十三少 (已結業)

近幾個月我要返工既日子寥寥可數，女朋友呢日襯我要返Office的日子黎接我放工😍，真係好感動，相反就話多姐。我黃竹坑Office隔離得個街市，所以就坐幾分鐘車去香港仔食晚飯。女朋友近黎開始食辣🌶，所以就叫我陪佢食酸菜魚，其實我自己興趣不太，因為有時入到啲米線舖聞到啲酸辣味，唔係太吸引，但女朋友叫到就食下啦。女朋友發板，點知佢轉個頭淆底，要番唔辣嘅十三少酸菜魚($218)，哈哈。一上碟嘅時候我就即刻變得放心，因為陣味唔係米線舖我驚果種。食落先覺得有啲酸，我認為如果叫辣應該仲好食。份量都OK，魚肉幾厚，加上無骨，咁我就可以專心食，唔使幫佢揀骨😅。由於我好鍾意食豬大腸，女朋友都算有我心，記得嗌俾我食。平日街邊小食嘅豬大腸就食得多，但乾煸肥腸($98)就少啲。咁樣炒嚟食都唔錯，香口啲，而且用麻辣炒，我女朋友食落就話覺得冇咁重內藏味👍。另外，我哋仲要咗個小食，尖椒皮蛋($38)。我哋一向都鍾意食皮蛋，因為個口感好流心，而且隻香味係其他無的。女朋友仲認叻咁同我講😎，四川皮蛋係金黃透明色嘅，而廣東皮蛋先係黑色，真係長知識了。最後，由於太飽，一開始叫的麻辣滷豬手($78)，全份打包，拎返去做宵夜就慢慢

Today it was just me and I had a quick dinner here on my own. Simple and quick I ordered a main and a drink from their simple menu.鮮椒炒田雞 at $118+10%It was served to me very soon and was presented very nicely. There was an enormous amount freshly chopped chili. The frog meat was also very tender and well flavoured. Quite a 麻 and 辣 dish indeed!豆漿 at $13+10%The soymilk was a whole bottle and was immediately served to me.A free snack was placed here before I was seated. It should be something like d

餐廳地點有點隱蔽，位於內街的小巷盡頭，幸好外牆有幅大型橫額及照燈，宣傳餐廳及指示路線位置，不然真的有點難找。餐牌有單點或是套餐選擇，直接在餐牌上剔就可以了。除了魚外，還有麻辣干鍋、小炒、冷盤等。酸菜魚：先呷一口湯，酸菜味道出眾，越吃越麻辣。主角酸菜魚，份量多，魚肉非常滑溜且無骨。湯頭浮面有層油，不過還好不算太油膩。有辣或不辣的選擇，那當然要加辣的過癮點，不過即使辣的，也是能應付過來的程度。另外還可額外加錢加寬粉。紅糖糍粑：印象中第一次吃這道甜品。糯米糕搓成條狀，放進油鍋裡新鮮即炸至金黃，再灑上黄豆粉及花生粉。糯米糕外皮微脆，內裡質感粘糯，煙煙韌韌。本身軟糕沒有味道，自行沾上紅糖漿，加添甜味。吃完後，侍應問我們味道如何，之後聽侍應說得知原來才開業幾個月而已，所以仍在試業階段呢。

一年一度既母親節就同媽媽出去食番餐，唔使佢煮咁辛苦啦，其實簡簡單單一家人食飯，已經好開心好滿足❤️。由於唔想出去同人迫，只係去咗屋企附近既餐廳食。媽媽鍾意食辣，所以同佢食啲佢自己煮唔到既菜式。我地四個人叫左辣既酸菜魚、期間限定既小龍蝦🦞同埋四季豆。由於份量都多，再加白飯就已經夠食。酸菜魚同我之前去深圳玩既時候食，味道一樣，感覺好正宗，不過都幾辣，媽媽話好正，同自己煮唔同。另外，我地意想不到有小龍蝦食，其實我一向都覺得幾好味。小龍蝦肉質好爽，沾辣汁索味一流，手指都舔埋。最後，四季豆都好食，叫做係菜中和下。

推介四川菜, Recommend Sichuan Cuisine🌶我同同事最仲意周圍食好西,日餐西餐食得多喇,四川菜第一次食~我地今日來到香港仔, ordered左3樣食物:十三少酸菜魚我地都係第一次食, 味道幾特別,又酸又辣, 都幾好味! 但愈食愈辣, 食到尾段, 我就頂唔順, 朋友反而超愈食愈上癮HAHA乾煸四季豆我地就無叫辣, 所以可以balance一下, very nice, 肉碎配四季豆好夾!配白飯食一流椒麻皮蛋平時食開既皮蛋都係黑蚊蚊既,不過十三少即皮蛋係透明, 我都未見過, 所以覺得好特別,而且幾好食!

