十三姨 (通菜街)

營業中

休息中

3/8/2024📍十三姨中午大熱天時嚟到 排咗十幾分鐘 都幾辛苦🥹但餐廳都算貼心 比埋濕紙巾我哋抹汗 不過俾埋乾紙巾更好🤣眼見起碼一半客人都係內地遊客 唔通小紅書有介紹過？😂餐廳入面嘅座位排得非常之密 張枱都好細 嗌多幾樣野都唔夠位擺🫠一入去就聞到陣奇怪味 好似酸辣湯味同牛肉味一開始會比碗蝦片客人食住先 但唔係幾夠脆⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨老闆娘鵝肝煎蛋撈飯（$148）鵝肝煎得幾香 有三片 都幾厚身 好滑嫩好香濃 冇苦味煎蛋係太陽蛋 蛋汁撈埋炸蒜同XO醬都幾惹味 唔洗點落豉油都得 但辣度好高 唔食得辣嘅人千祈唔好揀❗️✨大三元（$78）飯面鋪滿手撕雞同炸蒜 手撕雞有炙燒過 有少少乾 本身冇咩味 要自己落豉油溏心蛋完全冇味 又係要自己加豉油雞叉燒整得幾嫩 有少少鹹味 但係食完個飯再食就唔係好夠味 建議先食雞油飯唔會油膩 但都冇特別香 寧願轉白飯費事浪費quota 😅✨爆漿芝士煉奶炸年糕（$38）年糕入面有半溶嘅芝士 面頭仲有芝士片 雙重芝士超正🤩冇諗過芝士年糕加煉奶都幾好食😋接受到又鹹又甜嘅人一定要試下！但佢都賣得幾貴下😌✨400次岩鹽咖啡（$34）早幾年有排好興呢樣野 估

本身諗住食對面甜記，見仲有人等要排隊，又趕住返公司做嘢，就過嚟十三姨。之前食過一次係食叉燒，今次就試下牛肉。叫咗十三飛配米粉，lunch set 包飲品，揀咗百香果茶，呢幾日熱辣辣，送杯凍飲啱哂。十三飛有牛肩肉同牛肋條，牛肩肉牛味重，質素唔錯，明顯唔係啲平價街市肥牛，牛肋條煮到好淋，好易咬，不過就嫌個湯底鹹咗啲。百香果茶都幾好，唔會太甜又大大杯。另外落單前都會送個蝦片，好好味嘅印尼蝦片，次次都會清哂🤭

上次約咗朋友放工食晚餐，醒起呢間有粉絲拼米粉幾特別又好少有，所以就揀返呢間，估唔到7點幾到都排咗差唔多20分鐘十三飛(安格斯牛肩胛，牛肋條，溏心蛋，粉絲拼米粉)呢碗充滿牛肉味，牛肋條牛味濃郁，肉質都淋相對安格斯牛肩胛就比較薄，而且偏瘦，口感好但牛味相對無咁濃，而粉絲拼米粉都係一個幾特別嘅配搭，兩樣mix一齊又意外地覺得好夾，加入煙韌粉絲比起單一米粉令整體更有口感個湯有牛味得嚟唔會太咸，配埋塊青檸令味道更清新十三么(手撕雞，雞叉燒，溏心蛋，粉絲拼米粉)手撕雞雖然份量唔多，但係食得出有輕微炭燒香味，雞叉燒大大塊，瘦但唔榎，佢呢款仲有腸粉呢個新奇配搭，從來未試過湯粉會配有腸粉，腸粉口感軟滑，但係就比較淡味至於個湯底除咗有雞味，佢仲配有一塊檸檬，令個湯有d酸甜味，更清香一開始覺得青檸味唔太濃，飲咗一半先飲得出青檸味同甜味，整體嚟講就無咩特別整體而言，呢間嘅湯粉配搭幾好特色，而且價錢適中，每枱仲有免費蝦片同熱茶提供，想傾計坐耐d都無問題啦

