勝利牛丸

營業中

休息中

作為新界人，勝利牛丸可以話係無人不識，評價亦好兩極化。上個月有日平日咁岩經過勝利牛丸，見夜晚無咩人，的起心肝走入去，fact check 下究竟勝利牛丸係出名好食，定出名難食🤣今次試既，係谷亭街既分店～一場黎到，一於叫左個雙拼試試，本身佢地有個牛丸牛腩牛筋三拼，$40，但因為我唔食牛筋，所以叫左雙拼，都係盛惠$40，另外再叫左個紅豆冰，盛惠$24。牛丸方面，口感好彈牙，但唔夠爽，而且牛味相比其他地方食既牛丸，味道偏淡。牛腩切得舊舊大小均勻，但一咬，即係散哂，口感勁軟，同食煲完湯既排骨肉口感一樣，即係無口感，而且牛味欠奉，合埋眼食係唔會覺得自己食緊牛腩😀紅豆冰方面，紅豆份量足夠，淡奶略嫌不足，而且佢地出奇地俾左最幼身既飲筒我，根本吸唔到紅豆😇總括而言，勝利牛丸谷亭街分店既牛丸同牛腩，質素非常一般，唔會再試亦唔會推介任何人去試，究竟另一間喺元朗既分店，質素同谷亭街分店有無分別呢，有緣去試再同大家分享！完！

丸腩河，牛丸細粒咗，牛丸，牛腩同河粉味道keep到，牛丸有肉味，湯底淡咗，牛腩同冬菜少咗，由單拼到三拼都係一個價，呢個真係唔話得👍🏻由廿幾蚊食到$40，品質都仲keep到算係咁；疫情下冇減價又冇加價，啲街坊都話食少左了，不過不失。

絕對是元朗特產。行完山，身水身汗，已兩點幾，想吃點有元朗特色的食品，除了涼粉，就是這店。點了三併米粉（三併就是牛丸、牛腩和牛筋），大量的腩汁，彈牙的牛丸，$40一碗雖然不算便宜，但絕對支持本地小店。點了油菜，可選腩汁或蠔油，在牛店，當然是油菜加腩汁。雖然已過了正常的午飯時間，但顧客的數目也不少，一直都很欣賞專注的食店，就好像是在日本那些小店一樣，勝利牛丸，只賣牛筋腩和牛丸，就是這種專注，值得欣賞。

以我估計，呢間野咁出名，可能因為以前元朗冇乜粉面店，所以係冇選擇嘅情況之下，佢就係唯一嘅選擇，因此人哋局住要食佢，所以出咗名特登山長水遠走來食，叫咗個三拼米粉，有牛筋牛丸牛腩，$40 ，價格正常1️⃣食物上枱後，立即食幾啖，發覺原來成碗野冇乜味道，湯底調味好弱！2️⃣牛丸味道好淡，究竟點做到㗎呢？3️⃣米粉質素其實唔錯，好可惜湯底實在太清淡，得個咸字，味道層次好單薄，所以配合之下好一般4️⃣最後牛筋牛腩都係一般貨色，牛腩係人哋平價車仔麵的品種，牛筋都係好普通不過有一樣野值得欣賞，服務員態度很好，店舖算光猛潔淨，係同類型嘅店舖之中算係比較乾淨，唔通乾淨都係一個可取之處？

叫左個3拼米（有牛丸、牛筋、牛腩）先飲一啖湯，完全無牛味⋯牛筋&牛腩完全無牛味，牛丸牛味有少少，只爽口不彈牙食完成碗再飲啖湯⋯都係無牛味！重有叫左碟蠔油生菜，啲蠔油唔係平時食開果隻味，有啲怪怪地。完全係失望⋯

去完河背水塘，小巴返元朗食个面至返屋企，差不多到六点，无勿好食，经过胜利牛丸就试下你，点左牛丸牛筋面，其貌不扬，但好味喔，牛丸好爽，牛筋好入味，浓汤配油面，真的很不错，值得推荐。

勝利牛丸喺元朗非常出名，係幾十年嘅老店。款式唔多，得牛筋、牛腩、牛丸，如果想試哂咁多款可以叫三併，同單併、雙併一樣都係40蚊一碗，好抵食！最重要係好好味，牛筋、牛腩好入味，牛丸好爽但唔算好有牛味。冬菜好鹹但都幾襯碗麵，麵嘅質地就比較淋，唔太有口感。不過不失，又未都到推介嘅程度。份量就好足料，都幾抵食！牛丸牛腩牛筋河 $40

