勝香園

營業中

休息中

#勝香園 相信是香港老字號的街邊茶檔，無論平日還是假日，客流不絕。不過，個人覺得，炎熱夏天還未來臨前，是光顧的最好時機。星期六上午差不多十時，幸運尚有一張吉枱，點了這裡必吃的#蕃茄湯鮮牛肉公仔麵 ，#熱奶茶 ，還有大推必吃的#檸蜜脆脆 。等待不久便先上奶茶，這裡用的是黑白淡奶，奶與茶比例剛剛好，茶香不會被奶蓋過，坊間真的很難找到一杯好喝的奶茶。而#蕃茄湯鮮牛肉公仔麵，鮮牛肉不會太乾或太淋身，選是正常的，蕃茄湯雖然不是超濃厚哪款，但有滿滿真蕃茄肉於湯內，公仔麵吸收了蕃茄湯的汁，酸味味的，不自覺地就會邪惡地吃完一大碗🫣。重點來了，就是香脆的#檸蜜脆脆 豬仔包，平時很少會點豬仔包的我，來到這家茶檔，的確是一試愛上，每次都會點，吃過就會明白🫠結帳，兩人兩碗公仔麵，兩杯茶，一份檸蜜脆脆盛惠$120。 中上環區，不只是吃風味而同時吃味道的懷舊茶檔。

𓐐.•*¨ 閒逛大館後 繼續遊走中上環的橫街窄巷中想起附近的蕃茄麵 剛好又無人排隊心想也該有一兩年沒食了 不如抽個時間ᴛᴇᴀ ᴛɪᴍᴇ 順便也當是懷愐吧( ˘͈ ᵕ ˘͈ )蕃茄湯底幾鮮甜 滿滿的茄蓉牛肉是滑滑的那種 不老也不韌同伴點的火腿蛋麵也是正常發揮安慰一下五臟廟後 又到其他咖啡室探店去𖠚ᐝ𓇠𖤥 勝香園 中環美輪街2號排檔༶ 蕃茄鮮牛肉蛋通粉₃₆༶ 蕃茄火腿蛋麵₃₆𓇠

話說好耐之前未有疫情時 同人好有興緻出城去鼎鼎大名嘅勝香園食過靚早餐 再去行山仔🤣點知年少無知嘅我地真係太天真 當時仲係大家擁擠地坐埋一張又張嘅長枱 個個都好似熟客仔咁見位就sip 我地呢啲明顯外行嘅就企係啲就黎食完嘅人附近捕住😂但咁到體驗到人間有愛🥰當時香港人好齊心咁夾住大家各自有幾多位 互助互利 呢個都係我多年黎仲記得食勝香園到咁回憶深刻嘅原因。。。🦔👉奶油脆豬 $21實在太多款脆豬多士😂又有混醬唔混醬 加唔加咖央咁 最後都唔知係咪點咗呢款 但有加煉奶就是幸福的🤩烤得咁脆 牛油塗得好平均 成塊咁食唔係罪惡感嘅問題 因為好夠好食!!。。。🦔👉牛油檸檬汁蜜糖脆脆 $21呢個大推!!! 脆豬點幾多個都得 但呢個就一定要點😎好特別咁有吊味嘅檸檬汁 所以加埋蜜糖汁咁食都唔會太漏🤭呢個脆豬second attempt絕對很夠worthy。。。🦔👉蕃茄碎牛炒蛋 $33黎到呢度重點其實要食蕃茄湯粉😂就咁蕃茄湯都有成份A4 size一開二嘅menu揀 即使同朋友揀咗類似嘅餸 但味道其實差唔多🤣係視乎你想食幾多款料 我就咁碎牛蛋已經好滿足 就唔另加滑牛了 雖然話係碎牛炒蛋 但其實都係煎蛋咁上啦🤪浸係湯

