十三姨 (通菜街)

營業中

休息中

🥢【鵝肝煎蛋撈飯】飯有三嚿肥嫩鵝肝，同溏心蛋一起攪碎後，每粒米都包裹蛋液同鵝肝的油脂，一開始食感覺好香，但係回味吓就有D腥。其實話唔係唔好食只係我個人唔係好中意食有D腥嘅嘢，我隔離個friend就話飯中夾蛋同埋鵝肝好好味佢中意食。🥢【炙燒手撕雞湯米粉】實際上係手撕雞同米粉仲有一粒溏心蛋，分量都十足，味道就比較清淡。配埋佢哋秘製辣椒醬都幾惹味～🥢【西多雞翼】雞翼炸到金黃色剛剛好，而且香味濃夠脆口，如果有多D蜜糖就更加好。🥢【花雕啫喱番茄】我個人就中意食番茄味，甘梅味粉同上邊啫喱口感嘅嘢真係好夾，而且仲好消滯。如果中意食番茄嘅去試吓味道唔錯。

呢間係social media見到好耐，佢個鵝肝飯勁吸引我，所以今次經過旺角，見唔係好多人，就試吓😆⭐️老闆娘鵝肝煎蛋撈飯 $148賣相確實吸引，鵝肝有成三大嚿，厚度夠，表皮煎得OK香脆，撈埋半熟蛋同埋隔離嘅肉碎、蒜、香料醬汁，非常惹味，但留意係有少少辣嘅🌶️ 不過唔食得辣嘅我都覺得可以接受😇⭐️十三么 $74連煲上超級熱辣辣，一煲過已經有好多材料喺入面，有手撕雞、雞叉燒、半熟蛋、米粉、粉絲、椰菜、炸乾蔥同埋蔥花，湯底味道算濃郁，啲米粉同粉絲完全吸晒湯汁味，好滿足😌呢個價錢呢個份量，覺得性價比幾高！值得一提，入座嘅時候每台都會比一碗蝦片小食，解下口痕🤣📍十三姨 (旺角)旺角通菜街1M-1T號華發大廈地下C號舖

次次都係外賣返屋企食。次次都叫炙光手撕雞湯粉絲，好好食！湯頭好濃！岩哂我呢d濃味人！份量好足，一個女仔食非常之足夠，有時食唔哂添！佢仲成日有優惠卡送，所以會不停咁食。

慕名而來，想試佢地嘅鵝肝飯同蟹粉撈飯。星期六晚，等位嘅人好多，但等唔耐。坐低送上茶及蝦片，感覺唔錯，不過鋪唔係好大，位唔多，所以坐位上有啲迫或要搭枱，當晚我地2人剛好要搭枱，所以感覺真係迫。鵝肝飯👍👍賣相好吸引，份量好多，個飯有好多配了，撈埋一齊好豐富，好飯，不過有少少小辣。👎鵝肝煎得唔夠香，所以食左一塊就開始覺得好膩，有啲扣分。蟹粉沾麵，老公改了飯👍👍蟹肉都多，味道亦唔錯，濃濃的蟹味，鐘意食蟹嘅一定岩食。👎囉一美中不足是蟹粉唔多，唔夠撈，但可以另加$98蟹粉，但我地無，因為一開始唔預唔夠撈，食到一大半就廢事加了。總結：鵝肝飯試過就ok, 但下次唔會再叫。蟹粉沾麵可以再叫，但可能要另加蟹粉，否則就住就住撈，食得唔過引。

旺角 │ 鵝肝煎蛋撈飯✨奢華港式靈魂飯👉🏻 港式撈飯可以有幾邪惡？呢碗真係無得輸！✨ 價錢黎講算係唔平、但可以一試一上枱已經聞到陣陣香氣，主角係鵝肝 x 流心太陽蛋 x XO醬，邪惡三重奏🫨🫨🔖 老闆娘鵝肝煎蛋撈飯：鵝肝有三大塊，表面煎到微焦香脆，保持到軟滑，油脂喺口腔爆開😮‍💨✨ 再加埋太陽蛋，戳爆蛋黃流入飯上，再拌入香蔥、蝦米肉、XO醬嘅組合邪惡得嚟又好幸福。📌 𝐼𝑁𝐹𝑂📍 十三姨 旺角通菜街1M-1T號華發大廈地下C號舖有幾間分店

