十三姨 (通菜街)

營業中

休息中

🥰今次已經係第三次黎幫襯呢間十三姨啦一開始係比佢個店名同埋鵝肝飯吸引咗去試點知食完之後就返唔到轉頭😂-老闆娘招牌鵝肝撈飯 賣相好吸引 份量都幾足鵝肝厚薄程度適中 外脆內軟煎得啱啱好微焦既外皮配上入口即落既鵝肝 真係好正🤣配菜有大量既炸蒜、蔥、XO醬同埋一隻煎蛋用秘製豉油加半熟蛋漿撈埋飯 成碗飯都冇得剩了😂-十三飛牛湯麵 我哋由粉絲加米粉轉左陽春面除咗牛腩之外仲有肥牛 加多隻溏心蛋整體食落都正正常常 冇鵝肝撈飯咁驚艷-炙燒雞叉燒比想像中細塊啲 食落好重花雕酒味唔係好感覺到炙燒既風味 似係普通嘅雞肉啦🤔-總結嚟講 如果係鍾意食開鵝肝 又想價錢平民啲絕對可以黎試吓 其他食物質素就不過不失入座送嘅蝦片小食好貼心 全部都好脆佢哋啲茶係用三角茶包沖既 都幾好飲 唔怕食到口乾😛好味評分😋：5 /5🌟🌟抵食指數🤑：4/5 🌟🌟餐廳環境 🤪：4/5🌟🌟價錢💰： 老闆娘鵝肝撈飯 $118 十三飛牛湯麵 $74 炙燒雞叉燒$28地址📍： 十三姨 旺角通菜街1M-1T號華發大廈地下C號舖

有日放工覺得口乾乾地想食番啲湯麵濕下個口，路過收藏已久既十三姨門口唔多人等位，即刻去拎番張飛，兩個人大概等左15-20分鐘。一入去坐低好大冷氣，就叫左碗熱辣辣既粉絲野食未到都可以食下蝦片～炙燒手撕雞湯粉絲 $60有半隻溏心蛋，可惜蛋醃得唔夠味，湯好夠味，較重胡椒味，手撕雞份量亦好足夠，口感唔會好「鞋」。粉絲就無咩特別，中規中矩，一個女仔叫左少面都食唔哂。總括嚟講，係好抵食既一餐，可以食到好飽，性價比唔錯～

📍十三姨 😍 喺旺角附近又唔知食咩好就繼續睇落去啦，其實旺角女人街附近有好多隱藏嘅小店 🤫 之後再逐一介紹俾大家，呢間餐廳一定唔會令大家失望 😋 又抵食又好食 ，排隊就大約排咗15分鐘，想知食咗咩就繼續睇落去啦 🙏🙏———————————————-大三元 🍛 $ 68 1️⃣火焰手撕雞伴雞油飯 2️⃣ 4塊雞叉燒 3️⃣溏心蛋🥚🍳 係咪好多嘢食呢 😉 都只係$68咋，飯上面就會有好多蔥同炸蒜，佢再會更多一個汁比你，加埋好香真係有燒過嘅手撕雞👍，飯嘅溫度啱啱好 ❤️ 撈埋所有嘢一齊嚟食，冇得輸，反而要講吓佢嘅糖心蛋真心唔好食，完全冇溏心 😢，雞叉燒🐔就不過不失啦 😅小建議❗️ 可以叫一個(火焰手撕雞伴雞油飯)$48 再加自己鍾意嘅小食 咁樣可能會正啲👅——————————————————-金牌牛肋條 🍜 $ 67呢個真心又係超好食 🤣 牛肋條份量好多切得太大舊，牛肉炆得好淋好有口感，加埋佢個好濃牛味湯底 🙊 正 ar ❗️❗️❗️❗️佢仲可以選擇你自己鍾意嘅麵款 😉 總有一款啱你口味 😍———————————————————-環境 - 雖然地方唔係好大，但係唔會好逼，門口都幾多人排隊 😫 多數都係10至20分鐘

鵝肝煎蛋飯 第一啖鵝肝入口有種驚人既感覺 食得出佢好細心咁煎香塊鵝肝做到外脆 又唔會太乾 而且鵝肝味道十足 雖然只有三塊但用黎送飯都好足夠，煎蛋做到流心！不過撈飯個XO醬略嫌過於濃味 影響左撈飯既平衝 略為失分

夜晚去旺角行街，見到呢間小店主打雞既主食，啱曬我地既口味，就入咗去試吓。一坐低，就有茶包茶同埋蝦片，蝦片都幾脆，只略嫌油咗少少素菜春卷總共有4條，份量ok，而且炸得夠脆，唔會好油，餡料都算足西多雞翼第一次見到呢種囗味既雞翼，估唔到真係有西多蜜糖既香味，同雞翼出奇地夾。而且採用咗單骨雞翼，方便食用十三么 (粉絲 + 米粉) / (銀針粉)都幾足料，有齊手撕雞、雞叉燒，同埋唐心蛋，而且湯底都夠味，d粉絲吸咗湯好入味。而雞叉燒比較特别，都係第一次試，算唔錯，幾好味！三個人食咗＄2XX ，cp值ok

