勝香園

營業中

休息中

難得連放三日嘅long weekend，決定除夕當日去中環海濱個AIA嘉年華玩吓掟公仔，去玩之前過開嚟中環，仲要係星期六(因爲勝香園星期日係休息嘅)，第一時間諗起要食勝香園嘅茄牛通+奶油脆脆+咸檸七，賣飛佛！下晝兩點一去到，都預咗條人龍逢星期六係例排咁長嘅，但又無想像中等咁耐，因為呢度係食完就走，等咗半個鐘左右有得坐低。例牌叫番我最愛嘅三寶，一排無食，水準仲keep到，茄牛通個湯底依然好濃，成日都好想知用咗幾多個蕃茄煮，今次個奶油脆脆反而好食過上次，好夠脆！香港好多好味嘅小店出咗名之後好自然會多咗人去食，我明白人多密密做自然有難度去keep住水準嘅道理！真心希望勝香園無論有幾多人等位，都可以keep住美味嘅水準，我好快又會心思思再嚟番兜㗎啦！

《勝香園》係屈小姐一路恨左想食好耐既餐廳黎嫁，只係一路以黎都冇人陪佢食~ 當賴生帶過佢去食之後，佢一試就愛上！依加已經成為左我地2個既canteen啦 定時定候賴生都會帶屈小姐黎食，等佢開心下  我地2個都係超級蕃茄怪黎嫁！《勝香園》係係一條樓梯同街巷入面既一間牌檔仔，外面放左幾張大枱比人坐低食，夏天大家都食到大汗淋漓，冬天就都會出下汗既，同埋有機會會曬住食嫁，係好有風味嫁，當然大家都要唔介意係條巷仔食野，雖然感覺上可能有啲污糟，但我地食過咁多次都冇問題嫁，證明啲野食其實好乾淨嫁！(連潔癖屈小姐都一去再去，證明完全無問題啦) 雖然《勝香園》環境係咁，不過一樣吸引左好多人黎食，因為佢個蕃茄湯底實在太太太過出色啦，我地2個一致認為佢係全香港最好食既蕃茄湯！除左蕃茄湯吸引到我地黎之外，呢度有另一種味道都好吸引，就係人情味啦，你會見到好多個嬸嬸婆婆一齊做野，招呼你啦，安排位啦，落單，上菜，執枱同計數，個個都好精靈同快手，而且佢地同食客都有傾有講，感覺好親切嫁！見到佢地年紀咁大都咁精靈，咁有活力，煮碗好既蕃茄湯比客人，我地當然唔可以浪費佢地既心血啦大家想食既時候，記得乖乖地排隊啦，人龍雖然長，但

未黎過就唔使黎試，你會後悔的經驗！等好耐唔緊要，但味道普通到一個點根本就係浪費時間，我重專登過黎食！服務態度差，你要談論個客起碼等個客走左先，我就坐左係度ja!重要你伙記做錯野唔係怪個客呀嘛！

好失望！排咗4個幾字！個番茄公仔麵同冇煮過分別根本冇乜分別！個麵好硬！個脆豬，脆到一個點係硬嘅！🙄D伙記完全係無禮到一個點.....明明落咗單又話你無落，呀姐重要覆咗單，等咗大約10分鐘，想追單，個呀姐好似精神分裂咁，重大大聲鬧你:「落咩呀！頭先都無落！要咩快講！」嚟到，見到個食品有黐住一啲好奇怪嘅污糟野，但唔知係乜，問個伙記點解咁奇怪，可不更換，一句：「我都見唔到！無呀！咁你食完有無事吖？！」即刻講不出聲...有事都唔會即刻有事掛，何況我未食？！大排檔、茶記都可以好有水準，不論係食物同伙記，我哋支持你呢間食肆，係因為有感情！係呢度可以搵到獨一無二嘅口味、回憶！請同樣尊重每一個支持你的客人，正正可能係你一個嘅求其、一句有心又好，無心又好嘅說話，佢以後都唔會再幫襯多一次！一次都唔會！

同女朋友係附近行完山，緊係要醫醫肚，見呢度夠懷舊和有風味就試下！檸蜜脆脆，一上枱成隻米奇甘，真係加左分，食落好香脆，好香蜜糖檸檬味，必食！再配個蕃茄餐腸蛋面，好濃蕃茄，啖啖茄肉，價錢才$34，真係抵食！最後少不了奶茶，味道幾好，茶味奶味適中。呢度d姨姨超有善又服務周到，真係大排檔價錢，餐廳的服務一定再來！

一向好喜歡食勝香園，固定餐單係蕃茄牛通同檸蜜脆脆大火。其實蕃茄通要說驚為天人說不上，但就是喜歡那種食是把風味一拼吃下的感覺，喜歡就是食感覺廉價的牛肉配上那種從少吃大的茶記通粉的口感。檸蜜脆脆真的是好好味，幾多人都好質素都冇變過，甜中帶感覺真實的檸檬酸。。。正