老人家好鍾意講一句「呢間嘢好食、但係以前好食啲」勝香園，細細個都已經去，幫襯左20年，真係以前好食啲。點解 ： 我最懷念以前嗰個紅腸，佢個紅腸並不是普通紅腸，唔係紅腸入邊再包左一條腸，「即是腸中腸，食完唔會變對穿祥」 （笑）靈魂番茄麵 ： 以前食完唔會口渴，今時今日可能加咗茄膏，變咗容易煮、客人唔使等太耐，這樣變相下降質素，魚與熊掌，明既有一樣嘢佢哋作風多年不變，就係你叫任何檸底，無論佢幾忙，都會細心地同你篤到爆🍋，真正做到「爆🍋」境界如果唔使排隊，係好值得食㗎，但係如果排隊排到好似輪街症咁，咁就可免則免，地方🈶️Feel , 仲有其他地方都有feel 㗎

又到中環Lunch 時間，去左呢間野試下。去之前睇過評價，叫左圖片果d 野食，茄牛通都好食，主要個湯不錯，牛就好普通。脆脆要即刻食，食食下已經開始淋，比想像中普通，係好脆既，但可能醬汁唔夠，一個人食晒，覺得有d 損，個口腔。最好既真係杯奶茶，香滑唔gip, 全部盛為七十蚊，價錢都合理。不過不失，如果要排隊唔會諗囉。

當日同朋友係附近book 咗酒店satycationcheck in完之後就去搵野食咁岩見到呢間都有人氣嘅勝香園蕃茄豬扒雞翼麵超水準嘅蕃茄湯底整碗麵要滿滿一粒粒蕃茄食公仔麵麵可以好健康又好味❤️不過豬扒同雞翼比較林 就冇咁香<咖央多士>正 好香脆充滿馬拉風味🤙🏽勝香園 (中環)中環美輪街2號排檔

叫咗兩個麵、一個檸蜜脆脆、一杯凍奶茶。麵嘅湯同番茄醬完全分離，擺明係將啲嘢倒埋同一個碗就算，撈勻都費事。杯嘢飲又落錯單，凍奶茶走甜變走冰。廿幾蚊個麵無謂計較，都無叫佢換過杯奶茶，但已經肯定間嘢唔值得排咁耐隊。到食曬兩個麵，檸蜜脆脆都未嚟。因為擔心漏單，就同阿姐講聲個檸蜜脆脆未到，點知句嘢都未講完，阿姐就態度惡劣打斷問題，話要時間整唔好催。過咗一陣檸蜜脆脆嚟到，阿姐仲要好寸咁加多句︰「拿而家咪嚟咗囉！催乜嘢丫！」其實係見佢有前科落錯杯奶茶先擔心再有錯漏，而食完兩個麵都未到亦確實有啲耐，自問問得有禮貌，但阿姐就句句咄埋嚟，臨尾仲要攞多身彩，嗌到其他食客都聽到佢話我哋。其實簡單答一句「等多陣」係咪好難？一肚氣走，以後唔會再嚟。見到呢度啲負評全部都係話阿姐態度差，睇嚟間嘢都慣咗對客咁差，無得救。

/ 勝香園舊式茶檔風味嘅鐵皮大排檔，馳名蕃茄通🥫無遊客下嘅香港, 勝香園終於可以唔使排隊排到身水身汗先食到啦🥹 呢到主打蕃茄通同脆豬, 一場嚟到當然要試吓😋1️⃣ 奶油脆脆 $21 (多醬 +$1)一上到枱仲係好脆好熱, 咬落去個下chop一聲, 好似食緊一塊巨型香脆餅乾咁, 好鬆脆😮 配埋練奶簡直無得輸🧈2️⃣ 蕃茄碎牛肉炒蛋腸通 $363️⃣ 蕃茄豬扒腸蛋 $39蕃茄湯底好濃郁, 食得出加左好多茄膏, 味道偏酸, 如果可以甜啲啲平衡返會更好食🥫豬扒食得出腌咗好耐, 偏淋, 個人覺得無特別碎牛肉炒蛋似平時嘅咸牛肉炒蛋, 都幾好食4️⃣凍奶茶 $15奶茶係用絲襪奶茶方式去沖, 飲落夠凍, 香滑有奶香味, 比平時茶餐廳嘅奶茶更濃奶味, 合我心水👌🏻整體來講我覺得呢到食嘅係一份人情味, 店員都有講有笑會閒談幾句, 而且物價廉美, 但係始終環境簡陋, 衛生方面都一般般, 天氣熱嘅時候食都幾辛苦😂 所以隔一段時間食下就夠啦🤣Food: 😋😋😋(3/5)Price:💰💰💰💰(3/5) $60/pplService: 🤵🏻‍♀️🤵🏻‍♀️🤵🏻‍♀️🤵🏻‍♀️(4/5)📍 勝香園 (中環)中環美輪街2號排檔

