勝手

營業中

休息中

呢晚嚟咗銅鑼灣嘅樓上餐廳食日本菜，餐廳播住日本嘅流行歌歌，真係好想邊食飯邊唱歌🎵烤鱈魚乾呢個佐酒小食份量都幾充足，略帶點鹹香，點埋蛋黃醬一流🐟勝手鯛魚湯呢個奶白色嘅魚湯勁香魚嘅鮮味，飲落口唔會太腥🍲 因為係廚師自家製，所以特別有風味，係餐廳出名嘅湯品。串燒♦️鹽燒厚切牛舌一串有幾件好厚身嘅牛舌芯，食落口好juicy，口感柔軟👅♦️鹽燒雞翼一份有兩隻，雞翼都幾多肉，簡單用鹽調味，已經好好食🐥♦️鹽燒豚肉蘆筍蘆筍好新鮮，食落口幾爽口，用豚肉包裹住可以減低油膩感🐷♦️鹽燒白鱔兩件都好厚身，食落口充滿油香☺️ 蟹膏大蝦廚師先將大蝦燒香🦐 再加上蟹膏，可以增加鮮味。秘製汁燒豆腐汁燒豆腐都幾特別，廚師先將豆腐炸香，再淋上特製嘅醬汁。一啖咬落去真係會爆汁😮 醬汁甜甜地幾開胃。原味燒飯糰呢個燒飯團外面嗰層有啲脆口，食落口似煲仔飯嘅飯焦，而入面嘅飯係好鬆軟嘅🍙 入面嘅調味主要加咗啲飯素，幾有日式風情。明太子燒飯糰同原味燒飯團相似，不過佢仲增加咗明提子帶點辛辣嘅口味。可以用紫菜包住食。清湯煮蜆呢個係Daily Special，啲蜆又真係幾清甜又大隻🐚 淨係簡單用清湯煮已經可以帶出蜆嘅鮮味。朝日生啤Happy hou

前排去銅鑼灣永安中心諗緊食咩嘅時候，見到竟然勝手竟然有$1生蠔同$1生啤，所以就上咗去試吓😝去得居酒屋梗係主要食串燒，試咗佢哋幾款必食推介，果然推介得嘅真係幾好食😚個人最鍾意牛舌芯同埋燒海鰻！師傅揀咗牛舌最軟最嫩最Juicy嘅位，食落完全唔韌，牛舌富有彈性，配鹽同黑椒嘅調味，會話食完仲想食多次🤤鰻魚好厚身，食落啖啖肉，鰻魚皮有碳香味，燒得好脆🫰🏻大蔥雞腿肉、豚肉蘆筍卷同免治雞肉棒就係正常發揮嘅好食👍🏻一蚊燒海鮮就揀咗蒜香蠔同埋蟹膏燒大蝦🤩兩款都燒得好香，大蝦加蟹膏嘅配搭更加係鮮上加鮮😍除咗肉類同海鮮之外，佢哋嘅汁燒豆腐都唔錯🥰佢哋嘅外皮脆得嚟又可以索滿湯汁，豆腐內裏又滑又嫩～最後不得不提嘅就係佢哋嘅$1生啤！真係大大杯，好抵飲！

銅鑼灣上樓嘅居酒屋，有個超大LED mon，夜少少會由居酒屋變身酒吧，可以唱K，仲有兩間VIP房可以book~ 🔘蟹籽沙律大量青瓜絲，清新爽口，加上蟹柳同蟹籽增加口感，鍾意佢個沙律醬乾身啲唔會太水~🔘秘製汁燒豆腐店員推介嘅招牌菜，外脆內軟，配搭甜甜地嘅日式醬汁，好食! 🔘鹽燒厚切牛舌🔘鹽燒多春魚🔘鹽燒白鱔睇個樣就知道對版嘅串燒，朋友全晚最鍾意牛舌，用上牛舌芯，口感爽脆，非常正~自己就鍾意白鱔，夠晒肥美，燒得又靚，調味啱啱好~ 多春魚唔腥，食到大量魚籽~ 🔘月見免治雞肉棒用酒杯上幾靚，雞肉同雞軟骨比例啱啱好，燒得焦香~🔘鹽燒粟米海鹽、牛油加上香甜粟米，係完美嘅配搭~ 🔘北海道千歲豚肉火鍋一人前套餐湯底絕對推介揀綢魚湯，用大量魚肉熬製，非常鮮甜，忍唔住要飲一碗魚湯先開始食火鍋料，豚肉片肉質細緻柔軟，淥10秒就食得，清甜唔肥膩，套餐仲包埋蔬菜拼盤同到稻庭烏冬~ 呢餐幾滿意，串燒同火鍋都出色~

