十三姨 (通菜街)

營業中

休息中

-{旺角港式fusion菜🫖}又黎到旺角食野😂今次係度食左個lunch~🤤大三元🤤 ($68)有麻油手撕雞 糖心蛋同叉燒配飯 店員一排都一會建議落雞油撈飯 超級香😙個精粹喺雞油但其他料一般尤其係糖心蛋 隻蛋冇乜味只係得流心🥺👖褲評: 7/10🤤西多雞翼🤤 ($34)個西多雞翼同西多嘅有啲似 自己揸得記趣不過入面唔多汁😂👖褲評: 6.3/10午餐幾抵食😙份量都好多同埋一開始有蝦片食幾搞笑😜旺角諗唔到有咩食都幾好嘅選擇😆性價比: 8.3/10服務: 7.5/10環境: 8/10🚩十三姨🚩地址: 旺角通菜街1M-1T號華發大廈地下C號舖佐敦白加士街42-50號金寶樓地下6號舖 #fuudjai #fuudjai港式 #fuudjai中菜 #fuudjai旺角 #fuudjai佐敦

公司冷氣咁鬼凍，今日放工去左十三姨暖返身心靈先一坐低，店員就放低2杯茶同一碗蝦片俾我地過下口癮蝦片點樣唔同色都好~都係一樣咁脆咁好味~灸燒手撕雞雞湯粉絲姐點左灸燒手撕雞雞湯粉絲~雞湯底唔油膩，有胡椒味，添上檸檬汁，畫龍點精，好FRESH好鮮甜~ 粉絲好入味，吸曬雞湯底精華，大量椰菜絲，食落唔HEAVY!~仲有2條腸粉，滑嘟嘟，但唔知關碗麵咩事~ 哈哈次子叫左十三么有手撕雞，灸燒雞叉燒，粉絲併米粉，唐心蛋雞叉燒是雞脾肉，滑DD，肉味又濃少少~ 足料~ 正~順帶一提，我地今日早到~ 6:25 來到才不用等位，遲我少少，都要等位~十三姨味力沒法擋~

🍴十三么($68)呢間十三姨長期多人排隊😂你就知佢有幾好食👍🏼今次試下呢個十三么🀄️🤣有手撕雞🐔同雞叉燒 全部都係雞👍🏼而且仲配埋粉絲加米粉 食晒真係堅飽生酮人士食佢都無問題只要加$15轉翠玉瓜麵就食得👍🏼中意食雞既朋友真係超啱食☺️因為連個湯都係雞湯食完成個湯麵都唔會口渴👍🏼證明無落味精十分推介大家去食啊‼️下次去食 要試埋個鵝肝飯😆

已經嚟食過幾次 但都係未厭😝見佢最近新出咗翠玉瓜麵拼四蔬即刻又嚟試試佢😎除咗佢個湯底吸引 最正一定係佢地嘅炸蒜蝦片🦐每日新鮮炸 脆卜卜 食到鮮甜嘅蝦味又好濃嘅蒜香味🤤.📌十三飛 $90呢到嘅湯底做得真係唔錯💓牛骨湯用咗牛腩同牛骨再加埋20幾種湯料 慢火熬製六個鐘🤩飲落都幾濃味 但唔油膩 😚配料有安格斯牛肩胛,牛肋條同半隻溏心蛋🥰牛味真係好濃 因為整到半生熟 再等個湯慢慢浸熟佢🐮牛肉一啲都唔肥 但係肉質夠晒嫩滑🤤即刻+$18轉咗翠玉瓜麵拼四蔬🥬真係好特別 原來而家外國好興👀整到好似麵咁 生酮人士食都啱晒😝最正係翠肉瓜好索湯 啖啖都係牛骨濃湯味‼️佢仲有青蔥,炸乾蔥,芽菜,芫荽,芹菜同青檸 加埋一齊食夠晒惹味😌.📌十三么 $68另一款招牌係佢嘅秘製雞湯🐔呢款相對上會清啲淡味啲 飲落係好香嘅炙燒味🔥佢配料係手撕雞,雞叉燒同溏心蛋😛手撕雞好入味 應該係用咗雞油嚟撈過😍仲有少少黑椒嘅香味🤏🏻雞叉燒係用咗雞髀肉去骨再捲埋一條 慢煮完再切片🍗好似日本叉燒咁🇯🇵不過雖然係慢煮 但係肉質唔算太滑 仲有少少乾同鞋😟呢款個底係粉絲拼米粉😎米粉爽口粉絲就好淋好軟滑 兩個口感加埋一齊食好過癮🥳

