十二味 (赫德道)

營業中

休息中

行過尖沙咀想搵晚飯食，行行下見到呢間川菜，就入去試下🤔原來我係荃灣食過。但兩間有少少唔同。首先個環境入到去覺得幾有氣氛🎊有個台比人唱歌，但可惜冇live bang。我三個人食 叫左個干鍋，叫左個水煮牛，叫左兩杯野飲。單埋：$4xx1️⃣干鍋一定要揀五樣餸😅個人覺得蓮藕幾好食。雖然冇大陸好食，唔夠麻，個底太多油，唔夠味（可能冇大陸咁多味精）。但係香港黎講，算係好食。2️⃣水煮牛覺得不過不失，因為唔夠味，亦冇牛味。🙃3️⃣野飲尖沙咀呢間唔抵，廿幾蚊一杯。荃灣一樣價，但大杯成倍😖總括來講係香港少有比較接近大陸口味既川菜。個人覺得幾好，價錢算係抵食，可以一試☺️

係香港搵左好多間酸菜魚來食，特別係而家返唔到深圳，好掛住太二，係網上見到呢間好評，於是就來會一會佢。因為我返工收4點，剛好佢有個優惠係經openrice訂座的話，17:00-17:30入場，正價餐牌都半價，抵玩。來到尖沙咀分店，本來以為時間仲早，會無咩人，都唔係，已經有幾台客食緊了，點左個招牌‘人見人愛酸菜魚’配中辣+粉條，湯夠味，魚都畫而且無細骨，但有隱隱的魚腥味，好少但唔出，份量都多，雖然我一個人食，但我都覺得ok，起碼唔會比我覺得貴，份量少，魚還魚，湯還湯，呢個係真係有酸菜魚一體的感覺。食左咁多間，暫時呢間算係最ok，而且優惠時段半價好抵玩，如果你叫大辣，個味道應該會更加接近太二的味道。

今日去咗試吓係TST 既川菜館，其實一直都想試吓川菜，特別係酸菜魚，可惜因為唔食得辣而卻步。但係見到「十二味」既大部分菜式都可以揀辣度，甚至唔辣，就決定黎試吓。川式口水雞 (小辣)味道唔錯，少少辣，少少麻，不過對於唔食辣既人黎講都可以接受，唯一美中不足既係雞肉唔夠嫩滑乾煸四季豆 (唔辣)好大碟，就算唔辣都夠味，而且唔算油人見人愛酸菜魚配粉條 (小辣)份量足，酸菜多到食唔曬，粉條同魚片都好入味，而且魚片唔會鯹，餸飯一流，只係覺得辣咗少少紅糖糍粑外脆，內煙韌，熱辣辣，沾上紅糖味道唔错三個人食咗＄4XX ，CP值算高

上星期我同男朋友黎到叫左個小辣2人份量既酸菜魚，點知份量好小，酸菜反而就好多😂食食下就話下咩咁快食完？？因為唔夠飽既關係就叫埋辣子雞，係好多辣椒但完全唔辣，雞既份量又好小，同埋又叫左清炒唔知乜嘢菜，好食既又大碟份量算多既但都係唔夠飽🤭😥最後埋單食其他甜品先叫飽🥺🥺🥺我食過咁多間，係呢間份量特別小，總體而言我覺得貴唔緊要但份量真係小到喊😨😨....希望餐廳可以注意番啦。。。。。。。。。。。

由於疫情關係，所以返唔到深圳食辣野🥺之前一直覺得喺香港食又貴又唔好食，心心念之下喺香港發現十二味，對我來講真係一個不錯的選擇，上次禁堂食期間試過外賣小龍蝦、酸菜魚都好正！今次得2個人就去食干鍋（今次叫咗少鹽，唔使加飯食味道啱啱好）、皮蛋（配啤酒飲一流）、糍粑（唔係間間做得好味），3樣都做得不錯！讚一個👍🏼份量仲好足，2個人仲食唔晒（打包已經夠一餐）這次是第3次嚟食，仲終於做埋會員，依家10幾間分店食都有折啦！

