勝香園

營業中

休息中

排左約20分鐘，結果好失望！唔通出左名，食味品質及味道就有所改變？以前不是真的好食好多架😔個湯底，完全是罐頭+茄膏味，由於米線賣晒，得公仔麵，拼蕃茄湯底，味道怪怪的😖D豬扒好薄好薄仲有D梅杯咸檸七就幾好，真的好咸又酸！正仲有個普通的混醬多，普通！$100

每次想食烘得脆的多士,我總是想起中環的勝香園,雖然勝香園是香港一間很舊式的大牌檔,但是人流好像滔滔江水連綿不絕咁湧埋嚟.勝香園除了多士烘得香脆之外,奶茶同樣都是沖得不錯.今次我去到勝香園食早餐,我主要叫了一個果占多士和檸蜜脆脆.這個果占多士不但烘得表面均勻,而且多士表面均勻地沾上了果占醬.多士烘得很脆,配上果占醬,效果相當不錯.檸蜜脆脆是用豬仔包,經過幾次不停地烘焙後,把豬仔包烘得內外爽脆.廚師配上適量的檸檬汁和蜜糖,塗上在香脆的豬仔包表面上. 這個檸蜜脆脆不但爽脆,而且酸酸甜甜的檸蜜味道,讓人一試傾心.勝香園的奶茶沖得相當好飲,茶味非常清晰,水滾茶靚.這個10元一杯的熱奶茶,絕對稱得上是價廉物美.超值!

MsV好不容易先出城，橫豎都過海MsV先生特登帶我黎懷舊一下。假日的下午茶時間，幸好人龍只排到接近街尾一半，輪候時間只大約20分鐘比想象中快。實在太好了！排到隊頭見到各檯都差不多“清一式”，為食既我不用看餐牌都知叫咩食啦！這就是所說的“清一式”，老實的說這樣的排位看上去很cute真係好多想像空間，大家覺得佢似既野都唔同，哈哈有趣有脆，真係有10個脆架！MsV先生覺得口味怪怪地，反而我認為清新得黎又帶d甜。第二款既清一式，第一樣上檯既其實係一碗麵，但MsV先生肚子捱不住，毫不客氣地大口大口吃掉了。所以冇相睇！麵的豬扒較遜色。以下柯打是最基本的混醬，雖說是基本，也許這就是最難的基本功，要烘唔燶仲外脆內軟，上到檯還熱辣辣的。熱爆的環境，加上舊式排檔，買小見少，這些都給我找回不少當年情。

有時候真的不知政府在想什麼？明明社會上有很多本土文化可以利用，但偏偏用不同方法去扼殺他。遠的不說，往日大笪地充滿本土色彩，人頭湧湧，結果改成車站，富有特色的大牌檔亦日漸消失，當年民園麵家就是好例子，所以每當走過水記、盛記附近，都希望不要給地產霸權逼走。中環勝香園未給傳媒吹捧前，尚可以不用等位，但到今日，基本上每次最少要等十至十五分鐘。天氣熱得令人發慌，麵未到就先來凍檸樂，一杯冰,一枝汽水，透心涼的，真爽；蕃茄午餐肉牛肉麵是個人喜好的食物，一大團蕃茄醬蓋在麵上，牛肉醃得不多，而午餐肉是大路食物，但在味道上又出奇地夾，雖然身水身汗，不過顧客都很享受，誰叫這就是文化。

熱唔係一個問題等到身水身汗唔係問題呀姐態度差都唔係一個問題最大嘅問題係真係唔好食囉我個公仔面係唔熟嘅 豬排係燶的個番茄湯底一食就知係Heinz 嘅罐頭長身茄溝水啦總括黎講我今日食左個熱水浸茄膏公仔面== 我都識煮啦

以前間直係勝香園既fans....蕃茄麵--d蕃茄絕不馬虎,真係熱辣辣好好味!!可以自由配搭,蛋,腸,餐肉,等等.....仲有而家香港少有既已篤咸檸7!!!真係充滿地道香港味道!!!!!檸檬脆脆,真係食到..脆脆聲咁...哈哈~彈到周圍都係!!真係好好味......雖然好簡單既包,但真係唔係到到可以整得咁好味~綜合黎講,檸檬脆脆+咸檸7真係一定要絕配!!一定要試~不過近呢幾次再去,人係好多....d阿姐..可能仲到好燥...真係呢幾次,都見到佢發火鬧人....我自己叫左佢一次,都比佢晦氣咁話" 得啦!!見到啦,"....結果...當然佢都唔記得返黎落單啦..同台大家見到d阿姐既火爆行為...互相對望...............不過同自己講,可能果日係咁o者.....其實平時去真係見到唔少係遊客,好幾次都見到日本人,韓國人,佢地見到姐姐態度,個反應係愕左然....唉...希望勝香園d姐姐...唔好再咁火喇....

