北口韓國地道小食 (已結業)

之前有朋友介紹話呢到食幾平 就黎試下啦等左20分鐘 入得間鋪都幾細 得十幾個位叫左甜酸雞球辣海鮮烏冬韓式年糕串烤豬腩肉串烤雞肉串魚片串芝士年糕串韓式紫菜卷甜酸雞球$45與圖片超級不符乾爭爭 入面冇肉 似係炸左D雞 擺左好耐 之後是但淋D汁上去0分之作 完全浪費金錢烤豬腩肉串$20烤雞肉串$18一般般 去街邊即燒果D都好過佢芝士年糕 好似係新出 MENU冇個FEEL似沙嗲皇果隻不過呢個辣D 年糕都有D硬大家可以幻想下個味道 其實都唔差既韓式紫菜卷$28比較好的一個韓式小食 其實都冇乜特別食齋既朋友可以試下魚片串$18呢個最OK 湯味夠(味精?)如果未去過韓國黎呢到食一串都OK既韓國大約HK$7 一串 辣海鮮烏冬$47 接近0分既作品完全唔值呢個價錢 自己整或者出去食個SET都冇咁嬲湯底好稀 好求奇 海鮮都係果D墨魚仔青口果D 冇乜味仲有個韓式年糕串$15 冇影相呢個係一定要叫 炸年糕 加D甜酸汁好有口感 煙煙韌韌 有小小脆口 超正總評 味道:中下環境:好迫 好細 背著人坐好容易會掂到人地服務:反應快 有禮貌衛生:一般抵食:大多數唔抵食(可能我叫果D麻麻地,大家都可以試下其他)

下班後到尖沙咀走走 突然想吃韓餐走到韓國街 見到這家不太起眼的小店剛好有兩個位就進去了價錢好像蠻便宜的餐牌很精簡 但應有盡有甜辣雞球 $45吃韓國餐又怎少得炸雞呢醬汁酸酸汁不太辣雞球炸得香脆令人一口接一口的吃進去炒拉面年糕 $42這是今晚比較失望的味道正常不難食但我期望的是「炒」呀這比較像是「少湯」多一點烤豬肩肉飯男友想吃肉 又不想太肥便選了這烤豬肩肉飯不錯呀 豬肉的確烤得很香切得小小的 不知不覺就連飯一齊吃完吃完這三道 男友意猶未盡被牆上這圖片吸引了魚片串 $18, 韓式熱狗 $14魚片串是我的最愛它的湯是有點胡椒的小辣韓式熱狗不知是不是即製但是剛炸起的很新鮮男友推薦!下次到尖沙咀 再吃!

做完一日嘢，好攰。想食韓國嘢！第一次去呢間小店，需然舖好小，但想支持小店。入到去，我叫咗碗「牛肉湯拉麵」，十分期待！碗麵來到，有小小葱，湯少少奶白色。用筷子找找看，翻了幾翻，一片牛肉也沒有。以為佢俾漏咗牛肉，即時問女夥記，佢話係「牛肉湯。拉麵」，「冇肉，no meat」。認真中伏！食咗一啖，就更覺中伏，一啲牛肉味都冇，只係重味精！5分鐘唔洗食完，即走即埋單。埋單時有同個女顆計理論，不果。算！只知今日黑仔！

其實我地已經食左一餐，只係唔夠飽，加上啱啱睇完《我們結婚了》裡面對夫婦食完拉麵，於是我突然好想食辛辣麵。已經食左餐唔平，我就冇乜budget，所以揀左成條街最平嘅呢間北口韓國地道小食。平日9點半鐘，時間唔早，喺門口望入去都滿座，心諗應該都唔會難食得去邊，我地等左幾分鐘就有位。店內位置唔多，環境一般，近乎係背貼背咁坐，所以定價都不能太高啦。餐廳入面，同呢條街幾間小店一樣，我諗都唔再係請韓國人，北口嘅店員睇落似泰/越/菲藉，不過我聽到佢地識講韓文。菜式選擇相對旁邊幾間餐廳少，不過應該有嘅韓式小食都有，例如魚糕、炒年糕、紫菜卷等。熱食主要係拉麵、飯、烏冬。我一心黎食辛辣麵，當然係唔洗諗，辛辣麵就$38，見價錢爭唔遠，就點左有海鮮。海鮮辛辣麵 $47我知，出街個喺超市賣幾蚊嘅拉麵好on居，但我喺韓國大排檔食過呀豬媽煮嘅拉麵，真係煮得好好食。辛辣麵色水幾似樣（喺香港食過太多為左遷就口味定唔知慳皮嘅餐廳，辣湯完全唔辣，溝水）飲落就冇想像中咁辣，而且同屋企煮嘅農心辛辣麵湯有少少唔同。海鮮有兩隻蝦、青口、兩粒魷魚仔，可以接受啦，都唔會期望有啲乜海鮮。當滿足我突然想食辣麵嘅意欲。烤豬肩 配飯 $58本來

