十三少 (已結業)

一大班人食飯就係有啲麻煩，總有一啲人食到好辣，一啲人完全唔食辣。我哋一班大學同學畢咗業之後就好耐冇見，近排終於約到飯聚啦！十三少酸菜魚(唔辣)十三少酸菜魚同其他嘅中菜一樣，可以俾你選擇辣度，我哋就帶咗一份唔辣嘅。可能因為係唔辣，酸味非常突出，好開胃，魚嘅份量都唔少，不愧為招牌！干扁四季豆(唔辣)我哋仲嗌咗經典嘅干扁四季豆。獨有嘅醬油，混合肉碎同四季豆，味道唔錯。十三少麻辣香鍋另外, 我地仲嗌左份十三少麻辣香鍋。呢個香鍋完完全全俾我地應知到自己係食唔到咁辣嘅。裏面嘅蓮藕同薯仔片都係超吸辣嘅, 真係超級食到辣嘅朋友先好試。雖然辣, 但又好正。麻辣鹵豬手鹵豬手就無香鍋咁辣啦, 入味又爽口。

之前去過北京食小龍蝦之後就一直都念念不忘係openrice見到呢間川菜居然有,即刻急不及待去左呢間餐廳!我地一行兩個人,因為比較細食,所以淨係叫左1個小食同埋3個主菜,冇叫到飯。個蒜泥青瓜正正常常,夠凍同爽。乾煸四季豆佢有得揀辣同唔辣,我地唔中意食蔬菜係辣嘅,所以叫左唔辣。但就算唔辣都幾好食,炒得幾有鑊氣幾香口。食四川野當然仲要叫辣子雞啦,不過佢呢度係辣子雞軟骨,我覺得仲正過雞子雞,因為更加酥脆香口,唔錯!最後當然係我最期待嘅小龍蝦啦! 真係好好味,香辣得黎,d蝦肉仲要好彈牙!我諗食完今次之後應該都會再黎過!

難得一見極差服務態度，估計生意太好，有心埋去羅籌，對客的態度不理不睬叫极唔應，你都起碼話俾人知是點排你的隊先得嘎，你忙碌你都起碼應下人先得嘎，今時今日仲有咁溉服務，等执笠，唔會再幇親，香港不止你一間川菜館

今日同阿仔想試酸菜魚，當時十二點半還有好幾張枱吉，我點左酸菜魚和、素鍋及飲品，男職員送上前菜木耳，陸續有客入座並送上食品，但我連一杯飲品也沒送上，我曾兩次問男職員，回覆巳幫我催促廚房，要多久也不清楚……？我見等了半個鐘，旁邊的食客已差不多食完，我忍不住就向收銀女職員再查詢，回覆令我驚訝無語“無落單/漏單？”，那剛才男職豈不是馬虎落單，並且跟本没有到廚房跟進，草率敷衍對食客既查訽？女職員跟進後，好快就送上素鍋，但一句歉意的意思也没有！我等了四十五分鐘才送上酸菜魚，雖然食品不差，但心情被嚴重破壞。我見旁邊枱都有落錯單的情況，一間食店就算食物有多好，因服務態度差和馬虎也不是間好食店！

乾煸四季豆炒得夠乾身同夠火喉，味道爽辣開胃，香口惹味，送酒或送飯一流！乾煸肥腸香味十足，食落除咗辣嘅香味之外，仲有少少麻嘅感覺，肥腸外酥里嫩，口感豐富，一食就停唔到口 ！粒粒蛋黃蝦仁炒飯粒粒分明，飯粒乾爽唔硬，口感鬆化，每一啖都食到鹹蛋黃沙沙嘅口感，好正！而且炒飯加咗蝦仁同粟米粒嚟增加口感，蝦仁爽口彈牙，入口味道有鹹香，而且係一點都唔油膩！麻辣小龍蝦色澤紅亮，殼薄肉嫩，肉質飽滿有彈性，辣味同麻味並重，味道鮮香！

今日同朋友去開香港仔行水塘，朋友想上酸菜魚，我地就試試e 間店。十三少酸菜魚 (唔辣)因為唔係好食得辣就揀咗唔辣，魚肉新鮮雪白，嫩滑鮮味，唔易夾散，集滑、香、酸於一身。酸菜份量多，香料十足，味道同湯頭融合，湯頭濃香夠熱，奶白甘醇，咸中帶鮮，重點係一啲都唔油膩！紅糖糍粑色澤金黃，口感外脆內軟綿，柔嫩中帶點煙韌嘅口感，再加埋香甜如蜜嘅紅糖，令人慾罷不能，集香、脆、甜於一身，風味的十足！乾煸四季豆四季豆炒得入味，乾身唔油膩，柔軟中帶點清脆，入口甜甜地，香口惹味，好開胃！

