十三姨 (通菜街)

營業中

休息中

不經濟的食品分量與價錢.$加14, 跟餐的凍古早牛奶味紅茶, 得半杯$49 , 約8條魷魚鬚...嗰手撕雞飯還可以，因為黑椒掩蓋晒啲味道，同埋炸咗嘅蒜蓉片，有口感。打去問員工，知道你唔係落單幫襯，嗱嗱聲講咗兩句就收線，基本”唔好意思or bye”都冇講，唯有上嚟寫低評價俾嗰心理準備大家。

叫餐之前店員都會送一兜蝦片個人認為啲茶都好好飲😌 大三元（$68）包括有炙燒手撕雞伴雞油飯🥢炙燒雞叉燒🐷同溏心蛋調味料亦有秘製飯豉油 豉油比較淡色 唔算濃味 不過就算加咗都覺得同普通豉油冇乜分別😅 至於啲叉燒都比較鞋口🙁唔太值得食另外叫咗十三飛($72) 即系牛肉麵 如果想食雞面就可以叫十三么 🤭 雖然呢個係牛肉麵但係湯底其實冇咩牛味 面入面分別有 牛肩胛 牛肋條同糖心蛋 啲牛係幾好食唔會太鹹 不過有啲食唔慣個粉 佢係粉絲配米粉 🧐如果係揀河粉應該好食啲因為三個人食所以仲嗌咗個🐔黯然雞叉燒飯🐷($46)呢個其實最抵食 首先佢嘅醬汁好足夠 而且肉嫩滑啲 仲要40幾蚊呢個價錢 🤑唯一有個唔好就係覺得似食緊沙律醬撈飯 所以都未必個個鍾意最後仲叫咗西多雞翼（$36/8 單骨）其實即係蜜糖雞翼不過幾好食 😋影完相咁耐都仲係好脆

記得那天限聚令剛放寛可晚市食，朋友就立即選擇了一間她一直很想食的火熱店。果然名不虛傳，早早到埗還是要等位，亦需要限時交枱。店內枱局相當有趣，不是一般的麵店模樣，環境令我想起小時候看的卡通中華一番蝦片是送的，彩色一推放在一碗有腳高碗裡，味道雖平平，但很有架勢，看到都開心哈哈！朋友叫的手撕雞粉絲麵，雞湯濃郁，手撕雞和粉絲的份量足，我朋友説道粉絲多得她有點吃不完西多雞翼汁多，味道亦不錯我叫的是十三厶翠玉瓜麵拼四蔬，雞湯好味，四蔬好健康，翠玉瓜麵沒有平常麵食的彈牙感，取而代之是吃菜絲的感覺，很新鮮。我還沒有吃這店的其他名菜，找天再去嚐嚐

#holidayouthk美食 #holidayouthk飲品 #holidayouthk推薦【老闆娘鵝肝煎蛋撈飯】 HKD118.【西多雞翼】 HKD36.【400次岩鹽咖啡】 HKD40.黎到旺角我就最鍾意去啲橫街窄巷捐窿捐罅揾野食👀。今次試下十三姨嘅招牌老闆娘鵝肝煎蛋撈飯🍚同西多雞翼。撈飯包括有3️⃣塊鵝肝、煎蛋🍳、炸蒜🧄、菜莆連辣椒XO醬🌶️，仲有青蔥同大蔥。抵就抵食啦，味道又如何呢？個人鍾意淋上少少豉油，不過偏咸所以記得唔好一下子落咁多，然後撈勻所有配料黎食😬。食落咸咸辣辣又夠濕潤，一時食到炸蒜嘅香口，一時食到菜莆嘅爽口。一啖飯🍚，一啖充滿油脂嘅鵝肝，表層嘅香脆加上內裡嘅滑溜感，不得了🤩！不愧為招牌菜，一試難忘。西多雞翼🐣同為招牌，但缺少左鵝肝飯帶黎嘅衝擊同震撼感💥。雞翼開邊切為單骨，食落香脆方便，淋上甜絲絲嘅蜜糖🍯，寧舍惹美。最後就嗌左杯大家近期都唔陌生嘅400次咖啡☕️，攪拌近400次將咖啡粉、砂糖🧂同水打發至企身又滑溜嘅奶泡狀🥄。再按個人口味加入岩鹽。.📍十三姨旺角通菜街1M-1T號華發大廈地下C號舖🚇油麻地站A2出口 步行約4分鐘🕑星期一至日及公眾假期 12:00-17:00