放假同女朋友嚟到尖沙咀食酸菜魚 再一次尋找能夠媲美太二嘅味道 一嚟到覺得呢度環境都幾好 有個小型表演嘅地方 裝修都幾精緻 上到嚟得兩枱食緊 好快安排咗卡位畀我哋兩個坐 一坐低落單叫咗一個口水雞同埋酸菜魚 衛生一般 見到有隻類似烏蠅喺張單上面 如圖所示 酸菜魚叫咗中辣 湯底都幾好食 酸同辣配合得幾好 酸菜雖然有啲大塊 但都幾入味 魚塊都幾多 冇骨 啖啖肉口水雞辣汁有四川嘅味道 幾惹味 可惜嘅係個口水雞太凍 咬落去有啲硬 同埋碎骨都比較多 跟餐送咗兩杯酸梅湯 應該唔係煲 係用糖水沖 飲落去好甜 飲咗兩啖就放棄咗整體嚟講酸菜魚幾好食 都幾似內地連鎖果種味 下次再試應該會去第二間分店 希望衛生情況有改善

今晚與朋友慶祝中秋，一直想食酸菜魚決定到店家試試朋友不能吃辣，所以只叫小辣 ，始終酸辣魚，有點辣是需要，驚唔夠飽所以 配粉條。 另外叫了3道，炒麵丶蜜糖芥茉烤蝦 及 皮蛋～首先，朋友沒嘗試過酸菜魚 ，他說挺喜歡，魚因為不算入味所以不辣，魚質好滑，所以他喜歡，但粉條會吸收湯汁，所以他嘗一口已不斷咳～ 吃不到辣 真的別另配粉條～而我之前在內地嘗過那間探魚酸菜魚，非常喜歡，雖然這間沒內地探魚那麼好吃，但 味道還是在香港吃過中 挺不錯的一間，可以去試試！炸蝦是我們最驚喜的一道菜，即炸的口感，蜜糖芥茉茶與炸蝦很配，很好吃，如果要來試順便試試這道喲～炒麵是一般的炸面，只是驚吃不飽才加叫～最不推介的是皮蛋，沒有皮蛋香，質感好膠，寧願到譚仔吃皮蛋重好～最後，因為我們5:30訂位折扣，有50%折， 另加一後$300，還可以～食得飽！剩左好多粉條，皮蛋太難吃所以也吃剩～

好耐冇食酸菜魚，朋友帶咗去食呢間酸菜魚，湯底非常之夠出色酸夠辣同又好好味，然後仲叫咗清炒萵筍絲，條條我訊息都差唔多大細食落口夠爽口非常之喜歡，再飲埋杯手工啤，大滿足嘅感覺。鐘意食辣野同食酸菜魚嘅朋友可以去試吓

朋友生日來到這裏食飯，未行入門口已經聞到濃濃的酸菜魚味道令人胃口大開。鋪面裝修古色古香，很有中國風，樓下有夾公仔機。嚟到一定要食酸菜魚，味道非常好！分量充足，魚肉非常新鮮，配有口感爽口，酸菜亦恰到好處，不過你真係要食得辣，我朋友食到成頭大汗！好似沖咗涼咁🤣水煮牛肉辣到十足！牛肉也不會老！大家亦可以試吓川味口水雞，雞肉非常入味，假如鍾意食辣嘅朋友真係要來呢度試一次！四個人食土豪版酸菜魚都食唔晒！其他配菜亦非常野味！

因為在尖沙咀區返工，之前間唔中都會黎呢間食，但因疫情冇黎3個月，到最近先黎再幫襯呢間！我叫左我最愛既酸菜魚，如常添了一個飯，但埋單時發現添加的一個白飯要收我$12（仲要加一），我同店員講我之前黎過超過十次，每次都有添飯，都唔使加錢的，但店員既回應係「我地從來都唔會免費添飯」，佢企硬要加收添飯$$$， 真心覺得佢地好唔老實！生意差左都唔應該咁樣老屈！你話而家開始添飯要加錢既我最多話你冇remind我，但你話從來都唔會免費既，咁即係點？太過份！呢個感覺好差！唔會想再去幫襯

好耐無外出食飯了突然諗起之前雜誌介紹過呢間Lunch time2個人，一個叫一個餐套餐都係有跟飯同野飲，酸梅湯等，其他野飲要加錢⋯酸菜魚套餐 $78酸菜魚味道唔錯，肉嫩，魚肉份量唔算多。酸味同麻辣味都配合得唔錯，好岩我食🤪牛肉麻辣香鍋套餐 $68牛肉滑嫩，配菜有蓮藕薯仔同芽菜 送飯一流👍🏻紅糖糍粑$48 呢個份量就比較少價錢都覺得係偏貴嘅仲要加埋10%服務費$52.8不過想試都可以試吓嘅🤣🤣午市套餐無加一服務，下次有機會可以試埋其他菜式😋

