勝香園

營業中

休息中

29th january, 2011又到勝香園吃早餐，二人叫兩杯兩件，其中一個當然是叫油檸蜜脆脆加熱鴛鴦。另一個呢，媽想吃脆脆，但吃豬扒蛋脆脆又太過份了，就要了個看來應該好吃的芝士蛋脆脆。芝蛋脆先到：用的是普通的片裝三文治芝士，沒有溶的感覺，應該是烘完豬仔飽一會才將它夾進去，所以未能將它熱至半溶，令人失望呢。煎蛋則太熟了，有點老和硬。加上向來烘得乾脆的豬仔飽，整件事有點太硬和太乾。檸蜜脆是一向的又香又酸又甜，不過不太夠熱，是因為人客太多的關係？熱鴛鴦則濃，但不太夠香和厚滑，不過在勝香園，飲品從來都不是主角。因為吃了一個太乾太硬的芝蛋脆，而帶點失落感地離開勝香園，我下次還是點甜脆脆又或者是有蕃茄，或者沙律醬，又或者牛油的咸脆脆比較好。

去到勝香園....嘩, 條人龍好長叫左碗茄牛通, 檸蜜脆脆, 凍奶茶!!茄牛通 佢地d碗比一般茶餐廳的碗大, 我覺得足夠2個人食!!(唔係咁大食果d), 蕃茄味濃, Good!檸蜜脆脆 呢個真係等左好耐, 起碼25分鐘 , 但又無想像中好食, 只是一個豬仔麭+檸蜜汁!!奶茶 都ok!

去開上環，慕名而來到勝香園。排檔環境較窄，而且檯面都有點污漕。勝在有美味茄通。我地叫左茄餐蛋通，茄牛麵，奶油脆脆。無論跟咩配料都冇所謂，因為好食既只係佢既濃茄湯底。奶油脆脆，即係奶油豬。脆卜卜，好味！下次想試下檸蜜脆脆。

CHCHOCHOCHOCO之第8篇食評短短ge sem break入面,,,為左輕鬆下,,所以同男朋友一齊請假唔番工,,去左港島一日遊第一站就去左中環...行行行行行...行左好耐先搵到呢間大排檔,因為我同男朋友都唔太識路,,而且個度又唔近地鐵站,,所以真係搵左好耐@.@好彩最後尾都搵到XD先黎睇睇門面:因為去到都差唔多2點..所以人都比較多,要自己搵位等位,但都係等左5mins就有位,算幾快!!!坐低,d阿姨都好好人,,問佢拎餐牌佢又會笑笑口勁快拎過黎!唔會點催落單我同男朋友就叫左一個檸蜜脆脆($8),一個蕃茄餐肉腸蛋面($25),一個蕃茄碎牛炒蛋面($25)野食叫左無耐就黎,熱辣辣上台 其實我本身對蕃茄真係無乜好感,,平日食漢堡包都會走蕃茄!但今次呢個用蕃茄做湯底ge公仔面真係好好味~!!!唔會話好酸而且真係可以搵到蕃茄肉,,,好肯定真係用原個蕃茄整的~!餐肉亦都好厚,GOOD!!!檸蜜脆脆亦要一讚GE!其實本身無諗住叫ge,,,係男朋友話見到OPENRICE好多人讚,所以就叫1份一齊食~!點知,真係勁好味!!!!!!又有酸酸GE感覺,又有甜甜的蜜糖味 我諗真係好難再晌其他地方

我去個時 竟然唔多人 仲有位坐 香港啲的士佬都無唔知美倫街wor 同媽媽一齊去嘅鮮茄牛肉通粉 媽子話幾好味 湯好濃好入味 牛肉都好嫩 份量好足奶醬多呢個好正!我好鍾意!奶味夠足!檸蜜脆脆我真係覺得麻麻lor,無關檸蜜事,檸蜜酸酸甜甜幾好,我淨係覺得啲麵包脆過頭.好硬.. 因為我廣東話唔係gum好,我覺得ar姐特別照顧我wor...同我解釋好多最尾走果時 因為我叫嘅凍檸檳未飲完 ar姐專戥過黎問我係未唔好飲..wa,幾warm wor~XD竟然唔記得影相...anyway,ok wor 抵食 下次會再去過

來了好幾次，今日下午2:30後終於人少，食中午個批碌遂散去！但亦好多人同我一樣係呢個時機黎食！基本上一有人走就有新客補上，我以為中年勞動客為主，反而係年青及中環上班一族啊！ 又係都冇睇餐牌同價錢！ 即call亞姐要茄牛蛋公仔麵、奶油豬、熱奶茶， 亞姐都好忙，但好客氣．等緊野食，望向廚房 ，拍番張先！ 大概等咗6-7分鍾先送到碗茄牛蛋公仔麵，大大碗，望落都好滿足！好肚餓，牛肉好多！味好滑又鬆軟，因為肉味能保留，相信唔係用粉奄鬆的．番茄碎相信亦好認真去皮同攪碎，好夾d牛肉味！好彩撰了公仔麵，見同檯叫通粉都食剩好多！麵質好正！應是用上等一丁麵類似！如果唔係有杯奶茶會成碗湯都飲哂咯！ 冇幾耐杯奶茶又到！my favour tea 加糖即飲一談.....唔....都同『蘇記』香滑差不多，即上即到！茶香直到胃~~~又係好滿足！當時我想，如此簡單易制食品，祗要用心認真，那用一定要是山珍海味、用上好幾天烹煮才令人滿足呀！那怕是一份虛榮心作怪吧！ 再過一陣個奶油豬仔包都到！都好趣好味，不是太特別！反而不及『蘭香園』鬆軟！一口氣食哂... 好飽足啊！.........找數 $42！抵食合理！再總結是

