十三少 (已結業)

好耐冇出過香港仔喇 今日出開去探朋友 順便就行下街 講真香港仔真係冇乜嘢行， 但係就有好多好嘢食， 突然間路經 見到一條窄巷， 好'明顯見到有個燈牌 寫住十三少酸菜魚，好耐冇食酸菜魚喇，就同老公講下食呢間， 裏面都 好闊落但係我推bb車就要搬幾級樓梯啦， 一坐低 侍應 好快就埋嚟招呼， 仲放低咗一小兜炸玉米粒， 呢個對我嚟講我覺得淡啲冇乜味， 望到餐牌我哋梗係揀招牌菜酸菜魚啦， 因為同bb一齊去冇可能食到辣🤣， 所以叫多個薯仔炆牛腩， 你真係估佢唔到，呢個薯仔炆牛腩🤤你絕對有 驚喜😍 估唔到咁好味， 跟住嚟主菜啦 大大鍋酸菜魚😍， 估佢唔到咁大盤，好彩冇再嗌其他嘢食， 如果唔係兩個人 一定食唔曬， 一試個湯底唔太鹹太酸 仲有少許辣味👍🏻， 再試鱸魚， 冇骨 夠滑 入口即化，仲要裏面嘅配料，有我鍾意嘅 萵筍😍鮮鮑菇 ，雞髀菇，秀珍菇，酸菜 我哋仲要加咗寛粉， 估唔到我哋得兩個人都食到見底， 可想然知幾好味呀， 大家如果經過開真係 可以去試下👍🏻👍🏻

同太座去香港仔攞贈品，重遊十年前我們談戀愛的發源地，有些舖還在，但我最喜愛幫襯那間舊式點心和魚蛋粉就不見了，香港仔中心可逛的地方其實不多，不需一會就行完，差不多六點，太座話不如吃完晚飯才回家，諗住行去簡單食個粉就算，㩒吓開飯睇吓有冇好嘢食，發現有間喺天后廟附近有間兩公婆都喜歡食嘅酸菜魚，於是就行去試吓，佢地開喺兩座大廈中間條巷，好在招牌夠吸引都唔難搵，食早第一個好處係唔使等位，入到去即刻坐低，食早第二個好處就係上菜好快，酸菜魚一上枱我地兩公婆已急不及待起筷，鱸魚好滑，除咗酸菜，仲有雞脾菇、秀珍菇、鮮包菇、萵苣、胡椒粒等等配料，香辣適中，冇打爛招牌，好正斗，而且份量唔算小，兩個人食剛剛好，睇餐牌仲有一個勁量版，應該啱一大班朋友一齊食；我地仲叫咗個薯仔炆牛腩俾個仔食，但最後原來係我兩個食咗大半碟，我呢個最憎食薯仔嘅人都搶住食，可想而知薯仔煮得幾好味，兩樣都炆得入哂味，夠哂淋，意想不到咁好味!雖然對我地嚟講香港仔都算遠，不過因為好味道，太座已經講定下次要嚟食水煮魚!

在南區已經住了數個月，總是喜愛周圍探索新事物。近日，得知香港仔有一間食店專門吃酸菜魚及口水雞。必定要試！因為酸菜魚是我倆喜愛的菜式之一。或許，店鋪在一條橫行的盡頭，所以店主在橫街入口處放了一個照射在地下的招牌，頗有心思。而店鋪門面裝修得也不錯，內在環境也十分寬敞明亮。由於今天不是特別肚餓，我們只點了酸菜魚勁梁板$298。沒想到它的份量真的那麼勁量😳這裏酸菜魚有辣與不辣選擇。假若選擇辣的，辣度已定。味道不錯喔！本來很想吃紅糖糍粑，但實在太飽了，下一次吧！

十三少朋友介紹香港仔原來都有好西食。餐廳新開走簡約風我一向都少食酸的餸菜今日食13少酸菜魚令我大開眼界。首先呢個酸菜魚分量大夠4至5食，魚肉鮮嫩可口魚湯酸甜飲完仲有一陣回甘既味道。至於現時得一個辣度可以選擇，對少辣既朋友系一個挑戰。其次系口水雞，雞肉嫩滑彈牙加上口水汁配搭恰到好處，可以連食幾碗飯啊😂

