北園酒家 (已結業)

上星期六飲朋友BB的滿月酒，係我第一次來試這間酒樓。酒樓地點很近港鐵上環站，都幾易搵，又方便。今晚都食得好飽。東星好好味，煮得剛剛好海參好入味，又夠腍甜品有驚喜，好有椰汁味的心形椰汁糕，同埋流沙煎堆仔，煎堆仔很脆口，但同奶皇的味唔係好match! 服務就好一般喇，d侍應都頗粗魯...

一家三口到了北園食下午茶中華叉燒饅頭: 名曰饅頭, 其實同叉燒包都無大分別, 只是用饅頭皮做, 皮極薄而且滑, 餡料又多又好味, 做得好出色!鬼馬牛肉腸: 咬落除左牛肉外, 仲有好脆的油炸鬼粒, 內脆外軟滑, 口感很特別!妙醬琵琶豆腐: 豆腐混了鯪魚肉, 嫩滑之餘增加了咬口, 也不錯!賽螃蟹鍋貼: 鍋貼配合蛋白, 煎得啱啱好, 食落不會太油膩, 好味!鵝肝酥: 是眾多點心中較為遜色的一款, 鵝肝份量及味道還可以, 但外層炸得太乾, 不夠鬆脆紅豆沙: 紅豆很多, 不會太甜, 但不夠"沙"地方幾整潔, 服務也不錯呀, 侍應頻頻執野價值黎講比富臨貴, 不過點心很有特色, 會再來!

今日便服日, 約埋同事一齊去北園飲茶~ 11點就打電話去book位~ 以為安排得好好啦, 點知, 依然係覺得有被騙的感覺!!!我地打電話佢去book位時係指明食點心的, 跟住12點半準時去到, 佢安排左小菜廳俾我地, 我地依舊唔理佢啦, 坐低照mark點心, 我只係feel到點心的選擇少了~~ 因為冇左小籠包~ 跟住呢, 一個部長級的, 話小菜廳要點最少兩個小菜!!! 吓??? 點解冇講過架?? 跟住仲攪笑, 有個女的部長啦, 行埋來話呢度係小菜廳, 可能因為點心果層冇位所以安排左坐呢度... 如果唔點小菜的話, 就要求我地去點心廳等位.... 喂!! 我book左位架喎~ 再加上係你地安排我地坐小菜廳, 唔係我地要求架喎~ 我地上去之前你地又冇人講低話要點小菜... 完全唔合理囉~~~除左服務之外, 其實佢地的食物係一流的... 好欣賞佢個流沙煎堆仔... 好好味~ 下次book位時, 我相信我要清講清楚唔愛小菜廳呢~~~~~

今日同阿b約咗我屋企人飲茶,阿b話呢d坐得舒服,所以揀呢度呀~四個人吃咗八籠點心~(叫晒全部點心紙上面印住"必食"點心) # 流沙奶皇包~賣相就差少少,個皮又少少粉啦~ 但味道都ok好味架~# 中華义燒包~ 好好味呀~ 义燒饀料熱辣辣~ 夠汁 good ar# 蘿蔔酥~ 呢個就油咗dd , 但勝在即叫即做~ 好味~# 什醬蒸鳳爪~ 呢個夠晒入味~ 我食咗兩隻呀 # 鎮店小籠包(有六隻呀)~ 呢個真係抵食呀~絶不差架~皮薄,又多湯 good ar# 鬼馬牛肉腸 ~ 上次食過好好味道 ~ 裏面有面包粒~口感得意 (記住試下^^)# 流沙煎堆仔~ 我見差不多每一枱的人都食, 我咪又試下食..(又真係幾特好味喎~)# 香橙馬拉糕~ 好香既橙味~ 因為佢放了橙皮呀~ 好特別~我好鍾意^^埋單: 196元~ (點心假日有七折呀~)後記: "必食"點心有好多架~ 下次再試^^

和四個為食鬼一齊到北園酒家食lunch, 今日主題係外遊花絮, 加上創意的點心, 我哋成餐一面食, 一面笑. 北園點心種類好多, 我哋叫咗必食的腐皮夾, 鬼馬腸粉, 炸八爪魚鬚,蝦餃, 燒賣, 流沙奶黄煎堆,蘿蔔糕, 棉花糖白兔仔…. 等等, 一共叫咗13個點心和一個烏冬. 點心熱辣辣, 又足料, 非常滋味。 最後, 仲有糖水送, 是日送冬瓜眉豆糖水, 消暑好味. ( 如果多D人, 仲有生果盤送!) 呢度唔係果種同客食飯, 或者高貴太太好優雅咁飲茶的類型. 但如果你有4 個人以上 (即係每人一粒蝦餃), 想茶哇哇咁食到成枱都係點心, 我會推介北園酒家俾你, 希望你食得都咁開心.