叫咗一個雞湯粉絲、牛陽春麵同埋少少串燒。牛陽春麵啲牛肉幾淋幾入味，麵底都好夠，不錯。雞湯粉絲第一啖口係好濃厚好熟悉好香港地道嘅雞粉味道....串燒都唔錯，但好快凍曬。後記：味精好重。

朋友極力推介，晚上八點幾去到，仍然排長龍。等咗大約半個鐘，終於有位☺️.Menu 有好多選擇，朋友推介下，叫咗招牌十三么。上菜速度超快，本身好鍾意食粉絲，所以覺得超好食。佢落咗好多炸過嘅蒜，好香好惹味。粉絲配料有兩塊雞肉、半隻半熟蛋、菜同三塊腸粉🥰新奇既配搭。我仲試咗佢嘅辣醬，落咗少少都真係幾辣🥵.蜜糖雞翼西多全部都係單骨雞翼，食落好方便。剛剛炸起，新鮮滾熱辣。外皮好脆，內裏Juicy。食完好飽😂

路經旺角午市見到呢間十三姨見門面唔錯就入去試，cp值都比想像中高價錢適中而且啲嘢食都算幾大份👍🏻叫咗一個雞飯一個米線🍜跟餐仲送咗一杯仔嘅薯片，當餐前小食咁食都非常唔錯😆由於太鍾意食糖心蛋所以另外都加咗一隻，但係糖心蛋就冇想像中咁正，可以自行考慮加唔加。跟餐亦都會有嘢飲送返，叫咗兩杯茶都正正常常。坐位嘅位置都非常寬闊，環境都算係中上，服務質素亦都非常不錯！個人覺得呢間絕對可以再返嚟試，絕對係喺鬧市中一個唔錯嘅選擇！

出開旺角就周圍搵好野食，聽聞有間好火紅的十三姨，係長期都要排隊，但今日去咁岩無咩人唔洗等位，呢間招牌的老闆娘鵝肝煎蛋撈飯聽聞係必食的，今次就試住呢樣先，仲有十三么、十三飛和手撕雞伴雞油飯都好出名，呢幾樣就唯有留返下次先再試1️⃣老闆娘鵝肝煎蛋撈飯 $118 （8.86/10）一見到個飯，我即刻雙眼發光，叮左一下🤩🤩🤩，是關鵝肝有成3件咁多，大大件仲要係好厚身，一點都唔係hea你，鵝肝的味道好出，好香好好食😋真係好抵食😋😋加上大大個太陽蛋🍳好靚😂，仲有炸蒜、菜莆、青蔥、大蔥和辣椒XO醬一齊撈飯食好香好正，佢有一個秘製豉油，不過有點咸，之後用左甜豉油，令到個飯更加好食😍😍我同朋友落左勁多甜豉油，職員都係咁望住我地😂個飯份量好多，本身細食的我地，竟然都將d飯食哂😋😋咁好食下次一定要再黎試埋其他個d😋😋2️⃣溏心蛋 跟餐加$6 （6.37/10）溏心蛋雖然唔係全熟，但做唔到流心的效果，唔係特別好食3️⃣雞叉燒 $24 （5.13/10）雞叉燒有些少酒味，不過味道有點淡，無咩特別，可以唔洗叫

1️⃣ ⭐️老闆娘鵝肝煎蛋撈飯⭐️ $118 (7/10)呢個招牌鵝肝飯真係無得彈，性價比非常高👍🏻份量剛剛好，鵝肝煎得岩岩好，外脆內軟，入口即溶😋太陽蛋仲要流心🤤配菜有菜圃、葱頭、炸蒜頭，加埋秘製醬油撈飯食，超香口惹味🤤唯一要留意嘅係秘製醬油少少咁落，如果唔係太咸就晒咗🤭2️⃣ 迷你雞油撈飯 $20 (5.5/10)雖然話係迷你，但份量都有一小碗🤭雞油落得唔算多，啲飯都係偏乾，而且無咩雞油味，味道一般，似加咗少少油嘅白飯🙈不過飯面有少少炸蒜頭同葱可以吊下味，最終我地落咗鵝肝飯嘅秘製醬油食，味道又唔錯😛3️⃣ 十三么 $64 (7/10)上菜見到個煲都知份量十足🤭呢碗野入邊有雞叉燒、手撕雞、芽菜、椰菜，再配粉絲、米粉、腸粉🤤咁多種粉麵一齊食都係第一次，而且全部都係飽肚嘅嘢，食到一半都已經好飽🤭湯底係用雞湯煮，有蒜頭同胡椒味，所以會辣辣地。加埋檸檬，個湯底又有另一番風味👍🏻 雞叉燒同手撕雞肉質都好嫩，唔會乾🤤4️⃣ 炙燒手撕雞腸粉湯 $58 (7/10)呢碗同十三么最大嘅分別係無咗粉絲同米粉，淨用腸粉做底都幾特別，食落好似健康咗咁🤭腸粉每粒都切到細細粒，不過都幾易散🤨手撕雞條條都好幼細，

