北京樓 (MOKO新世紀廣場)

營業中

休息中

以為全場爆滿，其實是新冠疫情下，洒樓的擺位較鬆動，看似客滿。平時沒有訂位便要等位，今回不用。沒有叫小炒，三人共點了八個點心加一個高力豆沙，食不完，要帶走。雖然是一般點心，但每樣都可口，新鮮熱辣。酥炸鯪魚球，不太靭也不太腍，有嚼勁；花素蒸餃，皮很薄，餡料豐，很爽口；蘿蔔糕，煎得香口，不會一夾便散開；牛柏葉，爽軟，不似橡根般靭，豆腐卜吸了濃汁，口腔感到無比清新；螺片北菇蒸雞，起碼有四五件雞塊，大件且軟滑。不過要數最正應該是高力豆沙，圓圓黃帽頂鋪上白薄沙，甜甜的，軟綿煙靭，餡料適中。只要有該商場的優惠咭，高力豆沙是免費的。一碟有多少個是按人頭計，所以不論多少人，每次每個人都有份。

近排生日飯食了很多不同的菜式😋， 正日生日好想吃片皮鴨🤤， 於是就到了北京樓。 坐低不久店員再把我們的餐具消毒好👍🏻， 感覺酒樓安全清潔衛生。 先送上泡菜一小碟$28， 然後 就點北京填鴨二食$308， 茶樹菇上湯翡翠苗$110， 擔擔麵$70， 小籠包$75。✨泡菜一小碟～ 有拍黃瓜，花生，木耳和豆卜， 麻辣香帶微辣， 惹味又開胃。✨北京填鴨二食～一片片的鴨肉，閃亮發光的鴨皮，將之放在皮上，然後再放青瓜、京蔥，加一點甜麵醬，捲起來入口，鴨皮的油脂香氣縈繞在舌尖上，肉質軟而汁勁，肉味較濃， 鴨肥油香，搭配青瓜的清爽氣息， 絕對是非常美味的食物。另外一食是炒鴨崧配生菜， 與泰式生菜包的食法一樣， 生菜爽甜，亦可以去除膩感。✨擔擔麵～汁煮惹味的上海幼麵， 配上麻醬， 花生粒和肉碎，濃郁鮮香。✨茶樹菇上湯翡翠苗～ 翡翠苗帶草青味，茶樹菇份量多，做得鹹香入味，也吊起了整碟餸的味覺。✨小籠包～ 湯汁豐盈， 皮薄餡多，蘸上一點香醋，味道層次豐富，齒頰留香。個人感覺餐廳擁有高質的食物水準， 每一道菜式做得恰當好處， 店員親切友善的服務水準， 令到客人有賓至如歸的感覺。 👍🏻💯

今日黎左旺角北京樓食飯，依家好多食肆都真係好少人，北京樓有幾檯都算係甘，我哋專程黎食片皮鴨，叫咗糖醋排骨炸點心等，味道都ok,,,黎到主菜片皮鴨，真係超好味，可能客人又唔多，職員後日都比以往高，

年尾，還神完，打算去又一城找食，查看還未開翻，最近來世紀廣場。雞絲粉皮$68,賣相顏色分明，粉皮晶螢，青瓜綠潤，青瓜絲雞絲，幼细，粗幼均勻，巧手刀工，麻醬丁點麻辣味,甜中麻香，唔係花生醬，不膠口，爽滑，又唔係好凍，正過鹿鳴春，小南國，翡翠，好好多……北京八月小蔥拌麵 $58，麵質跟金滿庭一樣滑爽， 蔥油拌麵改良版 ~無醬油捞，見不到香葱，只見一片黑色醬物體，解剖，是葱碎，葱爆至溶，混黑醬油，咸咸地，撈撈，豬油香，又不太咸，麵起身不會叠埋，爽彈，這是我在香港的味道最好！就是這樣簡單！义燒香煎包，皮白彈身，飽滿，生煎包皮，摺文清晰，光滑包身，不會黏牙，品高，底微脆及焦燶，义燒燒香味。

因為心血來潮想食片皮鴨而來既，得兩個大人加小朋友，又怕剩係食片皮鴨唔夠飽，另叫左啲點心同一個担担麵，担担麵有驚喜，食落有陣麻香味，另外感覺好似有陣茉香味，而且幾大碗，抵食。點心我冇食到，老公食左，話個炸奶黃包好好味，好脆👍🏻👍🏻食晒啲野個片皮鴨先黎，已飽晒😂兩個人真係食左幾片就要打包，如果有半隻片皮鴨叫咁就fit la，因為一隻個量真係好多，埋單500幾蚊，比預期中平，因為都叫左幾多野食。

