十三姨 (通菜街)

營業中

休息中

之前係通菜街搵野食，經過呢間好多人排隊就諗住試吓，攞咗飛都唔係等咗好耐就入得。入到去坐低都未打開餐牌侍應就送上茶同彩色蝦片好貼心。餐廳環境唔算好大座位有啲逼夾多數要搭枱坐。不過室內環境有中餐廳特色，有古色古香客棧嘅特色。🍲十三飛 $80湯麵入邊有安格斯牛肩胛，溏心蛋，仲有腸粉驚喜地幾夾碗湯麵。而牛肉係半生熟上入口即溶，口感好嫩份量亦好足。最開心係可以雙拼麵粉絲併米粉一次滿足兩個願望。個湯係唔錯，但越食越鹹。🍜炙燒雞叉燒湯翠玉瓜麵 $84呢碗個湯就同十三飛唔同，而湯麵入邊有雞叉燒，溏心蛋。。諗住試吓唔同麵，就揀咗加錢轉青瓜麵，點知真係無揀錯，翠玉瓜麵好驚喜，對於想減肥嘅人嚟講，我會超級推介，又飽肚又清爽，有好健康感覺好似食好多都得。另外佢個雞叉燒都好特別個樣好似日式叉燒，但係食落好嫩滑嘅雞肉。🐙椒鹽魷魚絲 $38魷魚份量唔算多，但味道唔錯炸得幾脆，當小食送麵食都幾好。整體嚟講兩碗湯麵都有驚喜同出色個湯係幾好飲，不過飲到最後係有啲鹹要不停飲水。絕對會再食個翠玉瓜麵真係唔錯。

一入到去已經好多蚊滋周圍飛 店員完全當冇事 可想而知衛生幾差 杯同筷子都係木製 摸落去未乾透濕濕地 感覺好唔衛生 見到送既蝦片係一個冇封口既包裝袋拎出尼 咁多蚊滋都唔封實好唔衛生送既蝦片食落口好硬應該係放左好耐 叫左一個鵝肝飯 份量好少 味道普通 百幾蚊尼講性價比好低 仲叫左個雞絲湯米粉 賣相味道都好一般 入面有幾舊腸粉 唔知放落去做乜 腸粉都唔索湯社交媒體網站見某位藝人吹奏到咁好食咁高質素 點知完全係貨不對辦 整體尼講食物 環境 衛生都差 絕對唔會再去

之前見好多foodie推薦呢間餐廳，雖然見到openrice都有d負評，但依然想自己試一次，點知體驗極差，被安排坐最入面既位置，衛生環境極度差劣，好多烏蠅同蚊圍住豉油樽同餐具，當食物來仲圍住食物飛，我同搭枱既人都狂拍，但員工好似視而不見。食物方面，每枱都附送既蝦片，味道油益，而且唔脆，不過唔駛加錢就算，正餐叫了一個鋪頭最出名既鵝肝飯，覺得鵝肝質素麻麻，份量極少，而個飯就好油膩，完全名過其實，還有員工係門口吸煙，煙味傳晒入店舖，真係冇下次

吃着好的了🥰老板娘鹅肝煎蛋饭🍚才是鹅肝该有的味道，丝滑绵密的让牙齿都打滑。外焦内软的鹅肝在口中迸发出油脂🪿，又带上脆米和蛋液来鲜上加鲜，全是油润碳水的快乐南乳雞翼🍗酥香油炸的口感脆到炸裂，咬开厚实的鸡翅里面还包含着汁水⚡️，腐乳的咸香混合着奶香，但会稍微有点咸💦↗️服务员的态度都很好，送的虾片也挺不错

十三姨人氣一直keep住，大部份時間過去都要排隊。呢度主要食雞，但係我更加鍾意鵝肝飯✨落單之後會先送上七彩蝦片，每次嚟食都覺得好好味，又脆卜卜😆老闆娘鵝肝煎蛋撈飯，一客有三件鵝肝，油脂充足，煎至表面微焦，入面軟嫩，食落去香氣十足🤤配埋蛋汁撈飯真係無敵！另外仲點咗大三元，炙燒手撕雞伴雞油飯，手撕雞都幾嫩滑，略嫌雞油飯未夠香🤏🏻另外仲有配埋炙燒雞叉燒同糖心蛋🥚飲品而家都有好多選擇，除咗基本嘅菊花蜜，汽水，烏龍茶之外，仲有唔同嘅特飲，我同朋友都點咗400次岩鹽咖啡，賣相靚得來又好飲😋

