加記 (真善美大廈) (已結業)

星期六一行6人係度食飯, 叫左個旦黃蝦(唔sure 個菜名), d蝦有d梅, 唔得! 後尾想加送, 朋友suggest 雙菇扒芥菜膽, 但我唔食芥菜, 問侍應有無第款菜簡, 竟然答'無wor', 再問佢廚房得芥菜, 有無白菜or 小唐菜, "都有gei", 都未食完(仲住筷子), 侍應就走黎問'上糖水俾你地ar!" , 跟住又話'幫你埋左張單先', 已經同佢講話等我食完先啦, 轉頭已經遞張單埋黎, 雖然價錢係平, 但老實食物質素唔得, 再加咁既service, 趕客到暈啦

周末前夕跟幾個朋友打完波後，其中一位介紹到這裹一起晚膳，到達後發覺很多食客在門外等位，朋友已預早訂位但都要等十多分鐘才有吉枱。這飯店的装修看來古色古香很有特式，外表看似一間較高價的中菜館，但這兒的飯菜，價錢相宜且份量都很大，絕對超值抵食，難怪坐落在西營盤都高朋滿座、大排長龍。等候期間看見貼在店內、外牆上的菜單，店主將很多菜名以諧音都改成趣致的名字例如咪走鷄(米酒鷄)，非常有趣！午市的菜單上寫有套飯供應，而且有部份西式食品供應，選擇都唔少。等候時為省時間已預先落單，叫了咪走鷄、九里香骨、鮑菇扒菜膽等幾道菜。咪走雞–即米酒蒸雞糯米飯，糯米飯內混入唔少冬菇、紅棗、杞子和桂圓肉，飯面沒有落重醬油，味道不太咸，糯米飯內帶有極重糯米酒及鷄香味。雞肉鮮甜嬾滑，非常好味！咪走雞用巨形的盤上枱，一行要幾個人才吃得完，$88一大盤實在超值。九里香骨–味道帶有濃沃的蒜香味，排骨炸得很香口但仍封着肉汁，不似一般的炸排骨煑得似一條乾柴一殷。鮑菇扒菜膽–以鮑汁煑成，火侯剛剛好，保存菜本新嘅鲜味。服務方面，因太多客人不要要求太高，但尚算合格，店內有放有大圓枱及六人枱，有中、西酒供應，適合良朋共敍吃飯聊天，有機

天朗氣清，終於無落雨，決定同女友去我倆都喜歡但較遠的加記食晚飯，興致勃勃的去，卻...訂左6:00枱，唔想遲到，專登飛左$40蚊的士去，一坐低，發覺無左平時啲menu，侍應姐姐話由於將近父親節，只可叫有限的菜式，我同女友聽見已唔多高興，點解訂位時唔知會聲? 我倆一心黎食焗魚腸的...無咩選擇的情況下，女友破例比我叫一味唔多健康但我想試好耐的菜式~ 上湯芝士大蝦伊麵，滿心歡喜的叫，點知...一上枱，女友已嗅到好大陣味精味，食幾啖後已唔想食；d麵淡而無味，少少芝士味都無，勁似即食伊麵。D蝦本身幾彈口，都幾多同大隻，但卻被一層好厚的生粉漿包住，加上d獻汁好油好杰好味精，總之就好難食。最終我都食哂d蝦，費事浪費；伊麵就食淨一大半，愛莫能助。之不過今日有飯後果送-荔枝五粒，都幾甜，粒核仲好細。今晚食得頗為掃興，我嘅心情尤如用荔枝砌成嘅圖案(見圖3)。

遠道而來，打算一試砵仔魚腸。但魚腸份量少，雞蛋甚多，味道不太突出。希望大，失望更大.......

焗魚腸($48蚊)係我和男友係加記的第二最愛，食過五、六次，每次都非常滿意。焗魚腸主要材料有，魚腸(很多，清洗得十分乾淨，絕對唔腥)、蛋、果皮、少量油條。魚腸焗得十分乾身，個蛋皮脹卜卜，十分香脆，送飯一流！

星期日專登入西環食P和J都極之喜愛的「咪走雞」。十分期待因為超耐無食。「咪走雞」上台聲勢仍然震憾，依舊的超大份而且香噴噴。嘗過加記的「咪走雞」不下8次，最失色可算是這次了。糯米太濕太油；雞不肥美，而且斬得太碎。其實「咪走雞」做得不算差，只是比平日失色吧了！

今晚同屋企人嚟食飯，訂咗枱都要食第3輪(8:30pm)，可想而知好受歡迎。今晚8餸1湯，其中以雞糯米飯我最欣賞，雖然近日心情欠佳，都潻食咗兩碗，另外嗰個牛肉球都好食，裡面放咗D陳皮。份量好夠。質量亦非常好，值得推介。

午飯首選加記金牌炒飯，$38一碟大大的炒飯，有好多料(蝦、魷魚、魚、蝦子)。啲飯亦唔會太乾，很香口﹗但啲服務就一般，幾次幫襯侍應都要三催四請才把我要求嘅餐具送到．．．