父母生日飯，要搵番傳統既中菜。佢地鐘意食北京填鴨，所以揀返北京填鴨著名嘅北京樓。咁啱仲有信用卡既四人餐優惠，好抵食。北京填鴨嘅鴨皮好香好好食😋，份量唔多唔少岩岩好，餅皮望落少但其實岩岩好，青瓜京蔥唔夠可以再添加。京爆蝦球玉帶。酸酸甜甜好開胃欖角蒸魚方既味道岩岩好，魚肉夠滑小籠包入面有湯汁，熱辣辣食好正。蟲草花菜苗小蔥拌麵不過不失，個餐好飽食唔哂個面。總括而言，北京烤鴨一定要叫，北京樓係好適合帶埋兩老一齊出街食既餐廳，包你屋企長輩滿意😎。係可惜假日訂位限制六點食到八點要交枱。時間較唔方便。

話說之前係美心集團食滿600元，用某指定信用卡付款，就送左一張300元的優惠券比我。 今日係最後一日，當然唔好蝕，去食番餐飯都好，好過白白浪費張券。我揀左去食北京樓。做完運動後，有點點肚餓，就點了三款食物：點心拼盤、蟹粉小籠包及口水雞。口水雞，雖然有點辣，但味道可以。雞肉唔嫩，但未去到好韌既情度。食左幾塊就放棄了。蟹粉小籠包，味道一般。點心拼盤，係四款點心之中，蝦餃同燒賣味道正常，其餘兩款就不太適合我胃口。最後埋單：扣去300元優惠，今餐大約要付60元左右。

朋友生日想食北京菜，所以就嚟咗北京樓食片皮鴨😂用AE白金卡逢一至四晚2-3個人食飯，仲會有主餐牌六折！呢度查為比較貴 茶位$18，前菜$25。前菜有一碟辣辣地既雜錦拼盤，豆卜有少少辣，有麻油味，份量岩岩好！#川府水煮魚水煮魚味道嚟講辣味個人覺得啱啱好，麻辣程度適中，做得很不錯👍🏻魚肉用到石斑🐟魚片，食落好滑無骨無鱗，魚片超嫩！湯頭也做得挺香，水煮魚底下仲有好多萵筍、粉皮和枝竹，吸入麻辣湯後非常惹味🌶#烤北京填鴨等左差唔多20分鐘 隻鴨終於上黎啦，上碟見到每塊都色澤均勻，而且排列得好整齊，上到枱聞到好香而且感覺外皮超脆！每塊片皮鴨都色澤均勻 ，皮和肉的比例岩岩好，鴨皮酥脆，唔太肥，食落每一啖都充滿鴨油香，真係好好味！另外，會有一籠大概有30片左右既皮包住鴨食，薄薄既片皮鴨餅底，上枱熱辣辣，不太厚又鬆軟，質感柔軟。至於配菜，有青瓜和京蔥等配料。鴨餅會吸走片皮鴨多餘既油份，再加埋蔥同青瓜配上醬汁，一食落去就好爽，好好味，食完一舊接一舊 停吾停👅#灌湯小籠包小籠包一籠有6粒，皮薄饀靚，每一粒都好多湯汁好好味，肉既份量都好滿，最有驚喜係食既時候新鮮熱辣既小籠包都會有肉汁流出黎

為食卡比獸平時愛好日本菜同泰國菜，呢一日心思思想試中菜，就去咗旺角MOKO嘅北京樓覓食。聽個名就知係食正宗北京菜，同朋友四個人一致通過叫北京填鴨過一過口癮。待應同我地講要等最少十五分鐘，上菜既時侯大家都有少少嚇咗一跳，因為份量比想像中多，加上北京填鴨比較尾段先上，大家都已經七八成飽啦。薄薄既餅皮熱辣辣又鬆軟，絕對值得加分，加上青瓜、京葱等配料。夾起一片鴨肉點上京醬，用餅皮包好就完成整個步驟。口感滿分之餘，心靈都覺得好滿足，大家你一塊我一塊好快手就ko咗成碟片皮鴨。另外仲叫咗水煮魚同雲吞雞，味道上就俾唔到驚喜，不過不失啦。總括黎講，卡比獸都幾滿意呢度嘅中菜。

為食卡比獸平時愛好日本菜同泰國菜，呢一日心思思想試中菜，就去咗旺角MOKO嘅北京樓覓食。聽個名就知係食正宗北京菜，同朋友四個人一致通過叫北京填鴨過一過口癮。待應同我地講要等最少十五分鐘，上菜既時侯大家都有少少嚇咗一跳，因為份量比想像中多，加上北京填鴨比較尾段先上，大家都已經七八成飽啦。薄薄既餅皮熱辣辣又鬆軟，絕對值得加分，加上青瓜、京葱等配料。夾起一片鴨肉點上京醬，用餅皮包好就完成整個步驟。口感滿分之餘，心靈都覺得好滿足，大家你一塊我一塊好快手就ko咗成碟片皮鴨。另外仲叫咗水煮魚同雲吞雞，味道上就俾唔到驚喜，不過不失啦。總括黎講，卡比獸都幾滿意呢度嘅中菜。