唔係故意寫負評，但食過咁多分店之中呢間嘅午餐做得最差！而家政府禁左堂食唯有約朋友食下午茶啦，朋友提議今日食十二味，咁我尼左尖沙咀呢間食，一尼度要上一層既，心唸呢間分店比其他嘅大好多，裝修夠晒揼本，應該食物質素唔錯嘅。我哋叫咗個酸菜魚午餐中辣，點解會失望呢？個酸菜魚平時都好多人會點嘅，可以話係招牌咁滯，之前都試過喺其他分店食過味道唔錯，點知今次一試，首先係唔覺似中辣既，盤魚睇落連花椒都無乜，同店員講可唔可以加辣，佢哋嘅態度都唔多好。就算加左辣，個味道都唔似之前咁正宗，只係食到鹹味同辣味另一個係干鍋田雞，呢盤以為賣相整得唔錯，點知啲田雞炒到乾爭爭咁，仲有陣鹼水味，完全食唔到田雞鮮味！碟餸亦都吾熱既，唔知係味因為中餐價錢比較平所以整得咁求其呢！成餐飯無點食過，我唸稍為好啲既係呢杯百香果梳打！

小編不是十分嗜辣 但對辣總是有種又愛又恨的感覺👉🏻👈🏻 而呢個川菜餐廳的小辣就可以滿足到我呢類人 餐廳好有中國🇨🇳的特式 仲有個舞台 似乎平時係有live band不知道是否疫情關係 所以取消左 餐廳係樓上舖 因為目前仍然受限聚令所限 每檯客需要相隔1.5米⛔ 以致人流稀疏 服務周到 上菜時間亦快⁣⁣1. 人見人愛酸菜魚🐟配寬粉 小辣🌶️ ($256)⁣酸菜魚真的十分推介 魚肉非常滑和大塊 夾起唔會散晒 而且最重要是無❗❗❗骨❗❗❗小編很驚食有骨的魚 所以小編一直不太敢在外面食 味道方面揀左小辣 配埋酸菜和寬粉啱啱好 而且好入味 份量多 建議多人share 食 比較好⁣⁣2. 川式口水雞🐔 ($68)⁣上菜的碟好吸睛 擺盤好特別 口水雞的溫度是凍的 可以令口水雞入口後辣味先慢慢滲出黎 雞的分量多而且好滑嫩 味道屬於小辣 麻香同埋辣味都恰到好處 夠晒麻夠晒辣 好過癮⁣⁣3. 燒椒皮蛋🥚 ($48)⁣溏心皮蛋浸係紅紅嘅辣油上面，賣相超吸引 半流心狀的蛋黃食落好軟綿又夠漿口蛋白食落口好爽 沾上紅青椒同紅油食口感濃厚 配埋個汁是酸酸甜甜的 好開胃 是其中一個必點的前菜👍🏻⁣⁣4. 經典香辣鍋🍲

話說嫂嫂本身好喜歡食酸辣嘅食物，佢真係無辣不歡，疫情底下晚市全部唔開，唯有約佢食中午飯，喺OpenRice搵咗好多間食酸菜魚嘅餐廳，本人覺得呢一間餐廳嘅裝修唔錯，空間幾大，應該會坐得舒服所以就book咗尖沙咀呢一間餐廳試吓！餐廳本身喺地下好易搵，門面唔算好大，要上一層樓梯，入到去嘅時候成間餐廳得兩台客，真係好靜，仲要冇得做晚市都唔知點為身，侍應幫我哋量體溫消毒然後就帶我地坐窗口位，座位真係好闊落，平時呢度仲會有live Band！不過可能我哋食lunch當日就都冇得睇！點餐嘅時候就要用QR code去點餐，其實好方便，食物可以選擇大中小辣少鹽少油，如果本身唔係鍾意食太鹹或者太辣嘅人都可以揀呢一間餐廳！雖然我哋係食午餐，但係我哋唔係點午餐，所以會額外六折，兩個人食咗六樣嘢，差不多全部食晒，買單$650左右，其實算係好抵食會再嚟幫襯

在香港嘗試過3次酸菜魚這次是第3次也是味道最還原的一次/魚肉有一丟丟的腥味 加上湯一起吃就能蓋過 不太嚴重酸菜不錯 蠻優秀的說我點的中辣 因為同行的小夥伴不太能吃辣大辣應該是內地的正常辣度/宮保雞丁也有同樣的問題 有一丟丟雞肉的腥味腰果很好吃 我喜歡/冰粉沒有我愛的花生堅果不過也是很不錯的值得一試～/服務態度不功不過 香港的服務態度我覺得 都這樣吧 也不能說什麼 ps. 店裡音樂太大聲 去的時候人少 音樂聽著特別大聲 影響心情總的來說 7.5分吧～