勝利牛丸

營業中

休息中

話說近排就搬咗入元朗夜晚肚餓就落街搵吓嘢食呢一間都其實之前係區外我都聽過好多次嘅勝利牛丸就好似講到一定要食其實$38有三併牛腩牛筋仲有牛丸其實就真係唔貴 咁我就揀咗呢個三併嘅米粉本身諗住個湯底的腩汁應該會幾入味咁就揀個米粉 跟住就好快來到都幾足料嘅 三粒牛丸仲有牛筋牛腩咁就先講湯底 湯底就完全係味精湯 同埋好淡 亦都唔重牛味 牛丸本身就好大期望嘅 但係食落其實同出邊凍肉鋪買到嘅分別不大牛腩就偏瘦 牛根還可以 如果作為一間平時下晝肚餓路過嘅食店嘅話呢 其實都可以嘅 始終$38都尚算可以接受 但係如果特登叫入嚟食嘅話呢就不了

好耐無去過元朗，經過見到勝利牛丸，呢間都好似幾出名，就試一下！用到去係雲吞面鋪格局，阿姐落單開口大叫，單都唔使寫。因我唔使牛腩關係，就叫碗招牌牛丸米（$38）細細碗，我都唔夠飽，男人一定唔夠飽. 牛丸有6小粒，好彈口，好有鮮味，唔係粉打，同冰鮮牛丸係有分係好食嘅！ 米粉同湯底就普通，無乜特別。諗住叫杯熱奶茶竟然要$18，不如叫杯少d地方有嘅熱檸樂煲薑啦，都係$23！埋單$61但係唔夠飽，個人來講就唔太抵食了

成個元朗真係有好多粉麵店，可能元朗人真係咁需要澱粉質，呢間勝利牛丸我相信香港都有好多人認識，佢嘅牛丸充滿牛味，佢嘅份量就一啲都唔似元朗特色，佢係細細碗，個地唔係傳統嘅竹升麵而係用油麵，加少少冬菜仲有特製嘅辣椒油真係好好味呀

元朗除了老婆餅好食，牛丸都不能錯過喔！自製牛丸米丸類畢竟都是雪藏食品，所以最怕吃到雪味同霉味不過，勝利家的牛丸就完全沒有這些問題！一咬下去就是爽口！而且很有牛肉味！一碗麵裡有六粒大大顆另外腩汁方面沒有很驚喜，顏色很夠但不會過咸，米粉量也很多！這個價錢來說CP值算不錯了！（順帶一提，這碗牛丸米本來是沒有腩汁，是後來叫樓面姨姨加的）牛筋牛腩河粉牛腩大大塊好入味好腍，啖啖肉也不會黏牙有點可惜的是牛筋對我來說稍嫌有點軟腍（本身比較愛吃較硬身有咬口的牛筋）不過尚未到‘入口即溶’的感覺，還是保留了一點口感！同樣地，河粉量也很多，女生男生吃都一樣飽肚！

間唔中都會幫襯下的牛丸，入口有牛丸又彈牙，牛腩又入味，食完一碗都唔會口渴，去到必要腩汁，因為好香，每次打邊爐都會去買番一至二磅回家十下十下☺️， 必試，誠意推薦。

星期六中午行過勝利牛丸 竟然吾洗等位即刻沖入去食返碗！對上一次食都有兩年喇價錢一年比一年貴都正常既 份量冇變都好安慰最鐘意食佢個丸根河 一黎到即刻試下個湯底咦 冇味既？再試多啖！真係冇味喎.....勁失望湯底係係粉麵既精華黎！唯有落兩滴辣椒油食飽左就算雖然個湯底令到碗野扣左70分但好彩粒牛丸仍然依舊彈牙爽口牛根都好夠淋.. 可惜吾夠入味整體黎講呢碗野都係吾掂..但元朗長大既我都會再比機會佢始終由細食到大 有感情分既。

唔知食咩好，又去咗食勝利牛丸！11點幾已經好多人，好彩仲有位！牛丸河: 牛丸有牛味，一直都好中意！筋丸麵: 筋好淋，又係次次必叫！食完未夠喉又叫咗個淨丸，正！總括黎講，不斷幫襯嘅一間食肆！

去左勝利食lunch,總共叫左3碗粉麵，兩碗3併河粉同一碗牛丸河，牛腩麻麻地，一係肉質鞋，𡁻唔落，一係就肥膏多好彩牛筋無失望，超淋，感覺勁重骨膠原牛丸夠晒彈牙河粉水準依然滑嘟嘟早知就叫牛筋牛丸河啦，可以多兩舊牛筋食嘛仲有必食嘅當然就係佢嘅辣椒油啦，又香又夠辣同埋佢外賣辣椒油一樽好貴架，堂食唔落辣椒油就對唔住自己啦食完例牌個咀痴立立，証明個湯底充滿膠質同埋下次要走冬菜，我唔係好鍾意食冬菜，因為好咸