聽朋友講香港仔新開左呢間酸菜魚，即刻就好有興趣想去試下點樣。去既時候係晚市時間，個人覺得晚市唔係好啱一個人去，因為最多就可以食一個口水雞加個飯咁樣，酸菜魚有分大細，不過一個人食細既應該都比較困難，不過就有見到佢有午市套餐，酸菜魚、口水雞都有，應該就啱一個人食多d。佢既酸菜魚味道唔錯，酸度啱啱好，無見到有泡椒係湯入面，但係有種泡椒味好突出既感覺，魚肉片厚薄適宜，都算滑，配菜都幾好味。最推薦食法係米飯泡酸菜魚湯，令人胃口大開。口水雞味道係正既，唔係好辣，香既程度完全蓋過辣度，不過雞肉就唔係太滑。涼拌青瓜幾爽口。紅糖糍粑口感唔錯，紅糖比較稀，微微有d苦，我覺得係令糍粑味道更柔和同輕盈，不過我覺得佢輸在糍粑上裹既黃豆粉唔夠多，所以香味唔足。

十三少酸菜魚 朋友想食酸菜魚，介紹下來了這家十三少酸菜魚，香港有兩家店，朋友帶了我來香港仔這家，是新開的店，地方乾淨寛敞，用花生做筷子托，特色又環保。 🐥🐥🐥川式口水雞$68🐥😋最先上菜是口水雞，辣油麻而小辣，雞肉新鮮嫩滑，平常不吃辣朋友也吃得下覺得好吃，非常開胃。👍🏻 🐟🐟🌱🌱鮮魚湯浸豆苗$48🌱🌱🌱豆苗新鮮翠綠，漁湯鮮甜，非常配合，配菜菇菌也很出色。 🐟🐟勁量版十三少酸菜魚$298🐟🐟一上桌嚇一跳，超大碗裝著酸菜魚，如果你問有多大？基本就占了桌上兩邊一大片位置，魚肉非常雪白嫩滑，我們要的是加大版，份量也多，五個人也夠吃，酸菜鮮甜，有酸有甜，時而入口爽脆清甜，是而酸酸的，酸辣湯底也新鮮惹味，非常出眾。👍🏻 🐟🐟🐟🐟🐟🐟🐟🐟🌱🌱🌱🌱🌱🌱

香港仔又有新食店，當然要試一試佢！新店座落於「綠野仙蹤」舊址，即功夫點心後則，外區人都幾難搵！裝修簡潔明亮一坐低，店員就奉上「檸檬🍋暖水」，真窩心！😍在點菜咭上點菜，乾淨俐落兼環保♻️川式口水雞 🌶🌶一開始怕太辣，問店員可否減辣，點知佢話唔會好辣～～上枱見到成碟辣油浸住真係幾驚，點知食落又OK喎😁雞件皮脆肉嫩，麻辣味恰到好處，明顯地配合香港人口味而減辣又不失真，著實細心！簡直係白飯良伴！鮮魚湯浸豆苗 - 魚湯香濃，配上處理過嘅菇菌，仲有我至愛原粒香蒜起鑊，頓時香味撲鼻～涼拌土豆絲 ～ 爽口開胃前菜，內裏蒜蓉確實提味不少！

作為香港仔多年既街坊，食左前舖十幾年都要望住佢結業，前舖雖然做快餐小食既街坊生意，唔算好好味，但價錢相宜，係宵夜聚腳好地方。搖身一變，變左呢間食酸菜魚既舖頭，由於我同男朋友都中意食辣，所以黎試試。食物其實還可以，但最令人失望既係一個侍應既服務態度，後生遙遙竟然可以咁冇禮貌，我地坐低一陣就催我地問我地寫完未，態度惡劣，d食物又熱又多湯，上菜竟然放係枱邊就走，跌左都唔知點算，最出奇就係6點先剛剛開始晚市，6點幾就話賣晒d野，眼見都唔多客，雖則話試業但入咁少貨招呼人都未免太搞笑，咁都算喇，d人黎到冇得食，一句唔好意思都冇，淨係話「d野賣晒喇」就趕人走，今時今日，幾多食市要因為社會動盪而結業，但你地新開張都竟然咁唔珍惜客人，仲用咁既服務態度趕人走咁巴閉，我寧願食番其他街坊舖算。