今日同朋友去咗一間食米粉嘅特色小店 因為佢嗰陣係晚市時間 去到之後見到門口幾多人排隊 入面舖頭嘅環境都幾有風格👀環境唔算好大但係坐滿晒人 依家餐廳都幾受歡迎！佢個餐牌都幾多選擇 可以自行配搭材料 佢仲有唔同種類嘅小食俾你揀仲有串燒十三飛 $72我見佢呢一碗米粉材料都幾豐富 有安格斯肥牛牛腩 糖心蛋 個面底就係粉絲撈米粉 牛肩胛好嫩滑同埋個牛肉味好濃郁 湯底個味都好濃~係幾啱我個我口味既 十三姨嘅湯麵好有創意偏向係fusion菜 出邊好少餐廳食到呢個配搭👩🏻‍🍳餐廳嘅地理位置亦都好方便油麻地A2出口步行約5分鐘就到 個人都頗推介呢間餐廳👍🏻人均消費：$100-150

由於今日同男朋友食咗個豐富嘅午餐，所以晚餐唔想食得太full，之前都有諗過食十三姨，但好多人排隊，所以冇食到。今次，我哋大約8:30pm排隊，原本要排十幾個，以為又要等好耐，所以去咗附近便利店買枝茶。點知，返到去已經冇人排隊，清枱速度好快。入正題，我同男朋友分別叫咗十三么同十三飛，想一次過試晒兩款麵。十三飛係主打牛，湯底較濃味同深色，而十三么就係雞，湯底鮮甜，最特別嘅係麵底係米粉拼粉絲，口味好好👍🏻本人比較重口味，所以中意食十三飛多啲，而且我同男朋友share食，我食左十三飛再食十三么，就比牛湯蓋過左雞湯。

位於旺角、佐敦既十三姨，有一款麵食吸引小女子—翠肉瓜麵，而且菜式名與麻雀🀄️相關，非常搞笑，是日中午經過旺角，就一於趁熱鬧光顧一番(◍•ᴗ•◍)ゝ幸好小女子開店不夠15分鐘光顧，不用等位就能夠馬上進去，當時店裡已全滿7成(☉д⊙)而餐廳開店不夠半個鐘，外面已有長長人龍，證明餐廳都極具一定既人氣(´⊙ω⊙`)食評：8.5/10 💛💛💛價錢：7/10 💛💛💛推薦度：8/10 💛💛💛💛主食：金牌牛肋條湯翠肉瓜麵拼粉絲 HKD$62 （翠肉瓜麵拼粉絲 +HKD$10) 💛💛💛💛💛牛肋條牛肉味重、非常淋，帶點少少肥肉不會偏乾身，非常好味ξ( ✿＞◡❛)糖心蛋不錯，算做到流心既效果(ﾟ3ﾟ)～♪最欣賞餐廳提供翠肉瓜麵，非常特別，真係用翠肉瓜切成絲狀做成麵條既形狀，不帶任何麵粉，加上芽菜份量多，減肥中或生酮人士可以只選翠肉瓜麵享用(｡◕∀◕｡)不過份量太少，翠肉瓜麵與粉絲既平例可以做得更好(´Ａ｀。)粉絲帶點淋，進食時令到粉絲索到湯汁，味道即刻升lv (๑¯∀¯๑)整體份量都非常足夠，小女子都只能夠進食8成( º﹃º )前菜：蝦片🦐欣賞餐廳提供蝦片作為前菜，蝦片非常脆身、可口，帶有不同顏色，視覺效果已

