加記 (真善美大廈) (已結業)

上星期六朋友敘會，去了位於西環的加記(飯店)。訂了檯於八時半，有朋友早到了但亦要等到差不多九時才有檯，到处都是等位的人。本來想離去但因這次敘會是其他朋友安排，不好意思落他的台，只好等！终於坐下了，但因為我们有十四人，坐得真的很逼。店子亦不是太大，所以真的很嘈及坐得很不舒服。朋友訂位時己訂了一個套餐(就是以上餐单)，開始叫菜時叫了一客"米酒鸡"，部長(或經理) 己經(友善地) 阻止我们繼續再叫，說一定夠吃。我们所有人都用不相信的目光看著他，他就說真的不用再加菜，否則一定吃不下。上菜的時候终於明白到，每碟菜式都比面盆还大，我们十四個人都吃不清。到最後还可打包四盒食物帶走。怪不得看到对上那圍檯的人走的時候，他们手上拿着最少十亇外賣盒。最難得的是，食物的味道也是不錯。真的做到大件夾抵食，平到你唔信！十四人，喝了不知多少支啤酒，埋单大約一仟三百元。又食又打包，平到你笑，去邊度揾。難怪那么多人等位。唯一可以彈的就是店太少，坐得太逼及太嘈。但以这等价錢及品質，也就一定要將就了。

第一次晌到寫食評，就係比左加記。星期一晚同老友去加記晚飯，價期前夕無book檯，要等半小時檯，因為我第一次幫襯，所以交比朋友發板，人少叫唔到多野食，只係叫左之前朋友試過既米酒雞同埋大蝦伊麵，每碟約80~90蚊，以呢個份量黎計真係超值，因為而家好多新派中菜酒樓可以把呢個份量分到做兩碟，先試了大蝦伊麵，係比較油，但係我覺得可以接受，當咬落個蝦球既外皮，果種脆口同埋裡面非常彈口既蝦肉，美味既程度簡直令我不自覺要合埋眼去品嘗，唔好怪我講得誇張，因為我真係比足100分。聽朋友話上次佢食果陣有落芝士仲更加好味，男部長話之前加芝士，比客人投訴芝士有怪味，所以現在唔再落芝士，呢個解釋都幾奇怪…之後食好大盤既米酒雞，原來有糯米飯晌d雞下面，我諗可以足足分到十個碗，果刻我開始驚我同老友兩個大男人會食唔晒，雞好滑，鋪滿晒晌飯上面，好多紅棗同北菇，糯米加上少少酒味同雞味實在一絕，搞到就咁食糯米都已經覺得好好味，不過比伊麵更加油…呢一味我都比80分以上，我地本身已經飽成咁，都仲覺得好味到要食晒佢為止…飯後果係雪凍左既荔枝。飲埋兩支啤酒，每人百二蚊，以呢個味道同份量，非常滿意，已經約緊多d朋友再去試佢其它菜式。

今日8：00幾去到加記，竟然唔使等位，以為好運，点知中招，原來食物水準变差，唔怪得有位喇，坐好点菜，唔使話一定点米酒雞喇，砵仔侷鱼腸、咕嚕肉、土魷蒸肉餅、上湯皇帝菜，点知寫單阿姐話砵仔侷鱼腸無wor，仲話唔係無鱼腸，係阿姐休息無人洗wor，吹賬!話都無咁快有得食，米酒雞先到，香氣撲鼻，即刻起動，雞肉香滑有酒香，唔錯,但一食糯米飯唔得喇，又硬又油又無味道，可能怕你会食得多難消化，真係用心良苦，咕嚕肉、土魷蒸肉餅不過不失，普通嘢無セ点，上湯皇帝菜就真係唔得喇，上湯無味皇帝菜煮得過長時候变黃，軟Li Li，將皇帝菜煮成咁真係第一次見，無解。今次嗰位男部長態度唔差，有進步，但D阿姐果然有料到，聲大夾惡，黑口黑面，最難受係佢地執枱時所制做出嚟嘅嘈音，真真真難頂，可能怕無人知佢做緊嘢，又可能碗碗碟碟都唔使錢，打爛唔使洗呱，總知香港人唔係儍嘅，食物質數唔得嘅話，絕對no encall喇!

