靚，有個KTV台。前菜有蓮藕。我地兩個人，見無菜食，就揀左酸辣土豆絲（$68），醋味甚濃我鍾意！又唔會好辣。酸辣酸菜魚（$78），魚塊都幾多，而且全部去骨，酸辣並重。口水雞（$68），全部去左骨，雞肉好多，紅油好多，好惹味。跟午餐有白飯同酸梅湯，酸甜可口。呢度食物幾正宗川味，午市又抵食，絕對值得黎試。呢度午市餐牌免加一，主餐牌就照加一，要注意哦。

🐟人見人愛酸菜魚(配粉) $246 (4.5/5)自從認識左酸菜魚後，就翻唔到轉頭。。。無翻大陸食，自然要識得係香港搵食！一上枱就俾個大碟嚇到！份量好多！兩個人食勁飽，魚滑無雪味🤡酸菜酸到適中，仲有萵筍等蔬菜，啲薯粉吸晒啲湯！好正！💕💕💕💕💕💕💕. 🌶川式口水雞 $68 (4.5/5)愛辣的你必食！辣得過癮！口水雞啖啖肉，勁滑又唔韌！份量都大大碟！正！.提提大家，依度咩類型嘅酒同飲品都有，環境又靚！好適合見客食飯，有時候仲有live band！我叫左啤酒🍻同熱情果梳打，食住辣野配凍飲，正！

平時聽同事介紹呢間食四川菜味道唔錯，今次專程嚟試吓。好彩我哋唔係好遲，如果唔係就要排隊！生意都幾好咁！呢度用電話落單好方便，叫咗紅糖糍粑、尖椒皮蛋同埋最緊要嘅香辣鍋！尖椒皮蛋味道唔辣，個人覺得食落有淡淡的豆豉味。香辣鍋最少要叫五款材料，我哋揀咗豆皮、午餐肉、油麥菜、金菇同牛舌，配小辣。雖然我唔係好食得辣，不過呢隻辣好惹味，我接受到。不過有啲吸汁嘅菜好似金菇咁我就覺得太辣！不過整體味道超好食，值得推介呢個香辣鍋！油麥菜同午餐肉真係好夾。餐牌有好多唔同材料選擇，下次可以叫多啲！紅糖糍粑可以解辣，可以選擇即上或後上，幾貼心。即叫即炸，脆口，熱辣辣！如果加配多啲人手會更好！

十二味 尖沙咀旗艦店今日行開附近肚餓見到有間新開餐廳，見到環境唔錯就入去試下啦牛肉麻辣香鍋（午）小辣招牌菜麻辣香鍋，超香👍🏻唔會太油。牛肉份量都幾多，唔錯川式口水雞上碟賣相好特別，配料有花生、蔥、芫茜，香辣惹味雞嫩滑，最怕食雞得骨 佢就好多肉，開頭以為細細碗好少，原來都好多件，口水雞個汁都好食幺妹兒冰粉冰粉好岩得口味，冰粉入口超級滑溜，配上桂花糖水及提子乾！配料雖然平凡，但味道卻不平凡而個。桂花味好香味道不濃，就是清清地。熱情果蘇打熱情果味濃配上蘇打，超夾

設計古式但有個Live Band Platform雖然當晚係冇駐場歌手係度播住歌都幾chill既🍻-自選香鍋 $38配料任選好似打邊爐咁鐘意叫乜都得但至少要叫5款配料😉其實加加下都要$250左右嫁唔算好平但味道的確好惹味😋可以揀辣鍋或者普通👍今次揀左午餐肉/寬粉/豆皮/五花腩/鵪鶉蛋 全部都炒到好入味特別寬粉必點❗️-清炒窩荀呢個都係食辣野必叫因為佢有解辣作用😂之前食過冷盤窩荀今次熱食都唔錯❗️-百香果梳打解辣解渴一流😂

***今天去了尖沙咀一間川菜餐廳，點了一個酸菜魚約$298，本來還覺得有點少貴，但份量很大，兩個人吃超飽。味道不錯，魚夠滑唔腥，調味不錯，麻辣香辣俱備。前菜點了川式口水雞和土豆絲，兩個菜式都是凍食的，所以上菜很快，味道正常，也不會太辣。餐廳以掃碼點餐，整個點餐過程也更快捷方便。另外比較有趣的就是它有點像大陸的餐酒吧，川菜配唱歌舞台對香港而言還是比較新穎。餐廳整體菜式水準不錯，走之前還送了$100現金券，下次會再用現金券再吃。

最近迷上食酸菜魚朋友見我咁迷酸菜魚就帶左我黎呢一間十二味到食下😋，內裏空間都幾大同闊感覺唔會好焗促咁，酸菜魚當然係必點之選，二人一份再加2款小食恰到好處。餐廳中央仲有大台有現場live聽。先係涼拌土豆絲，食落無薯仔生澀同草青味咬落脆身味道幾重蒜香及芝麻味微辣十分開胃。涼拌皮蛋先講皮蛋係半流心狀食落好軟綿又夠漿口，皮蛋白好Q彈沾上紅青椒同紅油食夠麻辣。終於食到酸菜魚，一大盤酸菜魚鋪係面上，餐廳所用既雖然唔係桂花魚以鱸魚代替但入口依然滑嫩，酸菜味道夠入味食落又唔會過酸。內裏粉條好煙韌彈牙好滑溜。