這又是一間歷史悠久的牛丸店，入到元朗就會來吃。$38元一碗，無論牛丸麵，牛腩牛筋麵，牛筋麵都一樣價錢。特別有油麵。最重要雙拼三拼也是$38我完全懞了，不應該只選淨牛丸，下次我要3拼！飲品方面有懷舊菠蘿冰，雜果冰，紅豆冰 $23一1杯。這個自家制超級辣椒油一定要給大家知，堅超辣，不能吃辣千萬不要試我只2滴就已經辣到飲2支可樂，有支裝可樂很開心如果想吃甜些，可選懷舊西多士 ，香港舊式小店買少見少，如果年輕人未吃過，就要早點來了，因為牛丸自家制，牛腩牛筋自己炆份量有限，賣完就收工，6點很多時沒有牛丸，最好日間來吃。

聽就聽得多, 但又有幾何會入元朗!!今次入黎探朋友, 順便拉佢去食勝利牛丸!!佢讚到D牛丸好好味架!!!我開頭淨係諗住食牛丸米, 點知原來, 牛丸牛腩牛筋各自都係$38, 雙拼三拼都係一樣價錢, 一場黎到, 叫返個三拼試晒佢D餸啦!!牛丸牛腩牛筋三拼米粉!!!味道確實不錯!! 牛丸好爽口, 真係同出面個D有分別, 但又未至於傳說中咁好味, 但如果打邊爐買返去都不失唯一個好選擇!! 牛腩都好林, 不錯, 唯一美中不足既就係個碗太細, 唔係話佢個份量細, 係個碗太細, 搞到冇嘜湯咁, 我中意多湯, 見到朋友食河粉, 食到一半都冇晒湯!!!如果下仲再黎元朗又要快食都可以再黎!!但專登黎食就唔會LU~

元朗勝利牛丸聽過好耐，但一直未有機會試估唔到今日不經意反而遇到佢佢既出品好集中，除牛丸之外，就只有牛筋同牛腩餐牌其餘都係三文治、多士同各類港式飲品、特飲，餐牌篇幅佔超過八成與其將佢歸類為粉麵，不如話係三文治輕食更貼切🤭🤭Any肥，既然得三款牛，就試勻佢啦牛丸牛腩河🐂🐂同牛丸牛筋河🐂🐂 第一啖試下湯底，好濃郁好夠味🤤🤤，河粉都好滑個頭開得唔錯，到戲肉！！牛喇首先係牛丸，佢地標榜自製(非手製？)不過不失，但肉汁欠奉、彈性欠奉，不無原因再試牛腩，嗯，好瘦😅 可能我地無講明要啲肥，味道還好吧食粉麵我最愛落辣油，好多鋪頭都會自製，呢度都唔例外，仲有大小两款裝可買走可惜辣油唔夠香，辣味都唔算突出喔試埋牛筋，唔韌，好腍喎。係so far最高分最後總結，以元朗素有美食集中地美喻的地方，呢個價位又高汁的，應該仲有好多選擇！🤔🤔

講起元朗既代表作，我會想起勝利牛丸。每一位元朗既居民由細食到大既食店，廿三十年來仍然䇄立不倒，即使加價加到三十六蚊，份量又少之又少，但都要堅持著去食味道方便屬頂級，暫時係香港食過最好味既牛丸牛腩河，牛丸彈牙爽口，牛腩炆至入口即溶。湯底先係精華所在，每次吃都必須飲哂為止。另外，飲品係另計，加配汽水🥤較為適合，因為其他凍熱飲仲貴...多士，菜仲唔洗點講啦，更貴。不論元朗人還是外來人，旅客之類，來到元朗都必定食返碗先夠喉

今日元朗嘅朋友特登帶我去試一試元朗嘅勝利牛丸，佢話入元朗唔可以未試過勝利牛丸，好似入元朗要食老婆餅一樣！講到咁就試一試！叫個丸腩河 ($38)，再來牛丸米加腩汁 ($38)，加油菜 ($23)！雙拼感覺抵啲，可以試均兩款出名嘅食物！雙拼有3粒牛丸同牛腩，單拼就6粒丸！牛腩的確深色濃郁入味又淋身，有牛腩同牛筋，但牛丸就有點名過其實，牛丸只係比凍肉舖嘅牛丸好食少少！油菜有得配蠔油或腩汁，食濃味嘢食返啲菜感覺清新啲！

搬左入黎元朗半年見到好多元朗地膽都會share呢間老字號粉麵平時收工8點番到黎都見佢關左門放假得閒 終於可以黎試試了店舖既姐姐好犀利 由order同埋單都唔洗寫單而且好好笑容又快手叫左碗麵 幾分鐘都唔洗就送到上枱面叫左牛丸米加色呢度牛丸粉麵同丸腩粉麵都係同價可惜我唔鐘意食牛腩 冇機會試一試一入口牛丸幾彈牙 有少少肉汁係裡面 不錯碗裡附有少少醃菜 偏咸不過我幾鐘意食令我驚喜的係 呢度既米粉幾彈牙唔似出面既米粉林身而且冇咬口一碗麵都幾多 食完夠飽！30幾蚊既粉麵黎講 勝利牛丸實屬中上水平

前幾日食的下午茶，幾十元包括好多不同味道。之前有人推薦三拼，不過我麻麻雞翅。牛筋牛腩38元都值得食。康樂街附近，(公廁喇附近有大排檔好容易見到)今次加少少汁，米線牛丸正。