日期：2007年5月8日(二)今晚第一次去加記食飯，初時以為好好食，因為睇報紙介紹過。真係好失望!!食物質素好差!最重要係伙計的態度仲差!先講食物：我叫咗3個餸：1. 帶子賽磅蟹：好多油，太油膩2. 咕嚕肉：味道幾好，只係微酸了些少3. 米酒鷄：味道ok，但要受氣帶子賽磅蟹和咕嚕肉很快就到，差唔多10分鐘左右，但…….米酒鷄這一味餸，我們等了差唔多45分鐘才到，我們追問了一位態度十分差的部長多次，他的態度真的差到不得了，仲同我們講：你們唔等得，下次就唔好再叫這一個餸。嘩!!!!態度真係差到唔識得形容。真係未見過有服務員的態度可以這樣。而且我叫這一個餸時，他是沒有同我們說過，這個餸是要等這麼耐，餐牌上也沒有寫明要等這麼久，我們又是第一次去食，唔知道是正常的，而且我們等了45分鐘，我覺得真係太耐!我覺得其實是他們漏了單，因為我們隔離枱是遲過我們到，但他們的米酒鷄己經食緊，所以部長的態度真係唔要得，做錯事唔肯承認之餘，態度仲可以這樣惡。當時我心裡面想，我是來食飯的，而唔係來受氣的!!食物的味道雖然重要，但對待客人的服務態度亦是十分重要，希望加記要好好檢討一下，公司的伙計工作態度。如果唔係，食

同朋友2個人去左加記食午餐,$24一個set，包括: 湯(羅宋/中湯)、餐包、飯同埋飲品(熱/凍飲都係+$2)點左:豉椒排骨反& 葡汁什菜意粉豉椒排骨反真係好大碟，足2人份量(我同朋友見到都"嘩"左聲，味道賣相都不錯有水準。葡汁什菜意粉就真係5得啦，d葡汁同意粉係分開上，葡汁好稀料又小，一睇就覺得5好食，意粉份量亦好少，尤其擺係隻king size碟上面好零丁(有d好笑haha)，好寒酸呀，味道雖然無想像中咁差，但絕對5值得試。加記都係d中式小炒先拿手，西式野食始終5係佢個範(我見隔離台d人叫ge西餐賣相都係5得，相信亦5會好食仲有d服務5係咁得lo ,明明叫左個嬸嬸拿2隻碗，轉個頭佢當無左件事，完全無心去招呼d客...至於環境，因為午市少人，5迫又5吵，所以都幾好坐。以e個價錢同食物(中式野)、環境黎講，lunch食加記係一個好選擇!抵!

d 野食樣樣都好大碟~~~ 味道都唔錯~最緊要係平嘛~叫左好多野~ 仲要食埋翅....都係7百幾蚊埋單... 抵!!!特別推介.... 唔記得叫咩名~~ 有一隻雞... law米飯係底~ d雞就喊左d~ 但係d飯就真係好好食~ 連一向少食米飯既我都食左兩碗!

擒晚都差唔多成九點先到加記, 但都有人等位喎, 好彩我哋兩個人咁啱有兩人檯唔駛等. 見隔離檯d餸咁大碟, 所以我哋兩個都只係點咗兩碟餸咋, 椒鹽九肚併排骨& 涼瓜炆魚頭腩, 兩碟嘢都好大碟, d魚腩幾新鮮, 好有咬感, 唔會一咬落去就碎. 要提一提, 而家佢星期六日都要加一喇!