位於銅鑼灣登龍街，地點方便，啱晒2-3人小聚 。最欣賞佢哋份量啱啱好，唔會太多但選擇夠豐富，價錢唔進取，可以慢慢試多幾款唔同嘅燒物同小食，完全冇壓力。 明太子玉子燒 玉子燒夠嫩滑，帶微甜，配上鹹香嘅明太子醬，口感層次豐富，幾有驚喜。 脆櫻花蝦餅炸得夠脆，櫻花蝦香氣十足，配杯酒應該幾正。 勝手鯛魚湯 師傅親自熬煮，魚湯濃郁又實在，最緊要夠熱，飲到最後都仲冒住煙，冬天飲一流。 冷蕎麥麵 口感煙韌彈牙，清爽又唔會過鹹，食完燒物後平衡返味覺。 串燒必試鹽燒雞皮仙貝！！！ 一整塊雞皮扯平燒到香脆不油膩，同一般串燒雞皮粒粒分開燒嘅口感完全唔同，雞皮控必點！鹽燒厚切牛舌牛舌夠厚但唔韌，燒到啱啱好帶少少炭香，咬落仲有肉汁滲出嚟。其他串燒如豚肉蘆筍、白鱔、燒豆腐、燒粟米都幾穩陣，每串份量啱啱好，可以試多幾款又唔會過飽。燒飯糰則係簡單樸實，帶住炭香，外脆內軟，食完有種滿足感上菜節奏拿捏得好好，不趕急又不會太慢，每樣食物都保持最佳狀態，感覺舒服又有節奏。 晚市仲有啲時段啤酒買一送一，性價比高，鐘意小酌一杯嘅朋友可以留意吓！

好友生日，我約她去位於銅鑼灣登龍街28號永光中心6樓的《勝手》食日式料理，環境優雅，坐得舒服。我地點左：🥢酒盜芝士 : 切成方粒的芝士配魚內臟漬+青瓜+芝麻餅乾，鹹香味濃，有特色。🥢勝手鯛魚湯：湯底鮮甜好飲。🥢真雕壽司一件：雕魚鮮美。🥢玉子壽司一件 ：蛋香味濃。🥢油甘魚壽司一件：甘魚肥美。🥢秘製汁燒豆腐一件 : 外皮香脆，內裏嫩滑。🥢月見免治雞肉棒二串 : 用高腳杯盛著生蛋，杯口放上免治雞肉棒，雞肉嫩滑，混上生蛋黃，滋味無窮。🥢鹽燒雞皮仙貝三片：雞皮酥脆香口。🥢鹽燒伊比利亞黑毛豚肉扒70g：皮脆肉嫩好好味。🥢鹽燒鯖魚一條： 外脆肉嫩。🥢日本清酒120ml：酒味清爽好飲。