星期六同爸媽及家姐一齊飲茶，嚟呢間最好book定檯先，因為點心全日七折優惠，人流都幾墟冚。成張點心紙有好多“必食”、“人氣”、“強烈”等推介，好唔好食就未知，不過都剔咗幾樣心水推介。中華叉燒饅頭(OK)、千層腐皮夾(OK)、杜小月粉果（冇食）、黃橋燒餅(OK)、香橙馬拉糕(OK)、炸兩(OK)、生滾斑腩粥（冇食到，但阿爸家姐話麻麻哋）。埋單大約$220。呢個價錢食到如此質素既點心真係算唔錯，起碼比同集團既寶湖更加好。

27/10(六) 3pm兼職過後方吃午飯,餓至極點!會合男友後,到了就腳的北園酒家果腹.下午茶時段,座上客也有若干臺,原來星期六,日及公眾假期點心全部七折;大中小點原價分別為例$24.8,$20.8,$16.8.我倆選了闊落的倚窗卡座,坐得滿愜意的!快速瞄過點心紙後,點了點心數款:布拉野菌腸(大),東江煎餅(大),中華叉燒饅頭(小),香橙馬拉糕(中),,燕窩流沙壽桃$12布拉野菌腸--腸粉軟滑,厚度恰好,什菌們口感鮮度兼備!東江煎餅--包身略為過於油膩,質地彈性也一般;但內藏的梅菜滷肉倒精彩的,滷肉香氣強而入味!中華叉燒饅頭--菜肉包的外表,叉燒餡的內在,包子質感鬆軟富彈性,叉燒粒肥瘦均勻,蜜甜跟酒香平衡得宜,果真到家!香橙馬拉糕--馬拉糕縱非超級挺身鬆起,,但蛋及橙香相當出眾,唯個人還是較鍾情樸實無華的傳統馬拉糕而已.燕窩流沙壽桃--壽包硬磞磞的,也沒啥看頭!內裏的燕窩流沙呈淺奶黃色,流動度頗高,口感香滑,那丁點燕碎或可帶來多點點層次罷.服務的一環漫不經心的阿姐愈叫愈走,而識脆的部長總算打圓場.$11x嚐到精良的羊城點心,不錯吧!

薑餅人家族(共十一人)預早做節, 今次竟然吃我的家似鄉菜–潮菜.叫了一個套餐.鹵水拚盤–材料豐富, 有豆腐, 豬腸, 豬脷, 豬耳, 鵝片, 鵝肉, 鵝腳, 蛋, 雞腎. 鹵水味淡, 香度不足. 但鹵物肉嫩入味, 所以總括可以的.凍蟹–不算大隻, 但都鮮甜. 當然和我家豆豆煮的是無得比啊! 嘻嘻…XO醬翡翠炒蝦球花枝片–惹味香口. 花枝片鮮口彈牙, 蝦就很雪藏樣, 無乜蝦味.鮑魚菇鵝掌扒娃娃菜- 鮑魚菇爽口, 鵝掌過淋, 失了應有的膠質煙韌, 用以燴的蠔汁及上湯也不算濃, 未能提起鮮味.瑤柱浸絲瓜–清清淡淡, 不油不膩.蒸魚–魚肉不夠嫩滑.炸子雞–過咸, 雞胸肉偏鞋.蛋白蟹肉肉碎羹–普通啦, 太多獻.蝦醬雞粒炒飯–看似油淰淰, 但食落不太覺, 很香蝦醬味.金菇炆伊麵–比較油膩, 不好吃.花生糊–杰撻撻, 一pat pat, 不香.奶皇煎堆–這個很好啊! 外有黑白芝麻, 煙煙韌韌, 奶皇餡也香.椰汁紅豆糕–椰汁香, 料足也滑.服務不錯, 食物可以.