前陣子到了中環，叫了一個檸蜜脆脆，這兒的招牌。 挺特別的，豬仔包烘到好脆，不過比我相象普通。另外叫了個jam營養麥多， 很有驚喜，麥包係厚切的，外脆內軟。 我會推介大家食營養麥多=)下次再黎會再食營養麥多配混醬同食茄牛麵

一間非常非常老的老字號，一向以蕃茄著名，是日又心思思想吃，剛好同事可以幫手買外賣，於是是日辦公室內茄香四溢！茄牛蛋通蕃茄一貫的鮮甜、濃香，牛肉一貫的滑嫩，可惜的是勝香園的蕃茄湯缺乏了新鮮蕃茄的清香，罐頭蕃茄的份量又增加了嗎？雖然如此，味道暫時還是不錯的。檸蜜脆脆一打開紙袋就聞到好香的檸檬和蜜糖味，而且包身鬆軟，烘得香脆，比起奶醬多士更加得我歡心。 

第三次食勝香園，食過好多間ＳＯ－ＣＡＬＬ番茄濃湯都唔及這一間。加上大排檔的舊式風味，已經少之又少了。黎過三次，都仲係唔識路去，行到身水身汗先到。不過大熱既天氣加上走黎走去既汗水後，飲上一杯咸檸七，感覺特別爽，咸酸甜在心中既感覺真係正。番茄牛既最出名的，多數人都會叫番茄牛通，但我試過一次後，就覺得濃湯配米粉先係絕。加上佢地既通粉，我個人覺得有點粉同淋。米粉上痴住啲濃湯（口雪口雪）聲咁食入口，好滿足既感覺就係咁簡單。牛肉都同以往冇咩分別，唔同嬲到好厲害。奶油脆脆成個都係脆的，脆到入心。但係我都係中意食外脆里面軟既多啲，但因為落既既練奶既關係，成個都係脆既話會冇咁甜同流口！所以ＯＫ　ＬＡ～

番左中環大半年~~~一路都好想食勝香園~但次次去到見到好多人都會停一停,諗一諗, 跟手走...最終掟起心肝lunch time 去!個日1點去到, 等左都5-10 mins~~~~好多人~~~坐低就即叫~ 因為一早已諗好~~我問我男友"唔會遲到ga 可"落單個位叔叔聽到就問我lunch time 食幾耐~又話叫厨房整快D.... 好warm   >"<野食黎到!!!9/10好正!!!! 食到鮮檸汁ge 味!!!如果佢多番少少檸汁我會俾10分 lol個包好夠脆!!!! 正! 8/10番茄味10足~~~個餸我叫左餐肉~~我連碗湯都飲晒...($2X)BTW.. 我男友叫左牛蛋通個湯會稀好多....如果愛番茄人士要注意啦!!!

數一數, 已有近三年沒來過這裡, 原因是我怕排長龍的關係, 如要避免此情況, 最好早上來才可. 是日由另一半提議, 出發到馬交前先來吃個午餐. 居住新界西的我, 十時多已出發去~從香港站行過來不遠, 看看手表只是11時半~沒有人龍又不用等位, 真好! 相對上次來, 現在座上客以遊客比例為多. 耳邊聽到不少多國語言, 然而店員阿姐以有限普通話/英文, 加上有禮笑容, 仍可溝通自如.真厲害!說回食物, 檸蜜脆脆仍是我的推介焦點~ 砌成米奇形的脆脆, 簡單又窩心~ 豬仔包烘至金黃, 塗上牛油, 蜜糖, 檸檬汁, 就這樣大眾化材料, 卻產生美味的化學作用~ 再來有混醬厚粗麥多: 其實餐牌上的包包/ 醬料都可以自行配搭, 例如:奶醬豬, 奶油提子麥多, 也有厚薄之分, 彈性極大. 我愛健康一點的, 又富口感的粗麥多. 是次選了鍊奶, 果占及花生醬組成之混醬, 味道夠多層次, 最重要是多士也非常鬆脆! 真是任何時候吃一份都可以呢~鹹食方面, 豬扒鮮茄蛋脆脆與甜多士同樣精彩! 即叫即做也得等上十來分鐘, 上枱時店方已把原個包一開為二, 豬扒肉質非常鬆軟, 且吃得出沒有什麼鬆肉粉味道, 加上煎蛋及蕃茄