老公叫我一齊清假(因為冇得去旅行，D假又唔可以帶去下年）咁我以為會去下街😑點知我只係等到佢同我食我想食好耐嘅翠玉瓜麵😵（晚餐先出動）因為生酮嘅緣故好想試呢個面原來地址係咁近我地屋企😆即刻衝過去點知勁長人龍🥴望下錶七點幾，哎呀正常晚飯時候大大話話都等咗半個鐘😵呢度聽聞出名嘅十三么同十三飛一個係雞一個係牛我就將佢轉做翠玉瓜面同菜加$18再有一個雞翼嘅小食同埋蕃茄唔好講笑真係性價比不太高其實係好欣賞佢呢個翠玉瓜扮麵去令我哋呢啲生酮人士都可以好似有麵食咁呢個concert係正嘅我個碗13飛D牛普普通通，不過佢俾咗好多蒜香，個湯底都唔錯，反而我就覺得冇網上啲人講到話啲面好多，我覺得只係普通份量雞翼都幾好食，佢將佢一開二落蜜糖😋另外個番茄覺得好清新，酸酸地都好似幾開胃咁如果個價錢唔係咁貴嘅話我覺得係可以嚟encore唔係唔好食，不過未至於要我排咁耐隊去食老公話裝橫有啲似大陸feel喎😅我只係覺得迫咗少少😅

總結1. 鵝肝飯+瓜麵感覺新鮮 可以一試2. 價錢尚可 3. 附近為醫院 避免中午時段可減少排隊時間一路聽人推介十三姨嘅鵝肝飯 所以慕名而來十三姨主打麵食同飯當日中午爆場 好彩條隊唔算長兩人份量叫左鵝肝飯同瓜麵本身餐前送蝦片但淋晒 無謂浪費位置我未食過鵝肝 First impression presentation幾靚 食落鬆化油分足 非常送飯麵食白胡椒湯底 味道唔錯 用鐵煲上 Keep住熱見十三姨內仲有多款不同麵食可供選擇下次有機會試吓食牛肉麵

👁‍🗨十三姨📍佐敦白加士街42-50號金寶樓地下6號舖----------------------早前聞說有間港式印尼湯麵小店， 喜歡嚐新的我當然去試試！小店位於佐敦，別以為會室間狹窄，門面及內部裝修甚有中國特色，餐牌有各款麵食、飯類、小食串燒及飲品，而招牌菜特別想試馳名的招牌鵝肝飯及十三飛😍 隨餐附上茶及蝦片，三色蝦片偏腍不夠脆好食度：✔️✔️✔️✔️➰ 十三飛牛湯粉絲拼米粉 $74用上鐵鍋盛載湯麵，慢慢品嚐都能夠保持熱辣辣溫度♨️ 牛骨湯加入秘制香料，雖然略油膩，但勝在牛骨味濃郁加上青檸汁解解油膩，粉絲拼米粉拼腸粉這種配搭新奇少見，吸滿湯汁，加入老闆娘特製青辣椒，正👍🏻大大片安格斯牛肩胛用鍋裡湯底煮至微熟，口感嫩滑，而牛肋條只有3粒，份量不多，肉質軟腍牛味重，再加上半隻溏心蛋，配料滿滿➰ 老闆娘鵝肝煎蛋飯（少飯）$118煎得金香的3塊厚切鵝肝，配上脆邊太陽蛋，與乾蔥炸蒜充分拌勻，啖啖油香，軟腍鵝肝沒有騷味，相當出色👍🏻➰ 椒鹽白飯魚（素）$36造型像真度十足，用椰青絲代替白飯魚，口感煙韌有彈性，炸得香酥不油膩➰ 秋葵蝦滑 $26爽口秋葵釀滿彈牙蝦滑，層次豐富，一份有3件相當抵食➰ 雞軟骨（小

呢間餐廳講唔停已經食過三次 三次都覺得好好食！🥰老闆娘鵝肝煎蛋撈飯 $118呢個係每次嚟到必點😚 佢有三大塊鵝肝 三塊都好厚 煎到外脆內嫩👍🏻加埋太陽蛋嘅蛋汁 XO醬 炸蒜同埋蔥撈飯好惹味 有少少辣辣地 真係超級超級正😍😍大三元 $68包咗炙燒手撕雞伴雞油飯 炙燒雞叉燒 同埋糖心蛋✨ 講唔停覺得麻麻哋 手撕雞唔係好夠滑 雞油飯亦都唔係好食到雞油味😬雞叉燒雖然夠滑但係都係冇乜味🤭西多雞翼 $36呢個好食！食落似炸咗嘅蜜糖雞翼 而且係單邊雞翼 好方便🥰黑牛 $30除咗雪糕可樂之外佢仲加咗層cream 雖然真係好肥但係好滿足👅整體來講 講唔停覺得呢度個鵝肝撈飯真係好好食 食過返唔到轉頭 ！ 不過之前食過其他面類嘅主食就麻麻哋 所以推薦大家黎嘅話必定要嗌佢嘅鵝肝撈飯❤️