Bookmarked this resto for a long time, and finally went here with my friends. .It first came with the appetiser, prawn crackers, which were crispy. Then, I ordered Lady 13 Chicken Plain Noodle. It consisted of shredded chicken, char siu chicken, soft-boiled egg and plain noodles. The shredded chicken and char siu chicken were savoury, and appreciated the runny yolk of the egg. The broth was a bit salty though. One friend got Seared Shredded Chicken Rice. It had a fragrant aroma from the fried ga

十三姨一直聽咗好耐，今次試完果然係充滿驚喜同滿足，呢個市道嚟講開舖唔夠半個鐘就滿座真係唔容易👍🏻可想而知真係實力所在。座位寬敞又舒服，員工親切有禮貌，真係令人有種賓至如歸嘅感覺👍🏻 老闆娘鵝肝撈飯係另外最有驚喜嘅一個，嗰種味道到而家我都好懷念😃相信會再一次去惠顧呢間餐廳

之前經過呢間店都見到好多人排隊，今晚竟然只係等一張枱就有得食，一於試吓啦！老闆娘鵝肝煎蛋撈飯 $148 每碗有三大塊鵝肝，油脂味好香，口感嫩滑，配埋煎太陽蛋嘅蛋黃汁，好滿足！個飯仲有XO醬 (呢個都會少少辣，但好惹味)、炸紅蔥頭、青蔥等等配料，令到味道更加豐富。值得一試～十三么 $78呢碗湯麵配料有日式叉燒，手撕雞同埋糖心蛋食，整體比較普通，手撕雞稍微有啲柴。湯底職員推薦加少少檸檬汁，令到濃濃嘅雞湯會更加開胃，味道都ok 嘅，但未至於好回味。相對鵝肝飯就普通左啲啦～每枱都會送一杯蝦片作前菜，都幾好食既！如果唔洗排長龍，可以去試試個鵝肝撈飯～

相信大家對十三姨都唔陌生，除左黃飛鴻入面嘅十三姨，當然仲有旺角通菜街嘅十三姨！記得十三姨幾年前風靡一時，我嗰陣都不時會食個招牌鵝肝飯😋最近經過十三姨，見到到宜家都仲要排隊，原來仲係人氣不減😆ꞋꞌꞋꞌꞋꞌଘ老闆娘鵝肝煎蛋撈飯 $148 ▸ 7/10必試呢個十三姨嘅招牌！三片大大塊焦香嘅鵝肝 肥美邪惡配太陽蛋嘅蛋黃汁 油蔥酥 葱花同埋好正嘅惹味秘製xo醬🌶️撈飯食真係好滿足🤭今次食略嫌火侯大左少少鵝肝同太陽蛋都熟左啲🙂‍↕️ଘ十三么 $74 ▸ 6/10呢款係雞湯粉絲拼米粉配料有手撕雞 雞叉燒 溏心蛋十三姨嘅湯底標榜以鮮雞熬製但我當日食就覺得偏鹹食唔到雞湯鮮味 又或被鹹味蓋過雞叉燒有輕炙添加香氣肉質正常 唔鞋但亦未算嫩每枱附上一份蝦片，我地嗰份稍微淋左🥲個人唔推薦佢嘅湯麵，但鵝肝飯係可以一試的！印象中佢其他飯都ok～𝘙𝘦𝘷𝘪𝘴𝘪𝘵: 𝘳𝘦𝘷𝘪𝘴𝘪𝘵𝘦𝘥👅𝘙𝘦𝘴𝘦𝘳𝘷𝘢𝘵𝘪𝘰𝘯: 𝘸𝘢𝘭𝘬-𝘪𝘯 𝘰𝘯𝘭𝘺🏘: 旺角通菜街1M-1T號華發大廈地下C號舖 (分店設於佐敦、尖沙咀)🕘: 星期一至日 12:00-16:45，18:00-22:45☎️: 28856728🚶🏻‍♀️: 旺角站E2出口/油麻地站

