北海道毘沙門零 (已結業)

出城鏢賽，三軍未到，當然糧草先行啦！食飽飽先全力出擊。原來恆豐地庫搞左個拉麵道場，抄足日本，大陸香港果然係翻版天堂。眾隊友巡視幾圈終於立下決定喇，我就憑直覺揀左毘沙門。先在入口領取購物咭，再到 counter 選擇食物嘟咭，將食物票交到麵檔換來 order pager，等待召換取食物，食飽離開時再係入口憑咭結賬。好似太煩喇麻？九州辛辣叉燒湯麵，好失望呢！麵質似較硬的辛辣麵，而且不嚥韌不滑溜，質地麻麻，未能合我心意。捲曲粗粗的麵條帶湯力薄弱，湯底濃濃黏黏厚厚油油，味道偏咸泛著微辣，混濁不討好，完全食不到豬骨湯香甜清新味道。超硬叉燒乾爭爭，鞋口不肥美，半點都不鬆化軟塾！半熟蛋非常好，蛋黃味濃而甘甜，讚。煎餃子，外購貨色，餡料空盪盪的，餃皮煎得焦香，唔難食。

Ramen Champion像是個food court般，但全部都是拉麵店，價錢也差不多，競爭頗激烈。客人一入場先會被派每人一張電子卡，用其來買東西和記數，最後離開才付錢。下單後麵舖會給你一個呼叫器，客人可坐著等至食物準備好才去拿。本來$78的一碗拉麵，可以套餐價加配小食和飲料，價錢跟散叫一客餃子還要便宜。不用加一，整個套餐$100也不用，以現時拉麵價錢來說實在花算。明太子的鹹鮮混和沙律醬配淡味的餃子剛好，煎餃脆口但不油膩，外皮不算厚，肉餡豐富有汁。雖然碟邊的🧀芝士能夠拉絲，但感覺白汁多於芝士味，少了那份香濃。本來煎脆的餃子也因此變林，比明太子煎餃遜色。豬骨湯底加上味噌份量剛好，鹹香而不口渴，濃郁非常。🍲鹼水麵條彈牙，但個人更喜愛白麵。叉燒略帶少許脂肪，入口化開但不油膩。🐖紫菜、粟米、筍絲、蔥白等包含的配料豐富，不用額外加錢，很足料。🍳溏心蛋橙黃透亮，醬油醃製入味。蛋味香濃，但略嫌過熟，毫無流質感。友人的味噌辣味湯底🍲更為濃郁，再加上唐辛子醬和辣油頗重辣味，非常適合嗜辣的人。友人的豚骨湯麵配的是白麵，配料也由粟米轉成黑木耳，我想麵店對正宗的拉麵是有一份執著，湯底、麵條和配料都要互相配

行左個圈之後選了這間，叫左碗叉燒豚骨湯拉麵。豚骨係半肥，但都有少少硬。竟然有一整隻溏心蛋，正！拉麵叫左冧啲，不過可能麵質問題我認為未夠冧。湯底好濃又夠熱，好好味

又到和朋友飯局的時間~ 因為最近都要OT，所以朋友遷就我在公司附近找想吃的。碰巧給朋友找到恆豐地庫下面的拉麵店因3週年的關係，正推出拉麵半價的優惠。平時要$8x的拉麵減成$4x ~其實真的很抵吃吧！！這次來吃選了這家的 一進來大概左邊的位置 (第2間)九州醬油特制拉麵~雖然是在做優惠，但份量沒有因此縮水。這裡的湯底依舊是比較偏咸了點~拉麵軟硬度來說也是偏硬身點 叉燒也算大塊～半肥瘦的程度。但依然最欣賞是這裡的溏心蛋，而且是一整隻^^最後和朋友多點了餃子。普普通通吧~不算餃子皮脆口(不過小食不屬於半價優惠)

今天老婆仔下班後要去上堂跳舞要趕著趁早吃晚飯而老婆仔又說突然想吃拉麵想起這裡地鐵站旁邊就有很多間拉麵店今天終於可以來一試!一入到去這裡Ramen Champion每一間店就在不斷的叫喊吸引我們過去很有特色最終決定了這間我們要了一個180元的二人套餐包括兩碗拉麵及六件餃子選了札幌味噌特製拉麵和鹽味特製拉麵札幌味噌特製拉麵的湯底相對濃吃起來也夠味但我點的鹽味特製拉麵卻感覺沒有味道不建議選這麼淡味的湯底更重要的是麵的份量很少有一大半部分都是芽菜吃起來不太飽以這價錢來說有點貴加上叉燒有點乾老婆仔不太愛吃但幸好溏心蛋很美味能挽回一點分數餃子還算正常還好有幾件餃子填補一下令這餐晚飯還算充實