收工，去咗間好抵食嘅串燒居酒屋。呢架喺銅鑼灣嘅”勝手”，表面上做普通串燒，實際上選擇非常多，淨係”雞”嘅串燒都有10種，而且佢唔係就咁燒，好多串燒都有特別嘅烹調之處，仲要好抵食。不過講抵食，都唔及佢啱啱做嘅生啤優惠。呢部新到嘅Asahi生啤機，提供嘅大杯黑白啤都只係$78一杯，依家仲要買一送一😱，實在太抵。咁都未算，依家happy hour(6-8pm)，叫啤酒仲可以加$10有小食…講返嘢食，我哋都係正常咁叫小食串燒，其中有幾樣嘢都好特別同吸引。鯛魚湯喺呢度嘅殺手鐧之一，餐廳用佢嚟做日式火鍋，所以都想像到就咁飲會有幾鮮甜。鹽燒白鱔係今晚嘅MVP，厚肉、有彈性、脆皮、富油香，非常驚艷！蟹膏大蝦亦係創意之作，因為本來蟹膏同大蝦嘅味道就好夾，亦有互補作用。特別想講講個汁燒豆腐。炸起咗嘅豆腐並冇因為落咗醬而變得軟腍，呢度就見到師傅嘅功架了。其他嘢食，包括牛舌、五花腩、鳳梨甚至飯團，都係水準以上，加上價錢相宜，嚟呢度飲杯買一送一啤酒，食串燒食到飽，都唔會食窮人😆。螢光魷魚漬勝手鯛魚湯炸日式雞件鹽燒厚切牛舌汁燒五花腩鹽燒白鱔蟹膏大蝦秘製汁燒豆腐鳳梨原味燒飯團明太子燒飯團

勝手系一間位於銅鑼灣樓上嘅特色居酒屋🏮呢度除左食物質素ok, 仲有得唱得k🎤多人/ 想有私隱度仲可以包房tim~ 今次我地就坐喺open area, 背景有個大型投影牆，會random播放吾同動畫背景，當晚系投影櫻花風景🌸好靚啊！明太子沙律🥗沙律十分清新可口，明太子嘅獨特風味與蔬菜嘅搭配，為餐前開胃菜增添了豐富嘅口感。勝手鯛魚湯呢款湯系餐廳嘅signature, 煎過嘅魚肉🐟釋放出香氣，再經過慢熬，湯底鮮美濃郁，一D腥味都無，每一啖都讓人感受到溫暖😋赤貝刺身赤貝刺身非常新鮮😍只要食材夠新鮮，已經吾洗點調味料，十分適合海鮮控。鹽燒厚切牛舌👅厚切牛舌外焦內嫩，鹽燒嘅方式保持了肉質嘅口感，簡單而美味！汁燒大蔥雞腿肉雞腿肉經汁燒後，肉質軟嫩多汁，搭配焦香的大蔥，令整道菜嘅味道更加層次分明，十分美味。鹽燒豚肉蘆筍鹽燒豚肉外焦內嫩，搭配清脆嘅蘆筍，口感非常和諧。秘製汁燒豆腐豆腐經過廚師特別處理，裡面充滿細小嘅孔洞，吸收哂秘製醬汁嘅精華，再拎去油炸，味道濃郁，口感外脆內軟。蟹膏大蝦大蝦成隻手掌咁大🦐蝦肉質鮮甜，蟹膏嘅配令每一啖都充滿了濃郁嘅海鮮鮮味！明太子燒飯糰/原味燒飯團🍙無論是明太子還是原味，燒

呢日嚟銅鑼灣樓上日式餐廳食飯🍙~雖然餐廳細細,但嘢食都好有驚喜😍,好多燒物都好出色👍~呢個脆櫻花蝦餅將好多櫻花蝦炸成一塊脆卜卜嘅蝦餅🍤~用嚟送酒一流🍻!佢哋除咗menu嘅嘢食,仲會有當日廚師推介👨‍🍳~而呢個明太子玉子燒就係其中一款🍳~鬆軟嘅玉子,配上鹹鮮嘅明太子,非常惹味~月見免治雞肉棒配埋新鮮蛋🥚,非常香濃~而且雞肉棒有啲軟骨咁🐔,咬落去帶點脆口~另外仲點咗個香蒜蠔🦪,啲蒜略為煮過🧄,所以唔會好生好辣~濃香蒜味配埋僅熟嘅蠔肉,鮮味爆發💦~而最驚艷係呢個秘製汁燒豆腐🔥!先炸過而形成外層有好多小孔,令到啲汁可以吸實~但咬開中間仍然係超嫩滑嘅豆腐😍,好特別嘅配搭~最尾主食係牛肉稻庭湯烏冬🍜~佢嘅肉湯汁非常鮮香🐮,烏冬又夠彈牙~呢度啲串燒嘅火喉真係控制得好好,例如個牛舌燒得中間勁嫩滑👅~而個豆腐係個人推介一定要試嘅👍!佢哋仲有兩間獨立房,一班朋友嚟玩,嘈啲都無問題🗣~