✅舊式港味大排檔 勝香園唔知有無人同我一樣好鍾意食番茄湯粉呢一直聽聞勝香園番茄湯必食🤣係上星期就去長洲前 到上環食左豐富早餐 小店環境比較簡陋 無冷氣亦沒有舒適坐位 但正正適合而家涼涼地既天氣去呀值得一讚係 呢度既店員姐姐人情味十足 而且服務好好 唔會黑面不耐煩好似屋企人關心你既感覺🧈牛油檸檬汁蜜糖脆豬$22超級好食! 檸檬汁同蜜糖味道好夾 酸酸甜甜 好開胃即叫即整 烘得非常脆口 口感似食梗一塊超厚威化餅呢度既脆豬我認為係全港最好食 難以想像的美味🥰🍅蕃茄火腿餐肉通心粉$38 🐖蕃茄豬扒腸蛋通心粉 $41～蕃茄湯底濃郁 但感覺係加左好多茄膏 比較酸 味道正常無特別～餐肉無煎過好淋 完全薄切 就係餐肉本身既味道 ～豬扒醃過龍 太淋太咸 無左豬扒應有既口感 不推薦但通心粉份量不少 呢個價錢無投訴啦🤪只係無其他食評甘驚艷既感覺另外佢既奶茶都好好味 無苦澀味 少甜good good勝香園📍中環美輪街2號 (上環A2出口 步行約10分鐘)

勝香園在中環美輪街2號排檔（係正九記牛腩對面）我記得第一次惠顧，雖然知道好有名但感覺比較舊式，現在已較少這樣的食店好有一種兒時食大排檔的感覺，未必人人都坐得習慣但就帶比我一種親切的感覺。奶茶沁人心脾，其味無窮，端起桌上的奶茶，輕輕地喝上一口，緩緩地滑過舌尖，漫過喉嚨，直達心底，就有如一股暖流浸入，幸福的那種感覺，真是太甜蜜了，那甜甜的味道總能讓我的心飄起來，一瞬間就柔軟到最深處！評分:外賣係無糖比你，你要走甜、少甜記得落單時講清楚三種甜度少甜最適合我除左奶茶哩度仲有個馳名脆脆都好好味首選最好味係牛油檸檬汁蜜糖脆脆，烘得嬌黃酥脆，噴鼻子香（預等時間會耐少少，試過就好值得）評分:然後奶油咖央脆脆、混醬脆脆同奶油脆脆另一款我常食既係通粉蕃茄豬扒通係首選，豬扒入味有咬口，茄湯都幾好，同一定好夠熱，我每次都食都過晒鐘蕃茄雞扒通，雞扒都ok 肉都係彈但無豬扒咁入味蕃茄牛肉通，牛肉肉質都還可以但無特別評分:後記:除左食物外，細心體貼既姐姐係勝香園的一個賣點，我年紀都唔細XD，到拎外賣時總會千叮萬囑，好有婆婆嫲嫲關懷之愛既感覺❤️