對上一到拉麵競技埸已是年前的事, 今番再訪, 只希望沒有退色。走入拉麵競技場, 有點今非昔比的感覺: 場內食客寥寥可數, 猶幸喜愛的毘沙門零仍在, 不然小人亦未必知道向朋友推介那一間了。在毘沙門零叫了個二人餐$180: 兩碗超大的味噌豚骨湯拉麵+一碟餃子, 真是超值! 味噌湯底無得彈, 夠味但絕不會口乾。粗而曲身的麵條掛湯能力不錯, 煙靭好咬口。烤過的义燒激厚激大, 吃完已很飽! 溏心蛋朋友說是吃過最美味的, 又入味又夠熱, 滿分!煎餃子無甚特色, 皮略硬, 欠肉汁, 普普通通。幸好沒讓朋友失望, 惟最可惜的是當日沒有最愛的炸蝦小食, 唯有下次再來。

在拉麵街行了一圈，最後選了毘沙門零的札榥拉麵。 因為還點了另一家的拉麵，有比較之下，這家店整。體上都很出色。湯底沒有太漿口，感覺滑喉，但豬骨味要再增強。雞蛋香很多，有比較之下，才知道蛋香可以有這麼大分別。雖然流心度不太夠，但雞蛋質素高彌補所有小缺點。2間店的價錢差不多，但這裡的食物質素較高，更抵吃。豬肉是厚切，肥瘦相間啖啖肉，鬆化又有口感。灑上黑椒粒粒，賣相超靚。如果是新來第一次吃，這間己經很不錯。聖誕送的餃子，味道不錯。

約了太座行街，這天收工就順便來一試這個傳說中，口味極像日本正宗拉麵的拉麵皇國，去之前上綱看過，其中一家『毘沙門零』是最多人試過，也有較多好評的一間，所以一落到去就拉著太座直接找這檔口，也不考慮其他了，在檔前見有一個$190的二人套餐，太座計過數覺得化算，就揀食這套餐，其實這套餐可食的食物也與散點沒多大分別，有兩款濃味湯底的麵和三款較淡口一點的麵供選擇，只是另指定加送一份煎餃子，而太座又喜好食煎餃子，所以十分合適，就要了一個這套餐，選擇了濃、淡味湯底各一款，餸就分別配了叉燒和海鮮料。鹽味海鮮拉麵，從相中也可得知這麵相當重油，而所謂海鮮主要是蝦和魚蛋加上海苔，湯底味道還算清甜，麵條屬扁平一類，尚算爽口，頗有彈牙感覺，魚蛋完全無特別，蝦就大致可接受，應該是雪貨，但沒有霉的感覺，海苔就算幾香。濃味叉燒拉麵，兩個麵的質地有分別，這個麵有點像在超市買到的日式即食麵，有點卷曲，麵質較淋，噬落有點煙韌感，湯底味覺真的相當濃郁，麵豉味極重，甚至有點偏咸，叉燒夠厚但不夠嫩，味道香濃，蛋做到有點流心，比起叉燒和麵，這蛋是全個麵中最好的食品。煎餃子，因為煎得太乾，餡料又小，餃子皮又有點韌，雖說是跟餐的附贈品，

星期六一個人係佐敦搵晏食，係openrice搜尋拉麵，見到恆豐中心有幾間一於去試下。一去到門口原來係之前係Mega Box幫襯過搬來了佐敦，地方細左好多，集團式內裡有多間拉麵店檔口，一入門口待應就會交張卡比你，張卡用途係裡面消費時只要拍卡，到走時係出口埋單計總數。行左一圈，純綷睇相揀左北海道毘沙門零，個名唔識讀.......揀左扎幌味噌特製拉麵$88，待應會比一個鐘你，你可以搵位坐低，當個鐘響時就即係食品已經準備好可以出去自取，再去飲品檔口揀野飲，可惜全部都係樽裝飲品，揀左大紅袍$18。有得食喇，只睇賣相好高分，有特別黑的叉燒應是燒過，我愛的溫泉蛋，大量粟米/荀/芽菜仲有塊紫菜，先飲啖湯，原全係韓國泡菜辣味湯底太濃，叉燒口感不錯肉質軟滑兼入味，溫泉蛋半生熟無挑剔地方，麵條帶點煙韌，整體來說只屬一般。埋單$106未免太貴。