中伏！得個鹹味！！！😑無言 真係無言 無知講咩好 瑞士雞翼又鹹又甜⋯叉燒肉好食少少不過都係好鹹而且份量好少 🥹😭 雞絲飯相比之下冇咁鹹 不過都鹹😶😶😶 食完之後仲吾夠飽 冇下次😂

食咗八年了，次次去都鬼死咁多人排隊，人氣不減，喺今時今日嘅香港，一間餐廳可以做到咁真係好難得。講到食物，佢嘅鵝肝煎蛋撈飯真係一絕！鵝肝煎得啱啱好，外脆內滑，撈埋佢個豉油同隻太陽蛋，每一口都好有層次，米飯吸咗鵝肝香味，每一啖都好滿足。再嚟就係炙燒手撕雞伴雞油飯，呢道菜真係唔可以錯過！雞肉外面炙燒得香脆，裡面又嫩，配上雞油飯，味道真係無得輸，食完好滿足。西多雞翼更加係必試！炸雞翼配西多士嘅楓糖醬，估唔到可以咁夾，食到停唔到，一口接一口。最後，爆漿芝士煉奶炸年糕係完美的甜品！外層炸得金黃，咬下去瞬間有芝士同煉奶爆出，口感層次豐富，食完真係令人驚喜。總之，呢間餐廳無論環境定係食物，都令我好滿意。無論同朋友定係家人聚餐，呢度都會帶來一個好難忘的用餐體驗，真係好推介！

個鵝肝飯勁油，啲鵝肝仲要勁腥，完全食唔到，$148喎，得3塊細鵝肝加隻太陽蛋同啲白飯。完全唔得👎🏻好難食，食到唔開心。另外仲叫咗個牛肉陽春面，冇乜特別正正常常。請我都唔會再食囉

平時大部分人過黎都係試佢地最出名既鵝肝飯，今次我就要試下會地另一特色～麵！炙燒雞叉燒湯米粉呢碗湯米粉一上枱，炙燒嘅香氣即刻撲鼻而來，令人胃口大開。雞叉燒炙燒得啱啱好，外皮微焦帶有炭香，內裡肉質鮮嫩多汁，咬落去真係好滿足。湯底清甜又夠熱，飲落去暖胃又舒服，米粉滑溜有彈性，份量十足，食完之後有種飽足嘅幸福感。尤其係喺涼天食，熱辣辣嘅湯底真係一大享受。牛四喜牛四喜係一道集合咗牛肉、牛筋、牛肚同牛腩嘅菜式，相當豐富。牛肉煮得鮮嫩入味，牛筋Q彈有嚼勁，牛肚爽脆可口，牛腩肥瘦適中，肉汁濃郁。每一款牛雜都處理得好好，配上特製嘅醬汁，味道層次分明，食落去好有滿足感。份量亦都唔少，食完真係覺得好抵食。蝦片 + 鐵觀音蝦片炸得金黃酥脆，咬落去香脆可口，作為小食真係好開胃。鐵觀音茶香濃郁，入口清新，帶有淡淡嘅花香，飲落去可以解膩，同主菜嘅濃味形成一個好好嘅平衡。呢杯茶同蝦片一齊配搭，真係令整個用餐體驗更加完整。

依間餐廳一直都見好多人推介‼️次次經過都好多人排所以大家如果食記得要book位～💁🏻‍♀️ 老闆娘鵝肝煎蛋撈飯 小編好鍾意食鵝肝(⁎⁍̴̛ᴗ⁍̴̛⁎)去親自助餐一定食4舊以上～上菜時超香已經！餐廳建議要落秘制飯豉油！依個飯一睇就知食完一定肥到爆炸🤤又鵝肝又蛋又豉油正到嘔一定愈肥愈正愈香口🤤小編愛死果然食第一啖已經覺得可以再嚟食鵝肝都係juicy(≧∇≦) （食鵝肝最怕乾同苦）落咗豉油再加xo 醬升華成個飯～對我嚟講唔會話好油～我喜歡！🀄️ 大三元依個就對我嚟講還好～始終冇鵝肝飯咁重口味～有對比就有比較～即刻覺得偏淡味～手撕雞同叉燒唔算好特別～冇咩味～所以我又加咗個豉油～即刻好食返(｡･ω･｡)溏心蛋正常發揮！🐔 西多雞翼即係蜜糖雞翼～得4隻好似唔太抵🙈不過味道係足夠～正常發揮！總括來說鵝肝飯必食(≧∇≦)係會想為佢再食多次！但太多人排隊又等好耐（小編懶排隊）同埋價格中上假日食嘅話就要考慮下啦～haha(｡･ω･｡)

