勝利牛丸

營業中

休息中

元朗勝利牛丸.味道：8/10🌟抵食：8/10🌟環境：7/10🌟.元朗人一定會知道地道牛丸河😋鍾意食牛丸嘅朋友一定不能錯過😌呢度嘅河粉淨係跟3樣嘢，牛丸、牛腩同牛筋🐮牛丸爽口彈牙，好香牛肉味🤩牛腩同牛筋就偏淋身，非常入味👍🏻油菜都係必叫，呢度嘅蠔油好香口🦪推薦黎元朗嘅朋友可以試下✨.#香港 #食評 #foodie #食好西 #instagram #香港好去處 #拍拖好去處 #香港美食 #打卡 #元朗 #元朗好去處 #元朗美食 #牛丸 #勝利牛丸 #地道小店

今日突然抽到時間去我想去左好耐既下白泥入去之前,因為有小小餓,所以就搵下附近有咩好食搵到必食之一係勝利牛丸,咁啱又係我附近,所以就決定去食啦!去到見幾多併都係同價錢,唔執輸既我當然就叫三併河啦!!🤣三併 有牛丸,牛腩,牛筋牛丸好彈牙牛腩硬硬地牛筋唔算淋河粉就鞋左D

今日黎一間之前飯堂既粉麵店，好耐冇黎了 ，因為對比起之前實在太貴、過黎只係回味下，例牌叫呢樣野牛丸牛腩米；味道好似唔同左小小 但講唔出有咩 分別，可能只係太耐冇食唔記得左個味道掛，又或者係之前食慣左，牛丸係正常既 但係而家大家既牛丸都好出色。牛腩不過不失，湯底幾好既 。但比之前淡左。價錢貴就出哂名。份量要食兩碗先夠飽。同好到底有得輝。環境都係咁老店咁。唔洗諗住食裝修。姐姐服務態度係正常既。有冇下次。會有既不過唔會太快再黎😅

趁今日搭輕鐵唔使錢，真係得閒冇事做走入去元朗，諗起屋企有老人家冇牙，最好就係買佢嘅牛腩加餸，蒸牛筋腩，就算拼牛丸都好啦，最低消費要$52，而且只係收現金，去到嘅時候大概晏晝六點，眼見喺元朗嘅兩間舖頭入邊都冇乜人坐，可能出咗名，但係品質始終冇特別大驚喜，而且價錢又唔平，唯一可取真係佢嘅牛筋腩，超級腍，冇牙嘅都可以搵條脷篤散佢，牛丸就梗係唔得啦，但係我都唔覺得有乜大驚喜囉，唔會話冇幫襯，但係唔至於特登走入去幫襯。

勝利牛丸真係由細食到大，有一日揼完骨落樓見肚肚餓就入去食咗碗雙拼米雙併要左牛腩同牛丸，成日都唔明點解要用咁細個碗，牛腩量多但唔算入味，牛丸彈牙但唔算出色，最失望係湯底，深啡色湯底無乜味得個樣總括而言，唯一keep到既係餐廳衛生程度仍然有改善，食物嘅味道真係唔再出色，食個情懷都ok既😮‍💨

『勝利牛丸』有咩咁出名😳 我今日經過元朗諗住買返屋企試下，問店員姐姐買4两大約有幾粒，佢話大約10幾粒，之後我要咗4两，店員同我講得9粒，夠唔夠食？我叫佢上返磅俾我睇😂 居然居然唔夠秤‼️ 佢聲稱話睇錯磅😅 加返兩粒先夠⁉️ 我有啲愕然，不過都照買咗🤗 雖然佢堅持每天以純新鮮牛肉自家用心制作，但係返去煮嚟食都覺得麻麻地，的確係彈牙，但係覺得無乜味，定係一定要配埋自家製手工辣椒油😅 $50/11粒🫣今次真係有啲失望🙍🏻‍♀️ 都真係未必會再幫襯🦥

繼續元朗篇，今次介紹呢間可以話同「𝘉仔涼粉」一樣勁到已經成為元朗嘅代名詞，未食過都一定聽過嘅 -「勝利牛丸」🍡 話說小編當年返暑期工返到入黎元朗😆幾乎每日都會同班同事入黎食佢個「三併麵」，當年舖頭都仲未裝冷氣，大熱天時同人逼住食到身水身汗都要入黎食🥵全因佢彈牙又充滿肉香嘅手打牛丸，仲有食完會漿住嘴唇嘅超濃郁腩汁湯底🤩闊別多年，今日終於有機會再回味下～ 《 三併油麵/河粉/米粉 》$42 3 / 5價錢加幅算唔誇張，比起當年只係貴咗少少🤏🏻三併有牛筋，牛腩同牛丸，碗仔細細但好足料😲牛筋牛腩量多而且非常上色，但食落就唔算入味，牛丸keep住咁爽彈，口感取勝👍🏻但比較失望嘅係湯底已經冇當年果種濃郁漿嘴嘅質感😔，而麵底亦無特別，整體評分只屬合格～總結餐廳嘅環境舒適度同衛生程度係有改善，可惜食物嘅味道就不復當年😔只能說往事只能回味，有興趣又咁啱經過嘅話一試無妨🙂———————————————🏠環境舒適度：💛💛💛👅舔脷回頭度：💛💛💛📸打卡able度：💛💛💛🙇🏻‍♀️服務滿意度 ：💛💛💛———————————————