因為要完成一份關於大牌檔的報告，所以找了好友跟我一起到大牌檔去作親身體驗。勝香園在中環和上環之間，無論在何下車到要走一段路，不過家人說從上環到那兒的路比較易走，於是我們便從上環站下車。尋找勝香園的過程頗為辛苦，幸好有路人幫忙，不然真的走十輩子也找不到她。以綠色帳篷和簡單鐵皮搭建而成的勝香園早就有很多打工一族和少部份遊客在進餐，位置滿了的關係，我們要等候約五分鐘才能坐下。人又多，又沒空調，有的只有大風扇，還有不斷的告訴自己「心靜自然涼」才真的涼了點。樓面的姨姨們都忙得沒空招呼你，所以態度也有點不好，可是絕不是那種不休做的態度，只是忙得沒心情那種而已。見他們那麼忙，我們也秒速點餐。本來想點一個很多醬在包面上的包，但姨姨建議我們點另一道，因為那款脆脆包更適合我們這些年輕少女。好吧，聽你的。因為太熱而且很渴，所以點了杯凍檸賓。冰的比例比較外面的下得多，加上天氣太熱，原本酸酸甜甜的凍檸賓很快就便淡了。我沒有試朋友的蕃茄牛肉公仔麵，但他說很好吃。據他所述，牛肉腍軟，蕃茄湯底清甜好喝。總括來說就碗麵很好吃。兩分鐘後，我的蕃茄火腿腸通粉到了。鮮紅色的，真是茄得很！可能是選了通心粉的關係，蕃茄湯底較公仔

那天在發出酷熱天氣的警告下，我還是選擇了在勝香園享用午餐，原因是我想吃一點酸酸的食物，雖然還是有一點熱，但眼見攤檔都開了幾把噴出霧氣的大風扇，其實也可以接受。店員也好友善，安排並示我坐到一個吹到風的位置。好喜歡吃這裡的茄牛通，番茄味重，酸酸甜甜的好開胃，牛肉亦好滑好冧。再加杯冰凍咸檸七，就可消消暑氣。如果你是怕熱人士，最好還是別在大熱天時去光顧，但如果你願意為了美食，想挑戰一下自己的耐性，那趕快去吧~!

五月二十八日 (星期二)不經不覺已踏入了夏天記得由三月開始，香港的雨總是下過不停有陽光的日子真是十隻手指也可數終於雨過天晴，頓時變成酷熱的夏天，行幾步也已經汗流浹背(特別是架架仔)是日，架架妹突然想吃茄牛通，架架仔只好聽從高達三十多度的中午，倆口子來到勝香園由九記那個方向行過勝香園，遠遠見不到人群聚集在這繁忙時間仍然有空位出現，是夏季勝香園的情況見到一個位於大風扇旁的兩個位置，想也不用想，就過去佔了 倆口子心有靈犀，選的配搭是一模一樣的是日的蕃茄湯底做得特別濃郁稠身酸酸甜甜，在這夏日的確有開胃的功效鮮牛肉富肉香之餘又軟腍，份量又多如此的高水準，是炎夏限定的吃茄牛通不夠糊肚的，生怕三點三又要吃下午茶還是多點一客雜蜜多為上策脆脆的多士上有果醬,煉奶,花生醬等，麵包又做鬆脆，非常惹味凍檸茶又是這由名物(其實這裡，甚麼也是名物 )篤好的凍檸茶，對懶人如架架妹飲是最適合不過說笑，從來，篤好的才是最好的檸檬茶才真!直到我們差不多吃完，又開始有人等位喇深信好味自然涼的道理!

見阿蘇講得咁好食，所以專登坐車去食，叫左碗蕃茄牛肉湯麵，湯底顏色好濃但味道過酸，牛肉冇牛肉味，仲叫左個檸蜜脆脆，只係甜甜地冇乜檸檬味，因係大排檔所以冇冷氣，食到大汗滴細汗，如果好食辛苦都冇所謂，但覺得名過其實唔會再有下次