成條街叫做算平既一間，所以就入左去食比較細間，坐得比較迫迫地，本身都冇諗住會好好味，不過我食左個麵麵有少少驚喜，麵吾差不過小食就有啲失望。炸雞完全不是韓國的炸雞所以吾建議叫。

是晚下班與友人聚會，主題是韓國。在香港，想品嚐韓國食品，少不免要到尖沙咀著名的韓國街。因為先前已與友人分享紫菜包飯，想找點輕食，再填飽肚子。發現這店份量較小，價錢相宜，坐無虛席。而且恰巧遇上有位子，所以立刻入座。店面是有點小，還會播著一些怪怪的歌曲，因為店員不是韓國人，所以我有遲疑一下是韓文還是別的。我們點了韓式炸醬麵跟韓式湯米麵。湯米麵的感覺是有點像米粉，可是又有點像公仔麵，口感不差，蠻特別，湯是有一點微辣。炸醬麵的有濃濃的醬油汁，伴著一些青瓜絲跟薯仔，味道一般。

其實呢間小店個炸紫菜粉絲卷幾好味既，最推介呢個小食，其他壽司被比下去不過就食完先記得影相。年糕少少硬身不過都唔錯。但係可能入面店子面積小，話說唔知點解會食完之後比同事問去左邊度食，話我身上有油煙味。😂😂😂😂😂😂😂

以前多汁夠熱好味既 烤雞肉串，現在 燒出來好像翻熱又燒焦⋯辣海鮮烏冬中伏⋯用過多水開出來既湯底勁淡⋯海鮮好似白烚一樣以前韓國老板不在，全變成外籍勞工睇鋪風味不再⋯⋯

每一次自己去到尖沙咀都會行到去金巴利道食韓國野而我每一次都一定會去呢間北口韓國地道小食 佢鋪位都算細間 好彩去親都吾洗等好耐就有得入座 睇佢應該係韓國人開嘅 我今次就叫左韓式年糕串同紫菜粉絲卷佢嘅年糕串係炸完再淋啲汁係面，所以係外脆內軟嘅質感，佢嘅韓國辣醬吾會話太辣 連我呢d吾食得辣嘅都食到所以係吾錯架另一個紫菜粉絲卷，佢係用紫菜再包住啲粉絲拎去炸，呢個真係好食 好夠熱同埋個口感好特別，值得推薦

原本約fd 去另一間韓國食店的，但因為落雨，但仍然想食韓國野，所以去左韓國街睇下有咩食。之後就見到依間n 年前同老公一齊讀書時黎的韓國食店，都有d情意結既關係，所以想再食！佢係一家好簡陋既食店，因為讀書時想出街食，但又唔想食咁貴，所以搵到依間韓國小店。我地揀左我鐘意食既紫菜包飯、韓式辣年糕同甜辣雞球。紫菜包飯不過不失，配一個唔知咩汁，但食落去似wasabi味～仲送左碗湯俾我地，上面有d蔥花，飲落去有少少辣。我估係蘿蔔水😆之後個辣年糕，煙煙靭靭，都幾辣～個甜辣雞球調得幾好，甜辣適中，但上面d花生唔夠脆😝之前係韓國飲過梨汁，但桃汁就未飲過，依度見到有梗係試下啦！好甜好味，中和返食緊d辣野😁😁提提大家，因為依度食野都算平，都以有d條件我個人覺得可以接受，就係頭先講依度比較簡陋，所以煮食時，有油煙味！但因為依個價錢，所以可以接受！