是日午餐同事介紹去咗十三姨食。店舖裝修有少少復古，幾特別，坐得都好舒服。我揀咗食炙燒手撕雞粉絲，上枱個鐵鍋好有霸氣😂，份量十足，好多雞絲，溏心蛋勁正，不過影唔到，雞湯底好夠味，重胡椒，重香料，仲有檸檬可以自己加汁。見到400次咖啡都只係加$14蚊咁抵，又點可以唔試下，用嚟打卡都抵啦！但飲飲下覺得無岩鹽味？原來樽岩鹽係要自己加😂😂食完先發現可以轉銀針粉，真係好耐無食過，兒時回憶呀，下次一定要試吓！

位於通菜街的餐廳多不勝數，長期多人在外排隊候位的卻廖廖可數，而今天要介紹的十三姨便是其中一間🥰入座會送蝦片～#老闆娘鵝肝煎蛋撈飯 $118招牌鵝肝煎蛋入果然名不虛傳😍三塊足料鵝肝和太陽蛋，性價比超級高❗️配搭特製蔥油和XO醬風味可算一流🌟鵝肝煎得剛好，油脂分布在整個口腔，十分適合用來拌飯😋蔥油微辣，十分惹味，唯一挑剔的是其中一塊鵝肝有根🙁味道小評分：😋😋😋😋😋/5#手撕雞伴雞油飯 $48手撕雞味道較淡，而且肉質較粗糙，蔥油的味道蓋過了手撕雞本來的味道，所以感覺較像蔥油伴飯，手撕雞成了配角🧐味道小評分：😋😋😋/5#海底(阿華田冰粉) $22意猶未盡所以點了一個新甜品，天氣熱吃冰粉就最合適不過，冰粉本來沒有味道，所以味道來源都是阿華田粉，其實只是放阿華田粉在冰粉上，所以頗甜😛味道小評分：😋😋😋😋/5整體味道指數：👍🏻👍🏻👍🏻👍🏻/5性價比：💰💰💰💰💰/5環境：💕💕💕/5打卡指數：📸📸/5

一入店面，撲面而來古裝劇的客棧格調，坐下的時候已經會提供蝦片作小食，可以慢慢看餐牌再考慮餐點。點了兩款飯點 -- 大三元($68)及老闆娘鵝肝撈飯($108)，及一款飲品 -- 手作話梅可樂($13)。大三元有一個雞絲撈飯、雞叉燒及溏心蛋。雞絲撈飯，雞油香氣每啖都在口腔入面綻放，蔥花除了令菜點色彩繽紛之外還可以中和油潤口感，帶點清新味道。但是雞叉燒及溏心蛋卻有點比下去，雞叉燒有點嚡而溏心蛋很淡，蛋香欠奉。老闆娘鵝肝撈飯十分有驚喜，煎蛋焦香流心，撈飯一流。自製的XO醬為味道的主要來源，香辣惹味，份量味道剛好，沒有常見的過咸的問題。重點的鵝肝煎得外脆內軟，入口油潤甘香，份量亦毫不吝嗇，配上惹味的撈飯，令人回味。手作話梅可樂味道特別，製作亦很有心思，有點似沙示的味道，可能不是這個年代的飲品，可以試下但不會再點。

前排我聽到有間好抵食既鵝肝煎蛋飯，鵝肝控既我當然會黎試下啦，佢抵食在個鵝肝飯有3塊但只係賣$108再配埋蛋黃撈飯，配菜上佢加左辣菜甫，食完有一種幸福感😍仲有佢個十三飛係有牛肩胛牛肋條溏心蛋，面底係用粉絲拼米粉。湯底好好味，係用左越南湯河嘅湯底，好香口，份量十足。好多學生同打工仔黎食，不過缺點係比較少2人枱，所以繁忙時段可能需要搭枱。同埋服務未必太好，但個鵝肝煎蛋飯係值得一試😍服務：⭐️價錢：⭐️⭐️⭐️⭐️食物：⭐️⭐️⭐️⭐️性價比：⭐️⭐️⭐