入到嚟，坐低睇完餐牌，個小妹妹主動問係咪落單，好啦，落完單，等半個鐘，我問佢地有無落單，居然話無，有無搞錯呀？成個野2枱客都可以漏單？無下次，建議都唔好去，對唔住都唔講，門口個金毛阿姐仲大大聲話：你一講個客就走人啦，哈哈，我朋友係度，如果唔係實拍枱鬧，唔通我仲等你半個鐘野食？你地已經無理會客人嘅單，仲一啲歉意都無，客人多唔怪你，但果時下午4點，2枱客，班人坐哂係度都算 ，客人嘅單都跟唔到？我介紹我朋友嚟食，最後大失所望。

呢間野果個收銀員啲服務態度差到爆仲要收加一服務費🤷🏻‍♀️請問你地咁既服務點解仲好意思收加一本身啲野食已經唔係平過黎食野仲要受你氣真係唔會有下次👎🏻👎🏻老闆娘鵝肝煎蛋撈飯 $148個飯唔夠熱撈埋之後發現個飯有少少辣唔食辣既人就要注意⚠️炙燒雞叉燒湯粉絲 $64個湯加左檸檬 酸酸地成碗湯我除左食到檸檬味食唔到其他味道啲雞叉燒無乜味道我要自己再加啲豉油去食但粉絲好彈牙而且大量既椰菜絲增加左兜粉絲既口感

2人枱入咗6張，都入唔到一張4人大枱，淨係話2人走所以2人入，完全唔諗住幫客人調動而可以盡快入座。可能生意太好所以唔想接咁多單，寧願俾過咗號碼嘅單人入座都唔俾4人入座，服務態度真係極品。接待員仲好意思講自己盡咗力，真係不敢苟同。之前淨係試過食外賣，覺得OK，所以想試吓堂食，睇吓會唔會好食啲，點知接待員連機會都唔俾我，直接back list呢間舖頭。生意好就大晒咩？如果唔俾大枱入座，一開始就唔好俾人攞飛，咁咪一天都光晒。

跳過繁花饒舌的語言，直接走進味蕾的王國。今日來到這間餐廳，我一試十三飛，杏滑嘅牛肋條夾雜米粉入口，清甜的湯底加啲微辣，真係一流嘅"夠哂濃"。就連旁邊嗰碟西多雞翼都唔係蓋的，香脆得嚟口感過癮，食落有種“唔捨得咀嚼”感覺。當然，十三么的手撕雞同溏心蛋都唔遜色，雞腸勁滑上檔次。餐廳用心下，炸蝦片幼脆當小吃都係一絕。飲品我揀了岩鹽咖啡，沙甜得黎又滋味，正喎！試完這攤，算係一次食到飽口也满意嘅食旅。🍜🥢🍗

呢間十三姨每次經過女人街都見好多人等，佢晚市6點先開，朋友6點幾去已經要拎飛🧐🧐用餐時間60分鐘，佢上菜速度亦都好快🤣🤣唔洗15分鐘已經上齊哂！每枱都會送一兜蝦片，係好食既，好快比我食哂🤣，之後再加就要$10一兜。西多雞翼$38，普普通通，甜甜地，似蜜糖雞翼咁。鹽酥雞軟骨$42，熱辣辣又大舊👍👍鮮蟹粉湯娃娃菜（試食價$88），個湯好清甜好好飲，蟹粉嘅份量一啲都唔少，不錯👍十三么配銀針粉$74，其實係雞肉雞絲湯，湯亦都好好飲，佢有好多唔同款式既麵可以揀🙂我覺得配銀針粉好正！老闆娘鵝肝煎蛋撈飯$148，每日限量200碗，個飯唔算好熱，個鵝肝超好食，白飯撈埋蛋汁加鵝肝簡直係一流🤩🤩會為左個飯再黎食！