Great food, fresh ingredients, huge portions at wonderfully low prices, so to be honest, it's only fair that it's very popular and service is less than stellar and waiters are stressed. Even better, all the dishes were piping hot. Not much more you can ask for?Dinner for group of 7. All dishes were great if not spectacular: Old fire soup. Spinach with yu foo (balls of fish with tofu). Fried lotus root with shrimp paste. Steamed chicken. Mixed seafood with tofu. Chilli salt deep-fried 4 treasures

服務:由於無收加一服務費，所以都預左無咩招呼。沖茶收野都要叫幾次，可能多人。座位:可能要爭取空間，所以位與位之間真係迫左d，如果係背對背既座位，有d人將鄧推到好後，而自己根本座唔晒成張鄧，後面果位的人便一定座得很辛苦了。份量: 真的幾大碟，份量係我食過咁多中菜最有份量的。味道: 中上，幾好呀。叫左3送1湯，碟碟都唔錯。裝修: 比一般飯店裝修好，有中國特色，看得出是有花過心思擺設，如果不計座位迫，也算舒服的。價錢: 算低食，因為份量十足。總結: 是次3送1湯，2個人食到飽飽仲打包一盒走，咁既價錢同份量，款式多，有d出面很小有的佢都有，都算是有誠意的食市，如果服務員好d, 座位安排好d, 就very good la！p.s. 當我們還未食完，已送紅豆沙，當我們食完，紅豆沙已涷變成很杰很涷了的紅豆沙，看了也食不下。

20070210和honey一起與一個大陸來港僅月餘的MM吃午飯，權衡大家的口味之後，就近選擇了加記。見慣了這裏夜間的壯觀場面，相比較起來，午市不算太多人，但也有七八成滿座，其中不少是獨行俠，要個碟頭飯、炒粉面或者蒸魚套餐，25元以下，已經有放心的質素，況且還有湯與餐包跟，更加顯得物超所值，雖然那一籃西式餐包與牛油有點不倫不類：）我們在商務套餐與散叫之間研究了一輪，正躊躇處，honey突然發現了一張“午市三寶”的餐牌，一拍即合，馬上落單。一樣有例湯與餐包，今天是粉葛瘦肉水，火候夠，料足，蓮子、蜜棗之類直有小半碗，且也沒有怎麼下味精，只是最後調味這一步落鹽略多了點。餐包沒有吃。再靜等幾分鐘，菜便到了。首先是一個上湯芝士海蝦燜伊面煲，上來的時候還是滾著的，冒著小泡泡。蝦小小的，不過很鮮，又入味，可以連皮吃下去。面不太像伊面，而且浸得太腍，幾乎完全夾不起。這個菜清碟。第二個是金銀蛋上湯菠菜，堆得像個小山似的，熱氣騰騰。蛋花香，菠菜嫩，也是幾乎清碟。最後一個是加記金牌炒飯，內有大大蝦仁、厚厚魚片以及切片菜心，炒得很幹身，味道香而不鹹膩，對於中式餐館也算上品。就是份量太大，加上前兩個菜的攻勢，我

山長水遠比個friend叫左去西營盤食飯,果然有料到!我地book左6點,一早講明食到7點3...可惜9條友有遲有早,拖左一陣先叫餸.好快就有得食,的確抵食夾大件,碟碟都好大,味道又唔錯.只可惜個位好逼,九個人加埋d衫袋咁,都唔係好使旨意郁.好戲在後頭,最精彩既係該食肆令我見識咩叫做"服務態度".7點半部長叫我地埋單,但係由於人多餸又多未食完,問可唔可遲少少.佢都竟然堅持要上糖水,完全無位擺,野又未食完...仲要不斷係你隔離叫你埋單.最絕妙係部長竟然可以聲大夾惡逼你埋單... .逼你未食完就走....問佢拎外賣盒又忽然撞聾...你埋左單之後仲可以叫人執野....又可以同個客互相指罵....如果你真係想享受咁一等一的服務,我真係絕對推介你去試下.我都未試過食一餐飯,食到咁背脊骨落,又未見過咁有型的部長鬧客.香港如果要選最佳餐廳,我一定揀呢間,咁香港包保比人唱衰,包保以後無人黎.味道幾好都好,服務差,不知所謂絕對可以令到佢好快執.希望阿部長以後仲有機會做飲食業,阿門.