今次要食老闆娘！既鵝肝煎蛋撈飯！🤣依個飯好正，啲鵝肝有兩種食法，一種係撈埋啲飯一齊食，一種係就咁咬。但其實兩種食法都好好食。食既時候一定要落佢既汁，再撈埋隻蛋，咁食碗飯即刻唔同哂🤤啲鵝肝又肥美😆真係次次去旺角都想食！其實一坐低佢就會比碗自制蝦片你食，又係好脆！唔係放到淋哂先比你食！之後仲跟杯飲品，我就要左個凍烏龍茶，依啲天氣真係夠哂冰涼解渴🤤🤤每次去旺角我都會再番黎食，因為真係好正呀🤤🤤

呢間野成日見到好多人介紹，所以想食好耐🤤但係網上嘅參差好大，一啲又話一試難忘，一啲又話完全唔值呢個價😂食完之後我就覺得真係好視乎個人口味🍊.🍚老闆娘鵝肝煎蛋撈飯超香超香！啲鵝肝外表香脆，入口即溶😭話明撈飯梗係要將所有配料撈埋一齊食，但係我有少少後悔撈埋個三嚿鵝肝，冇得大大啖咬啲鵝肝，亦都破壞左鵝肝嘅香味😟不過如果唔撈嘅話個飯亦都冇咁多油脂冇咁好食🤣畢竟呢個飯好多油，食到一半已經好飽🤰🏽.🍚十三么其實呢一個就係手撕雞、雞叉燒同半個溏心蛋拼粉絲米粉，係佢地嘅招牌菜之一✌🏻係好足料嘅，雞湯夠濃，真係冇落味精🤣可惜係藥材味同埋隻蛋都麻麻地，就真係唔太啱我，唔怪得咁多人話唔好食🥶.🍽味道: 3/5🏙環境: 3.5/5👨🏼‍🍳服務: 4/5💧衛生: 3.5/5💰價錢: 3/5

旺角一向都係中伏高危地帶⚠️但十三姨一直喺我旺角必食嘅首選名單入面🤤無論係食物、服務、價錢，一直都維持好高嘅水準☺️🐥十三么心食‼️以香濃清甜雞湯做湯底，味道帶少少胡椒味，好易入口，食食下會忍唔住飲哂🤣配料有雞叉燒、手撕雞同糖心蛋，再跟芽菜同椰菜絲。雞叉燒係以雞腿肉捲起再灸燒，所以口感唔會柴帶少少燒烤味。手撕雞都好幼細，唔乾👍🏻麵底推薦米粉拼粉絲或者陽春麵，米粉拼粉絲口感會豐富啲，幾特別。而陽春麵就會比較索湯同入味，視乎個人喜好😋腸粉都係配料之一，放喺雞湯裏面出奇地夾🥳除左主食之外，餐前提供嘅蝦片都係必食，有濃濃嘅蒜香味，好正㗎🥶

一坐低就有一杯份量唔少嘅彩色蝦片俾你食住等 不過就少淋同少少油🙈喱度嘅麵種都可以自由揀做銀針粉 米粉 粉絲 陽春麵 四蔬 (+ HKD$ 10 = 四款蔬菜代替麵㡳) 或者翠玉瓜麵 (= 新鮮翠玉瓜刨絲)就算行緊生酮飲食嘅朋友都可以放心嚟食🤓加上所有麵食都用鐵鍋上 吹住冷氣都唔怕越食越凍.🍴西多雞翼 HKD $ 36舖頭招牌！糖漿同蛋香味都出到嚟雞翼整成單骨 方便食hee🤤甜甜地嘅雞翼味道真係好得意好似直接食咗個西多士炸雞翼下午茶餐咁🍴上等牛肉陽春麵 HKD $ 68碗麵包括安格斯牛肩胛、溏心蛋、陽春麵同幾條港式腸粉 牛肩胛份量好夠 唔會好嚡腸粉mix麵嘅combination幾新奇有趣 但味道影響不大湯㡳似越式湯河感覺 有九層塔、芹菜粒、青檸同芽菜 見大家都好歌頌個湯㡳 但yo覺得偏咸 有啲難啖啖都湯撈粉咁食🥺🍴金牌牛肋條粉絲 HKD $63牛肉粉麵嘅湯㡳全部一樣 所以都有偏咸問題😣牛肋條有4大嚿 少少過熟有啲嚡 但唔會好難咬最失粉係溏心蛋偏熟 無咗流心效果 有啲似烚蛋口感😩🍴串燒 HKD $9(雞腎) 13(雞軟骨)串燒最少兩串起 做緊優惠買四送一 典型嘅孜然粉串燒 一上枱就好香