烤鱈魚乾：燒到金黃色脆脆地，配埋蛋黃醬好夾。勝手鯛魚湯：超級濃郁魚味，鹹度剛剛好，仲有豆腐同娃娃菜。明太子玉子燒：鋪上滿滿明太子醬，口感綿密，帶有咸鮮味。鹽燒厚切牛舌: 厚切幾爽，用咗牛舌心好嫩滑。鹽燒雞翼：火候控制得好，雞翼燒到啱啱好。鹽燒豚肉蘆筍: 薄薄豬肉，露荀好爽脆，幾好食。鹽燒白鱔:勁厚肉勁嫩滑多汁，簡單鹽燒已經好好味。秘製汁燒豆腐: 外脆內滑吸滿秘製醬汁。原條茄子:上枱時香味十足，加上蒜蓉木魚碎，令人食唔停口。冷稻庭烏冬:麵條幼細好滑嘅烏冬，沾上醬油芥末食好清新。

今日跑完一年一度嘅渣打馬拉松　，獎勵自己食餐好嘅！酒盗芝士🧀之前喺日本見過係用嚟助酒嘅前菜，係發酵過嘅魚內臟，加上梳打餅北海道千歲豚肉火鍋最出色嘅竟然係個湯底，鯛魚湯底好香濃，奶白色師傅應該用咗好多時間來烹調！阿媽教落要鮮煎香魚肉再撞熱水先有咁奶白色嘅魚湯，完全真材真料，完全係細個阿媽煲嘅魚湯味道！豚肉味道鮮味倍增！配埋稻庭烏冬!鹽燒厚切牛舌牛舌夠晒厚好有口感，一食就知係牛舌芯，因為很嫩滑！月見免治雞肉棒自家製雞肉串加入雞軟骨同埋洋蔥🧅加上燒汁和生蛋黃，味道好豐富，而且口感有層次！蟹膏大蝦🍤蝦兵蟹將，將大蝦燒完再搽上蟹膏再燒多次，非常爽口！蟹膏味香濃秘製汁燒豆腐好有驚喜嘅豆腐，豆腐外脆內軟，燒汁源源不絕，真係好想問吓師傅係點樣做出嚟，Calpis soda好特別嘅飲品，沒有酒精成份卻有酒精的味道。唔係好多地方有得飲所有菜式都好特別，又有心機，好有日本人對食物尊重嘅文化！而且服務態度好好，即使火鍋水都係添加濃魚湯🤭真心有誠意嘅一間日式餐廳!我比100分日式料理，好耐未食過咁有誠意嘅餐廳！👍🏻

勝手為日式居酒屋，一進入餐廳有一長條型的屏幕映入眼簾，很有現代感。餐牌選擇眾多，串燒、刺身、鍋物應有盡有，今日主要來食串燒，點了幾串來試試。🍢鹽燒白鱔白鱔的外皮烤得很脆口，肉質相當厚實，口感彈牙爽口。🍢鹽燒厚切牛舌外皮燒的很酥脆，咬下去油脂在嘴裡爆開，肉質彈牙非常有咬勁，喜歡吃牛舌的朋友不要錯過。🍢汁燒雞肝平時較少見的部位，口感較豬肝更為鬆軟。醬汁很入味，鹹甜適中很美味。🍢月見免治雞肉棒店家自製手打的免治雞肉，沾著生雞蛋黃，口感滑順鬆軟，在嘴裡越咬越香，很特別。🍢明太子燒飯糰飯糰相當紮實，外皮烤過帶點焦酥口感。明太子的鹹襯托出米飯的甜味，再搭配一旁酸甜黃瓜，十分清爽又有飽足感。整體而言，道道串燒都在水準之上，餐廳桌距不會太逼，坐的舒適，適合朋友聚會食串燒飲杯小酒的好地方。

