勝香園

營業中

休息中

無論食幾多次，都係覺得唔夠，會仲想再食是日叫咗茄蛋腿通同兩隻檸蜜米奇，再加鹹檸七小妹喜歡食通粉，而且唔知點解通粉個蕃茄底係比麵底濃啲同杰啲，簡單黎講就好味啲，所以好茄嘅朋友記得食通粉喇其實勝香園有好多款脆脆，不過小妹偏愛檸蜜米奇，食落甜度適中，帶有檸檬皮嘅小少苦味，食兩隻都唔會太漏，正。小妹曾經試過趕時間打包一路行一路食，但係會變咗唔好食，所以一定要坐低就叫，等食完粉個包就整好，跟住即刻食就最好味喇提示：有啲人會覺得班呀姐服務態度麻麻，其實只要禮貌啲，唔該前唔該後，班姐姐就會好好相處

勝香園, 勝香園, 買手信, 買手信....睇得太多電視... 勝香園唔係買手信, 係食蕃茄通/公仔面!其中一間向上環既最愛, 因為好有風味, 可惜既係要自己揾位, lunch hour 12:45 先到一定等好耐, 要預左等15-20分鐘。睇你好唔好彩，mark 中既位快唔快走啦。　最好係12:30 前到, 等位都唔會等咁耐...佢係街邊檔, 落雨就建議唔好去, 不過可能會少人d . 另外, 一張枱要同10個,8 個人搭枱, 所以要坐定定, 坐得舒服既朋友, 依到一定唔係你既首選.佢既招牌菜係蕃茄通/公仔面, 中間既餸, 有好多選擇: 蛋, 煙肉, 鮮牛肉等, 但餸唔係重點, 因為最主要係食佢既蕃茄湯底, 蕃茄湯底係用蕃茄膏開水再加同鮮蕃茄肉, 湯底酸酸地好濃, 所以係比較鹹味重, 但係比較起茶餐廳既黎講, 佢係超級多蕃茄肉.另外, 不能不叫既有"檸蜜脆脆"同"咸檸7"...因為我覺得佢地係獨家既 , 外邊絶對少有.檸蜜脆脆，下圖右上既豬仔包(2件, 分4)-　 豬仔包好脆, 少少牛油再加檸蜜, 咸甜交集,　甜得黎一d 都唔"流", 味道好fresh .咸檸7-　佢特別之處係有咸檸加

中環區排名第一店，周末終可試試！等待時間約20分鐘：凍奶茶：太甜，茶味不足，非我杯茶。茄牛通：湯過咸，但牛肉夠淋，一流！檸蜜脆脆：夠脆、唔太甜！可以！總結：中規中矩！

之前一直好想試下勝香園，因為人地講到好好味咁，而且每次一到lunch時間已經多人到癲，我內心已經默默地assume應該會好好食，結果，我本住無比決心，今朝晨咁早彈起身，番工之前食左傳說中既蕃茄牛通同檸檬脆脆。蕃茄蛋牛通粉($25)我個人覺得唔好食-.- d蕃茄湯底太過濃，一路食一路覺得又咸又甜，似係有茄膏溝左好多糖同好多鹽，湯底真心飲唔落，總之覺得邊食邊頸渴………鳴丫，我好失望!!!!!!!!!!由於趕番工，食完個蕃茄牛通我就走lo , 檸蜜脆脆($12)takeaway。其實真心舊脆脆無乜特別，好簡單既豬仔包加左少少檸蜜係上面。不過至少試完我都心息lol 但我唔會再為左佢晨咁早彈起身去食~

中午12時到本打算避過午飯人潮, 但沒料到店已近坐滿, 幸好我一人前往也找到位置擠身坐下, 甫坐下店外便開始排隊了, 看來我還是有一齊點點點運氣的去之前已做出了資料搜集, 點了最多人推介的蕃茄通, 但怕吃不完所以只了蛋沒點其它材料, 同時也點檸蜜脆脆, 見熱門的咸檸七索價$15打算不點, 但想起友曾推介所以最後也點了.飲料最先到, 是預先搗好的咸檸, 七喜是另外上的, 味道是挺特別的, 鹹 / 酸 / 甜三種味道同時刺激著味蕾, 沒試過的朋友可以來試一下, 但價錢有點高我下次應該不會點了很快主角蕃茄通($22)也到了, (是日沒有米粉供應)湯底有煮得很透的蕃茄, 很稠, 味道真的很濃厚, 酸酸地帶一點甜很是開胃通粉是厚身的, 熟透不會硬又保持到彈性不會爛掉, 蛋是煎蛋, 蛋黃是汁液, 不是熟透的,跟湯混在一起很棒!!吃著通粉把整碗湯都喝光了檸蜜脆脆真的很便宜, $12有4小塊, 外脆內軟, 不過裡面再軟些會更好, 味道是不錯但個人喜歡再濃一些p.s. 坐著太多人, 店員姨姨加了一張桌子, 顯得更擠迫, 已經跟其它食客背貼背了