中環有不少出名餐廳，但胃就得一個，揀左一輪，決定去「勝香園」，希望不會浪費我一番苦心。叫左：凍奶茶，澀左啲出名嘅茄牛，可惜賣晒通粉，只好叫麵。碗麵充滿左茄醬同蕃茄，如果偏好茄嘅人最啱，可惜我對茄只係一般。牛方面，韌左啲，感到失望，只係平同量多，不要要求質素。帶住失望嘅我，好想試埋個脆脆，於是外賣左個「檸蜜脆脆」，回家後和家人分享。竟然超級好味，而且仲係脆，味道又好夾，真係出乎意料脆脆絕對可以encore, 其他就免。

去到中環一定要食勝香園 點解？因為夠港式 其實多數人都好鍾意食佢嘅番茄麵或者番茄通 我個人應為比較鍾意食嘅係檸蜜脆脆😋 係用豬仔包整嘅 整到佢脆扑扑再加上檸蜜既醬汁真係好正 當然唔少得佢嘅港式奶茶係俾起蘭芳園好好飲好多 雖然路程有啲遠但真係值得1食 不過佢逢星期日都係唔開嘅大家要記住啦

嗰日自己一個人喺中環做完嘢,肚仔又有啲餓,左諗右諗下,突然腦裡面浮起街邊茶檔呢個畫面,一於就去中環名牌街檔~~勝香園一去到唔駛講嘢蕃茄牛肉公仔麵唔該!蕃茄份量真係夠料，牛肉又新鮮有口感,蕃茄湯底好飲到，冒住口渴嘅風險都飲哂啲湯,滿足

Yeah~ 食到了食到了！叫左個牛肉紅腸蕃茄通粉！真係好蕃茄呀！牛肉嫩口，紅腸少有得食，撈埋別有一番滋味。另外叫左個蜜糖豬，原來一碟有四件，兩個包對切一半。好脆好甜，好香呀！諗返起都想食！我叫左杯咸檸7，咸咸地，好茶餐，好地道！正！返食指數:4粒星(最高5粒) 咪以為大排擋就平，咁食食下一個人都6,70蚊嫁喇！

聽過勝香園既名好耐，一直都冇特登過港島食，呢日終於的起心肝，搵map上黎食佢既聞名不如去食既茄通呢個奶油多，均混既牛油配煉奶，烤到金黃色既脆多士，美味絕頂奶醬脆豬唔比奶油多輸蝕，成個脆豬搽到滿滿既花生醬，搭上煉奶，一咬落去脆到刺痛口腔上顎，可想而知到底有幾脆飲過呢到既凍奶茶，我唔會再想飲別家的，濃濃既紅茶香，令整杯凍奶茶升grade我地就叫左蕃茄碎牛炒蛋通同埋雞扒腸蛋公仔麵，個湯真係好濃郁既茄味，重點既係唔會只用茄醬，係有埋一個個既蕃茄去淆，食通粉時每一啖都有蕃茄可能第一次食會覺得，其實普普通通冇想像中咁好味姐，但當你一諗返起，係會有種魔力令你好想再去食即係平淡但深刻

勝香園其實呢就係係九記對面嘅大排檔。每當九記大排長龍嘅時候呢，勝香園係一個好好嘅選擇。勝香園唔單止好好味而且價錢仲比九記平添。勝香園最出名呢就係嗰啲蕃茄湯底嘅公仔麵或者通粉，去到一定要試吓。個雞翼蕃茄通個賣相雖然唔好睇但係味道非常好，不過份量就少咗啲。今次除咗食個雞翼蕃茄通之外仲叫咗一個多士。多士叫檸蜜脆脆。佢嘅賣點係檸檬蜜糖嘅果醬，加上麵包質地好脆，物如其名，脆脆脆，其他地方好少有，去到一定要試吓。

蕃茄牛肉公仔麵好好味 比起蕃茄牛肉通粉 係無咁酸的 又多新鮮蕃茄係入面 都係28蚊碗 底食的lunch再加埋14蚊的檸蜜高纖多士 perfect 酸酸甜甜 正呀 比起檸蜜脆脆 本人比較喜歡高纖多士 因為脆脆太脆啦 食到個口會鞋十十 高纖多士就外脆內軟 但等位就有d麻煩 個日12點20分去 已經好多人圍住d台等位 所以都5知自己係等緊邊一個客走 搞到好似要搶位咁

食個勝香園出發👯🚙💨💨💨朝早10點幾黎到，完全唔洗排隊真好💃🏻黎到每次都自己搵位多料濃湯 蕃茄餐肉腸雞翼通粉奶油脆脆每次黎到必飲既咸檸七，簡直完美醒晨早餐

不知有何時開始，每次中午時分到中環，都會二話不說的，走到勝香園排隊!為的，就是一碗茄牛雞蛋通，及一杯咸檸七!牛肉是用鮮牛肉，湯底是用原隻蕃茄烹煮以形的，真材實料。雞蛋的蛋黃是生的，我最喜歡刺穿蛋黃，然後讓蛋汁流進湯底內，令湯底散發陣陣蛋香味!  我很喜歡這個味道，比起尖沙咀的星座冰室，我更喜歡這裏的茄牛雞蛋通!不知是誰人的偉大發明，將經醃製的咸檸檬配上雪碧，咸甜酸的味道全部混雜在一起! 在炎炎熱日飲一杯，非常消暑! 這種飲品，一般會在買少見少的舊式大排檔中在找到; 隨著時間的流逝...希望這種飲品不會消失就好了!.