今日突然間好想食日本嘢，於是就約咗朋友去咗食類似居酒屋咁樣嘅餐廳。呢間勝手日本餐廳食物選擇好多，而且類型都好特別，想食串燒嘅更加多選擇，而定食都有唔同款可以揀。燒鰻魚丼定食鰻魚外脆內嫩，米飯吸收了鰻魚的鮮味，十分美味。而且因為係原條鰻魚，所以份量非常多。墨魚釀冬菇口感滑嫩，冬菇的香氣與墨魚的鮮味相得益彰。芝士魚餅呢道菜非常有特色，將芝士釀咗喺魚餅入面，令到成個口感好有層次感，而且魚肉同芝士融入得好好。秘製汁燒豆腐味道濃郁，豆腐滑順，不油膩，非常好吃。

永光中心一向係我心目中嘅高質餐廳集中地🤫。今次一樣冇失望💕。✨汁燒鵝肝多士 $98/1超大塊鵝肝，口感嫩嫩滑滑，一咬落去有濃濃油香。✨鐵板牛舌 $78厚厚嘅牛舌幾有𡁻勁，肉味好濃郁。✨明太子燒飯糰 $42帶微微鹹鮮而且燒得好香脆。✨雜錦3點刺身盛合 $158池魚、油甘魚、赤身質素唔錯喎！尤其係油甘魚，魚油香味好重。✨秘製汁燒豆腐 $38/1燒得好均勻，外脆內軟。✨月見免治雞肉棒 $58/1口感柔軟，蘸埋蛋漿更加滑。

情人節簡左間居酒店慶祝餐廳用左全LED Mon 營做出粉紅色櫻花的效果，唔駛飛日本都十足欣賞緊櫻花海咁，好有feel 蟹籽沙律鯛魚湯用攬碎左的鯛魚淆成湯，白色的湯底好濃密串燒款式多多好吸引，叫咗白鱔、蘆筍豬肉卷、見雞肉串等等白鱔爽口彈牙，搽咗啲照燒汁系面燒，甜甜地好香口雞皮仙貝外面好少見，燒完脆卜卜，作為佐酒小食好岩key 燒豆腐用咗先炸後燒的方法處理，更加索汁，口感又脆脆哋另外叫咗一個脆櫻花蝦餅，將櫻花蝦攬碎製成嘅餅狀蝦餅，好香口又唔肥膩

最近發現銅鑼灣新開咗間日本料理主打火鍋🍲串燒等，食物質素都唔錯場內仲可以唱Kღ 秘製汁燒豆腐豆腐外焦內嫩，搭配特製的醬汁，味道香濃，讓人一口接一口。 ღ泡菜豚肉豆腐湯酸辣的泡菜與鮮嫩的豚肉相互輝映，再加上豆腐的滑嫩，讓整個湯充滿層次感。每一口都能感受到熱騰騰的幸福ღ火炙左口魚邊飯左口魚邊經過火炙後，香氣四溢。入口即溶，令人垂涎欲滴ღ角切魚生飯新鮮的魚片切成角狀，搭配壽司飯，每一口都能感受到海的鮮美。這道菜不僅好吃，還是一種視覺的享受。ღ 汁燒大蔥雞腿肉雞腿肉經過醃製，搭配大蔥一同燒製，讓每一口都充滿了濃郁的香氣，令人回味無窮。ღ燒菠蘿餐後甜點也不能少，燒菠蘿是最佳選擇。菠蘿經過燒烤後，果香四溢，外焦內嫩，香甜多汁