今日去元朗朋友屋企聚會，咁就食飽午餐先去啦梗係。一入到元朗即刻搜尋粉面店，一彈出嚟有勝利牛丸！本身唔食牛丸嘅我望吓Menu有牛腩牛筋一於去試吓。成碗粉裝到滿一滿牛筋腩😋，不過食品一般，不過不失，牛腩汁太濃（對於我來講）。但勝在有多士食補賞番，食飽又去玩啦😊

在家工作已有一段時間，很掛念與同事們一起奮鬥及共進下午茶的時光，今日要外出購物，便順道吃個下午茶，保持身心與心靈的飽滿!進店後可以自己選擇座位，仍然沿用簡單的圓桌及圓櫈。勝利牛丸除了以牛丸為主打外，茶水部及其他食品都不遜色。凍柑桔蜜想飲潤喉的飲品及增進食慾，就選擇了柑桔蜜。雖是凍飲，但柑桔蜜味道濃，非常潤喉。熱菊花蜜味道適中，同樣也是潤喉的飲品，有菊花蜜的香味，溫度也很熱。奶醬多花生醬加煉奶塗抹均勻，麵包烤得剛剛好，正!蛋牛治滑滑的嫩蛋混入鹹牛肉，沒有選擇烘麵包是因為想口感一致的軟綿綿，好味!餐蛋治餐肉煎得很香，滑蛋分明。抵食又好味，當下更珍惜外出食好西的時光，連味道更覺深刻，順道外賣生的牛丸方便在家自己煮。服務仍然沿用傳統式口語下單及結賬，動動腦筋就可省下筆墨及紙張，讓食客體驗熱鬧的圑隊合作精神!

今日去左買兩碗牛腩河+菜，結果買完番來打開諗住開餐，結果全部都係筋，揾哂成碗得一舊勁細既腩，另外一碗就有3舊牛腩3舊牛筋，即吾係落錯單啦~ 好吾老實~back list左已經~

之前喺元朗返工，晏晝同啲同事都會商量食咩，勝利牛丸係一個好選擇，老字號牛丸，真係好彈牙，不過價錢就唔算太平，份量啱啱好啦，但係啲牛丸真係值得食，重點係佢個辣椒油，又香又夠辣🥰

行山去到元朗，諗住嚟食滕利手丸。整碗買相唔彩，但系食落去湯底無味。一路食一路吵到暈，不斷加味同加醋，淡某某肉質唔掂，小朋友都唔食呀難食過20蚊碗。 千其唔好嚟！嚟左會後悔~

勝利牛丸由細個食到大個個裝修格局幾十年不變好處係佢地客流量好高，個個都興一個人入去食，醫完肚就走所以等位相當快耐少少都係平均5-8分鐘就有位佢個手打牛丸彈牙程度非常之爽口我至愛，每次必叫丸腩面食筋$40或者有時唔想食牛腩/牛筋，我都會叫丸面加色（姐係個湯會加左腩汁、而唔係清湯上）不過啲而面底，我就會揀油面（你都可以叫河粉、米粉）個湯底有好香既冬菜味，又唔會太咸而且不得不讚既係牛筋相當之出色，入口即化咁已經煮左好耐所以唔會咬唔到、比較淋好食係好食，但由佢廿幾蚊碗到而家已經加價到40蚊一碗不過味道不變係真既

一直對勝利牛丸都有個情意結，因為小時候家人帶我來元朗，都一定會過來吃一碗牛丸，當年連嘴刁的爸爸都很喜歡。去年有一次自己過來吃，已經覺得退步了很多，這次再次經過，再給這老字號一個機會吧！環境: 光猛乾淨，傳統麵家的格局服務: 態度良好，很有人情味的感覺口味: 再一次失望，牛丸正常不過不失，沒有了以前那味道，而腩汁非常深色，卻異常的淡，完全年味。。作為一間老字號面家，很多街坊從小就開始幫襯，但如果味道維持不了的話，很多客人都不會再回頭。

本人雖然十分喜愛食牛，但對牛丸不嬲興趣不大，係最近錦麗的出現，令我對牛丸另眼相看。呢間店以牛丸自居，試一試佢龍與鳳先😋選擇得兩個：根腩&牛丸。正在煩惱食邊樣好的時候，一個窩心的舉動，阿姐叫我食三拼，佢唔係upsell我，而係三拼同價唔使煩可以一次試哂😁湯底，正常五香牛老店味道，不錯但驚喜欠奉。粉，我點了河粉，當年$10碗的質素。牛腩，油尖旺求其入一間都食到的五香牛腩。牛筋，呢個掂👍🏽比起有質感的牛筋，我比較喜歡食呢隻好似肥膏咁的牛筋😋好入味！牛丸，到主角喇。平庸...除咗比急凍牛丸彈牙少少少少咁多，同食得出係鮮製之外，真係一啲特別都冇，食人情味多過食好味...完