宜家假日都好少去尖沙咀搵食怕人多要等; 但上星期六放工後有野要去尖沙咀, 所以順理成章都係度搵食比較方便. 友人建議食韓國野, 所以我地都好自然走去金巴利街睇下有咩岩心水餐廳. 無來一段時間, 有幾間新店, 到最後我見到間小店提供韓國小食樣樣小小份岩晒我D貪心想試多D野食人士. 估唔到未夠6點小店已經坐滿座, 唯有係門口等位啦...等左差不多20分鐘先有位. 店舖真係超級細, 我地仲要一個人座係走廊位置,所以唔好太期望座位係舒服形, 形式同大排檔差不多.成間店大約6-7張2人枱, 所以如果2人以上必定分開坐.至於食物選擇都唔係好多, 不過有幾款小食, 飯, 麵類選擇. 價錢十分大眾化, 所以小小店舖可以未夠6點就滿座係有原因.. 份量唔多就算我地2個人都可以叫到3款小食加2款主菜一齊分享.整晚我自己最喜歡就係炸紫菜粉絲卷配埋個甜甜地既醬汁, 外脆卜卜入面既粉絲又唔會糊口,重點一D都唔油膩, 值得推介. 再來就係炸豬扒飯, 其實似日式豬扒飯咁無咩特別. 不過豬扒炸得非常脆而且夠厚身, 另外豬腩肉串燒來到個樣就麻麻而且又薄身, 估唔到味道美味半肥瘦岩岩好. 再來就係炸醬麵好香麵豉香,最

同朋友行行下街想食野，又未道晚餐時間，而且金巴利街無咩店營運的選擇下，試左呢間～地方真係好細呢度食小食為主呢個炸雞酸甜味的，唔乾身，其實幾好食嘅，但上面啲花生一定放左一段時間⋯⋯唔太脆⋯⋯份量唔多的魚片湯有味精所以食果下覺得幾好味同埋唔係淋哂果啲芝士年糕望落好吸引呢味道普通，唔會差如果係辣就好了芝士拉唔斷搞到好麻煩要同熟的朋友塊先好叫呢樣

忽然好掛住係韓國食既炸醬麵～又係tst ,甘就去小韓國街食勒～🍜 行過見到店子細細又有位，老闆又係韓國人，會有地道風味啦掛　～Order 左炸醬麵同牛肉湯（有少許韓國粉絲）～ 🐽炸醬麵份量看似雖少，但其實幾溜架～ 味道唔太濃，適合大眾口味～🐽牛肉湯連一碗飯，味道正常～多返D牛肉僧好D, 不過牛肉都OK, 唔會太硬~牛肉湯夠熱, 呢樣好重要~環境：店子細細 同隔離枱好近，食完就要閃的節奏。服務態度：正常，無黑面亦無催人走～合共HKD 176- 無加一

想快吃個晚餐，於是見到這家餐廳簡單方便便一試，可惜中伏了，餐廳完全沒有韓國人幫忙落單的姐姐好像一頭霧水食物更不是韓式未見食物看餐牌，價錢比一般韓國餐廳便宜韓式紫菜卷，質地古怪，飯有點黃，不新鮮這個炒年糕看上不錯，於是勇敢嘗試結果，只有年糕，相片中的魚片呢？雞蛋呢？而且加雙色芝麻更古怪，是腸粉嗎？

係門面等嘅時候，係出門已經睇哂貼在外的Menu，選擇唔算好多，有幾款屬Best，都應該係店裡推介品，不過我地都係揀返自己想食嘅野。等左10分鐘，我地坐係對正廚房門口，其實真係好近，眼見只有１個廚師叔叔多整壽司類，落單嘅嬸嬸要做埋煮麵、水吧同洗碗，一腳踢呀，後來多來一個姐姐落單，好有家庭風！雖然各食品份量都偏小嘅，但若以店名一樣當小食嘅話係正常喇，而味道方面都覺得唔錯，可以回頭的啦！以下係我地點的：① 魚片串 Fish Cake Skewer ($18)② 迷你飯團 Mini Rice ball mixed w/fried vegetable ($20)③ 芝士公仔麵 Cheese Ramen (38)④ 韓式涼伴粉絲 Spicy vermicelli w/vegetable ($42)Total $118魚片串：又話係串嘅同Menu唔同樣，有3大片浸係湯裡，魚片腍身冇乜味；個湯有點胡椒辣味，有少少大蔥，好飲喎！迷你飯團：其實都唔迷你，３球比去吉吉島$10個飯團更大更責實，飯團混合好多紫菜芝麻，飯有麻油作調味，都幾好食。芝士公仔麵：睇住佢煮，用個電水壺整熟個公仔麵，最後放塊芝士上面即成，