4 March 2007 (Sun) - 飲茶跑完渣打馬拉松，好攰好肚餓，走咗去上環飲茶，因為朋友們話銅鑼灣&灣仔會好難搵位，而且有人幫我哋攞咗位，唔駛驚冇位坐！由於非常肚餓，我哋五個人叫咗起碼30個點心，真誇張，成枱都係，但係居然係食得晒先好嘢！叫得太多，不能盡錄，但係最深刻印象既絕對係嗰個超大個既流沙奶王夀包，我哋一人叫咗一個，好正，因為入面真係好流沙，直頭係一路食一路漏，好都未食過咁大個咁正既流沙包，好味指數係no.1，好少見酒樓有得食！其他既點心，都好唔錯，不過我覺得呢度既點心都係偏貴，但係今次真係唔理得咁多，因為勁肚餓！

我都經常lunch去北園飲茶，不論食、環境、服務，都算幾好。不過，lunch一定要預早book 位，超旺。其他，喱度好多心都好有水準，我覺得喱度椒鹽八爪魚鬚、蟹皇燒賣、紅豆糕、小籠包真係勁好食。

客戶請食晏﹐所以比平時食得豐富點﹐不是飲茶點心﹐乃是正式的要了個房間(才那麼7 個人坐一張12 人檯﹐好formal 呀)﹐要寫菜的。先來的湯不知道是什麼菜乾湯﹐好濃郁但不會太鹹﹐不錯。跟著是開邊牛油焗龍蝦伊麵底。龍蝦都幾鮮甜彈牙﹐不過伊麵就“淋”o左d。炸子雞用的當然不是新鮮雞啦﹐不過炸皮香肉嫩的﹐不會鞋﹐算是交到功課了。清蒸海上鮮﹐因為已經分了上檯﹐所以不知道是什麼魚﹐不過應該都幾大條的﹐但一樣蒸得剛剛好﹐魚肉嫩滑彈牙﹐火候掌握得不錯。最後的欖菜炒飯不夠乾﹐但欖菜好惹味﹐幾特別的一個炒飯。其他幾個小菜不過不失﹐但留不下任何印象了。第一次來這裡﹐不過平時聽同事說這裡飲茶是附近最差的一間﹐但今天的體驗又不是那麼差喎。可能只是這裡的點心師傅不濟吧﹗p.s. 這裡的裝修不是我喜歡的類型﹐不過是意想不到的新潮﹐總比以前那舊式酒家的裝修要強一點。

Ｄ嘢好唔掂, 耶青燕窩甜到飛起, 加水都唔掂。蛇羹似十足街边貨。老薑蠔唔新鮮。好多煙民添。

放工時間唔想迫, 走左去上環食dinner, 第1次去呢間北園, 原來好細間的....menu上都算多種類, 最surprise係有潮式食品, 叫左個大腸拼生腸, 油菜, 半隻貴妃雞同埋一個鮑汁鮮蝦炒伊麵大腸唔太入味, 同埋有好多都好硬, 生腸就ok, 色水不太橙色, 起碼唔會大多染色, 豆腐好鞋, 成碟都未及水準貴妃雞唔錯, portion都幾大, 賣成$80半隻, 唔算平, 肉厚幾滑, 不過唔係鮮雞, 同埋味道似切雞多d.....鮑汁鮮蝦炒伊麵係驚喜之作, 個portion好大, 有成6,7碗之多, 雖然多了點油, 但係味道好入味, 蝦大又鮮味, 伊麵唔會太腍, 好正~~~service ok的, 可能因為人不多, 所以招待得好一點, 環境裝修係新潮格局, 不錯不錯~~

好幾個月冇食,今日棄大舞台,同d同事黎食..ok喎...同以前一樣..d點心都係好食的..最好都係個水lung包..好juicy..d肉都係有鮮味的.又係唔穿的..至於d蒸餃,係自家制,即蒸的.上0左table都要等一等先可以食得.都算係晶瑩剔透的,d餡唔係d肥朱肉,食莧菜餃真係有莧菜的..仲有個炒飯,幾爽口,有絲絲瑤柱..又有旦白..好味..腸粉就冇咩special..仲有其他野..不過唔寫lups:送的紅豆沙好食的

同阿媽於mother's day 前夕黎飲早茶, 一早book 左位, 都幾快有位, 誰不知~ 係一個主要通道求其加既二人table !! 食得迫不特止, 仲要被D 手推車次次經過撞撞下...環境嘈過美心酒樓....好冇sense, 咁既位點可以加到位? 為左做多小小生意, 咁我選擇以後都唔黎囉!食物方面, 人人叫好既流沙包一D都唔流沙....賽螃蟹鍋貼亦不見得特別高!