它頭上戴著「本土文化」的光環，讓本地人和遊客趨之若鶩，我試過之後覺得不過爾爾。有個台灣朋友來香港嚐過也覺得名大於實，我說你當它是一個景點就好，不要當它是一間食店，你來是要感受那種街邊大牌檔文化。它的食物、飲品沒在我心中留下印象，但傳菜大嬸的嘴臉就記得很清楚，生意太好她們忙到腳不沾地，對客人的耐性歸零，多問一句也給你眼刀子。

蕃茄，呢排成日都講佢。不過咁蕃茄呢樣食物，不得不提呢間係中環好出名嘢大排檔「勝香園大排檔」是也，簡直係食蕃茄始早。見天氣今日漸漸凍，最好今日揀去「勝香園大排檔」來食個LUNCH吧!大家都知道黎呢度食嘢，要比個心理準備，需要早D來(因為LUNCH TIME比較多人，當然如果可以的話)，就算有位都要再等人落單，等到有人落單，又要等食物，總之就等等等。今日我同我同事等咗7至8分鐘位，等人來落單，又等咗3分鐘，等食物等咗大慨15分鐘，前前後後等咗加埋接近30分鐘。至於食物，當然都可以KEEP到水準，D食物勝在夠熱，今日大家都叫咗「蕃茄餐肉煎蛋加鮮牛肉」，一個係叫麵，一個叫通粉。不過唯一失少少分就係D蕃茄湯唔夠以前咁濃同多蕃茄。跟住我又叫咗「檸檬汁牛油脆豬飽」，有好香檸檬汁，好FRESH，一句講晒好好味。總括來說，個日埋單$74，即每人＄37，中環食LUNCH尚算合理。

每次離開QM，時間許可的話都會來勝香園。這裡的東西有多美味、價錢有多會理大家都知道，那濃厚的蕃茄湯更是其他食店模仿不了的，那個味道也是小人至今的最愛😍(香檳大廈那間的蕃茄麵嘛...小人覺得像嘔吐物😑不喜歡。）成為素食者，因此一碗蕃茄麵已很滿足了😌（從前都會加豬扒、餐肉之類的）每次都覺得碗麵份量很少，但每食到一半已經開始見飽，這算是正宗的眼闊肚空窄吧😝但無論幾飽，勝香園的檸蜜脆脆也是絶不到錯過的！那種脆，是堅脆！（坊間有些食店的＂脆＂，根本就是死硬，咬得牙肉都受傷）脆脆的包，加上絶不手軟的蜜糖和鮮檸檬汁😋好味得難以形容！再喝一口雙檸7（他們自製的咸檸+鮮檸），一切都無憾了！雖然要經常出入醫院，但總算有值得期待的事吧！

雖然環境較差  係路邊  附近仲裝修  又嘈又大灰塵  但亦無阻我一嘗既意慾  但鮮牛肉蛋蕃茄通真係好好味  啖啖蕃茄  牛肉又夠大舊夠多  好足料  30蚊一碗真係抵到爆  個脆脆亦好掂  真係好脆  亦唔會太硬身  切開4份亦方便入口   初時睇地圖以為好難去  但原來係上環一出  10分鐘內就到~路亦好易揾   食飽有時間仲可以行去元創坊睇下野  又可以輕輕鬆鬆過咗個充實既下午

夏天或落雨呢到就不太適合了位置係斜路 上面就樓梯要左一支可樂 一支檸樂檸樂呢間野好在幫你吉埋 夠灑檸檬味但髒係佢吉定係每個杯 冇蓋住放入雪櫃我杯檸樂 飲飲下 見有隻蚊係最底茄牛蛋通好濃味既茄湯有少少牛 同一隻蛋通粉夠淋 吾會生脆卜卜既三文治入邊有牛肉碎同蛋切開左四份 方便食用蜜糖豬 夠脆 甜甜地 好多人黎都必叫