當天晚上和老婆到勝利牛丸吃晚餐， 內裏也是普通的車仔麵店格局，用的是圓枱和圓櫈，坐得不太舒服。我叫了牛丸牛筋腩米粉，而我老婆則叫了牛丸牛筋腩河粉。 我認為河粉略勝一籌，因為米粉也是一般茶餐廳的質素，難硬度適中，沒什麼特別。但河粉煮得不太淋，所以不錯。而勝利牛丸的牛丸果然十分好食，彈牙和有牛味。牛筋腩則是牛筋太多牛腩太少，所以要扣分，但它的質素也是不錯的，因為牛筋腩十分軟，而且吸收了腩汁的味道，非常入味，問題是湯底也是十分咸，所以飲了很多水。意想不到的是，侍應的態度十分好，我叫他們畀多一點東菜，他們很快便比了一大匙，非常大方。

招牌麵食, 就只供應牛丸, 牛筋和牛腩三款, 沒有一點花巧 ，配的只有油麵, 米粉和河粉 單併雙併以至三併都是收同一個價錢, 這點真是值得一讚。 除咗麵食之外，只有三文治, 多士， 西多和特飲。湯頭顏色程深啡, 牛腩香味頗為濃郁, 牛筋腩，份量多，鋪滿成個碗面， 平時一般粉麵舖都係配芫茜蔥， 這間舖頭係配冬菜牛腩入味，牛筋都好腍滑，不太油膩, 稠身得來帶黏口感, 不錯雖然勝利牛丸並沒有傳說中驚天地泣鬼神概味道,但牛丸吃起來都係爽口彈牙,每一顆都扎實而爽脆,吃的到牛肉的鮮甜,都幾好吃,值得一試!!

香港最有特色就一定係魚蛋粉麵， 區區都總有一間喺左近， 但講到好食就一定係要試下出名嘅， 今日試咗元朗呢間勝利牛丸， 湯底唔鹹加咗啲冬菜不過份量就好細碗牛丸只係得六粒但係呢碗麵 價錢都唔平喎， 嗰六粒牛丸又真係幾好味嘅 但呀得呢，冇根，有牛丸味。我個人就覺得普普通通 環境都衛生一般， 可能老字號開業 有一定的客戶所以舖內 都多客人的。

一碗牛丸或牛腩麵賣40 以為會有驚喜 牛腩食落得少少牛味 碗湯簡直係濃味 唔係好食得出係咩 但極濃 叫左杯凍飲 無跟餐呢樣野 一杯凍檬20 一餐60 仲要唔係有咩驚喜 完全唔抵食 都唔好食

元朗牛牛➖勝利牛丸🐮🍜入到去有少少似港式茶記嘅感覺 個個嚟都係食佢啲牛🐮🤣不過都仲有其他三文治多士食下😌小編選擇左三併米線 諗住一次過試曬佢所有牛牛嘅嘢食😚〰️三併米 $40牛丸幾好食 但本身對於佢標榜嘅自家製好有期望 覺得可以再彈牙同夠多肉汁少少🥺🥺牛腩同牛筋都好入味 比到意外驚喜😳🎉牛腩肥瘦適中 而且炆得夠林✔️✔️湯底嘅腩汁好深色 以為會好濃味 但湯底偏淡🥺同想像中有少少出入🤏🏻🤫而米粉嘅份量比較少 未必夠飽🤭💰$120 (2人)凍嘅嘢飲要$20一杯 真係有少少貴 不過埋單計返都同茶記價錢差唔多食物質數 ⭐️⭐️⭐️環境舒適 ⭐️⭐️⭐️抵食指數 ⭐️⭐️⭐️推介指數 ⭐️⭐️⭐️

作為新界人，勝利牛丸可以話係無人不識，評價亦好兩極化。上個月有日平日咁岩經過勝利牛丸，見夜晚無咩人，的起心肝走入去，fact check 下究竟勝利牛丸係出名好食，定出名難食🤣今次試既，係谷亭街既分店～一場黎到，一於叫左個雙拼試試，本身佢地有個牛丸牛腩牛筋三拼，$40，但因為我唔食牛筋，所以叫左雙拼，都係盛惠$40，另外再叫左個紅豆冰，盛惠$24。牛丸方面，口感好彈牙，但唔夠爽，而且牛味相比其他地方食既牛丸，味道偏淡。牛腩切得舊舊大小均勻，但一咬，即係散哂，口感勁軟，同食煲完湯既排骨肉口感一樣，即係無口感，而且牛味欠奉，合埋眼食係唔會覺得自己食緊牛腩😀紅豆冰方面，紅豆份量足夠，淡奶略嫌不足，而且佢地出奇地俾左最幼身既飲筒我，根本吸唔到紅豆😇總括而言，勝利牛丸谷亭街分店既牛丸同牛腩，質素非常一般，唔會再試亦唔會推介任何人去試，究竟另一間喺元朗既分店，質素同谷亭街分店有無分別呢，有緣去試再同大家分享！完！

丸腩河，牛丸細粒咗，牛丸，牛腩同河粉味道keep到，牛丸有肉味，湯底淡咗，牛腩同冬菜少咗，由單拼到三拼都係一個價，呢個真係唔話得👍🏻由廿幾蚊食到$40，品質都仲keep到算係咁；疫情下冇減價又冇加價，啲街坊都話食少左了，不過不失。

絕對是元朗特產。行完山，身水身汗，已兩點幾，想吃點有元朗特色的食品，除了涼粉，就是這店。點了三併米粉（三併就是牛丸、牛腩和牛筋），大量的腩汁，彈牙的牛丸，$40一碗雖然不算便宜，但絕對支持本地小店。點了油菜，可選腩汁或蠔油，在牛店，當然是油菜加腩汁。雖然已過了正常的午飯時間，但顧客的數目也不少，一直都很欣賞專注的食店，就好像是在日本那些小店一樣，勝利牛丸，只賣牛筋腩和牛丸，就是這種專注，值得欣賞。