很出名的茄牛通但係, 點解,,,有牛冇茄....一一"不過蓄茄湯好濃, 令人回味!牛肉, 份量不多不少, 但勝在夠淋, 夠肉味 奶油脆脆其實, 我覺得只係一塊圓形厚多士. 冇乜特別, 不過不失吧.

今日既早餐去左好多人去排隊既蕃茄麵, 佢地服務好好,認得你會同你傾計,好親切-蕃茄腸仔餐肉麵,用左鮮蕃茄+蕃茄醬弄出來.不會太酸可中和味道-雙腿麥包三文治, 一片火腿滿足唔到我. 我鐘意兩片,佢會煎一煎火腿唔會令到冷冰冰- 今日好凍,點了個茶走. 當日早上還見paco 係隔離枱食蕃茄麵.-今年頭.加上硬頂,感覺很好

同朋友去到勝香園，已經見到好多人食緊同埋等緊位，本身諗住等阿姐帶位點知原來係自己搵＝＝坐低睇左陣張餐牌就叫左個鮮茄牛肉通粉，等左１０分鐘度喇就有得食Ｄ牛肉好滑好好食，但好碎－　－至於個湯雖然講唔上好濃蓄茄味，仲要都幾浠，但都幾好味同埋個份量其實都幾多至於個朋友因為唔想蕃茄，諗住叫淨係咁叫煎蛋腸仔牛肉公仔面，點知阿姐講話唔要蕃茄最快要等３０分鐘－　－咁所以就改叫左豬排蛋脆脆入面Ｄ蛋係介乎熟同未熟之間，感覺好滑而且成個包係脆身朋友對呢個包有好高既評價雖然等位時間係長左Ｄ，同埋因為太多人要好快食完之後讓位比人，但係值得一去。

勝香園和九記牛腩一直是中環名店,星期六時人龍可媲美LV,Gucci和Prada等.久仰大名,終於找到一個平日與一班食友拜會.雖說是在中環,但實際比較近上環站.十一時多到達,已有不少人站著等位,不少還是西裝骨骨的上班族,幸好還不至出現排隊人龍.小小的廚房只有寥寥數個人在工作,效率十分高,等了不久也有位了.這裡工作的阿姐雖然說話大聲但仍是很有禮貌,別看她們年紀不輕,記性可好得很,哪張檯欠多少餐具,哪張檯有什麼人坐都記得一清二楚.而且還十分主動,知道我們會share食物,不待我們作聲便送上額外的餐具.率先上檯的是凍奶茶,茶味濃但剛好不會有苦澀味.奶味也不弱,不會給比下去.兩者合拍,入口順滑,糖和冰粒的份量也是剛好,不會有冰粒熔掉而沖淡奶茶的情況發展.絕對是一杯出色之作.蕃茄牛肉煎蛋通粉,很足料大大的碗通粉,新鮮蕃茄粒和牛肉都多,上面一隻荷包蛋蕩漾著,誘人.如果要公仔麵,茄蓉還會下得更多.湯底看似濃郁,可是味卻淡,蕃茄味不夠,只有淡淡青腥味,誠意當然比美心大快活等的茄膏混水多,但未能稱得上好吃.通粉沒過份淋但牛肉卻過淋,淋得沒有了要細嚼肉質的樂趣,幸而牛肉鮮味足,挽回了些分數.弄穿荷包蛋把蛋漿

好的餐廳有好評是正常事。但因為過份吹捧，令到有太多人去食，食店之顧應付需求而沒有兼顧或維持食物質素，卻未必是件好事。早上十一點半，大排檔已經座無虛席，每張臺都有人等，當然食得不自在；食客來源廣泛，有西裝佬，街坊，以至趁假期慕名而來的飲食愛好者，可見大排檔名氣十足！其實還是第一次感受到街邊大排檔的風味。只可惜碗碟附送少許黑色污物。衛生扣了不少分數。服務方面從略，始終要求不能太高。先來的是凍奶茶。茶味，奶味皆濃，落料份量絕不吝嗇，是水準之作。看到旁邊放了黑白淡奶，難怪質素有保證！再來的是番茄豬扒雞翼腸仔通粉和番茄牛肉餐蛋通粉。最不明白是為何番茄湯會得到如此好評？顏色雖紅但沒有番茄味，反而食到來歷不明的酸味，非常怪。（用了白醋？）豬扒硬且份量少；幸好雞翼入味且煎得好，爭取了些少分數。咖央多士。雖然方包平平無奇，但焗好了味道也不錯。咖央醬濃但下得太薄，要仔細食才感受到淡淡椰香。至於檸蜜脆脆，見到廚房把焦的部分刮下，去苦味和更健康，值得加分。可惜太酸且沒有檸檬味，非常失色！朋友把脆脆撒上砂糖，才比較容易入口。除了番茄通粉，其他食物價錢皆相宜，但味道不值得專程一試，除非你是奶茶迷。