🌶食辣者欲罷不能🌶只要有得食辣，我就會毫無抗拒能力。所以今日我約埋個都食得辣嘅朋友仔一齊去食辣。基本上香港有得食四川辣，酸菜魚，水煮魚嘅餐廳我都試匀。今日就朋友喺港島區返工，所以就去咗香港仔呢間十三少到食。諗都唔使諗我哋一定係食最辣嘅水煮魚，果然佢嘅辣無令我哋失望，啲辣椒多到埋住啲魚肉。魚肉亦同時勁索辣味！ 另外我哋要咗鮮椒炒田雞，又係重口味之選！份量又十足，同樣地，呢個辣亦無令我失望。每次食完辣野，如果有得嗌，我都一定會食紅糖糍粑，因甜甜地，食完辣食佢會有相映成趣嘅味道。而且食佢可以唔食飯添，因為都飽。喜歡食辣嘅朋友，十三少係一個好嘅選擇🌶🌶🌶

同兩個friend行完山，搭車落返香港仔，順便食埋晚飯，難得做完運動嘛，所以就決定擦返餐勁既🤣🤣。我之前上網見到香港仔有間餐廳食酸菜魚既，今日就可以食埋。一坐低就有餐前小食，咖啡玉米豆又脆又香口，最緊要係免費。我地叫左一份唔辣既十三少酸菜魚，普通版承惠$218。其實份量已經好多下，魚肉好滑，食落啖啖肉。酸菜魚落咗大量我最鍾意既芝麻，正。其實唔辣都好惹味，但本身叫唔辣係因為朋友唔食得辣。辣子雞軟骨$108由於叫咗唔辣嘅酸菜魚，所以要叫返樣辣野補數。呢味菜其實係麻多過辣，幾正，唔使俾佢啲辣椒嚇親。

自從上年去左大陸Exchange之後，我就愛上左食辣，大陸真係好興食酸辣麻辣野，我食下食下都習慣左，返番香港之後一直都好掛住食辣，前排都有去深圳玩，而家唯有在港覓食。香港大學去香港仔一程巴士搞掂，所以我有時同同學都會去呢頭行下。今日同個內地交換生去左香港仔中心既十三少食飯。首先我地叫果味清既蒜泥拍青瓜$28，開開胃先。之後就好到我地最期待既野出場，包括辣既十三少酸菜魚$208，同乾煸肥腸$98。兩味菜既辣口味唔同，一麻辣，一酸辣。我地兩者都異口同聲話鐘意食酸菜魚多啲，因為果隻味好特別。啲酸菜醃到辣辣的，又好爽脆，魚肉既清甜更突顯個酸味。我比朋友笑我成個大肚波咁食得酸，笑死。乾煸肥腸即係乾炒，其實都OK的，但麻辣對比酸辣既吸引力始終有所不用。加上唔敢食咁多肉藏，要保持健康，哈哈。最後我地一人叫左一杯冷泡茶$22，四季春同桂花烏龍同樣好飲。

原來十三少唔係剩係食辣👍😝其實我本身好中意食辣, 但最近腸胃唔好, 醫生叫我要食清啖dd, 唯有乖乖聽話, 朋友話黎十三少, 我本來有d失望, 因為諗住冇得盡興咁食, 點知再望望餐牌, 發現好多菜式都可以揀辣同唔辣. 同行友人本身就唔係特別中意食辣, 所以佢地陪我全部菜式都要左唔辣我地要左唔辣既乾炒四季豆, 雖然唔辣, 但同樣惹味, 因為有啲豆角同肉碎🤤, 另外小食要左溏心皮蛋, 好正, 口感黏黏的, 比平日特別! 飽肚d既就叫左滷水豬手同唔辣既酸菜魚, 兩樣配白飯都一流, 因為d汁好惹味, 豬手都幾好𡁻, 好襟食, 哈哈. 至於唔辣既酸菜魚真係第一次食, 估唔到味道都幾夾, 不比原味遜色🙏🏻

我地一行三人去左間川菜餐廳食飯,🙈店員見我地有小朋友，就同我地講酸菜魚不如嗌唔辣囉，或者小辣都OK，幾貼心😊。十三少酸菜魚🐟($218)，我地要左唔辣的，因此小朋友都食得開心，佢仲好鐘意個汁添，係咁叫我俾汁汁佢，哈哈。而且魚肉夠滑，白雪雪。辣子雞軟骨🐓($108)，有好多辣椒炒埋一碟，雞軟骨粒又香又脆好惹味！蒜泥青瓜🥒($28)，涼拌小食來説，佢好抵食，份量都唔少，蒜泥同青瓜好爽啊！乾煸四季豆($68)，微辣得黎但其實味道都好開胃，而且食左咁多魚，感覺食番下好似健康啲😙。