今日經開旺角原本想食拉麵點知去到排晒隊唯有轉去第二間無諗過呢間咁正！好滿足我哋都喺門口等咗半個鐘先有位舖頭座位唔多但裝修都幾靚古色古香枱與枱之間都唔算好密由於我哋第一次嚟所以都嗌晒佢所有招牌食物坐低竟然有蝦片食幾好喎特別係呢間食店要排隊啱啱我真係好肚餓可以有啲嘢落下肚好貼心杯茶都幾香唔係普通茶記既茶依家d食店想啲人去嗌嘢飲賺錢嘅時候佢提供埋靚茶有心個西多雞翼簡直係不得了首先係熱辣辣仲要又脆又甜嘩 真係勁好食如果你有食過和x既黑糖脆雞翼呢度係完勝極推介！！！！！男朋友叫咗大三元（$68）一嚟到好多碟好豐富！首先糖心蛋收貨個雞卷好有雞味又滑絕對食唔到雪味再講下個飯手撕雞再加蒜片脆脆地口感好好好嘞！重點黎啦就係呢個佢個秘制飯豉油真係好好味一定要落去啲飯到！！佢係淡淡地嘅鹹味同埋有酒味神來之筆我都係叫咗招牌十三么（$68）入面有雞卷，糖心蛋，手撕雞同埋（腸粉？）雞卷同糖心蛋依然好正個腸粉唔難食但係有啲奇怪係加落去有啲奇怪係咪gimmick黎 等人容易啲記得 哈哈Btw個湯底都好正 佢跟埋舊檸檬落埋落去 好fresh好啱女仔食仲要有少少菜佢個麵底係米粉拼粉絲嚟㗎好聰明嘅做法就咁粉絲又唔夠口感但係

見到好評好多，今日黎食中午。等位唔多人，但店內就坐滿哂。疫情關係，雖然2人枱有塊板遮住，但都係同隔離貼住坐。但值得一讚，店舖會用消毒酒精抺乾淨張枱，有陣消毒咪聞到，感覺上都乾淨啲。一坐底就有炸蝦片，唔同顏色唔同味，仲係好趣口。十三么 - 主打雞肉。一半粉絲一半米粉；湯底滿滿胡椒味(我平時食得辣就唔覺呢款胡椒味辣)；個人黎講腸粉同個麵唔太夾；有好多既雞肉絲；仲有雞叉燒，雞叉燒配枱上甜豉油醬會好食啲十三飛 - 主打牛肉。一半粉絲一半米粉；湯底有濃濃既牛肉味，同平時食既車仔麵湯底唔一樣；牛肩胛同牛肋條都好淋；同樣都有腸粉；不過呢碗多左西芹。左邊加$8古早味牛奶紅茶，飲落飲奶茶，但好好味😋；右邊跟餐凍飲都唔洗加錢凍烏龍茶，正常一般烏龍茶。食個咁熱既都有杯凍飲真係好緊要，仲要係唔洗加錢就飲到。枱上有好辣既辣椒醬，我平時食譚仔三小辣，呢個加少少就好夠，事關佢係成粒辣椒子，味道倍增🌶🌶🌶仲有點雞叉燒食既甜豉油醬。個人比較推薦十三飛，因啲啲肉真係好好食😋

之前都想食，不過頂唔順排隊太耐。食左其他野。今日就醒目，買定杯珍珠奶茶邊等邊飲。都等超過半個鐘有多。食十三幺！！個名真係好搞笑www笑死。有齊曬大部分ge配菜，個溏心蛋都唔錯。但係我覺得可以醃製得更加入味少少。送ge小食 炸蝦片 感覺普普通通。蝦味唔覺得特別濃。係顏色特別，打卡開心。真係面好食過個雞飯。飯ge話，份量好多，細食ge朋友真係可以同朋友share食。再叫d配菜就剛剛好。建議大家食湯麵類。有湯d雞唔會咁乾

本身諗住一個人去食餐好，就滿心期待去食老闆娘鵝肝飯啦。門口個阿姐俾咗張單人A飛我，見等兩張就等啦，點知等極都唔嗌A飛。一問之下先同我講話二人B飛同A飛係同一條隊，仲要我再問先同我講話：「B34, 35, 36......到B41之後先到你喎! 」你唔係仲要我計嘛!!!!都等咗可能有半粒鐘啦 =0) 但我太想暴食三塊大鵝肝，咁咪嗌外賣再搭粒粒鐘車番去囉。好啦，終於開餐啦，好彩嗰幾塊鵝肝係正嘅，但唔襯嗰啲榨菜(!?)同xo醬。個飯搞到好有泰式香辣風味，堅辣，同嗰三舊鵝肝完全唔夾。分開食算啦。

等位時間長達一個鐘，而用餐時間亦係最多一個鐘😂唔太適合速食，亦唔適合聚會傾計😂咁啱行過無人等位既先試啦！牛肉幾入味唔錯👍🏻串燒太乾連肉汁都無曬，而且調味粉好唔均勻😣👎🏻最鍾意白牛🐄❤️