⭐️鮮蟹粉沾麵 $158講左一排終於試到！本menu未更新，直接同侍應落單就得🙌🏻 除咗麵同埋蟹粉醬，仲跟咗蟹醋同埋黑糖薑茶用嚟驅寒，個人覺得都幾sweet😆雖然唔係好重蟹黃味，但份量都幾足同個麵都幾掛汁👍🏻 ⭐️老闆娘鵝肝煎蛋撈飯 $148之前食過幾得幾好食所以今次再嗌✨起邪惡嘅膽固醇超標厚切鵝肝煎到完油香四溢，食落入口即溶，無論直接食定撈飯都好正！個人覺得有少少辣，不過幾開胃🤣 將炸蒜 、肉碎、太陽蛋、鵝肝撈埋，再落埋秘製撈飯醬料，口感好豐富，咁大碗飯都食得曬！ ⭐️西多雞翼 $38炸完之後再用咗蜜糖醬炒，幾香甜惹味！同埋單骨好易食，一隻接一隻好快清晒😋 #fookdie旺角#十三姨 #鵝肝飯 ##hongkong #hkig #foodie #hkfoodie #foodinstagram #香港美食 #九龍美食 #旺角美食

旺角逛街經過，剛好發現有位置，立即入去試試。首先叫了「十三飛」，即是牛肩胛、牛肋條、溏心蛋湯麵，我特別轉配六蔬配銀針粉，又健康又低卡。牛肉肩胛和牛肋條入口嫩滑多汁，肉汁和湯頭結合在一起，口感超濃郁！溏心蛋口感綿密值得加分，而且拉麵變成六蔬配銀針粉，菜的鮮甜和銀針粉的清爽口感，簡直是絕配！這道菜不僅美味，營養也超豐富！推薦給喜歡牛肉又想健康飲食的你們，絕對不會失望～另外同行友人叫了「大三元」，即是燒手撕鷄拌鷄油飯，配燒鷄叉燒，當然啦飯亦轉成椰菜花飯。手撕鷄肉質鮮嫩多汁，經過烤制後散發出濃郁的燒烤香氣，口感細嫩，搭配燒鷄叉燒的微甜和燒烤香氣，又係絕配！而且飯被椰菜花取代，輕爽清新，口感獨特～這間餐廳料理不僅好吃，而且健康，推薦給喜歡新奇料理和注重健康的你們，一定會大呼過癮。

十三姨專登嚟食膽固醇飯，落狗屎嚟到要排隊，諗住等一陣，如果條隊唔郁就走，點知條隊郁得好快，10分鐘內入得～老闆娘鵝肝煎蛋XO醬撈超級邪惡膽固醇飯，三塊厚切鵝肝+蔥+半熟煎蛋+蒜片+XO醬一上枱已經聞到好香，落埋佢個醬汁撈勻，鵝油好香有少少辣係好惹味唔記得叫咩名嘅粉絲拼米粉湯底都算濃郁，好食但唔夠鵝肝飯咁有驚喜，粉絲拼米粉口感就好似摻摻咁，下次想試下翠玉瓜麵爆漿芝士煉奶炸年糕好芝士，鐘意芝士嘅人會好鐘意，但對我嚟講好漏

一入到間餐廳就已經成浸噏味，衛生程度真係好麻麻，啲筷子係木製，有啲濕淋淋感….未落單前會送上蝦片同茶，蝦片上有啲黑色點，唔知咩黎，所以避開唔食果塊，食左一兩塊唔覺得有咩特別（有少少多舊魚既gimmick野）個蟹醬沾麵唔起個menu入面，職員話未更新菜單，直接同職員落order就得，上菜果時有麵，蟹醬，雞湯（濕麵用），醋同薑茶（驅寒），蟹醬比想像細兜，唔夠用嚟沾晒成個麵食，同埋味道都好普通。呢間餐廳仲要收加一服務費CP值超低衛生麻麻唔會再有下一次

老闆娘鵝肝煎蛋XO醬撈飯 $157👼🏻推薦指數：環境指數：❤️❤️❤️店鋪裝修風格中式為主配合木系餐桌用具。座位之間距離較近。不過小店坐得舒唔舒服都唔係重點。食物質素：❤️❤️❤️❤️撈飯配料包括蔥、半生熟煎蛋、XO醬、蒜片等。店員建議再額外加佢地特製既醬油。但個飯撈完之後已經好夠味，所以唔建議加。主角鵝肝入口即溶，鵝肝油脂亦都好香，生熟程度啱啱好，不過鵝肝本身既油脂同埋xo醬既紅油，令到個飯比較油膩，食到一半已經有飽既感覺。建議二人同行，其中一個叫呢個飯share黎食比較好。服務質素：❤️❤️❤️一坐低店員會放低一碗蝦片，味道正常。店員都有主動幫客人加茶。性價比：❤️❤️（滿分為五個❤️）性價比不算太高，但食物水準對得住價錢，鵝肝飯並唔係到到都有得食。值得一試！