勝香園好老字號了，應該無咩人唔識。環境未必坐得好舒服，附近仲有時有d白鴿飛過添，但始終是香港特色既大排檔，而且食物好食，絕對值得來訪。呢度成日話出名茄牛通同檸蜜脆脆。個人覺得，檸蜜脆脆係絕對無容置疑架喇!必必必試! 其他奶油脆豬/咖央脆豬其他地方都有，唯獨呢度既檸蜜脆脆應該係全港唯一!而且檸檬汁既酸同蜜糖既甜恰到好處，成塊包都塗得滿滿的，而且就算放涼左都仲好脆，好好味!但茄通呢，我就覺得佢既蕃茄豬扒通其實比蕃茄鮮牛通更值得試!!鮮牛，咪鮮牛既味囉，好睇食材本身，無咩特別吧。但豬扒佢呢度係軟腍入味，更顯料理既水平。所以比起茄牛通，個人覺得蕃茄豬扒通更值得食呀！大家唔好淨係食茄牛通啦(貧血者例外)，要試埋蕃茄豬扒通呀！另外佢既奶茶都好正!茶香奶滑，一d苦澀味都無。如果堂食，糖要自己落。如果外賣呢，佢唔會有另外一包包細既俾你，佢會幫你落埋糖，調好味俾你。飲過咁多次，佢既少甜係最好飲既!另外一讚佢呢度d姐姐侍應，拎個外賣會叫你小心d呀咁，係溫暖既關懷，好似屋企老人家關心你既感覺。呢d咪人情味囉。第度食唔到。

味道依然，不過最近一次嚟食，啲白鴿不斷喺帳篷內低飛，飛過好多客人嘅麵同麵包上面，衛生問題有少少令人擔憂.......雖然食大排檔就預咗環境情況比較難控制，白鴿亦無罪，但係如果情況惡化落去，真係有機會會食到肚痛，又或者染上其他疾病。.建議餐廳可以係白鴿聚集嘅梯級旁邊圍少少板之類，嘗試下解決呢個衛生問題。

天氣開始轉涼，可以黎一試啦。雖然好多人排隊，但好彩等位嘅時間都唔算長～🧙‍♀️ 🔴 蕃茄鮮牛肉通粉（$33）👉 🍅蕃茄湯底濃郁，好多茄蓉，好蕃茄味好好味🍅🍅👉 🍜通粉正常，唔會係好軟腍腍👉 🍖牛肉嫩滑，彈牙，唔會過老， 完全唔靭 🔴 腿蛋治（$22）👉 正正常常嘅三文治😂，叫完先醒起唔記得烘底😆 🔴 牛油檸檬汁蜜糖脆脆（$21）👉 即叫即整，外層非常脆口 ，會食到成枱脆脆碎🤣👉 🍋檸檬味突出，有滿滿嘅蜜糖🍯👉 酸酸甜甜，開胃，正呀！👍🏻 🔴 凍鹹檸七（$21）👉 特別嘅係呢度好好咁會幫手篤爛曬啲檸檬😄

呢間中環老店，最出名係食脆豬。今次叫咗檸蜜脆脆。一貫的好味，檸檬味出，包身好脆，冇咩邊到食到。蕃茄麵就有d失色，蕃茄係普通罐頭開出黎，冇咩味。叫咗牛肉亦麵冇咩味同煮得太熟。所以黎食就主要叫脆豬就可以。

勝香園係出名排隊店，以前有自由行時真係排隊排到顛，根本無可能食到，而家無咗遊客，反而變番本地客排，但條人龍是可以接受的，所以就再衝一下。雖然好耐無食，但食物都是指定果幾款：🔸蕃茄牛肉雞蛋餐肉通粉基本上蕃茄牛是鐵膽，其餘就按個人喜歡加減，少咗遊客，除咗條人龍短咗，連個蕃茄湯都返番黎，變得濃郁，有番蕃茄啲鮮味，以前真係蕃茄&湯。🔸脆脆必點的還有脆脆，即焗脆豬仔包加醬，醬亦可按個人喜好，必叫既就係檸檬蜜糖脆脆，酸酸甜甜，係幾好味。🔸咸檸七另外必點係咸檸七，其實特別之處係舊咸檸已預先幫你篤爛，所以好入味，都係我必點之一。