話說我星期日(18/12)去左食.....去到覺得好似以前黎過....好似以前叫光記(新店)....朋友訂左7點15分4位....我地見冇野做...6點9就去左...報完名就去旁邊睇酒....俾支二鍋頭吸引住我....可惜冇人肯陪我飲.... 打消念頭....番番去多等一陣就有位了....一路入去一路睇人地食咩....好似好多野食喎....又好大碟...最尾入到最入的那張檯....周圍人都幾靜...係我地最嘈...唔理了....4個男人....叫野食先....例湯兩碗...千島排骨...米酒雞......班腩....豆苗....最後黎個牛肉球....冇得飲二鍋頭...啤酒一支自隊囉...好食....點好食...大部份人都講左啦....雞滑飯香...排骨外香內軟....魚冇醒...豆苗如常...係個牛肉黎得太遲....飽左先食佢兩舊就唔覺好得別....可能俾之前d好食野影響吧....加埋食剩約半碟野左右啦...我地好日都唔會去西區食野...俾我地浪費一次啦....入場前小姐同我朋友話我地要8點半還檯俾番佢.....正常丫...收我地幾多錢丫...唔通想佢執咩....但結果我地坐到9點幾.

本來打算去火井, 點知6點幾去到己經俾人book哂, 朋友話加記都唔錯, 咁咪去law, 去到好彩仲有位, 原來加記都幾出名架, 現場所見仲有好多熟客tim~~~叫左個米酒雞, 因為佢話係推介ma, 真係幾好食, 我個人覺得最好食唔係隻雞, 係糯米飯, o的飯好煙"un", 我地因為叫得太多野食唔哂, 打包左, 到第二日食依然好好味, 因為o的飯吸哂o的雞同酒味, 好好味~~~小炒皇: 拎過獎架, 但係我個人就覺得一般, 係o的帶子幾鮮就真~~~可以改善o既係佢地service, 因為我地今次係第一次去, 唔知個portion咁大, 所以四個人叫左三個菜, 重叫左兩碗糯米飯, 點知原來米酒雞己經有飯, 我地叫o個時其實佢可以提下我地, 點知冇.....

人地介紹話呢到正，特登黎試下。六點鐘未夠已經無位。小菜味道果然幾好。蒸魚腸唔腥有水準，十二菜有十二種菜，十分夠份量，用上湯浸正好帶出菜的清甜。一品煲有螺頭，鵝掌，菜等，味道都ＯＫ。豉油王鵝腸的水準最好，鵝腸不太肥而又爽口。最差就係班尾煲，魚肉唔夠新鮮所以有Ｄ霉；但整體黎講(飠送)菜咸淡調味恰到好處，可以把食物的原味發揮出來。另外送既糖水都好正。價錢方面真係平到唔信，值得再試。

加記係我同女友由未拍拖食到拍拖的地方, 我倆都超鍾意, P.J.係我同女友的簡稱, 今次個食評由佢操刀, 佢好少咁讚一間食店, 唔係講笑, 大家真係值得去試下加記, 服務態度, 食物質素, 價錢, 環境, 全部都好.加記- 我同男朋友自拍拖以嚟去得最多嘅店。推介菜式: 咪走雞–即蒸雞糯米飯，糯米飯唔似得出面嗰D咁肥膩，無臘肉，卻有冬菇、紅棗、紀子和龍眼肉。極重酒味，但調味料不多，啱哂怕咸嘅我。雞肉鮮甜，嬾滑且油潤，好味！但係portion實在是太巨形了，4個大男人都夠食，$88實在超值。手剁銅盆蒸牛肉球–很碼有十至十二粒，仲要係超大粒！牛肉沒有外間的死實，咬開裡面睛粉紅色，十分鮮嬾。($48)南瓜扇貝肉圓煲-大都唔可以相信，食極唔見底。南瓜同扇貝並唔係主角，豬肉圓先係。肉圓超彈牙，口感有d似做得好嘅魚蛋，真係令人越食越想食。($48)雞dun 翅-連食盡天下美食嘅Daddy都話有水準。湯清甜，我差唔多食哂成隻煲湯雞咁滯，又縲肉，又雞腳，個湯唔甜就假!心水推介!!!!

這店的小菜味道確係唔錯, 用料新鮮之餘, 亦係抵食夾大碟. 但黎食的朋友要有心理準備要俾人催埋單(如果食得快就無問題), 因為只會有一個鍾頭多d的時間俾你食, 過左咁上吓就會有人叫你埋左張單先. 我試過幾次見到有人為左呢樣野同伙記嘈, 其實嘈都無謂, 黎呢道食就預左係咁, 要接受佢地的做法, 如果接受唔到就咪黎食, 費事激襯自己!

古法蒸走地雞, 是我第一次食到毫無「老」、「」的蒸雞, 味道口感俱佳。不過, 服務真的欠佳, 因為客人太多而趕客(雖然我沒有遇到, 但卻看到店員這樣做), 真的抵打。客人有權慢慢坐、慢慢食, 希望店主留意。

之前住係西環，間不時都有去食．最欣賞係侍應服務，好有禮貌好親切！午市去食，叫一個炒飯兩個人都夠晒食有突！晚市去食小菜都ｏｋ，味道唔錯，又夠大碟．特別係果ｄ煲類，好大煲．ｄ野食唔晒又可以打包，好抵食呀！