2人飲茶, 點了以下食品。 差不多食完第一輪才點第二輪。 由於第一輪的食物不滯, 唔加嘢食會餓, 唔想浪費金錢係呢間酒樓, 決定只點一個銀絲卷。 食後感:蝦餃_蝦肉硬硬實實的小籠包_湯汁不香, 入口感覺肥膩椒鹽九肚魚_炸粉厚, 過盛油, 魚肉極薄, 有部份只得塊魚皮灼菜心_這麼簡單的灼菜, 想唔到。。。條條俾油包住, 用水沖完都係咁銀絲卷_根本是饅頭 ! 跟著黑衫的員工反映, 想不到她無耐過來說已跟廚房溝通, 表示可送糖水補償。 出嚟食飯唔係想要免費糖水, 反正對該酒樓出品完全沒有期望, 係想食餐正常嘅飯。 兩個人 $297 食如此難食的東西, 很浪費啊！

同朋友旺角相遇 提議食水煮魚 左諗右諗決定試下旺角既北京樓 我地總共4人 點咗4樣野 分別有水煮魚 雲吞雞 蟹粉小籠包同片皮鴨上菜速度都幾快 10分鐘到已經上咗水煮魚賣相唔錯 但味道就失望 辣味唔太夠 而且只辣不香魚數量十分之少 只有6 7件 每人兩件都無入面既粉反而唔錯 之後到雲吞雞 雲吞比相象中好食 個餡好香但件雞就比較普通 湯亦只有火腿既鹹味 小籠包最令人失望 全部穿哂 所有湯汁都留在桌布上....最好食既係片皮鴨 鴨肉香而唔韌 鴨皮脆 配料新鮮 而塊皮亦夠簿 唔易爛 份量亦好夠總括 個人認為味道可以 但不值呢個價 除片皮鴨外 份量亦偏少！

一心去幫襯片皮鴨，全家2大2細同阿媽一行5人，星期日晚。叫了茶，茶壺一到，就連加兩小碟前菜，青瓜木耳之類，記住，係連「加」，吾係「送」，仲要係當正你一定會要，問都吾問你，又吾會講幾錢既。所以如果吾要，可以叫waiter 攞走，食左，就成為$28蚊x2, 58蚊，加埋一即係64蚊。點好啦，點了五個菜，其中包括一隻片皮鴨。點好菜吾夠3分鐘，即先上鴨碎肉一碟連生菜，但隻燒鴨未出場㗎，點解有鴨肉碎呢? 留比大家諗啦！好啦，等到主角出場啦，一細碟，得20多片，吓! 點解一隻得咁少呢？我地望下waiter 點切啦，因為切鴨姐姐就企係我地枱隔離位，所以睇得好清楚，一隻隻啲鴨推哂出嚟，姐姐切左20幾片，見到肶位重巧多肶肉，但姐姐巳停手，送去食客枱。之後一隻隻切完既鴨身(仲好鬼多鴨肉)就推哂入廚房。我地忍吾住搵waiter問，點解吾比番啲鴨骨我地，她有啲驚吾答，搵左個黑衫女waiter, 可能係高級啲，黑衫女答，果個要叫一食先得。我問點解餐牌無一食揀，你地又吾問客人要一食定二食。佢答，一食二食都同價，所以餐牌寫二食，巳概括左一食! 吓! 兩樣完全吾同既食法，餐牌show二食，當食客知道可以另外揀一食，因

要3:00 last order 1:20入座又唔講2:20突然衝埋來講有冇野加。2:30遞埋黑套來問可否先俾錢。好過份其實係咪可以入座就同客講？附送又燶又扁鯪魚球😣好失望，第一次來，個人不會再幫襯👎🏻

一行七人今天又來到MOKO新世紀廣場5樓的北京樓午膳。十二時抵達已見店內坐滿食客，幸好我們預中已頂好了枱。～鮮肉香煎鍋貼$38外皮煙韌，餡料豐富，味道適中。～香煎蘿蔔糕$30煎得微焦，味道不會過鹹。～豉油皇煎腸粉$30腸粉沾了油和老抽來煎，吃時不需要沾其他醬料了。～京式叉燒包$28賣相似小菜肉飽，餡料的叉燒和汁惹味。～鮑汁雞腳$53雞腳炆得淋淋的，非常入味。每一口都有骨膠原落肚。～無鍚小籠包$40一定要趁熱吃，內裏肉汁四溢。沾薑絲醋來吃，更加美味。～京准嫩雞麵 $55切絲清菜爽口，雞肉嫩滑，幼麵掛了清雞湯味，非常入味。雪菜肉絲炒粉皮$88雪菜和肉絲同樣惹味，配上清清淡淡的粉皮是最好不過。～潮州欖菜肉碎炒飯$88欖菜鹹味重，配白飯來炒是最好不過。肉碎亦入味，令炒飯豐富起來。～高力豆沙香蕉$36久違了的高力豆沙脹卜卜，雪白的蛋白有彈力，餡料的豆沙是甜甜的，再配香蕉增添甜度和變得清新。～千層咖啡糕$28一層一層的咖啡糕賣相不俗，有一種滑滑的感覺。吃起來咖啡味濃，確是飯後的一個好一個好選擇。