今日唔想再食樓下「美xMX」雙送飯，於是走遠d，睇下中、上環個頭有d乜野好野食先~由愛丁堡廣場出發，邊走邊看，不知不覺，走到去「蓮x樓」。其實都有入過去「」下，但裡面一到中午就好似打仗咁! 壓迫感實在太強! 做攝石人都攝唔入~之後又行下睇下，竟然又去翻上次食「九x」個條街，心諗:「咁次都係整定要試"蕃茄麵"架喇~!」終於，我決定今個午餐要食「勝香園」既「蕃茄牛麵」(成一點搭五個半字喇~再唔食真係唔洗食架喇~)企左一陣，阿姐問我係咪一個人，我話:「係阿~一個人~」阿姐主動幫我攝到個外圍位，等都唔洗等。坐低，叫野食，見有個妹妹叫鹹檸七，我又跟風叫一杯; 想試「蕃茄牛肉麵」，又掛住「五香肉丁」，索性叫「蕃茄牛肉五香肉丁麵」。佢地既「鹹檸七」真係真材實料! 鹹檸成份勁多，上檯前已成「鹹檸蓉」加多兩片檸檬，便於與「雪碧」攪混; 第一啖真係勁鹹! 正到爆!「鹹檸七」好快就到左，但個「蕃茄牛肉五香肉丁麵」等左十分鐘都仲未黎~(見住隔離左右d麵呀、通粉呀都到晒，我個都未到，都有d心急架~!)終於，係第十五分鐘，我個麵到左喇~個麵一黎到，一睇個麵就覺得，個麵好有層次: 個頂係「五香肉丁」; 第二層就係

同學仔話之前食過好食~見又幾近學校就去試下啦~點知........地理位置真係唔係幾方便......搵左好耐...由好肚餓搵到唔肚餓.....而嗰日係閒日，但搵到間野(嗰時係3點幾)，都依然咁多人等! HK人真得閒~等左一陣~observe到呢度真係好忙~阿姐做唔停手~黎到當然要試下最出名的檸蜜脆脆~仲特別要豬仔包~我仲叫左茄雞翼麵~同學就叫了茄牛炒蛋碎牛麵~好多茄糕ar~都OK好味~雞翼冇咩特別~同學的炒蛋碎牛好好好味~好特別~下次一定要食~不過呢度以大排檔黎講都唔算平......無計~只因太出名~

今朝既平安夜,同個巴打10:00AM度路經此地就坐低左,可能係早上非繁忙時間唔駛等位本人非什麼食神級只係普通隨波逐流既香港人,見有5百幾個讚,一場黎到當然就要試下啦,坐低叫左個旦牛茄面,凍央,老友就叫XX茄牛通(咩加咩唔記得)&茶走,我講我既睇法而已,老友果份我唔知,第一碗面真係大碗既,不過面就太淋,個人喜好我就唔太喜歡無晒咬口,番茄係多但有點酸&腥,加點糖&薑應該會好D,牛肉係新鮮野係要讚既,基本上碗面連阿婆無牙都岩食,因為樣樣都淋,至於杯野飲凍央,連一般既茶檔都比不上窩,作為一個茶檔,應該攪好些少杯茶,唔駛個個凍冷冷都要飲咸檸七會好D,30幾蚊個早餐都真係幾富貴下,食過唔會番兜,而且員工惡過鬼,對面小姐一碗面兩個人食,問阿姐拎個碗都比佢鬧返餐,真係比錢仲要受氣,本人面皮薄唔想受人氣所以更加唔會番兜,報告完畢

12月24日男朋友仔帶我去食好野...去到唔係好熟既中上環都搵左一段時間先搵倒...以為唔洗排隊...仲諗住自己搵位坐低..點知另一邊有人好有秩序咁排隊..幾好!!!一坐低就睇中蕃茄鮮牛肉麵...跟住諗諗下又想加隻蛋...睇埋MENU後面..就決定了要叫蕃茄碎牛肉炒蛋鮮牛肉麵(好長既名呀-0-)可惜當時已經係4點幾...無晒麵..只有米粉..其實米粉仲襯蕃茄味既食物...之後仲叫左不可不試既咸檸七呀!!! 咸檸好夠味..所以飲完唔夠喉可以叫多支七喜汽水加落去繼續飲...^.^... $28蕃茄味夠濃夠酸...哇...碎牛肉炒蛋真係超爆好味呀! ! ! ! !下次必叫!! $12好好飲呀!!!