來港遊玩的必吃餐廳，地理位置优越，附近有许多景点、商点，每次逛完都会来这里吃东西，服務人員非常熱情周到，食材新鮮，每道菜都有自然風味，菜單上的選擇多樣，總能找到想要的美食。這裡的甜點饮品簡直美味，餐廳的裝潢風格獨特，讓每次用餐都像是一場視覺盛宴。這道菜的調味恰到好處，讓我每一口都感受到滿滿的幸福。價格合理，讓人覺得每一分錢都花得值得。我會推薦這間餐廳給所有朋友，這裡的美食和服務都讓人難忘！ 一百分的餐厅

上星期叫左外賣去拎 我見人多 連staff都應付唔黎 就諗住行埋去睇係唔係有得拎定還是要行出去再等。 點知我都未睇擺出黎既外賣，個staff已經一邊用左手擋住我 一邊態度差勁地講話唔好自己拎 唔好自己拎。我距離個外賣起碼有成2個人身位，都唔好話拎，我望都未望到，再加上我完全都無打算自己拎。姐系我覺得系怕其他人偷走個外賣既話就唔好放到去門口最出，你地客人多 又幫唔到客人處理既時候，你地無去解決而又唔去增加人手 但就用極差語氣發洩左落個客人度，我就覺得唔合適啦，唔講以為我偷幾十蚊外賣。

呢間人氣店，星期六lunch去，門口排滿非廣東話人士，要拎籌，排左半個鐘內就可以入去，兩人喎！跟餐即上小食，蝦片和茶$74 十三幺 +12 轉翠玉瓜麵拼粉絲 乾蔥另上上枱熱辣辣湯底清淡，冇味精，少許胡椒味配料唔算多，雞肉絲偏鞋口，用上黑胡椒調味；雞肉卷就一般；翠玉瓜麵+粉絲口感幾好喎，爽爽地，一啲唔會瓜味、怪味，食完唔會好heavy，食左好多澱粉落肚，因為仲有一兩舊類似腸粉物體。冇影到佢枱面上嘅調味料添😓 秘制青辣醬，好香，多渣，少少辣，加落清清嘅湯底，唔錯*建議叫冇雞肉卷，灸燒手撕雞絲果款，價錢又平d添 $148 加一 老闆娘鵝肝煎蛋撈飯呢個好邪惡三塊經煎香後的鵝肝超～肥美，充滿油脂感，調味料盤上有秘制豉油，按自己份量加多少，配埋太陽蛋，所有配料(xo醬乾蒜乾蝦）撈埋一齊食，口感濕濕地，咸香咸香，唔算話超油膩，可以試下整體來講，呢個價錢，份量，服務，尚可。

係旺角行完街有啲晏，又唔知食咩好，上網碌到十三姨嘅鵝肝飯好似好正咁一於去試試佢🤩.一入座會有一份蝦片贈送，味道正常.老闆娘鵝肝煎蛋撈飯有三塊鵝肝，鵝肝都幾肥美，配蛋黃汁、蔥花、XO醬，再加埋自家制豉油，撈埋一齊食一流，好惹味，下次會想試埋個蟹粉麵.十三么 呢款入面有雞叉燒、手撕雞、溏心蛋係粉絲拼米粉，湯底用鮮雞熬製，胡椒味幾重.

今日去開旺角，試吓十三姨既湯粉先呢碗十三飛非常足料，有安格斯牛肩胛、牛肋條等，湯底充滿着牛肉嘅味道，但唔會太鹹。牛肩胛稍為略薄。朋友轉咗去個面底做翠玉瓜面，好清新同埋好健康，啱晒啲生銅人仕。