餐廳叫十三姨，好容易令人聯想到十三么，十三飛之類的麻雀用語，點知打開menu，餸菜名又真係有大三元，十三么，的確玩味十足又好記呀～店家主打麵食，實是一家非一般的麵店，因為無論你想減肥或增肥都總會迎合到你心意餐廳以中式木系的裝修格局，古色古香的外貌卻有一個玩味十足的menu和一道道是非凡創意的食物，真的看得出店家心思誠意滿滿呀～舖坐低仲會先附上一大杯彩色蝦片，可以食住睇menu🔮花雕啫喱蕃茄餐牌上面有一系列名為‘’最住配角‘’的前菜小食，而這道花雕啫喱蕃茄，實在真的配得起這個最佳配角的名銜。原個新鮮大蕃茄切開薄片，廚師刀功了得，每片切得厚薄一致，平均舖在托盤之上，十分得體；特製的花雕啫喱加入黑糖調味，整成啫喱奶凍的效果，上面灑上金梅片粉，入口酸甜醒胃，鮮蕃茄的爽甜配以花雕啫喱的酒醇香，那種回甘回甜的清爽感覺，絕對係一試難忘呀～🔮西多雞翼雞翼醃得十分入味，先炸再以蜜糖漿炒均勻，外面炸的甘香酥脆，單骨雞翼容易食，肉質嫩滑易離骨，入口味香又甜甜地，十分惹味🔮十三飛 （安格斯牛肩胛，牛肋條，糖心蛋，粉絲+翠肉瓜麵）麵要好食，湯底絕對是靈魂人物，此湯底用料十足，每天以大量的牛肋條和牛骨，與及超過十

餐廳裝潢充滿中式古典味道，主打新派港式撈飯及陽春麵，食材矜貴以平民煮法呈現，創意又惹味!!🧧- 鮮蟹粉沾麵 HK$158 🦀🍜蟹香滋味甘香美味!!鮮蟹粉非常超料加入蟹黃及蟹肉，蟹味濃郁又自然，再加入大量蟹油令香氣更濃郁，味道好有層次感。陽春麵口感軟滑有彈性，吸收所有蟹黃精華!!亦可加入蟹醋轉換口味，仲非常貼心準備了薑茶驅寒，補身又滿足!!- 大三元 HK$78 🐣🐥🐤🍚雞肉勁量套餐！！炙燒手撕雞伴雞油飯雞絲超多，伴入雞油及豉油咸香十足啖啖肉。蔥、紫洋蔥及炸蒜香氣十足，超惹味令人無法抗拒!!炙燒雞叉燒肉質嫩滑無比，出色!!- 蔥油雞腿肉串 HK$28 🐣可以不試!!蔥油味道偏咸味充滿油膩感，雞腿肉偏乾，兩者未能融為一體。

今日又行旺角，同朋友見到呢間嘅餐牌好得意，「十三飛」、「大三元」、「十三幺」…突然激起我想打牌嘅興致🤣就有興趣試下呢啲菜式！我prefer食湯麵，就揀咗「十三幺」陽春麵！其實佢有其他面底揀，有米粉、銀針粉、粉絲、米粉拼粉絲等等，搞到我有選擇困難症！😂然後個餐送埋嘢飲，凍飲唔洗加錢！我就揀咗百香果烏龍茶，本身我都驚佢會太甜，糖漿個種死甜，點知出到黎好清新，微甜程度，啱嗮我！👍🏻而「十三幺」陽春麵就係手撕雞，雞叉燒同溏心蛋，湯底幾濃胡椒味，加少少炸蒜，好多麵！食到好滿足！仲有仲有，佢送嘅蝦片都好好食！