賣相很好，叫左個札幌拉麵，但湯底吾得好味精，麵吾夠彈牙，肉有三塊但普通，唐心旦好味，雖份量多但湯底同麵質馬馬地…另外餃子都一般，吾脆身，有d失望，下次吾會再食。

毘沙門零。涼。團購餐包咗北海道味噌拉麵、豬肉餃子、汽水。毘沙門零係當晚最後試嘅第四間店。唔係因為已經好飽，事實係佢嘅味噌湯比和食亭融和境界失色又鹹咗啲，麵亦有鹼水味，醃製五花腩又唔夠阿修羅有肉味，餃子成嚿肉食到好滯膩。整體質素好普通，唯一可取係份量偏大。如果要比正價，唔會揀佢，比團購價又好餓，可以諗下。

話說有晚收工身痕,忽然想食拉麵,咁就去了 佐敦恒豐中心地庫的Ramen Champion ~因為貪那裡好似幾多款選擇....行了一個圈,決定幫襯"北海道毘沙門零",純粹亂選 XD入場時會派個手環,選好食什麼就用手環紀錄,走時一次Check out! 幾方便!Order 左食物會俾一個類似 call機 的東西埋位等,直至食物準備好的時候,個 call 機 會閃及震,拎返去櫃檯就可以拎到食物了!!大概8分鐘左右,Call 機就"閃閃閃"了....叫左叉燒豬骨湯底拉麵,樣子還算可以吧~流心蛋比較熟了少少,沒有流心的效果了.....叉燒 --比我想像中多肥膏,肥/瘦比較大約係5/5左右,不過我都有食晒!食落口有即溶的感覺,嘻嘻!事實我好憎食瘦叉燒,我覺得食瘦叉燒真係同食柴無分別,只係感覺健康點,之但係,食拉麵都是成啖豬骨油咁飲落肚,健康極有限,都係算吧啦!!豬骨湯底味濃, 相機食耐了少少,已經有層油舖面了,麵條彈牙算不錯吧!Kawai 喜歡食餃子, 上面個拉麵唔使睇都知唔飽~所以,另點了一客菜肉餃子,唔知點解個賣相咁差,5隻有4隻反轉左 (定係一隻反轉?!)煎到個底好黑,賣相真係好地獄!食落溫

香港人唔慣成日啖啖肥叉燒, 所以見到Ramen Champion 由初時幾乎清一色正宗嘅叉燒拉麵, 轉型為越嚟越多 "非叉燒" 拉麵, 甚至咖哩飯, 供食客選擇.呢間就最近開始供應海鮮拉麵. 味道方面無乜特別, 不過勝在較健康. 叉燒拉麵嘅湯底普遍較油膩/較鹹. 呢個海鮮拉麵唔會有層厚油喺面, 味道清新, 湯亦較淡, 有少量菜, 有筍, 有紫菜, 適合追求健康之選嘅女士們.不過, 麵量好少 (女士lunch都唔夠飽), 兼且有鹼水味!! 唔需要討論啲麵彈唔彈牙啦, 有落鹼水實彈牙㗎啦!Counter show 嗰幅圖有帶子有蝦, 出到嚟只有5隻蝦 . 貨不對版. 唔應該叫做海鮮拉麵喎, 只可以叫蝦仁拉麵囉. 而且啲蝦overcooked.除非想食拉麵而又怕油膩, 否則不推介!

朋友說，一個人去食拉麵，是男人的浪漫。於是我便趁五一假期，體驗一下拉麵館的浪漫。一個人用膳的好處，是可以在受到比較少干擾的情況下，認真品嘗食物。因為買了團購券，用一半的價錢便可買到拉麵。知道團購券賣出了一萬張，加上公眾假期，心想一人的好處是比較易搵位。六時半左右去到，竟然只得三成左右入座率，莫非拉麵熱潮已死？選擇了北海道毘沙門零。因為第一次光顧，所以無從比較團購餐是否將貨就價。但平心而論，到來的拉麵很大碗，湯底亦很濃没有偷工減料，相信店方亦是真功夫的對待購買團購餐的客人。但是，要認真問吃完拉麵跟餃子之後是否覺得很好吃，又真的感受不到，至少在對著相片寫食評的時候，好像沒有留下多深刻的印象。個人覺得，團購價的確很相宜值得一去，若是要正價，我又情願享受譚仔的地道男人浪漫多些！

團購餐為指定款式。湯底是招牌味噌湯，頗濃味。拉麵曲身掛湯能力不俗。叉燒厚身有燙過，雖然瘦了一點不過也不會太韌難嚼。糖心蛋完全失敗，沒有味道的，不見到雞蛋的話，不會知道正在吃蛋，沒想到這會是拉麵店提供的雞蛋。餃子是菜肉餡，不過熱度溫溫吞呑，皮不脆軟淋，餡亦不香。如果正價付錢吃的話，會生氣吧。