[🥘石鍋粉麵🍜] 十三姨/呢間位於旺角嘅人氣小店，特色係一人一鍋嘅粉麵。一向都鍾意食熱辣辣🔥又大大份嘅野食嘅我，見價錢又合理，就去試下呢種得意麵食。/炙燒手撕雞湯粉絲 🐔 ($62)-一嚟到見到賣相都唔錯，同餐牌上嘅相差唔多。配料有蔥同糖心蛋🥚，仲帶有少少腸粉，感覺幾新奇。-雞湯味都幾出，係偏鹹果種，胡椒味🌶亦偏重。雖然呢間店嘅湯底係主打冇味精，但食落都幾重味精😂，食完都幾口渴下。-粉絲幾有咬口，雞絲就有啲嚡，兩者本身就冇咩味。咁啱濃味嘅湯底就可以中和返，令整體味道適中。粉絲嘅份量都唔少，食完都幾飽肚。-至於熱度就十足喇，石鍋非常之熱又保溫👍🏻，食得慢嘅朋友都唔洗怕啲粉凍哂唔好食。

•老闆娘鵝肝煎蛋撈飯•HK$108三大塊鵝肝 煎得外脆內軟 口感一流但鵝肝油較多 略為油膩驚喜位‼️幸好撈飯配有多款惹味配料秘製XO醬 蝦乾 炸蒜 菜脯 葱花 仲有煎蛋全部材料撈埋食 一個字 正丫！邪惡得黎 好滿足😋性價比(5為滿分)⭐️⭐️⭐️環境設計(5為滿分)⭐️⭐️⭐️⭐️服務(5為滿分)⭐️⭐️⭐️⭐️•西多雞翼•HK$36充滿驚喜既單骨雞翼雞翼脆口 但肉汁仍然保留在其中一點也不乾而味道真係好似食緊西多士一樣真係食完想再食真心推介試下👍🏻👍🏻性價比(5為滿分)⭐️⭐️⭐️⭐️

十三姨一直都係小編IG徘徊，朋友個個都一直推介呢間火紅嘅十三姨。皆因佢哋嘅主打菜”老闆娘鵝肝煎蛋撈飯”非常吸精。今日我哋一齊去一試究竟。。。🔘老闆娘鵝肝煎蛋撈飯| $118評分: 🌕🌕🌕🌕🌗評語: 十三姨招牌菜。鵝肝有三大塊，唔係薄薄一片，都算幾厚非常足料。撈飯用上自家製XO醬同炸乾葱，XO醬都幾辣，不過辣得嚟好香，炸乾葱同半生熟煎蛋為撈飯增加好豐富嘅口感。另外有一壼自家製醬油，建議唔好加咁多，因為本身撈飯已經好入味👍🏼加少少以作調味就可以。唯一減分位係鵝肝嘅製作方法，廚師係用上焗，而唔係煎，個人認為焗鵝肝比起煎鵝肝較為失色。。。十三么 | $68評分: 🌕🌕🌕🌕🌑評語: 坦白講一開始以為呢款只係一個普通嘅麵食，但食落口又有啲喜出望外。十三么麵底用上粉絲拼米粉，咬落口感好好，完全拼合左粉絲嘅鬆嫩同米粉嘅堅韌口感！手撕雞非常幼嫩，雞叉燒比起一般嘅叉燒更有口感同味道。糖心蛋較為失色，因為已經接近全熟咁制。。。🔘 西多雞翼 | $36評分: 🌕🌕🌕🌗🌑評語: 十三姨將西多士嘅味道移植到雞翼之中。廚師將牛油雞翼炸熟，再淋上糖醬，雞翼脆身之餘亦帶有牛油香。。。🔻要預時間排隊入座🔻怕辣就叫少XO醬