出黎食野，我比較偏向叫一啲平時係屋企煮唔到既野食，所以今次係十三少都唔例外。因為我同媽媽平時都比較少食皮蛋，今次媽媽就話不如試下依到既椒麻皮蛋。一睇就知，依個唔係平時可以煮到既效果，皮蛋十分水滑，入口即溶，而且加上薑末、蒜末、辣椒末，同埋青蔥，調味料個味係岩岩好，唔會過鹹。媽媽話食辣都要食健康點，所以我地就叫左兩款辣魚。第一就係水煮魚。水煮魚個顏色非常鮮艷，食辣之人一定會喜歡，魚肉好有鮮味，而辣椒既味道亦非常足夠，我和媽媽都食得非常之爽快。一味水煮魚又點會夠喉，所以另外一款就叫左酸菜魚，酸菜魚就冇水煮魚咁有辣感，比較偏向酸酸的味道。叫晒兩樣，就可以直接比較到喇。

近排因為疫情加上限聚令的關係，已經好一陣子冇食過大餐,同朋友講起,佢就提議帶我去南區一間隱世又好食既酸菜魚,一講起酸菜魚即刻想起個種辣味加上酸味又刺激既湯底，真是垂涎欲滴,即刻叫佢帶我去黎到個鋪頭真係幾難搵,要係巷中入去,坐低睇睇個餐牌,好簡單酸菜魚辣,一定要配寬粉,再叫多個白飯係等既過程已經聞到侍應端菜時一陣既複雜又刺激的鮮香,一大鍋期待已久的酸菜魚終於上枱,口流係咁流,即刻起筷魚十分香口。魚都切得薄厚適中，而且所有魚都已經全部去骨,入口即溶啖肉,最啱我依D鐘意食又唔識挑骨既人啦酸菜到夠爽口好夠味,鍋裏面到有很多寬粉,食完夠哂過引,又可以夠頂閉關一,兩月啦

十三少酸菜魚🐟🐠望住個餐牌，其實真係有好多野想食，仲要愈諗愈肚餓。快快趣，我就同朋友各點兩樣，一人叫一個小食同主菜，公平D。我就叫左份椒麻皮蛋，食完之後會感到香辣清爽開胃。係打大佬(食辣野)之前，就梗係要開開胃，食D唔係太辣既小食，俾我地熱下身先。朋友就叫左份涼伴土豆絲，都係一樣，作為前菜小食真係一流。土豆絲乾身帶爽，撈埋D辣味就更加好味。我覺得依個可以一人一碟，咁會食得開心D。黎到主角，分別就係川式口水雞同埋十三少酸菜魚。比我想像中，兩碟都唔算真係好辣，反而佢既辣係幾好入口，仲會愈食愈多。口水雞啖啖肉，加埋佢既川式口水辣味，真係想加多個飯黎食。酸菜魚都係一樣，辣味岩岩好，魚肉會有種甘甘、辣辣同埋酸酸既味道，好入味。朋友仲誇張，佢會飲埋酸菜魚既湯，話因為酸酸地，好好入口。地址在香港仔，大家經過時可以去下。

今日酸菜魚癮起 嚟到香港仔呢間叫十三少酸菜魚食酸菜魚😆 一場嚟到當然要叫呢度既招牌酸菜魚 嚟到既酸菜魚份量好大 有好多魚塊同酸菜 仲有啲辣椒同泡淑 湯底望落係淡淡黃金色😌食落個酸菜魚味道做得好好 魚塊幾嫩滑 酸菜湯㡳幾濃郁 酸酸辣辣 幾惹味 另外我哋仲叫咗個小炒送飯 叫咗份乾煸四季豆😛一上枱已經好大陣四季豆同肉末既香氣 乾煸四季豆爆炒得好香口 真係勁好送飯呀最後我哋梗係要叫埋甜品 紅糖滋粑 滋粑軟軟糯糯好煙韌 沾上紅糖漿香甜可口 好滿足😋