光陰似箭，蘿拔兔原來已加入食家行列快近一年！由當初只是想寫日記般記下自己所吃的，到現在落力地寫食評，才發覺跟大家分享我倆的飲食經歷是非常愉快和減壓的事！記得我們的第一篇食評是勝香園，那我們這篇第一百篇當然要來個呼應了！這年香港到11月才有涼意，那正好！到大排檔終於不用汗流浹背了！由皇后大道中拾級而上，到達歌賦街的尾段。未走近勝香園，已經見到一大堆人！人逼人、比阿姐叫唔好阻住、捕實邊d人就快食完，20分鐘到終於有位！可能好多人覺得咁辛苦等，又要逼住咁食唔值得，但我每次都覺得自己就係咁“犯賤”，係要咁樣食先有勝香園既風味！唔使睇menu，當然又係叫蘿拔妹最愛既三寶！茄牛麵大大舊番茄肉足夠遮蓋整個面麵！雖然這碗麵有的是最普通的材料，但其酸度、香氣、麵的軟硬度都是蘿拔妹最喜愛的！與其形容這為美食，不如說它是我心目中的comfort food。人人的comfort food各有不同，你的可能是早晨全餐、奶油豬或叉燒飯。但在我心目中comfort food的第一位，肯定是這裡的茄牛麵！對面的大陸人不停說：“為什麼說得這麼好吃，我能比他做得好！”ok，口味呢d野，各有不同。你喜歡土豪style的野味

是日和友人來到勝香園，真係好有大排擋嘅feel..我好有禮貌咁企係度等咗一陣，然後阿姐問我，你係唔係食嘢嘅？我話係，佢話你企係度冇用，要行到人地座位度等。呃，小插曲。好，點咗番茄牛肉通粉同埋檸蜜脆脆。番茄味真係幾濃下嘅，都幾好食，而且夠飽！而檸蜜催催就酸酸地嘅，咁啱隔離有個靚女share咗佢嘅混醬脆脆俾我地，感動！一比之下，混醬脆脆勝！！最後剩返一塊檸脆，對面坐咗個aunt, 因為waitress叫我地唔好嘥，所以我地就俾咗aunt啦，冇浪費，yeah!

在中環工作了一年有多，一直久仰勝香園的大名，卻因為路途較遠和怕人多而沒有去過。 之前看無記劇集看到翠如BB和王浩信天天茄牛通，於是又心癢癢的想來試一下。 劇集都完結了一段時間，終於總算找到機會來試試。吃飯時間人雖然很多，但大家都很合作地吃得很快，所以並不用等太久。 這裡沒有人幫忙安排入座，食客都要自己以人釘人的方式，自行等位。 很多人都點了茄牛通、鹹檸七和檸蜜豬，不過因為不是太餓，一個人吃完這三款名物有點難道，所以就要了這三名物加一個蛋牛治，二人開心share。大排檔內氣溫高企，即使配備了超強風扇還是會吃得汗流浹背，這杯鹹檸七此時就能救人一命。茄牛通的湯底濃郁，聽說店內每天都用上大量蕃茄製作湯底，方能做出這種非茄膏能取代的味道。 牛肉煮得稔，容易入口，整體來說沒有令人失望。蛋牛治忘了要烘底，鬆脆的口感就留待擰蜜豬出場表演。 剛做好的蛋牛治熱騰騰的一直冒煙，牛肉取自罐頭咸牛肉，配上滑蛋夾在塗了點牛油的白麵包上，沒有不好吃的理由吧。最後出場是萬眾期待的檸蜜豬，酸酸甜甜的味道叫人非常開胃，麵包烘得夠脆而不太硬太乾，果然是人人都要點的名物。 吃罷感到有點熱氣，再來一口咸檸七，雖然吃得大汗淋漓，

天氣稍涼，終於可以去勝香園食番茄麵了由於一個人，所以好快有位坐。無食一排，蕃茄湯底水準依舊，酸酸甜甜，飲落去啖啖蕃茄肉，絕對講得上係真材實料不過唔知係咪最近啲牛唔靚，影響牛肉嘅味道，有點鞋還有鹹檸七由樽裝變了罐裝，感覺無咁好飲但整體感覺都係好好味，值得排隊等嘅。

走出上環港鐵站E出口，穿過九曲十三彎的小巷，終於來到遠近馳名的歌賦街「勝香園」，可以體驗一下過去香港特有的大排檔文化了！星期六的午飯時間，明明不是上班日子，勝香園門外還是排門了人！如果是平日去，再加上上班族，那還得了！？坐定後略略看看菜單，點了心思思早就想吃的招牌的檸蜜脆脆（檸檬汁蜜糖豬仔包）及一碗蕃茄牛肉公仔麵，再加一杯咸檸七。新鮮意大利蕃茄打碎煮出的湯，茄味非常濃郁！其他茶餐廳嘗不到！！ 豬扒包酥烤後淋上蜜糖及檸檬汁，入口香脆，酸甜兼具，食過翻尋味！勝香園TEL：2544-8368TIME：08:00~17:30　(周日及假日休)ADD：香港上環美輪街2號(歌賦街口)