山長水遠比個friend叫左去西營盤食飯,果然有料到!我地book左6點,一早講明食到7點3...可惜9條友有遲有早,拖左一陣先叫餸.好快就有得食,的確抵食夾大件,碟碟都好大,味道又唔錯.只可惜個位好逼,九個人加埋d衫袋咁,都唔係好使旨意郁.好戲在後頭,最精彩既係該食肆令我見識咩叫做"服務態度".7點半部長叫我地埋單,但係由於人多餸又多未食完,問可唔可遲少少.佢都竟然堅持要上糖水,完全無位擺,野又未食完...仲要不斷係你隔離叫你埋單.最絕妙係部長竟然可以聲大夾惡逼你埋單....逼你未食完就走....問佢拎外賣盒又忽然撞聾...你埋左單之後仲可以叫人執野....又可以同個客互相指罵....如果你真係想享受咁一等一的服務,我真係絕對推介你去試下.我都未試過食一餐飯,食到咁背脊骨落,又未見過咁有型的部長鬧客.香港如果要選最佳餐廳,我一定揀呢間,咁香港包保比人唱衰,包保以後無人黎.味道幾好都好,服務差,不知所謂絕對可以令到佢好快執.希望阿部長以後仲有機會做飲食業,阿門.

難得妹妹下午飯時間有空，我和男友決定帶她來加記，然後送她回港大和朋友仔影畢業相。自父親節的難吃經歷後，我和男友對此曾鍾愛有加的餐館已有所保留，今日重來，水準未見特出，平反無望。我們點了$120的三餸三湯三白飯套餐：- 是日中湯- 粉葛赤小豆，清甜非常，飲完身心舒暢- 土魷蒸肉餅，好一般，啖不上好味- 蝦仁炒蛋炒得夠嫩，份量超多，唔錯- 椒鹽鮮魷十分惹味，但炸漿過厚且淋，一啲都唔香口往後只可用大件夾抵食嚟形容加記，可惜可惜...

12月15日晚推1個政治飯局,1行6人來晚餐。食:1)米酒雞:即蒸雞糯米飯。雞都滑,但糯米飯有d乾。份量好大,真要有6個人才能食得晒2)九里香骨:即小小似椒鹽肉排。都頗有肥膏,炸得唔錯,但唔夠味3)魚香茄子:惹味,茄子切得大件,幾好4)銅盤手土魷肉餅:肉嫩,好味5)麵醬番薯苗:有d"nor"味,一般食物沒有驚喜,反而有d失望,因之前朋友說得好好,而且有時坐車經過都好多人。友人也說比最初差好,要講一講d服務,見網友寫香橙骨,落單時侍應說"無",簡單利落,語氣幾倔。繼而友人想食魚頭,侍應說"而家無魚頭食,你有無睇報紙ga"我即時打個"突"。做前線好似"嘹"交打咁。友人串佢"她剛放出"上菜亞姐"擺"低一碟唔我叫菜,叫侍應埋。侍應問上菜亞姐這味菜應是什麼檯號,上菜亞姐向侍應道"我唔彩你"後真走去。好1個打工皇后。如果全香港人在工作上對住d客/用家可以咁隨意隨心比d咁答案,邊可能有壓力同抑鬱症另外見到我旁的牆上,有隻"小強"

加記ｄ野都幾好味，不過坐得唔太舒服，加記以前係加拿大餐\廳，後來重新裝修，買過新檯，不過ｄ檯太大啦，坐四個人就太大張，六個人又會逼逼地。但係好多時一家大細都係四個人，坐落去就好奇怪，有時要兩家人（三個加三個或者兩個加四個）搭檯，但係就會坐得好辛苦，一家大細就逼ｄ都無所謂，但唔識坐埋真係唔係好夠位，尤其係各有各叫菜食飯，張檯就攏到滿滿無位剩。加上佢\檯大嘛就擺\唔到好多張，門口掛根龍裡面又唔係好多人，佢\地想做多幾檯就成日催人埋單，搞到人坐都坐得唔舒服。不過握介陽光十二菜，十二種蔬菜用上湯浸加大鑊上，好味。其他小菜都好唔錯，例如香橙骨，好吃好吃。