除咗酸菜魚之外，原來十三少嘅其他菜式同樣好食😋😋。大胃王嘅我哋都覺得呢餐食得好飽，因為我哋食咗酸菜魚、涼拌皮蛋、豬手同炒飯。不過每樣嘢食都唔錯，所以全部都食得晒。首先酸菜魚🐟🐟唔使多介紹，因為我諗個個嚟到都會食。反而我想介紹果兩味小食前菜。首先，麻辣滷豬手好入味，大大件，可以補充重要嘅骨膠原🦴🦴。第二,椒麻皮蛋好特別，因為蛋白位置係透明色架，而蛋黃位置就係金黃色。我之前食過呢隻皮蛋，所以知道佢係來自正宗嘅四川皮蛋🥚🥚。本身我哋以為自己真係好大食，所以一開始就已經嗌咗碟炒飯，但最後我哋係要打包走嘅。不過喺餐廳都食咗幾啖，飯粒炒得夠乾身，而且有唔少蝦肉🍚🍚。一句講哂，食物高質👍👍。

十三少酸菜魚酸菜魚唔係好多地方有得食，可能因為始終唔係好啱香港人口味。十三少嘅酸菜魚有得揀辣或者唔辣，份量亦都有得揀正常$218或者勁量版$308。個人認為兩個人食正常都夠，因為有唔少魚之外，仲有好多酸菜，食落好爽口，唔錯。建議配搭埋寬粉$20食，成個組合完美啊！鮮椒炒田雞自己本身比較少食田雞，但原來係咁好食，未食過既可以一試。紅糖糍粑比較欣賞呢度嘅紅糖漿同糍粑係分開上的。咁就可以自製甜度，亦唔怕啲糖漿會整淋個脆皮。

好耐無嚟香港仔，今日發現呢度隱藏咗間味道超正宗嘅酸菜魚。午茶時段好抵食，當然要試招牌酸菜魚啦，肉質好嫩滑，啖啖肉，一條魚骨都無。酸酸辣辣好醒胃👍🏻「乾煸四季豆」加入肉碎炒得好香，超惹味，配埋酸菜魚一齊食好正。套餐跟埋白飯．飲品，平民價錢好抵食呀。「桂花烏龍冷泡茶」好清香桂花味，值得一試😋要推介一下「紅糖糍粑」口感比糯米糍更豐富，配紅糖甜甜地，好煙靭...正。餐廳環境好舒適乾淨，唔洗返大陸都可以食到正宗川菜喇👍🏻

之前偶爾也會特地到深圳走走，到處吃東西，酸菜魚總是榜上有名。而香港近年專門吃酸菜魚及水煮魚的餐廳越開越多，對於喜歡吃酸菜魚的朋友例如我來說，真是大喜訊。吃貨朋友推介她住所附近新開了一家餐廳，雖然地點有點遙遠，不過為了吃嘛。這家主打這兩味魚類的菜式，其他菜式選擇不多。坐下後二話不說點了酸菜魚。餐廳提供了每枱一份餐前小食，爆谷粟米粒，等待上菜期間跟朋友聊聊天，吃些小吃。承托著筷子以原粒未剝殼花生作筷子座，創意十足。十三少酸菜魚這個招牌菜怎可以不點來吃呢。巨型的盤子佔據差不多三分二張檯。湯底酸辣，不會帶魚腥味，開胃過癮。材料主角當然是酸菜和魚，份量比例差不多。每塊魚片都切得薄片，吸盡湯底精華；其他配料還有蒿筍片、菇菌類等；香料方面有薑條、蒜蓉、辣椒、泡椒等，調味很足料。酸菜夠酸，喜好酸味重的朋友一定喜歡，配著白飯吃，是很下飯的菜。如果多人吃的話，還可以揀選勁量版，很好奇想知道份量會是如何呢。

已經無去香港仔一段時間，估唔到依度開左一間幾好嘅餐廳「十三少酸菜魚」。爆粟米，依款係餐廳提供嘅前菜小食，口感類近花生、但更香脆，味道香甜。川式口水雞，口水雞味道麻而小辣、入味，雞肉嫩滑；口水雞汁加入左大量辣油、白芝麻、麻油，味道上麻辣、香口，醬汁質感濃稠；雞件好掛汁，底下仲有爽口嘅青瓜。椒麻皮蛋，溏心效果突出，配以蒜蓉、香蔥、辣椒、辣油食用，食落好惹味，皮蛋Q彈、滑口。白飯，口水雞汁簡直係白飯良伴。