隱世酸菜魚😋已經係香港仔開左段時間都未有機會去試，今次就決定同👦🏻去試試❤️叫左碟乾煸四季豆(唔辣)，雖然我個人認為乾煸四季豆要辣先好味，但為左佢我都要試下。不過，十三少既唔辣乾煸四季豆都炒得好有鑊氣味，即使冇辣味都可以食得佢個浸爆香感，非常惹味。之後，我地叫左酸菜魚。同樣，酸菜魚都係叫左唔辣的，但係要強調既係，雖然冇左平時食到的酸菜魚辣味，但酸菜既味道可以補返，變相食魚既時候會容易入口，唔會令到自己個嘴熱騰騰，可以慢慢食出魚肉既味道同質感。❤️🐟 最後我就叫左個辣子雞軟骨，🐔雞軟骨唔會做得太過辣，而且夠晒香爽，連唔算食得辣既朋友都會愈食愈上癮。十三少既其中一個好處就係可以調整辣度，可以讓食辣新手慢慢培養食辣既興趣。

十三少酸菜魚話說今日去開香港仔行玉桂山，行到身水身汗好辛苦又肚餓。想食酸菜魚開胃下，行完山係利東邨搭98號黎到崇文街食酸菜魚。一開始都幾難搵原來間鋪喺崇文街嘅內巷裏面餐廳嘅裝修幾文青風格 ， 卡位闊落坐得舒服。酸菜魚 可以揀辣或唔辣我揀咗辣味加寬粉食酸菜魚當然要配白飯啦再要杯豆漿解渴等咗十分鐘左右酸菜魚嚟啦見到熱辣辣嘅蒸氣浮上面裏面都好多料，除咗酸菜魚，仲有窩筍丶杏鮑菇， 幾豐富！各酸菜魚店都有唔同嘅風味我覺得呢間喺味道上層次係最突出佢由一開頭只有好淡嘅酸味 到後來愈食會更麻更酸。魚嘅嫩滑程度同內地一樣而且無骨， 處理方面做得幾好！十三少酸菜魚可以再食！十三少酸菜魚香港仔崇文街15-17號華利大廈地下(部份)及低層地下

香港仔新開了一間酸菜魚！不用北上都可以食到！口味還很適合香港人呢～星期日在app 訂位，全單有6折！折完性價比超高， 平過深圳食！1. 酸菜魚（可辣/不辣）$218 （折後價$130！） - 4 個人食如果還點其他菜，正常size 都很夠！份量很足，魚非常滑（沒有骨），酸菜很好食😋2. 辣子雞軟骨 $108 （折後$65）很大的一盤！ 用了好多辣椒一齊去炸！實際上雞軟骨沒有想像的多。香香脆脆的 男人們很喜歡。還有腰果，食完很想啤一啤！3.紅糖糍粑 $43 （折後$26） - 很有古早味的感覺！紅糖漿是咸甜咸甜的味道。 糍粑剛炸上來外脆內的，這個我很喜歡！連平常不愛甜的男， 都讚！這家， 相信之後一定會再去！午餐時段$5x-6x 有套餐 很值得一試～ ：）下次想食麻辣鹵豬手，可惜當晚一早就沒有了～⋯⋯⋯⋯⋯⋯⋯⋯⋯⋯⋯⋯⋯⋯⋯⋯店： 十三少酸菜魚地址： 香港仔崇文街15-17號華利大廈地下(部份)及低層地下

今日帶仔仔黎食午餐...鋪頭位置唔算好明顯,其實le度有間好正食酸菜魚既餐廳,環境都幾大,感覺幾舒服.我地就叫左兩個午餐.招牌菜13少酸菜魚,$63 （汽水+$5)因為我唔食得辣,所以叫左個無辣,酸酸地,但都有少少辣,胡椒既辣.食多啖已經好開胃...越食越想食薯仔炆牛腩,$60(汽水+$5)唔會太濃味!餸飯一流,小朋友食都岩!佢地每一個餐都會有個前菜,都幾醒胃!我地唔算好大食..但因為好開胃,所以我地都無浪費食物..全部清曬..

以香港仔黎講，叫係想食酸菜魚可以黎尼間頂下癮，推薦嘅菜式係酸菜魚，魚肉嘅份量都幾多，一條骨都冇，食得幾爽，湯底香濃，唔錯嘅選擇。但係菜單上面可以揀嘅菜式實在好少，涼拌嘅嘢食都係得三四樣可以揀。服務態度就一般般啦，舉手舉咗3分鐘都未有人行過嚟，講野態度就唔多想理人，不過都有個幾好嘅staff，服務態度幾好，面帶笑容，整體來講就麻麻啦。價錢都合理，暫時尼講逢星期一同三都有八五折，除此之外，都仲有其他優惠。但要注意，只收現金。