今次係第2次嚟食十三姨之前都係朋友介紹帶我嚟食佢地嘅鵝肝煎蛋撈飯，一試難忘今次同第２個朋友嚟旺角行街食飯我二話不說推介埋新朋友嚟食因為真係超抵超好食！老闆娘鵝肝煎蛋撈飯 $120一如既往保持水準，４塊鵝肝大大塊鋪咗半邊，厚度都有返咁上下，煎得好香好出色，入口軟滑油香，好食到不得了配埋個半熟煎蛋同其他配料食，非常層次豐富十三么 $70另外試咗D未食過嘅新野呢個十三么，有齊手撕雞﹑雞叉燒﹑溏心蛋﹑粉絲拼米粉份量都足夠，食落就清清地唔會太咸，粉絲拼米粉可以食到兩種唔同口感不過如果你食過鵝肝撈飯，都一定係會選擇返鵝肝撈飯因為真係冇得輸😹😹

又係突約飯局，4個人響旺角行左一陣行左入女人街搵野食，日日食咁多都唔係辦法，大家各自頭惡惡搵下有咩食我見到十三姨好多人排隊，裝下餐牌食麵好似幾好咁，博下要等幾張檯，原來等緊的都係2人細檯，我地4個大檯等一張就到，咁就分頭行事，10分鐘後我有位先就試下十三姨啦😜一坐低已經有七彩蝦片招呼，一路食一路睇好快大家選好晒食咩啦，各自一個麵加飲品，加多個招牌雞翼幾串串燒-掂晒👍最先到的係兩杯400次岩鹽咖啡，同行肥仔話「點解咖啡有花生醬」400次咖啡呀大佬，費時理佢我自己試，咖啡打得好厚實帶點點咸味，有無打400次就唔知但鍾意飲咖啡的我就表示滿意😍再來招牌西多雞翼，西多的意思我估計係佢加左西多的糖漿、雞翼煎得好香脆，單骨方便女仔食，不過對我來講單骨雙骨十條骨都一樣，最緊要好食，無經蜜人訓練都係唔好一上檯即刻食，好熱架，唔覺唔覺好快就食晒一碟之後就來串燒，本來擔心有少少伏，仲要有優惠買四送一🤭我地叫小辣一上檯好香孜然味，翠玉瓜食落juicy, 豬腩仔香口唔乾身，雞軟骨相對普通少少不過一定合格食完再來兩杯岩鹽柚子雪碧待應放低成支岩鹽，我見兩個朋友好似比賽鬥落得多咁，原來加左柚子的雪碧係同鹽味好夾，響屋

.🔻十三姨.今次去到旺角搵食，有幾間bookmark 阻想去既都排長龍，呢間之前都已經想試，今次見等幾張枱就等下啦☺️☺️.🔻西多雞翼（$36)本身以為純粹炸完加蜜糖，食下食下就食得出有加埋牛油，所以叫西多雞翼，食落陣味都真係幾似，唔錯唔錯。.🔻花雕啫喱蕃茄（$32)蕃茄新鮮，個味調得岩岩好，酸酸甜甜，雪得夠凍，花雕味唔係好重，可接受。.🔻灼燒雞叉燒湯米粉（$62)本身以為係雞+叉燒，點知原來雞叉燒係一樣野黎既，明明望落去係雞樣，但食落就冇雞味，好奇妙😅😅.🔻十三飛（$74)入面有牛肩胛，牛肋條，糖心蛋，我就揀咗銀針粉做面底，呢碗好食過個雞叉燒好多，起碼有牛味先😂d 肉都頗淋已咬既.總結：小食好食過主菜好多，佢唔係差，但唔係好值得要排隊去食，坐位都比較迫唔太舒服，有緣再食。

D面麻麻地我試左招牌牛個隻味➕陽春麵，d牛肉很硬同難以下嚥，所以整碗野都麻麻地。有個醬番茄千企無益，太難食。唔明點解咁多人排隊食，羊群心理？？飲凍奶茶，杯凍奶茶都很一般。