雖然朋友話麻麻地，不過我都係想試過先判斷佢伏唔伏，期待咗好耐，今日終於去食喇！未開門已經有差唔多10個人係到排隊，大部分都係內地同胞黎。入到去都算多位，一開頭會免費上碟蝦片比你，請不要懷疑，已經係成餐最好味嘅嘢😋見個蝦片咁好味道令我對個飯期待更升一層樓，等左冇耐，就上咗嘢飲同個飯。個賣相都ok，好似幾惹味，打完卡之後就撈撈撈個飯開始食。咬咗一啖個鵝肝，苦苦地？一開始懷疑係我飲完杯野再食嘅問題，不過食到最後依然係苦的🫰🏻另外就係，個xo醬唔夠惹味，成個飯撈完都係唔夠味咁，非常普通，甚至可以話係難食。成餐飯體驗欠佳，食得好辛苦，個鵝肝好油膩，成個飯都偏漏，個份量都算幾多，最後都係食唔晒。最扣分嘅位係嗰後生仔店員冇啦啦走出門口食煙，全部煙味攻晒入黎，勁臭，聞到就勁唔開胃，飯都唔想食🤢真心用呢個價錢可以食到更好味嘅野，呢間真係可一不可再。

每次經過十三姨都排晒長龍，長到連問前面要等幾多位都唔使問。咁啱有次係唔洗排好耐，前面竟然等一台，咁梗係等啦🤣因為勁多人都話好食，所以超期待呢個鵝肝飯$138！一坐低，二話不說直接order🤣🤣🤣味道唔錯嘅，但有少少鹹同有點膩🥶另外order咗個雞絲飯$60，同小食串燒，都係正常發揮，有啲都麻麻哋所以都冇特別影相。枱上都會有茶及蝦片供應，都幾貼心的。不過唔知係咪太過期待反而覺得係不過不失，希望如果下次有機會再嚟食，會有另一番感受。

呢間餐廳由開業冇耐已經幫襯到依家, 間中我都會約朋友嚟呢度食嘢, 今次我同朋友入到去一坐低, 侍應即刻送上小食-七彩炸蝦片, 每台都有, 呢度嘅食材用心配搭。1. 老闆娘鵝肝煎蛋撈飯 - 呢個飯係呢度招牌之一, 記得第一次嚟呢度食, 叫咗呢個鵝肝飯, 當時老闆娘過嚟親自介紹咗呢個飯, 老闆娘親自加咗佢哋嘅秘製醬汁, 鵝肝, xo醬, 蔥, 流心煎蛋連同飯攪勻撈埋所有食材一齊食, 味道真係齒夾留香, 到而家都仲係同我當初食嘅味道一樣, 每一次黎到我都一定會點呢個飯2. 十三么, 呢個粉亦係呢度既招牌之一, 配料有手撕雞、雞叉燒同溏心蛋, 特別之處係粉絲拼米粉, 粉絲嘅彈牙同米粉嘅 柔軟, 兩樣配合埋一齊連同湯汁, 每一口既口感好特別, 一啲都唔覺得奇怪, 好夾又好好食, 粉絲和米粉既組合令到呢個粉更加飽滿, 手撕雞好幼絲又入味, 另外叉燒就聽得多, 而呢度係用雞做嘅叉燒, 雞肉嫩滑, 仲加有幾粒嫩滑嘅腸粉, 增添口感, 另外亦會附上一小舊檸檬, 除個人喜愛加上少量檸檬汁, 增添成碗豐富感如果想健康啲, 面底可以加錢轉為翠玉瓜麵, 呢個出面都少又見到嘅

老闆娘鵝肝煎蛋撈飯 💰148鵝肝搭配煎太陽蛋和撈飯，口感豐富、層次分明，鵝肝的鮮美與煎蛋的鮮香相得益彰，撈飯的口感更是軟糯可口，推薦一試👍，是好吃而不肥膩的鵝肝飯十三飛（安格斯牛肩胛、牛肋條、粉絲拼米粉）💰 80 搭配秘制醬汁和秘制辣椒醬 ，味道還可以爆漿芝士煉奶炸年糕 💰38 煉奶與炸年糕相融合，內里芝士濃郁奶香，一口爆汁的感覺，推薦一試十三姨 (通菜街) (旺角)旺角通菜街1M-1T號華發大廈地下C號舖

首先，我完全理解一个网红店有低消的需求，但却是无法理解在我们点菜的金额基本快满足低消的时候还告知差很多（当然没有当场自己复算一遍是我的问题）。因为要陪爸妈吃饭，但自己不太饿，所以自己不想再点面食，于是点了一点小菜。下单时服务员告知有低消，人均60（不知道我是否有听错），然后说我们这桌还缺70，因为确实吃不下面食，服务员专门指出可以点饮品，于是为了凑够所谓的人均低消，无奈点了三杯饮品。最后拿到账单时，着实不能理解。口味：没有特别惊艳的。只是就近想找个点陪爸妈吃点热乎的。